Widiꞌzh nazhon cheꞌn Jesukrist, kwaꞌn mizobniꞌ Juan lo yech
Lëꞌ Widiꞌzh cheꞌn Dios ngok tu men
1
Ni naga yo yizhyuo,
lëꞌ Widiꞌzh cheꞌn Dios ya nzho la;
no kun Dios nzho Widiꞌzh zeꞌ no yub Dios nak Widiꞌzh zeꞌ.
2 Dizde orzeꞌ,
lëꞌ Me reꞌ ya nzho la kun Dios.
La Palabra (Juan 1.1-18)
3 Por lëꞌ Me reꞌ ngulo Dios rë nak kwaꞌn,
orzeꞌ rëi nguio;
no chi gat lëꞌ por lëꞌ Me reꞌi,
yent kwan ngayo.
4 Por lëꞌ Me reꞌ nzho yalnaban kun Dios par rë men,
no lëꞌ yalnaban kwaꞌn kinu Me reꞌ nak ki par rë men.
5 Lëꞌ ki reꞌ nizini lo nakao,
mbaino nagakt tsiyal nakao ki reꞌ.
6 Nguio tu xaꞌ nguruꞌlë Juan.
Dios mixëꞌl xaꞌ reꞌ
7 par midiꞌzh xaꞌ kwent cheꞌn Me nak Ki reꞌ,
par yila rë men widiꞌzh cheꞌn Me reꞌ por kwaꞌn midiꞌzh Juan lo men.
8 Gat lëꞌt Juan nak Ki reꞌ,
per mbiꞌd Juan par miluꞌ xaꞌ lo men cho xaꞌ nak Ki reꞌ.
9 Ki kwaꞌn nizini lo rë men yizhyuo reꞌ,
lëꞌ Ki reꞌ nzhazhin la gax yizhyuo reꞌ.
10 Lëꞌ Me nak Ki reꞌ,
miban Me yizhyuo reꞌ,
no por Me reꞌ nguio yizhyuo reꞌ;
per rë men yizhyuo nangalibeꞌt bixaꞌ Me nak Ki reꞌ.
11 Mbiꞌd Me reꞌ lo rë men Israel,
xaꞌ nak melazh Me,
per rë men reꞌ nangalibeꞌt bixaꞌ Me nak Ki reꞌ.
12 Per par rë xaꞌ ñila widiꞌzh cheꞌn Me no rë xaꞌ nzhon roꞌ Me reꞌ,
mileꞌ Me ngok bixaꞌ xmëꞌd Dios.
13 Rë xaꞌ reꞌ Dios mileꞌ bixaꞌ xmëꞌd Dios;
per or ngol rë xaꞌ reꞌ,
nangalnut bixaꞌ kureꞌ,
sino por xigab cheꞌn Dios mileꞌ Dios bixaꞌ xmëꞌd Dios.
14 Kuzeꞌ lëꞌ Me nak Widiꞌzh reꞌ ngol nela xmod nzhalka tu men seꞌga,
no miban Me reꞌ xid no,
no une no yalnazhon cheꞌn Me,
yalnazhon kwaꞌn nab tsa Me nak Xgaꞌn Xuz be Dios.
No miluꞌ Me haxta plo nazhiꞌ Dios be mbaino xmod paꞌ nak Dios.
15 Juan midiꞌzh lo rë men por kwent cheꞌn Jesús;
seꞌ midiꞌzh Juan naye lo rë men:
―Lëꞌ Me reꞌ,
Me mizeta lo go or nin:
“Lëꞌ Me nzadkë ticha reꞌ más tsak lon,
porke ni naga gal da,
lëꞌ Me nzho la.”
16 Mileꞌ Me,
kad no kinu yalnaban nela lëꞌ Me gaꞌ,
no tich guchin kwaꞌn nazhon nixëꞌl Me par no zilitaꞌ.
17 Por Muisés mileꞌ Dios milibeꞌ men Ley;
per por Jesukrist,
mileꞌ Dios milibeꞌ be dox nazhiꞌ Dios be,
no xmod paꞌ nak Dios.
18 Laltaꞌ yent cho gat ne Dios;
nab tsa Xgaꞌn Dios nane,
Me nak yub Dios no Me nzho tutsa kun Dios;
lëꞌ Me reꞌ miluꞌ lo be xmod nak Dios.
Nzhab Juan lo rë men cho nak Jesús
19 Xaꞌ nzo lo rë men Israel xaꞌ nzho yezh Jerusalén,
mixëꞌl bixaꞌ pla ngulëiꞌ kun pla levita par minaꞌbdiꞌzh bixaꞌ cho nak Juan.
Juan el Bautista identifica al Mesías (Juan 1.19-34)
―Gat lëꞌt da nak Krist xaꞌ nak diꞌzh yiꞌd.
21 Orzeꞌ nzhab bixaꞌ lo Juan:
―¿Cho ska lux,
mbaino kwan nakal?
¿Chi lu profet Li,
xaꞌ midiꞌzh por Dios nzhala?
Orzeꞌ nzhab Juan:
―Gat lëꞌt dai.
Orzeꞌ nzhab bixaꞌ xtu wëlt:
―¿Chi lu profet xaꞌ nzobniꞌ lo Yech cheꞌn Dios,
xaꞌ nak diꞌzh yiꞌd zeꞌ?
Orzeꞌ unkab Juan:
―Gat lëꞌt dai.
22 —¿Orzeꞌ cho ska lux,
mbaino kwan ka nakalx?
—nzhab bixaꞌ —porke lëꞌ no nakiꞌn yayab noi lo rë xaꞌ mixëꞌl no.
Kuzeꞌ,
bine cho lux.
23 Orzeꞌ nzhab Juan:
―Na nak tu xaꞌ nibizhyë naye leꞌn yuo bizh,
nela xmod midiꞌzh ka profet Isaías por Dios:
“Bitsimbe go laxtoꞌ go par yila go Dios.”
―No chi gat nakal ni Krist,
no ni Li,
no ni profet xaꞌ nak diꞌzh yiꞌd zeꞌ,
¿chon ska nililëiꞌyal men leꞌn nits orzeꞌ?
26 Orzeꞌ nzhab Juan:
―Na nililëiꞌ men nab tsa leꞌn nits,
per xid go nzo tu xaꞌ gat nilibeꞌt go;
27 xaꞌ reꞌ nzadkë ticha,
per natsakt da par lëꞌ xaꞌ;
no ni gat ñal gak da tu mos cheꞌn xaꞌ.
28 Kureꞌ ngok roꞌ youꞌ Jordán plo nililëiꞌ Juan men leꞌn nits,
kwaꞌn ñaꞌn yezh Betania,
al nez plo nilen ngubizh.
Jesús, Me nak Mbëkxiꞌl cheꞌn Dios
29 No xtu riyëꞌl,
une Juan lëꞌ Jesús nzhazhin plo nzo Juan,
orzeꞌ nzhab Juan lo más rë men nzhin zeꞌ:
―¡Biwiꞌ go!
Me reꞌ nak Me ngule la Dios par gat Me nela tu mbëkxiꞌl gaꞌ,
nes par kubchi Me rë kwaꞌn nzëꞌb xki rë men yizhyuo lo Dios.
30 Me reꞌ Me mizeta lo go or nin:
“Ticha nzadkë xtu xaꞌ más tsak lon,
porke or naga gal da,
lëꞌ Me reꞌ ya nzho la”,
31 per naneta kwan nak Me reꞌ;
na nzhal par lilë̱i̱ña̱ men Israel leꞌn nits,
par libeꞌ bixaꞌ cho Me reꞌ.
32 No nzhab Juan:
―Na une,
ngula Sprit cheꞌn Dios lo yibëꞌ yek Me reꞌ nela tu palom gaꞌ,
no ngulëz palom zeꞌ yek Me.
33 Naneta kwan nak Me,
per Dios,
Me mixëꞌl da lilë̱i̱ña̱ men leꞌn nits,
ne lon:
“Or nel,
lëꞌ Sprit cheꞌn Dios la lo yibëꞌ yek tu xaꞌ,
orzeꞌ xaꞌ reꞌ lilëiꞌ men kun Sprit cheꞌn Dios”,
34 No une lon,
seꞌ ngok;
kuzeꞌ nidizha,
Me reꞌ nak Xgaꞌn Dios.
Rë men reꞌ nak xaꞌ galo laka ngule Jesús par gak men cheꞌn Me
35 No xtu riyëꞌl,
nzo Juan kun choptsa men cheꞌn xaꞌ,
Los seguidores siguen a Jesús (Juan 1.35-51)
―¡Biwiꞌ go!
Lëꞌ Me baꞌ nak Me ngule la Dios gat nela tu mbëkxiꞌl gaꞌ par kubchi Me rë kwaꞌn nzëꞌb xki rë men lo Dios.
37 No or mbin rop men cheꞌn Juan kwaꞌn midiꞌzh Juan,
tuli ngwakë bixaꞌ tich Jesús.
38 Orzeꞌ miëk Jesús no une Me,
lëꞌ bixaꞌ nzhakë tich Me,
orzeꞌ nzhab Jesús:
―¿Chon nzadkë go ticha?
Orzeꞌ nzhab bixaꞌ:
―Maestr,
¿plo nzhol?
39 Orzeꞌ nzhab Jesús:
―Chaꞌo par ne goi.
Orzeꞌ ngwatsiꞌ bixaꞌ plo nzho Jesús.
Zeꞌ miaꞌn bixaꞌ porke nzhazhëlalyuo,
pas las cuatro orzeꞌ.
40 Di lo rop rë xaꞌ kwaꞌn mbin kwaꞌn midiꞌzh Juan por Jesús,
tu rë xaꞌ reꞌ lë Ndres,
wech Simón Per,
kuzeꞌ ngwakë bixaꞌ tich Jesús.
41 Orzeꞌ mikwaꞌn Ndres wech Ndres,
xaꞌ lë Simón par nzhab xaꞌ:
―Lëꞌno mizhëꞌl Me nak Mesías zeꞌ (widiꞌzh kwaꞌn gab Krist).
42 Orzeꞌ mbiꞌdnu Ndres wech xaꞌ Simón plo nzo Jesús;
no or une Jesús Simón,
nzhab Me:
―Lu lë Simón,
xgaꞌn Jonás;
per nal lëꞌl ruꞌlë Cefas (widiꞌzh kwaꞌn gab Per).
Jesús ngurezh Lip kun Natanael
43 No xtu riyëꞌl,
mileꞌ Jesús xigab ya Me par lazh men Galilea;
zhë zeꞌ mizhëꞌl Me Lip,
orzeꞌ nzhab Me:
―Diꞌkëꞌ ticha.
44 No Lip reꞌ nak tu men yezh Betsaida,
lo mis plo nak lazh Ndres kun Per.
45 No or mizhëꞌl Lip Natanael,
lwegaꞌ nzhab xaꞌ lo Natanael:
―Lëꞌno mizhëꞌl Me kwaꞌn nizeꞌt ley kwaꞌn milaꞌ Dios lo Muisés no Me kwaꞌn mizeꞌtska rë men nzhala xaꞌ midiꞌzh por Dios;
Me reꞌ nak Jesús,
xgaꞌn Che,
xaꞌ nzë yezh Nazaret.
46 Orzeꞌ nzhab Natanael:
―¿Taxa yezh Nazaret roziꞌ tu men wen?
Orzeꞌ nzhab Lip:
―Dëꞌ reꞌ par nel Me.
47 No or une Jesús nzhazubi Natanael plo nzo Me,
orzeꞌ nzhab Me:
―Reꞌ nzë tu xaꞌ Israel,
tu xaꞌ walika nileꞌ kwaꞌn nzhakla Dios,
tu xaꞌ gat nikidet men.
48 Orzeꞌ nzhab Natanael lo Jesús:
―¿Xmod nilibeꞌl da?
Orzeꞌ nzhab Jesús:
―Lëꞌda une la lu xan tu ya nzhaoꞌ or naga yiꞌdnu Lipal lon.
49 Orzeꞌ nzhab Natanael:
―Maestr,
¡lu nak Xgaꞌn Dios,
mbaino nakal rey lo rë men Israel!
50 Orzeꞌ nzhab Jesús:
―¿Chi por nin lol,
unen lu xan ya nzhaoꞌ,
kuzeꞌ ñilal da?
Reꞌ par dilant,
lëꞌl ne más kwaꞌro lo kureꞌ.
51 No nu nzhab Jesús:
―Walika kwaꞌn nin lo go,
lëꞌ go ne,
xaꞌl lo yibëꞌ,
no ne go rë ganj cheꞌn Dios maska nikiya-nilayët yek Xgaꞌn Dios,
Me nu nak tu men yizhyuo.