Midiꞌzh Jesús, lëꞌ yadoꞌ bil
13
No or nzharoꞌ Jesús lo luwe cheꞌn yadoꞌ,
orzeꞌ nzhab tu rë men cheꞌn Me:
―Maestr,
biwiꞌ go tatu kwaꞌro yadoꞌ reꞌ;
no tatu nazheꞌb rë ke nzho taꞌi.
San Marcos 13:1-31
2 Per nzhab Jesús:
―¿Chi niwiꞌl dox kwaꞌroi?
Per zhin zhë ni tu ke cheꞌne nayaꞌnte tich weche;
rëi bil.
Señ kwaꞌn gak lo yibëꞌ, or nzhazhin lox yizhyuo
3 Orzeꞌ nzha Me yek lom kwaꞌn lë Olivos,
zeꞌ niluꞌ laka yadoꞌ,
orzeꞌ nguzob Me,
no za dap rë xaꞌ reꞌ minaꞌbdiꞌzh lo Me:
Per kun Jakob no Juan mbaino Ndres;
nzhab bixaꞌ:
4 ―Bine go lo no,
¿pok gak rë kureꞌ,
no xmod luꞌ or nzhazhin la rë kureꞌ?
5 Orzeꞌ nguzublo kidiꞌzh Jesús,
nzhab Me:
7 ’No or gon go,
labaꞌi-lareꞌi kidil men,
nayat laxtoꞌ go;
rë kureꞌ gak galo laka,
per stubi nilëꞌraꞌ lox yizhyuo.
8 Lëꞌ tu gubier dil kun xtu gubier,
no tu yezh kun xtu yezh;
mbaino rë plo win xo,
no yo yalwin.
Kureꞌ galo laka yalzi kwaꞌn zublo zak rë men yizhyuo.
9 ’Per bikina go go,
lëꞌ rë men zen go no chi bixaꞌ go lo rë gustis,
no kin bixaꞌ go leꞌn rë yoꞌ plo nitseꞌd men widiꞌzh cheꞌn Dios;
mbaino weiꞌ bixaꞌ go lo rë gobier no lo rë rey por nak go men da;
kureꞌ gak par diꞌzh go cho da lo bixaꞌ.
10 No antis di lox yizhyuo,
nakiꞌn reꞌch widiꞌzh nazhon cheꞌn Dios lo rë ben men yizhyuo.
11 Or zen bixaꞌ go par weiꞌ bixaꞌ go lo rë xaꞌ nileꞌ mandad zeꞌ,
no naleꞌt go xigab xmod kab go lo bixaꞌ;
lëꞌ Sprit cheꞌn Dios diꞌzh por go.
12 No lëꞌ men chi mis wech men par gat wech xaꞌ,
mbaino xuz men mis lëꞌ xaꞌ chi rë xin xaꞌ,
no rë xin xaꞌ chi xuz xaꞌ par mis lëꞌ bixaꞌ leꞌ gat rë melizh bixaꞌ.
13 Saꞌ liꞌnu nayax men go por nak go men da,
per xaꞌ xek lo rë kureꞌ,
xaꞌ zeꞌ ban bid nazhon kwaꞌn nizaꞌ Dios.
14 ‘No or ne go,
yo tu kwaꞌn dox gat nambet plo nzho yalnazhon cheꞌn Dios (xaꞌ goꞌl kureꞌ,
lëꞌ xaꞌ zobyeke),
orzeꞌ rë men nzho lazh men Judea,
lëꞌ bixaꞌ yukaꞌch dan;
15 no rë men nzo yek yoꞌ,
nazaꞌtraꞌ la bixaꞌ par koꞌ bixaꞌ rë cheꞌn bixaꞌ;
16 mbaino xaꞌ nzo dan,
nazaꞌtraꞌ yubre xaꞌ ni par yakaꞌ xaꞌ xab xaꞌ.
17 No zhë zeꞌ,
¡zheꞌb nalats nzha rë unaꞌ nak xin,
mbaino rë unaꞌ nakaꞌ mëꞌd!
18 Binaꞌb go lo Dios,
par zhë zhin rë kureꞌ nagakte rë mbëoꞌ nayag.
19 Dub di mizuxkwaꞌ Dios yizhyuo,
laltaꞌ,
nagat zakzi men nela zak bixaꞌ rë zhë zeꞌ,
nab tsa orzeꞌi;
no ni nayo raꞌ ne men xtu kwaꞌn nela kwaꞌn yiꞌd zeꞌ.
20 No chi xche diꞌ rë kureꞌ,
yent cho men yizhyuo yaꞌn naban,
rëꞌ xaꞌ lox;
per por nazhiꞌ Dios rë men xaꞌ ngule Me,
laꞌtaꞌ Dios diꞌ rë kureꞌ xche.
21 ’No chi cho ne lo go:
“¡Biwiꞌ,
lëꞌ Krist nzo reꞌ!”,
o “¡Biwiꞌ,
lëꞌ Krist nzo baꞌ!”,
nayilat goi,
22 lëꞌ nayax men yo diꞌzh:
“Na nak Krist”,
mbaino yo nayax men gab lo men:
“Na nidizh por Dios”,
no leꞌ bixaꞌ rë señ nazhon par kide bixaꞌ rë men;
no nzho rriez kide bixaꞌ nu rë men ngule Dios gak men cheꞌn Dios.
23 Kuzeꞌ bikina go go;
lëꞌda ni la rë kureꞌ lo go nes par nzhon la goi.
Or yiꞌd Krist xtu wëlt yizhyuo
24 No nzhab Jesús:
―Leꞌn rë ngubizh zeꞌ,
or lox rë yalzi kwaꞌn nzho yizhyuo,
orzeꞌ lo ngubizh kao,
no lo mbëoꞌ nayanitraꞌ,
25 mbaino gab rë mbël lo yibëꞌ;
no nu bil rë kwaꞌn nzen kwaꞌn nzho lo yibëꞌ.
26 Orzeꞌ rë men ne,
yala leꞌn xkao kun rë ganj cheꞌn Xuza,
mbaino kun rë yalnazhon da.
27 No xëla rë ganj cheꞌn Xuza par kan rë men da xaꞌ ngulen dap lad yizhyuo,
dizde tu roꞌ yizhyuo haxta xtu roꞌ yizhyuo.
28 ’Biwiꞌ go xmod nak ya nzhaoꞌ;
or nixiche,
orzeꞌ nane go,
lëꞌ biyiu nzhazhin la.
29 Seꞌgaꞌ or ne go,
kiyak rë kwaꞌn nazheꞌb reꞌ;
nane la go,
lëꞌda nzhazhin la yal.
30 Walika kwaꞌn kinin,
or zublo gak rë kureꞌ,
rë men yizhyuo xaꞌ miaꞌn naban orzeꞌ,
seꞌgaka naban bixaꞌ or lox gak rë kureꞌ.
31 Yibëꞌ no yizhyuo,
lëꞌi lox;
per rë widiꞌzh kwaꞌn kinin reꞌ,
nadedte,
rëi gak.
32 Per zhë zeꞌ,
or zhin gak rë kureꞌ,
yent cho nanei;
ni rë ganj kwaꞌn nzho lo yibëꞌ,
mbaino ni na;
nab tsa Xuza Dios nanei.
San Marcos 13:32-37
33 Kuzeꞌ biwiꞌ go kwan leꞌ go,
no gok natsin go;
porke nanet go or zhin rë kureꞌ.
34 Rë kureꞌ nak nela tu miyiꞌ nguroꞌ nzha lazh men.
Antis di ya xaꞌ,
milaꞌ xaꞌ tugaꞌ rë mos cheꞌn xaꞌ par kina rë cheꞌn xaꞌ,
mbaino mikaꞌb xaꞌ lo tu rë mos reꞌ kina roꞌ pwert.
35 No go nak nela rë mos reꞌ,
bikina go;
porke nanet go cho or yëꞌd xaꞌ nak cheꞌn yoꞌ reꞌ,
chi mizhëlalyuoi,
o garol yëꞌle,
o or nikëꞌ nguid gay kante,
o garziꞌle;
36 nes par or yala de rrepent,
yent kwan ya laxtoꞌ go.
37 No kwaꞌn nin lo go reꞌ,
gat lëꞌt par nab go nzhai,
sino par rë men yizhyuoi;
¡gok natsin go!