Kwent cheꞌn pla mos nakap
12
Orzeꞌ nguzublo kidiꞌzh Jesús kun pura kwent lo rë men,
nzhab Me:
―Nguio tu miyiꞌ,
ngoꞌn ya gub lo yuo cheꞌn;
orzeꞌ mitsaoꞌ xaꞌ nakaꞌn roꞌ yuo cheꞌn xaꞌ,
mbaino mizuxkwaꞌ xaꞌ tu plo tsiꞌ xaꞌ gub cheꞌn xaꞌ,
no nu mizuxkwaꞌ xaꞌ tu plo ya par kina xaꞌi.
Orzeꞌ mizaꞌ xaꞌi med par gaꞌn xtu mene,
mbaino nguroꞌ xaꞌ lazh xaꞌ,
nzha xaꞌ cheꞌp.
San Marcos 12:1-17
2 Or ngol tiemp zaꞌi,
mixëꞌl xaꞌ nak cheꞌn yuo zeꞌ tu mos,
par naꞌb mos lo xaꞌ ngoꞌne,
kwaꞌn ñal gal xaꞌ.
3 Per rë xaꞌ ngoꞌn loi zeꞌ,
lëꞌla migal bixaꞌ mos,
no ndin xaꞌ mos,
mbaino seꞌtsa mixëꞌl bixaꞌ mos.
4 Orzeꞌ mixëꞌl xaꞌ zeꞌ xtu mos,
per ngulëꞌ bixaꞌ yek mos reꞌ,
no ngokla ngwa midiꞌzh bixaꞌ lo mos.
5 Orzeꞌ mixëꞌl xaꞌ zeꞌ xtu mos,
per mbit bixaꞌ mos reꞌ.
Orzeꞌ mixëꞌl xaꞌ más mos,
per nzho mos ndin bixaꞌ mbaino mbit bixaꞌ.
6 ’No xaꞌ nak cheꞌn yuo reꞌ,
nab tsa xgaꞌn xaꞌ kinu xaꞌ,
miyiꞌ nazhiꞌ xaꞌ;
orzeꞌ nzhab xaꞌ:
“Lëꞌda xëꞌl tugaka xgaꞌna kwaꞌn kinun reꞌ;
roꞌ xaꞌ reꞌse,
gon bixaꞌ.”
7 Per rë xaꞌ kwaꞌn ngoꞌn yuo reꞌ,
or une bixaꞌ miyiꞌ reꞌ,
nzhab bixaꞌ lo wech bixaꞌ:
“Xaꞌ reꞌ xaꞌ yaꞌnu rë kureꞌ,
chaꞌo gut bixaꞌ,
par yaꞌnu be rë cheꞌn xaꞌ.”
8 Orzeꞌ nguzen bixaꞌ xgaꞌn xaꞌ zeꞌ,
mbit bixaꞌ miyiꞌ,
mbaino zit ngulubi bixaꞌ miyiꞌ reꞌ.
9 No nu nzhab Jesús:
―Nal,
¿kwaꞌn leꞌ xaꞌ nak cheꞌn yuo zeꞌ?
Lëꞌ xaꞌ yëꞌd par loꞌx xaꞌ rë men nakap kwaꞌn ngoꞌn yuo cheꞌn xaꞌ,
no lëꞌ xaꞌ zaꞌi gaꞌn xtu ben men.
10 Taxa,
¿nanet go kwaꞌn nzobniꞌ lo Yech cheꞌn Dios?:
Lëꞌ ke kwaꞌn ngulubi rë xaꞌ nichaoꞌ yoꞌ,
lëꞌi ngok ke galo laka kwaꞌn nzen dub yoꞌ.
11 Kureꞌ mileꞌ Dios,
par tuli xe miaꞌn rë men.
12 Orzeꞌ ngokla bixaꞌ ngazen bixaꞌ Jesús par ngayo Me lizhyiꞌb,
porke mizi bixaꞌ,
par yek bixaꞌ nzha widiꞌzh reꞌ.
Per mizheb bixaꞌ por rë men nzhin zeꞌ,
orzeꞌ ña bixaꞌ.
Jesús midiꞌzh por kwaꞌn nzhax lo gubier César
13 Orzeꞌ mixëꞌl bixaꞌ pla men fariseo lo Jesús par zenbeꞌ bixaꞌ Me (wiꞌ bixaꞌ xmod nak Me),
no pla men cheꞌn Herodes,
par nabei chi zab Jesús tu kwaꞌn gat ñal,
par gak këꞌ bixaꞌ kixuꞌ Jesús.
14 Orzeꞌ mizhin rë men reꞌ,
nzhab bixaꞌ:
―Maestr,
nane no,
go nidiꞌzh pura kwaꞌn wali,
gat ñot go man cheꞌn ni tu men,
no nali nidiꞌzh go xmod ñal ban men lo Dios.
Bine go lo no,
lo ley cheꞌn be,
¿chi lëꞌka kix be kwaꞌn ninaꞌb César,
o gat lëꞌte?
¿Chi ñal zaꞌ bei,
o gat ñalte?
15 Per lëꞌ Jesús nane la,
ka kinaꞌbdiꞌzh bixaꞌi,
kuzeꞌ nzhab Me:
―¿Chon kizenbeꞌ go da?
Ka ta go tu pes le.
16 No mizaꞌ bixaꞌi,
orzeꞌ nzhab Jesús:
―¿Cho nikë lo pes reꞌ,
mbaino cho lë nikë loi?
Orzeꞌ nzhab bixaꞌ:
―César nikë loi.
17 Orzeꞌ nzhab Jesús:
―Ñal zaꞌ go cheꞌn César kwaꞌn nak cheꞌn César,
no zaꞌ go cheꞌn Dios kwaꞌn nak cheꞌn Dios.
Orzeꞌ xe miaꞌn bixaꞌ tuli por kwaꞌn nzhab Me.
Midiꞌzh Jesús xmod ruban men
18 Orzeꞌ nguzubi pla men saduceo lo Jesús,
xaꞌ nidiꞌzh:
“Gat walit nzho xtu vid”,
orzeꞌ minabdiꞌzh bixaꞌ kureꞌ:
San Marcos 12:18-44
19 ―Maestr,
Muisés mizobniꞌ lo ley:
“Chi tu miyiꞌ kinu unaꞌ mbaino gat xaꞌ sin nangap xaꞌ mëꞌd kun lëꞌ unaꞌ,
orzeꞌ lëꞌ wech xaꞌ nakiꞌn ban kun lëꞌ unaꞌ,
par gap wech xaꞌ tu mëꞌd por kwent cheꞌn xaꞌ ngut reꞌ.”
20 Mbaino nguio tu xaꞌ ngop gazh wech;
xaꞌ galo ngok tsaꞌ tu unaꞌ per ngut xaꞌ sin nangap xaꞌ mëꞌd;
21 orzeꞌ xaꞌ mirop miban kun lëꞌ unaꞌ,
per ngut ska xaꞌ,
seꞌgaꞌ nangapt ska xaꞌ mëꞌd.
No kun xaꞌ mion,
seꞌska.
22 Kun za gazh xaꞌ miban unaꞌ reꞌ,
no kun ni tu xaꞌ nangaptaꞌ xaꞌ mëꞌd,
mbaino rë xaꞌ ngut.
Lult,
nu unaꞌ ngut.
23 No or ruban bixaꞌ xtu wëlt,
di lo rë xaꞌ,
¿cho xaꞌ yaꞌn kun lëꞌ unaꞌ?,
porke za gazh xaꞌ miban kun lëꞌ unaꞌ.
24 Orzeꞌ nkab Jesús:
―Ñagan go por nane go kwaꞌn nzobniꞌ lo Yech cheꞌn Dios,
no ni yalnazhon cheꞌn Dios nanet go,
25 porke or ruban men,
yentraꞌ cho ban kun unaꞌ,
no ni yentraꞌ cho gak jwandang cheꞌn;
lëꞌ bixaꞌ gak nela rë ganj cheꞌn Dios gaꞌ.
26 No por rë men ngut xaꞌ ruban,
taxa,
¿nanet go widiꞌzh kwaꞌn mizobniꞌ Muisés lo yech,
or mizeꞌt xaꞌ tu ya yich zobyol?
Dios nzhab lo Muisés:
“Na nak Dios cheꞌn Abraham,
no Dios cheꞌn Isaac,
mbaino Dios cheꞌn Jakob.”
27 Kuzeꞌ nane be,
Dios reꞌ,
gat lëꞌt Dios cheꞌn men ngute,
sino lëꞌ Me Dios cheꞌn men naban.
¿Chi nagat zobyekt go kureꞌ?
Xid rë kwaꞌn mizobniꞌ Muisés, ¿cho kwaꞌn galo nakiꞌn leꞌ men?
28 Orzeꞌ nguzubi tu xaꞌ niluꞌ ley,
plo nzo Jesús.
Or mbin xaꞌ xmod midiꞌzh Jesús lo rë men zeꞌ,
porke une xaꞌ,
dox wen mikab Jesús;
kuzeꞌ minabdiꞌzh xaꞌ:
―Xid rë kwaꞌn mizobniꞌ Muisés,
¿cho kwaꞌn galo nakiꞌn leꞌ men?
29 Orzeꞌ nkab Jesús,
nzhab Me:
―Kureꞌ galo laka nakiꞌn leꞌl,
men Israel:
“Bine:
tutsa Señor Dios cheꞌnal nzho.
30 Bichizhiꞌ Señor Dios cheꞌnal kun dub laxtoꞌl,
no kun dub lal,
no kun rë xigab cheꞌnal,
mbaino kun rë jwers cheꞌnal.”
31 No kwaꞌn rop xid rë kwaꞌn nzobniꞌ nak kureꞌ:
“Bichizhiꞌ xtu men nela lu gaꞌ.”
Yentraꞌ xtu kwaꞌn mileꞌ Dios mandad,
más kwaꞌro lo rop kureꞌ.
32 Orzeꞌ nzhab xaꞌ niluꞌ ley zeꞌ lo Jesús:
―Dox wen kwaꞌn nel baꞌ,
maestr;
walika,
tutsa Dios,
no yentraꞌ xtu Dios más lo Dios reꞌ.
33 No kwaꞌn chizhiꞌ men kun dub laxtoꞌ men Dios,
no kun rë xigab cheꞌn men,
mbaino kun rë jwers;
no chizhiꞌ men xtu men nela lëꞌka xaꞌ,
más tsake lo rë kwaꞌn zak men chigab walika nazhon par men,
mbaino kun más rë gon nizaꞌ men lo Dios.
34 Or une Jesús,
lëꞌ xaꞌ reꞌ mikab nela xmod ñale,
orzeꞌ nzhab Jesús:
―Gat zitraꞌ nzol par yol plo nileꞌ Dios mandad.
No dizde orzeꞌ,
ya ni yentraꞌ cho ngaye laxtoꞌ,
nganaꞌbdiꞌzh más kwaꞌn lo Me.
¿Plo nzë Krist?
35 Dub kiluꞌ Jesús widiꞌzh cheꞌn Dios lo luwe cheꞌn yadoꞌ,
lëꞌchi nzhab Me:
―¿Chon nidiꞌzh rë xaꞌ niluꞌ ley,
lëꞌ Krist nak xgaꞌn Dabi?
36 Mbaino mis Dabi nzhab por Sprit cheꞌn Dios:
Lëꞌ Señor nzhab lo Xaꞌ nileꞌ mandad da:
“Guzob lad direch da,
haxta or len,
cheꞌptsa gak rë xaꞌ nidilal xan niꞌl.”
37 Nal,
¿xmod nak lëꞌ Krist nak xgaꞌn Dabi?,
porke mis Dabi nzhab:
“Xaꞌ reꞌ,
Me nileꞌ mandad da.”
¿Chon ska,
nake xgaꞌn Dabi?
No tu bëd men kwaꞌn nzhin zeꞌ,
ño laxtoꞌ bixaꞌ xmod kidiꞌzh Jesús.
Midiꞌzh Jesús, xmod nak rë xaꞌ niluꞌ ley
38 No dub kiluꞌ Jesús widiꞌzh cheꞌn Dios,
nzhab Me:
―Bikina go go lo rë xaꞌ kwaꞌn niluꞌ ley,
lëꞌ bixaꞌ ño laxtoꞌ nzhak bixaꞌ lar noꞌl;
mbaino ño laxtoꞌ bixaꞌ,
niniꞌ men lo bixaꞌ dub lo xbiꞌ.
39 Mbaino ño laxtoꞌ bixaꞌ zob galo laka bixaꞌ plo nizob rë xaꞌ ro,
leꞌn yoꞌ plo nitseꞌd men widiꞌzh cheꞌn Dios;
no nu plo nzhak tu lani galo laka bixaꞌ.
40 Mbaino niliwaꞌn bixaꞌ cheꞌn rë unaꞌ ngut xmiyiꞌ;
no par gab men,
menaye bixaꞌ,
xche ninaꞌb bixaꞌ lo Dios.
Kuzeꞌ,
más nazheꞌb kwaꞌn zak bixaꞌ or gab Dios xmod gak kun kad men yizhyuo.
Tu unaꞌ ngut xmiyiꞌ, mizaꞌ gon