Widiꞌzh nazhon cheꞌn Jesukrist, kwaꞌn mizobniꞌ Mark
Juan xaꞌ nililëiꞌ men leꞌn nits
1
Seꞌ nguzublo widiꞌzh nazhon cheꞌn Dios por Jesukrist,
Me nak Xgaꞌn Dios.
San Marcos 1:1-20
Biwiꞌ,
nzhab Dios lo Xgaꞌn Me,
dilant lol xëla tu xaꞌ diꞌzh por Lu,
par kuxkwaꞌ xaꞌ nez dedal.
3 Lo yuo bizh,
naye diꞌzh xaꞌ reꞌ lo rë men:
“Bizuxkwaꞌ go nez cheꞌn Dios,
nali laka bileꞌ go nez ro cheꞌn Me.”
4 Kuzeꞌ nguio Juan leꞌn yuo bizh,
nililëiꞌ Juan men leꞌn nits,
nu nzhab Juan:
―Bilaꞌ go rë kwaꞌn gat lëꞌ nak go,
orzeꞌ goklëiꞌ go par luꞌ go,
walika milaꞌ go kwaꞌn nak go,
nes par cheꞌ Dios rë kwaꞌn nzëꞌb xki go.
5 No rë men xaꞌ nzë lazh men Judea,
kun rë men yezh Jerusalén,
ngwa bixaꞌ lo Juan,
ngwaxoꞌbdol bixaꞌ,
orzeꞌ mililëiꞌ Juan bixaꞌ leꞌn youꞌ Jordán.
6 No xab Juan nakxaoꞌ yich cheꞌn kamey,
mbaino naziꞌ tu yid laxtoꞌ xaꞌ;
no kwaꞌn nzhao xaꞌ nak rë ma nela xanch gaꞌ no mizhin ser.
7 No seꞌ kidiꞌzh Juan widiꞌzh cheꞌn Dios,
nzhab Juan:
―Xaꞌ nzadkë ticha más tsak xaꞌ lon;
no ni gat ñal da,
ziꞌ xaꞌ da nela tu mos gaꞌ.
8 Na mililëiꞌ go kun nits,
per xaꞌ nzë reꞌ liꞌlëiꞌ go kun Sprit cheꞌn Dios.
Juan mililëiꞌ Jesús leꞌn nits
9 Leꞌn rë ngubizh zeꞌ nguroꞌ Jesús yezh Nazaret,
kwaꞌn ñaꞌn lo yuo cheꞌn men Galilea,
par liꞌlëiꞌ Juan Me youꞌ Jordán,
10 no or nguroꞌ Jesús leꞌn nits,
une Jesús mixaꞌl lo yibëꞌ,
no ngula Sprit cheꞌn Dios yek Me nela tu palom gaꞌ.
11 Lëꞌchi nguroꞌ tu widiꞌzh lo yibëꞌ kwaꞌn nzhab:
―Lu Xgaꞌna xaꞌ nazhiꞌ da;
nizak laxtoꞌn por Lu.
Ngokla Mizhab ngakide Jesús
12 Orzeꞌ tuli mbiꞌy Sprit cheꞌn Dios Jesús leꞌn yuo bizh.
13 Zeꞌ nguio Me choꞌ ngubizh no choꞌ yëꞌl xid rë ma nazheꞌb kwaꞌn nzho dan;
zeꞌ plo ngokla Mizhab ngakide Jesús,
no lëꞌ rë ganj cheꞌn Dios mizaꞌ kwaꞌn nakiꞌn Jesús.
Nguzublo Jesús kileꞌ zhiꞌn nazhon cheꞌn Xuz Me Dios
14 No or nzho Juan lizhyiꞌb,
nguiubre Jesús par lazh men Galilea,
plo kidiꞌzh Me widiꞌzh nazhon cheꞌn Dios par ne men xmod yo men plo nileꞌ Dios mandad,
15 nzhab Me:
―Mizhin la zhë ne men xmod gak men,
men cheꞌn Dios;
kuzeꞌ bilaꞌ go rë kwaꞌn gat lëꞌ nak go,
no wayila go widiꞌzh nazhon reꞌ.
Ngurezh Jesús primer men cheꞌn Me
16 No tu ngubizh dub nzhaded Jesús roꞌ lagún kwaꞌn ñaꞌn lazh men Galilea,
zeꞌ une Me rop wech xaꞌ reꞌ,
Simón no Ndres;
kigubi bixaꞌ yex leꞌn nits par zen bixaꞌ mbël,
porke kureꞌ zhiꞌn cheꞌn bixaꞌ,
17 orzeꞌ nzhab Jesús:
―Diꞌkë go ticha,
porke dizde nal,
len,
lëꞌ go kan men lugar di mbël.
18 No tuli nzhakë bixaꞌ tich Jesús or mbin bixaꞌ kureꞌ,
milaꞌ bixaꞌ yex cheꞌn bixaꞌ.
19 No xcheꞌp dilant zeꞌ une Jesús Jakob xgaꞌn Zebedeo,
no wech xaꞌ Juan,
rop xaꞌ reꞌ nzob leꞌn bark,
kizuxkwaꞌ bixaꞌ yex cheꞌn bixaꞌ,
20 orzeꞌ tuli ngurezh Jesús bixaꞌ,
milaꞌ bixaꞌ Zebedeo xuz bixaꞌ leꞌn bark kun rë mos cheꞌn xaꞌ,
no lëꞌ bixaꞌ nzhakë tich Jesús.
Tu miyiꞌ nzho tu mbi mal laxtoꞌ
21 Or mizhin bixaꞌ yezh Capernaúm,
zhë kwaꞌn nayiꞌ kë rë men Israel zhiꞌn,
nguio Jesús leꞌn yoꞌ plo nitseꞌd bixaꞌ widiꞌzh cheꞌn Dios,
orzeꞌ nguzublo kiluꞌ Me widiꞌzh cheꞌn Dios lo rë men nzhin zeꞌ.
San Marcos 1:21-45
22 Xe miaꞌn rë men zeꞌ tuli por kwaꞌn kiluꞌ Jesús,
porke kidiꞌzh Me nela men nileꞌ ka mandad gaꞌ,
no tlëꞌt nela rë men xaꞌ niluꞌ leye.
23 Lëꞌchi zeꞌ nzo tu miyiꞌ,
nzho tu mbi mal laxtoꞌ,
naye nguruꞌzhië miyiꞌ reꞌ,
nzhab xaꞌ:
24 ―¿Kwan nizakal kun no,
Jesús kwaꞌn nzë Nazaret?
¿Chi nzël par loꞌxal no?
¡Na nane ka cho lu,
Lu nak xaꞌ Nazhon cheꞌn Dios!
25 Orzeꞌ nzhab Jesús:
―¡Kiex,
bitsaoꞌ roꞌl,
no guroꞌ laxtoꞌ miyiꞌ reꞌ!
26 Orzeꞌ mileꞌ mbi mal zeꞌ mikao miyiꞌ reꞌ,
no nguruꞌzhyëi naye,
orzeꞌ nguroꞌtine.
27 Rë men xe miaꞌn por kwaꞌn ngok reꞌ,
mbaino kidiꞌzh bixaꞌ:
―¿Kwan kureꞌ?
Kwaꞌn mileꞌ xaꞌ baꞌ niluꞌ,
lëꞌ xaꞌ nak tu xaꞌ walika nileꞌ mandad,
porke,
¡haxta nu rë mbi mal nzhon roꞌ xaꞌ!
28 Orzeꞌ nayen laka nguxoꞌb diꞌzh,
rë kwaꞌn nileꞌ Me,
rë yezh kwaꞌn nzhin nakaꞌn lazh men Galilea.
Miliyak Jesús xnaꞌzhaꞌp Simón
29 No or nguroꞌ Me leꞌn yoꞌ plo nitseꞌd men widiꞌzh cheꞌn Dios,
tuli nzha Me par lizh Simón plo nak ska lizh Ndres,
no Jakob kun Juan nzha kun lëꞌ Me.
30 No lëꞌ xaꞌzhaꞌp Simón nax kun xlëꞌ,
orzeꞌ lwegaꞌ nzhab bixaꞌi lo Jesús.
31 Orzeꞌ nguzubi Jesús,
nguzen Me yaꞌ xaꞌ unaꞌ reꞌ par ngwaxche xaꞌ,
orzeꞌ tuli nguroꞌ xlëꞌ xaꞌ,
mbaino lëꞌ xaꞌ mizaꞌ kwaꞌn ndao rë xaꞌ reꞌ.
Miliyak Jesús nayax men nzhakne
32 No mizhël la lyuo ngwaꞌz la ngubizh,
rë xaꞌ yezh zeꞌ ngwanu rë men nzhakne,
no rë xaꞌ kwaꞌn nzho mbi mal laxtoꞌ lo Jesús par yak bixaꞌ.
33 Rë bixaꞌ migwaꞌ roꞌ yoꞌ plo nzo Jesús,
34 orzeꞌ miliyak Jesús nayax rë xaꞌ nizak rë lo yalyizh,
no nguloꞌ Me mbi mal laxtoꞌ nayax men,
per nangalaꞌt Jesús ngadiꞌzh rë mbi zeꞌ,
porke nzhakbeꞌi cho nak Jesús.
Miluꞌ Jesús widiꞌzh cheꞌn Dios lo rë men yezh Galilea
35 No xtu riyëꞌl,
garziꞌl laka,
nakao raꞌ;
nguroꞌ Jesús par nzhadiꞌzh Me tu lad lo Dios plo yent cho nak.
36 No Simón kun rë xaꞌ nzo kun lëꞌ xaꞌ,
nzhakwaꞌn bixaꞌ Jesús,
37 no or une bixaꞌ plo nzo Me,
nzhab bixaꞌ lo Me:
―Rë men reꞌ kizikwaꞌn go.
38 Orzeꞌ nzhab Jesús:
―Chaꞌo nzha be rë yezh kwaꞌn ñaꞌn gax reꞌ,
par dizha widiꞌzh nazhon cheꞌn Dios rë zeꞌ;
par kuzeꞌ ka nzhala reꞌ.
39 Orzeꞌ nkizë Jesús rë yezh kwaꞌn ñaꞌn lazh men Galilea,
par ngwaluꞌ Me widiꞌzh cheꞌn Dios leꞌn rë yoꞌ plo nitseꞌd men widiꞌzh cheꞌn Dios,
mbaino nguloꞌ Me rë mbi mal laxtoꞌ rë men.
Miliyak Jesús tu men xaꞌ nizak yalyizh kwaꞌn lë lepra
40 No zeꞌ nguzubi tu men lo Jesús,
xaꞌ reꞌ nizak yalyizh kwaꞌn lë lepra,
no nguzuxib xaꞌ reꞌ par minaꞌb xaꞌ lo Jesús,
nzhab xaꞌ:
―Chi lëꞌo nzhaklai,
gak liyak go da.
41 Dox milats laxtoꞌ Jesús xaꞌ reꞌ,
orzeꞌ migal Me xaꞌ,
mbaino nzhab Me:
―Nzhaklan yakal;
lëꞌl miakla.
44 ―Biwiꞌ,
yent cho lo gable,
nab tsa wa lo ngulëiꞌ par ne xaꞌi,
no bizaꞌ gon kwaꞌn nzobniꞌ lo ley kwaꞌn milaꞌ Dios lo Muisés por yalyizh cheꞌnal kwaꞌn miak baꞌ,
par gon xtu mene.
45 Per miyiꞌ reꞌ,
laore nguroꞌ xaꞌ nez,
tuli ka mixoꞌbdiꞌzh xaꞌi,
orzeꞌ rë plo mireꞌche,
kuzeꞌ nangaktraꞌ ngayo Jesús rë yezh dub niwiꞌ men.
Por kubaꞌ miaꞌn Me plo yent cho nak,
per ni kun ter,
rë plo nguroꞌ men,
nzha bixaꞌ lo Jesús.