Nguzenbeꞌ Mizhab Jesús
4
Or nguio Sprit cheꞌn Dios laxtoꞌ Jesús,
mbiꞌy Sprit Jesús plo más zit leꞌn yuo bizh par nabei chi zileꞌ Mizhab gan kide Jesús.
2 Nzhala choꞌ ngubizh no choꞌ yëꞌl di nzo Me zeꞌ,
dub orzeꞌ gat gao Me,
orzeꞌ dox milaꞌn Me.
3 Lëꞌchi nguzubi Mizhab par zenbeꞌ Mizhab Jesús (wiꞌ Mizhab xmod nak Jesús),
nzhab Mizhab:
―Chi walika Lu nak Xgaꞌn Dios,
bileꞌ ke reꞌ gake yët gawal.
4 Orzeꞌ nzhab Jesús:
―Seꞌ nzobniꞌ lo Yech cheꞌn Dios:
“Gat lëꞌt nab yët gak gao men par ban men;
nab tsa kun widiꞌzh kwaꞌn niroꞌ roꞌ Dios gak ban men.”
―Chi walika nakal Xgaꞌn Dios,
bilaꞌ gabal dizde reꞌ haxta lo yuo;
nela nzobniꞌ ka lo Yech cheꞌn Dios:
“Xëꞌl Me rë ganj cheꞌn Me par kinal,
no zen rë ganj yaꞌl par nayachinal lo ke.”
7 Per nzhab Jesús:
―Nuska nzobniꞌ lo Yech cheꞌn Dios:
“Nazenbeꞌtal Dios cheꞌnal,
Me nileꞌ mandadal.”
8 Lult mbiꞌy Mizhab Jesús yek tu yiꞌ dox kwaꞌro;
di zeꞌ miluꞌ Mizhab rë nak lazh men,
plo nzhin men yizhyuo,
mbaino rë kwaꞌn tsak cheꞌn bixaꞌ,
9 no nzhab Mizhab:
―Na ne rë nak kureꞌ kaꞌl,
chi lëꞌl ne,
nazhon da,
mbaino zuxibal xan niꞌn haxta gal lol lo yuo.
10 Orzeꞌ nzhab Jesús:
―¡Yubchi lon,
Mizhab!
Nela nzobniꞌ ka lo Yech cheꞌn Dios:
“Nabtsa lo Dios,
Me nileꞌ mandadal,
diꞌzhal nazhon Me,
mbaino gonal roꞌ Me.”
11 Orzeꞌse nguiubchi Mizhab lo Jesús,
lëꞌchi nguzubi pla ganj cheꞌn Dios,
mizaꞌ rë kwaꞌn nakiꞌn Jesús.
Nguzublo kileꞌ Jesús zhiꞌn nazhon cheꞌn Xuz Me Dios
12 Or mbin Jesús,
lëꞌ Juan nzho lizhyiꞌb,
nzha Me lazh men Galilea.
13 Milaꞌ Me yezh Nazaret,
ña Me yezh Capernaúm,
kwaꞌn nzhin roꞌ lagún plo nazhëꞌl rë men yezh Zabulón no rë men yezh Neftalí,
14 Seꞌ ngok rë kwaꞌn mizobniꞌ Isaías,
xaꞌ midiꞌzh por Dios,
or nzhab xaꞌ:
15 Bin goi,
men yezh Zabulón,
mbaino men yezh Neftalí,
kwaꞌn nzhin al nez roꞌ nitsdoꞌ
al xtu roꞌ youꞌ Jordán;
no bin goi,
rë men yezh Galilea,
rë xaꞌ gat lëꞌt men Israel:
16 Ter naban go lo nakao,
per lëꞌ tu ki ro zini lo go;
rë go xaꞌ dox nizheb gat mbaino lox lo Dios.
17 No dizde orzeꞌ nguzublo kidiꞌzh Jesús lo rë men,
nzhab Me:
―Bilaꞌ go rë kwaꞌn gat lëꞌ nak go lo Dios;
lëꞌ nzhazhin la gak go men cheꞌn Dios.
Jesús ngule tap miyiꞌ par gak men cheꞌn Me
18 Dub nikizë Jesús roꞌ nits kwaꞌn ñaꞌn lazh men Galilea,
une Me rop wech tu miyiꞌ.
Tu xaꞌ lë Simón Per,
mbaino xtu xaꞌ lë Ndres.
Zhiꞌn cheꞌn bixaꞌ nizen bixaꞌ mbël,
no mer ngulubi bixaꞌ yex leꞌn nits par zen bixaꞌ mbël,
19 lëꞌchi nzhab Jesús lo bixaꞌ:
―Dikë go ticha,
na le kan go men nela mbël gaꞌ.
20 Tuli milaꞌ bixaꞌ rë yex kwaꞌn nizen bixaꞌ mbël,
nzhakë bixaꞌ tich Jesús.
21 No nguzë Jesús xcheꞌp,
une Me rop wech xchop miyiꞌ,
tu xaꞌ lë Jakob no xtu xaꞌ lë Juan,
xuz bixaꞌ lë Zebedeo;
nzho bixaꞌ leꞌn bark kun xuz bixaꞌ,
kiliwen bixaꞌ rë yex kwaꞌn nizen bixaꞌ mbël.
Orzeꞌ ngurezh Jesús bixaꞌ.
22 Mbaino tuli milaꞌ bixaꞌ xuz bixaꞌ leꞌn bark,
lëꞌ bixaꞌ nzhakë tich Jesús.
Jesús kiluꞌ widiꞌzh cheꞌn Dios lo nayax men
23 No dub lazh men Galilea,
nikizë Jesús,
kiluꞌ Me widiꞌzh cheꞌn Dios leꞌn rë yoꞌ plo nitseꞌd men widiꞌzh cheꞌn Dios,
kidiꞌzh Me xmod leꞌ men,
gak men,
men cheꞌn Dios;
mbaino miliwen Me rë lo yalyizh no rë yalne kwaꞌn kinu rë men.
24 No dub lazh men Siria nguxoꞌb xtiꞌzh Jesús,
ngwanu rë men lo Jesús rë xaꞌ nzhakne,
wanei cho yalyizh nizak bixaꞌ,
mbaino cho yalne kinu bixaꞌ;
rë xaꞌ nzho mbi mal laxtoꞌ no rë xaꞌ nizak yalyizh nikao,
mbaino rë xaꞌ nizak yalyizh kwaꞌn nagakt win men;
rë bixaꞌ miliwen Jesús.
25 Dox tu bëd men nzhakë tich Jesús:
men Galilea no rë men yezh Decápolis,
no nu rë men yezh Jerusalén,
mbaino rë men yezh Judea,
kun rë men xaꞌ nzë xtu roꞌ youꞌ Jordán;
rë men reꞌ nzhakë tich Jesús.