Widiꞌzh cheꞌn Juan xaꞌ mililëiꞌ men
3
Or nzha chiꞌn liꞌn nak Tiberio César rey lo rë men Roma,
lëꞌ Pons Pilat nak gobiernador lo rë men Judea;
no Herodes nak gobiernador lo rë men Galilea;
lëꞌ wech xaꞌ Lip nake lo rë men Iturea no lo rë men Traconite;
mbaino lëꞌ Lisanias nak gobiernador lo rë men Abilinia.
San Lucas 3:1-20
2 Leꞌn mis rë ngubizh zeꞌ,
lëꞌ Anás no Caifás nak ngulëiꞌ ro.
Orzeꞌ midiꞌzh Dios lo Juan,
xgaꞌn Zacarías or nzho xaꞌ leꞌn yuo bizh.
3 Nguzublo Juan nded xaꞌ rë yezh kwaꞌn ñaꞌn plo nak youꞌ Jordán,
kiyab xaꞌ lo rë men,
nakiꞌn laꞌ bixaꞌ rë kwaꞌn gat lëꞌ nileꞌ bixaꞌ,
orzeꞌ gaklëiꞌ bixaꞌ leꞌn nits par luꞌ,
walika milaꞌ bixaꞌ kwaꞌn nak bixaꞌ,
nes par cheꞌ Dios rë kwaꞌn nzëꞌb xki bixaꞌ.
4 Kureꞌ ngok nela xmod midiꞌzh ka Isaías,
tu xaꞌ midiꞌzh por Dios,
or nzhab xaꞌ:
Gon go tu men nzo leꞌn yuo bizh,
kidiꞌzh xaꞌ naye:
“Bizuxkwaꞌ go laxtoꞌ go par yo Dios laxtoꞌ go,
naleꞌtraꞌ go kwaꞌn gat lëꞌ,
5 porke rë men nadoꞌ,
lëꞌ Dios leꞌ gak xaꞌ men tsak,
per rë xaꞌ nileꞌ xigab dox tsak xaꞌ,
lëꞌ Dios leꞌ,
cheꞌptsa zi xaꞌ lo men.
Rë men nikizë nez gat lëꞌ,
nakiꞌn ban xaꞌ nali,
no rë xaꞌ diꞌzhyix,
nakiꞌn diꞌzh xaꞌ kwaꞌn ñal,
6 mbaino rë men yizhyuo libeꞌ xaꞌ kwaꞌn xëꞌl Dios,
par koꞌ men lo rë kwaꞌn nazheꞌb nzho bixaꞌ.”
7 No or nzha men par gaklëiꞌ men leꞌn nits lo Juan,
per nzhab Juan lo bixaꞌ:
―¡Rë go,
men nakap,
xaꞌ nak nela mbëꞌl nayiꞌ gaꞌ!
¿Cho ne lo go,
nab por gaklëiꞌ go,
leꞌ go gan lo kwaꞌn nazheꞌb kwaꞌn xëꞌl Dios par rë men kwaꞌn nzëꞌb xki lo Me?
8 Nal biluꞌ go walika,
milaꞌ go rë kwaꞌn gat lëꞌ nileꞌ go.
Mbaino nagabt go por nzë go ben cheꞌn Abraham,
xmëꞌd Dios go,
porke Dios gak leꞌ kun rë ke nzhin reꞌ,
gake xaꞌ nzë ben cheꞌn Abraham,
9 porke rë go nak nela rë ya kwaꞌn nazuꞌt gaꞌ.
Kuzeꞌ biwiꞌu,
lëꞌ yiꞌb ya nzo la list par choꞌ haxta rë luch cheꞌn rë nak ya kwaꞌn gat nizaꞌt xlë wen,
orzeꞌ yubiy par yoi lo ki.
10 Orzeꞌ nzhab rë men lo Juan:
―Nal,
¿kwan nakiꞌn leꞌ no?
11 Orzeꞌ nzhab Juan:
―Rë xaꞌ kinu chop nez xab,
nakiꞌn zaꞌ xaꞌ tube kaꞌ xaꞌ kwaꞌn gat kinute,
mbaino xaꞌ kinu kwaꞌn gao,
nakiꞌn kiꞌz xaꞌi,
gao xtu xaꞌ gat kinute.
12 No ngwa pla xaꞌ nikan dimi cheꞌn gubier Roma lo Juan par gaklëiꞌ bixaꞌ,
mbaino nzhab bixaꞌ lo Juan:
―Maestr,
no gaꞌ,
¿kwan nakiꞌn leꞌ no?
13 Orzeꞌ nzhab Juan:
―Gunaꞌb go dimi kwaꞌn ñal naꞌb go namás,
nanaꞌbt goi di más.
14 No nu pla sondad gunabdiꞌzh,
nzhab bixaꞌ:
―Mbaino no gaꞌ,
¿kwan nakiꞌn leꞌ no?
Orzeꞌ nzhab Juan:
―Nalat go dimi jwers lo men,
no ni nakëꞌ go kixuꞌ men;
mbaino bizak laxtoꞌ go kun kwaꞌn nzhax kaꞌ go namás.
15 No nal,
rë xaꞌ kwaꞌn dox xigab nileꞌ,
pok xëꞌl Dios Krist;
mileꞌ bixaꞌ xigab paste lëꞌ Juan nak Krist,
16 per nzhab Juan lo rë men:
―Walika,
nililëiꞌya men leꞌn nits namás,
per xtu xaꞌ yiꞌd más tsak lon.
Per ni gat ñal da gak da tu mos cheꞌn xaꞌ,
porke yent kwan tsak da par lëꞌ xaꞌ.
Xaꞌ reꞌ liꞌlëiꞌ go kun Sprit cheꞌn Dios,
no kun bël.
17 No lëꞌ Me nzen la kwaꞌn par tsumbe Me triu,
par kiꞌb Me yix leꞌne.
No kan Me triu par kuchaoꞌ Mei leꞌn yoꞌ,
no lëꞌ yix kwaꞌn yiꞌb leꞌne,
kubi Me leꞌn bël kwaꞌn nayot yal.
18 Seꞌ midiꞌzh Juan lo rë men,
no kun más rë widiꞌzh par nzhab xaꞌ xmod koꞌ Dios men lo rë kwaꞌn nazheꞌb nzho men.
19 No nu ndil Juan Herodes,
xaꞌ nileꞌ mandad lazh men Galilea,
por kinu xaꞌ Herodías,
unaꞌ cheꞌn wech xaꞌ Lip,
no por más rë kwaꞌn gat lëꞌ kwaꞌn nak Herodes.
20 No xid rë kwaꞌn gat lëꞌ kwaꞌn mileꞌ Herodes,
mileꞌ xaꞌ xtu kureꞌ;
ngulo xaꞌ Juan lizhyiꞌb.
Ngoklëiꞌ Jesús leꞌn nits
21 No or kililëiꞌ Juan men leꞌn nits,
nu Jesús ngoklëiꞌ lo Juan;
no dub kinaꞌb Jesús lo Dios,
mixaꞌl lo yibëꞌ,
San Lucas 3:21-38
22 orzeꞌ miluꞌ ngula Sprit cheꞌn Dios yek Jesús nela tu palom gaꞌ,
no mien tu widiꞌzh lo yibëꞌ kwaꞌn nzhab seꞌ:
―Lu nak Xgaꞌna,
kwaꞌn nazhiꞌ da;
mbaino dox nizak laxtoꞌn,
niwiꞌn lol.
Ben cheꞌn rë men reꞌ nzë Jesús
23 Nzhap Jesús gal bichiꞌ liꞌn or nguzublo nkë Jesús zhiꞌn nazhon cheꞌn Dios.
Nzhab men,
lëꞌ Che ngok xuz Jesús,
lëꞌ Elí ngok xuz Che.
24 Lëꞌ Matat ngok xuz Elí,
lëꞌ Leví ngok xuz Matat,
lëꞌ Melqui ngok xuz Leví,
lëꞌ Jana ngok xuz Melqui,
lëꞌ Che ngok xuz Jana,
25 lëꞌ Matatías ngok xuz Che,
lëꞌ Amós ngok xuz Matatías,
lëꞌ Nahum ngok xuz Amós,
lëꞌ Esli ngok xuz Nahum,
lëꞌ Nagai ngok xuz Esli,
26 lëꞌ Maat ngok xuz Nagai,
lëꞌ Matatías ngok xuz Maat,
lëꞌ Semei ngok xuz Matatías,
lëꞌ Che ngok xuz Semei,
lëꞌ Judá ngok xuz Che,
27 lëꞌ Joana ngok xuz Judá,
lëꞌ Resa ngok xuz Joana,
lëꞌ Zorobabel ngok xuz Resa,
lëꞌ Salatiel ngok xuz Zorobabel,
lë Neri ngok xuz Salatiel,
28 lëꞌ Melqui ngok xuz Neri,
lëꞌ Adi ngok xuz Melqui,
lëꞌ Cosam ngok xuz Adi,
lëꞌ Elmodam ngok xuz Cosam,
lëꞌ Er ngok xuz Elmodam,
29 lëꞌ Josué ngok xuz Er,
lëꞌ Elieser ngok xuz Josué,
lëꞌ Jorim ngok xuz Elieser,
lëꞌ Matat ngok xuz Jorim,
30 lëꞌ Leví ngok xuz Matat,
lëꞌ Simeón ngok xuz Leví,
lëꞌ Judá ngok xuz Simeón,
lëꞌ Che ngok xuz Judá,
lëꞌ Jonán ngok xuz Che,
lëꞌ Eliaquim ngok xuz Jonán,
31 lëꞌ Melea ngok xuz Eliaquim,
lëꞌ Mainán ngok xuz Melea,
lëꞌ Matata ngok xuz Mainán,
lëꞌ Natán ngok xuz Matata.
32 Lëꞌ Dabi ngok xuz Natán,
lëꞌ Isaí ngok xuz Dabi,
lëꞌ Obed ngok xuz Isaí,
lëꞌ Booz ngok xuz Obed,
lëꞌ Salmón ngok xuz Booz,
lëꞌ Naasón ngok xuz Salmón,
33 lëꞌ Aminadab ngok xuz Naasón,
lëꞌ Aram ngok xuz Aminadab,
lëꞌ Esrom ngok xuz Aram,
lëꞌ Fares ngok xuz Esrom,
lëꞌ Judá ngok xuz Fares,
34 lëꞌ Jakob ngok xuz Judá,
lëꞌ Isaac ngok xuz Jakob,
lëꞌ Abraham ngok xuz Isaac,
lëꞌ Taré ngok xuz Abraham,
lëꞌ Nacor ngok xuz Taré,
35 lëꞌ Serug ngok xuz Nacor,
lëꞌ Ragao ngok xuz Serug,
lëꞌ Peleg ngok xuz Ragao,
lëꞌ Heber ngok xuz Peleg,
lëꞌ Sala ngok xuz Heber,
36 lëꞌ Cainán ngok xuz Sala,
lëꞌ Arfaxad ngok xuz Cainán,
lëꞌ Sem ngok xuz Arfaxad,
lëꞌ Noé ngok xuz Sem,
lëꞌ Lamec ngok xuz Noé,
37 lëꞌ Matusalén ngok xuz Lamec,
lëꞌ Enoc ngok xuz Matusalén,
lëꞌ Jared ngok xuz Enoc,
lëꞌ Mahalaleel ngok xuz Jared,
lëꞌ Cainán ngok xuz Mahalaleel,
38 lëꞌ Enós ngok xuz Cainán,
lëꞌ Set ngok xuz Enós,
lëꞌ Adán ngok xuz Set,
lëꞌ Dios ngok xuz Adán.