Miliyak Jesús tu xaꞌ nagakt win
2
Nded pla ngubizh,
nguiubre Jesús xtu wëlt yezh Capernaúm,
no mbin rë men lëꞌ Jesús nzho la yoꞌ,
San Marcos 2:1-14
2 orzeꞌ lwegaꞌ dox men migan zeꞌ,
haxta yentraꞌ plo kwin bixaꞌ,
haxta ni roꞌ yoꞌ nagaktraꞌ kwin bixaꞌ;
mbaino midiꞌzh Jesús widiꞌzh cheꞌn Dios lo bixaꞌ.
3 Zeꞌ mizhinu tap miyiꞌ tu men nzhakne,
tu xaꞌ nagakt win.
4 No por nagakt yo bixaꞌ plo nzo Jesús por tanta men,
kuzeꞌ nkili bixaꞌ yek yoꞌ par michil bixaꞌi par ngok mila bixaꞌ miyiꞌ reꞌ nali laka plo nzo Jesús dub nax xaꞌ lo kwaꞌn.
5 Or une Jesús dox ñila bixaꞌ Me,
kuzeꞌ nzhab Jesús lo xaꞌ nagakt win reꞌ:
―Xgaꞌna,
lëꞌ rë kwaꞌn nzëꞌb xkil mizheꞌ la lo Dios.
6 Per zeꞌ nzob pla rë xaꞌ niluꞌ ley,
mileꞌ bixaꞌ xigab:
7 “¿Chon midiꞌzh xaꞌ baꞌ saꞌ?
¡Midiꞌzh xaꞌ kwaꞌn nayiꞌ par lo Dios,
porke yent cho men gak cheꞌ kwaꞌn nzëꞌb xki xtu men!
¡Nabtsa Dios gak leꞌi!”
8 No lwegaꞌ ngwanu laxtoꞌ Jesús cho xigab kileꞌ bixaꞌ,
kuzeꞌ nzhab Jesús lo bixaꞌ:
―¿Chon kileꞌ go xigab saꞌ leꞌn laxtoꞌ go?
9 ¿Kwan más jwals gapa lo xaꞌ nzhakne rë?
¿Chi gapa:
“Rë kwaꞌn nzëꞌb xkil,
mizheꞌ la lo Dios”,
o gapa:
“Waxche,
gulits kwaꞌn naxal lo,
no guzë”?
10 Nal par ne go,
na nak Xgaꞌn Dios mbaino nak da tu men yizhyuo,
no mileꞌ Dios mandad da par cheꞌn rë kwaꞌn nzëꞌb xki men lo Dios —kuzeꞌ nzhab Jesús lo xaꞌ nagakt win reꞌ―,
11 lol nin,
waxche,
gulits kwaꞌn ngoꞌtal lo,
bizë lizhal.
12 Orzeꞌ tuli ngwaxche miyiꞌ reꞌ,
no ngulits xaꞌ kwaꞌn ngoꞌt xaꞌ lo,
no ña xaꞌ,
xe niwiꞌ rë men nzhin zeꞌ,
mbaino kidiꞌzh bixaꞌ:
“¡Dox nazhon Dios!”
No nzhab bixaꞌ:
“¡Laltaꞌ gat ne be tu kureꞌ!”
Jesús ngule Leví par gak xaꞌ men cheꞌn Me
13 Orzeꞌ nguroꞌ Jesús par ngwa Me xtu wëlt,
roꞌ lagún kwaꞌn ñaꞌn lazh men Galilea;
orzeꞌ migan tu bëd men lo Jesús,
no zeꞌ nguzublo kiluꞌ Me widiꞌzh cheꞌn Dios lo bixaꞌ.
14 No or nzhaded Me zeꞌ,
une Me Leví xgaꞌn Alfeo nzob plo nzhax dimi cheꞌn gobier Roma.
Orzeꞌ nzhab Jesús lo xaꞌ:
—Diꞌkë ticha.
Lëꞌchi tuli nzhakë xaꞌ tich Jesús.
Jesús miluꞌ chon nzhao Me kun rë xaꞌ gat nzhont ley cheꞌn Muisés
15 Uzhëla di orzeꞌ,
nzob Jesús lo mes lizh Leví,
kiyao Me kun nayax xaꞌ nikan dimi cheꞌn gobier Roma,
no kun rë xaꞌ gat nzhont ley;
kiyao rë bixaꞌ kun Jesús mbaino kun rë men cheꞌn Me,
no dox la nayax xaꞌ nzhakë tich Jesús nzhin zeꞌ.
San Marcos 2:15-28
16 Per or une rë men niluꞌ ley kun rë men fariseo,
lëꞌ Jesús kiyao kun rë xaꞌ gat nzhont ley no kun rë xaꞌ nikan dimi cheꞌn gobier Roma,
orzeꞌ nzhab bixaꞌ lo rë men cheꞌn Jesús:
―¿Chon kiyao xaꞌ nitseꞌd go,
kun rë men gat nzhont ley cheꞌn Dios,
mbaino kun rë xaꞌ nikan dimi cheꞌn gobier Roma?
17 Or mbin Jesús kureꞌ,
nzhab Me:
―Rë xaꞌ wen,
gat nakiꞌnt xaꞌ doctor;
sino ke nab tsa xaꞌ nzhakne nakiꞌn doctor;
porke nangaxëꞌlt Dios da lo rë men yent kwan nak lo Dios;
Dios mixëꞌl da lo rë men xaꞌ nzëꞌb xki lo Dios.
Jesús miluꞌ xmod zo men xlats men or naꞌb men lo Dios
18 No ngol tu ngubizh nzo xlats pla rë men cheꞌn Juan xaꞌ niliꞌlëiꞌ men leꞌn nits,
no pla rë men fariseo,
par kinaꞌb bixaꞌ lo Dios,
kuzeꞌ ngwa pla rë xaꞌ plo nzo Jesús,
minaꞌbdiꞌzh bixaꞌ lo Me,
nzhab bixaꞌ:
―Rë men cheꞌn Juan mbaino rë men cheꞌn rë xaꞌ fariseo nizo bixaꞌ xlats bixaꞌ or ninaꞌb bixaꞌ lo Dios,
per rë men cheꞌnalse,
gat nizot bixaꞌ xlats bixaꞌ.
19 Orzeꞌ nzhab Jesús:
―¿Taxa plo gon go,
zo men xlats men lo jwandang,
dub nzo xaꞌ disposad zeꞌ?
20 Per or yalo jwandang or bi disposad,
orzeꞌse lëꞌ bixaꞌ zo xlats.
21 Yent cho këꞌ rremiend tu bistid goꞌx kun tlëꞌ lar kub,
porke lëꞌ lar kub nidoꞌp no nichëze bistid goꞌx,
orzeꞌ más nakap nzhake.
22 No yent cho ko vin nax leꞌn tu pump goꞌx,
porke lëꞌi chëz pump goꞌx,
orzeꞌ zuꞌt rope.
Más wen ko men vin nax leꞌn pump kub.
Jesús nileꞌ mandad zhë kwaꞌn nayiꞌ kë men Israel zhiꞌn
23 Tu ngubizh nzhaded Jesús tu plo nzhiꞌb triu,
zhë kwaꞌn nayiꞌ kë men Israel zhiꞌn.
Orzeꞌ,
nguzublo rë men cheꞌn Me kikib do cheꞌne,
no kiyao bixaꞌi.
24 no zeꞌ nzhin pla men fariseo,
nzhab lo Jesús:
―Biwiꞌ,
¿chon kileꞌ rë men cheꞌnal kubaꞌ,
zhë kwaꞌn nayiꞌ kë men Israel zhiꞌn?
25 Per nzhab Jesús:
―¿Taxa,
chi nagat goꞌl go kwaꞌn mileꞌ Dabi tu wëlt,
lëꞌ xaꞌ no rë men cheꞌn xaꞌ,
or niyent kwaꞌn gao bixaꞌ no dox nilaꞌn bixaꞌ?
26 Orzeꞌ miye laxtoꞌ xaꞌ nguio xaꞌ leꞌn yoꞌ cheꞌn Dios or nak Abiatar ngulëiꞌ ro;
ndao xaꞌ pan kwaꞌn nab tsa ngulëiꞌ nzhak nzhao;
no nu rë men cheꞌn xaꞌ mizaꞌ xaꞌi ndao.
27 No nu nzhab Jesús: