Miaꞌn bixaꞌ diꞌzh xmod zen bixaꞌ Jesús
14
Nzhak jwalt xchop ngubizh par gal lani Pask,
zhë nzhao men pan kwaꞌn yent levadur.
Lëꞌ rë ngulëiꞌ ro kun rë xaꞌ niluꞌ ley,
kikwaꞌn bixaꞌ mod zen bixaꞌ Jesús xlaꞌn,
par gut bixaꞌ Me,
San Marcos 14:1-25
―Naleꞌt bei zhë lani,
par nayent kwan leꞌ rë men.
Tu unaꞌ michob aseit nax yek Jesús
3 No or nzo Jesús yezh Betania,
ngwatao Me lizh Simón xaꞌ lë “Lepros”.
Or nzob Jesús lo mes,
mizhin tu unaꞌ kun tu bot win kwaꞌn nakxaoꞌ kun ke ónice,
dox tsake;
viv aseit nardo nzho leꞌne.
Orzeꞌ ngulëꞌ unaꞌ kwaꞌn nzho aseit reꞌ,
michob unaꞌi yek Jesús.
4 Per pla xaꞌ nzhin zeꞌ,
nangayot laxtoꞌ bixaꞌi,
nzhab bixaꞌ lo wech bixaꞌ:
—¿Chon mitsinu unaꞌ reꞌ aseit baꞌ?
5 Ngak ngado aseit baꞌ kwaꞌn tsak chiꞌ mbëoꞌ kë men zhiꞌn cheꞌn men,
par ngagaꞌz dimi zeꞌ,
ngakaꞌ rë men yent kwan nzhap.
―Laꞌ go,
nadilt go unaꞌ reꞌ;
¿chon kikixian go xaꞌ?,
porke dox wen tu kwaꞌn mileꞌ xaꞌ por da;
7 rë men prob,
zilitaꞌ yo bixaꞌ xid go,
gak gaknu go bixaꞌ or nzhakla go;
per na gat lëꞌtaꞌ dubtaꞌ zon kun go.
8 Mbaino unaꞌ reꞌ,
mileꞌ kwaꞌn ngok mileꞌ xaꞌ;
michob xaꞌ aseit nax da,
nes par or gaꞌch da mileꞌ la xaꞌi.
9 No walika kwaꞌn nin;
rë plo reꞌch widiꞌzh nazhon cheꞌn Dios,
nu ka kwaꞌn mileꞌ unaꞌ reꞌ yët,
par tsila bixaꞌ unaꞌ.
Judas mito Jesús
10 Orzeꞌ,
lëꞌ Judas Iscariote,
xaꞌ nzho xid za tu dusen men cheꞌn Jesús,
ngwa xaꞌ lo rë ngulëiꞌ ro,
par chi xaꞌ Jesús lo rë xaꞌ reꞌ.
11 Or mbin bixaꞌ kureꞌ,
dox nizak laxtoꞌ bixaꞌ,
no nzhab bixaꞌ,
zaꞌ bixaꞌ dimi kaꞌ Judas.
No dizde orzeꞌ,
nguzublo kikwaꞌn Judas mod,
kiwiꞌ xaꞌ cho or zaꞌi,
par gak chi xaꞌ Jesús.
Lult yëꞌl kwaꞌn ndao Jesús kun rë men cheꞌn Me
12 Mer ngubizh galo cheꞌn lani pask,
or nzhao men Israel pan kwaꞌn niyent levadur,
zhë zeꞌ nizaꞌ men Israel tu gon lo Dios,
or nzhut bixaꞌ tu mbëkxiꞌl.
Orzeꞌ minaꞌbdiꞌzh rë men cheꞌn Jesús,
nzhab bixaꞌ:
―¿Plo nzhakla go yachaoꞌ no kwaꞌn gao be nal yëꞌl reꞌ,
lani Pask reꞌ?
13 Orzeꞌ mixëꞌl Me chop men cheꞌn Me,
nzhab Me:
―Wa go leꞌn yezh;
baꞌ ne go tu miyiꞌ ñanu tu reꞌ nits,
no wakë go tich xaꞌ.
14 Mbaino plo zhin xaꞌ,
guzh go lo xaꞌ nak lizhe zeꞌ:
“Lëꞌ Maestr ne lol:
¿Plo nak yoꞌ kwaꞌn neꞌl,
par ga̱o̱ kun rë men da,
lani Pask reꞌ?”
15 Orzeꞌ lëꞌ xaꞌ luꞌ tu yoꞌ nzob yek al ya,
naxene,
no nazuxkwaꞌ la leꞌne;
zeꞌ bizuxkwaꞌ go kwaꞌn gao be.
16 Orzeꞌ nzha rop men cheꞌn Jesús par yezh;
no rëi ngok nela xmod nzhab ka Jesús lo bixaꞌ;
zeꞌ michaoꞌ bixaꞌ kwaꞌn gao bixaꞌ lani Pask.
17 No or ngula yëꞌl,
mizhin Jesús zeꞌ,
kun dub tu dusen men cheꞌn Me.
18 No dub kiyao bixaꞌ lo mes,
nzhab Jesús:
―Walika kwaꞌn nin,
mis tu rë go kiyao kuda reꞌ,
chi da lo rë men par gut bixaꞌ da.
19 No rë bixaꞌ miwin laxtoꞌ,
orzeꞌ nguzublo minabdiꞌzh tugaꞌ bixaꞌ lo Jesús,
nzhab bixaꞌ:
―¿Taxa leꞌ go xigab nai?
20 Orzeꞌ nzhab Jesús lo bixaꞌ:
―Mis tu rë xaꞌ nzho xid tu dusen goi,
xaꞌ kwaꞌn kigazh pan leꞌn plat dai.
21 Na Xgaꞌn Dios no nu tu men yizhyuo da;
lëꞌda zak rë kwaꞌn nzobniꞌ lo Yech cheꞌn Dios,
¡per nazheꞌb nalats nzha miyiꞌ xaꞌ chi da lo rë men!
Más wen nangayot ngal xaꞌ reꞌ.
22 No dub kiyao bixaꞌ,
nguzen Me pan,
mizaꞌ Me xkix lo Dios,
no michix Mei,
mizaꞌ Mei kaꞌ rë men cheꞌn Me,
orzeꞌ nzhab Me:
―Mbai go,
kureꞌ nak kwerp da.
23 No nguzen Me tu vas nits gub,
mizaꞌ Me xkix lo Dios,
orzeꞌ mizaꞌ Mei kaꞌ rë men cheꞌn Me,
rë bixaꞌ nguꞌy,
24 mbaino nzhab Me:
―Kureꞌ nak ren da kwaꞌn xon,
par yaꞌn nayax men nambe lo Dios.
25 Walika kwaꞌn nin,
nagoꞌtraꞌ nits gub yizhyuo reꞌ.
Or goꞌne xtu wëlt plo nileꞌ Dios mandad,
xaꞌla mode.
Nzhab Jesús, lëꞌ Per gab, gat niliꞌbeꞌt Per Me
26 No or milox mikëꞌ bixaꞌ tu kant lo Dios,
nguroꞌ bixaꞌ nzha bixaꞌ yek lom kwaꞌn lë Olivos,
San Marcos 14:26-42
―Rë go laꞌ nzëꞌb da,
porke seꞌ nzobniꞌ lo Yech cheꞌn Dios:
“Lëꞌda gut miyiꞌ nikina mbëkxiꞌl,
orzeꞌ lëꞌ rë ma reꞌch.”
28 Per or ruban da,
lazh men Galilea kwëza yiꞌd go.
29 Orzeꞌ nzhab Per:
―Ter rë xaꞌ reꞌ laꞌ nzëꞌb go;
per na,
nalat go.
30 Per nzhab Jesús:
―Walika kwaꞌn nin,
nal yëꞌl reꞌ,
ni naga këꞌ nguid gai kant chop wëlt,
lëꞌl gab chon wëlt gat niliꞌbeꞌtal da.
31 Per gargaꞌl nzhab Per:
―¡Per na nalat go ter nu da gat kun go!
No seꞌska nzhab rë bixaꞌ.
Jesús minaꞌb lo Dios, plo lë Getsemaní
32 Orzeꞌ ngwa bixaꞌ tu plo lë Getsemaní,
zeꞌ nzhab Jesús lo rë men cheꞌn Me:
―Riga guzob go,
lëꞌda nzhanaꞌb lo Dios.
33 Orzeꞌ nzhanu Me Per,
no Jakob,
mbaino Juan;
orzeꞌ nguzublo niyentraꞌ jwers Me por tanta nizheb Me,
haxta netraꞌ Me kwan leꞌ Me,
34 no orzeꞌ nzhab Me lo yon xaꞌ reꞌ:
―Nzho tu yalnawin dox laxtoꞌn,
ya naxektraꞌ da;
biyaꞌn go reꞌ no bikina go;
nagaꞌt go.
35 Orzeꞌ nguzë Jesús xcheꞌp dilant;
zeꞌ ngoꞌt kuslo Me lo yuo,
no minaꞌb Me lo Dios,
chi lëꞌi gak leꞌ Dios,
nazhint rë kwaꞌn zak Me orzeꞌ.
36 Or kinaꞌb Me lo Dios,
nzhab Me:
―Payëꞌ,
par go,
rëi gak leꞌ go.
¿Chi zak kubchi go da lo rë kwaꞌn nzë par da?
Per gat lëꞌt kwaꞌn nin,
kuzeꞌ gak;
sino kwaꞌn ne goi.
37 Orzeꞌ miëk Me plo nzhin yon men cheꞌn Me zeꞌ;
no mizhin Me,
lëꞌ yon xaꞌ nax la.
Orzeꞌ nzhab Me lo Per:
―Simón,
¿chi naxnal?
Nangaxektal ni tu or,
ngakinal.
38 Bikina go no gunaꞌb go lo Dios,
par nayachin go lo cheꞌn Mizhab.
Leꞌn laxtoꞌ go nzhakla ka go cheꞌn Dios,
per kwerp cheꞌn go gat nzhaklat cheꞌn Dios.
39 Orzeꞌ ngwa Jesús xtu wëlt,
par ngwanaꞌb Me lo Xuz Me Dios,
mis kwaꞌn nzhab la Me.
40 Or miëk Me xtu wëlt,
lëꞌ bixaꞌ nax la,
porke dox nzë mikaꞌl lo bixaꞌ;
orzeꞌ net bixaꞌ xmod kab bixaꞌ lo Jesús.
41 No wëlt mion nzhab Me:
―¿Stubi nax go,
kileꞌ go diskans?
Porke xaꞌ chi da,
ngox la nkaꞌ.
Biwiꞌ go,
lëꞌ or mizhin la,
lëꞌ Xgaꞌn Dios Me nu nak tu men yizhyuo,
yo yaꞌ rë xaꞌ nzëꞌb xki lo Dios.
42 Waxche go,
chaꞌo,
roꞌ be reꞌ;
biwiꞌ go,
lëꞌ xaꞌ chi da nzë la baꞌ.
Ngwagaꞌ Jesús
43 Mis orzeꞌ,
stubi kidiꞌzh Jesús;
lëꞌchi mizhin Judas,
mis tu xaꞌ nak tu dusen men cheꞌn Me,
kun tu bëd men,
nzho bixaꞌ nzen spad mbaino yarrot.
Rë xaꞌ reꞌ mixëꞌl rë ngulëiꞌ ro,
kun rë xaꞌ niluꞌ ley,
mbaino rë men Israel xaꞌ nak zhiꞌn.
San Marcos 14:43-52
44 No xaꞌ leꞌ entreg Jesús,
nzhab xaꞌ tu señ leꞌ xaꞌ:
“Xaꞌ kwaꞌn chiroꞌn taꞌ kwats,
xaꞌ zeꞌ guzen go no biꞌy go xaꞌ;
no neo,
naleꞌ xaꞌ gan.”
45 Or mizhin Judas lo Jesús,
lwegaꞌ nguzubi xaꞌ,
nzhab xaꞌ:
―¿Ma go Maestr?
Orzeꞌ michiroꞌ xaꞌ taꞌ kwats Jesús,
46 mbaino nguzubi rë men par nguzen bixaꞌ Jesús.
47 Orzeꞌ xtu rë xaꞌ nzo zeꞌ,
kun spad michoꞌ xaꞌ tu nzha mos cheꞌn ngulëiꞌ ro,
48 orzeꞌ midiꞌzh Jesús lo rë men zeꞌ:
―¿Chon nzë go kun spad mbaino kun yarrot?
¿Chigab tu men waꞌn nzatsen go?
49 Zilitaꞌ nguzon xid go leꞌn yadoꞌ,
plo nidiꞌzha widiꞌzh cheꞌn Dios;
no nangazent go da.
Per rë kureꞌ nzhak par gak rë kwaꞌn nzobniꞌ lo Yech cheꞌn Dios.
50 Orzeꞌ,
rë men cheꞌn Jesús mikëꞌ karre,
miaꞌn nab tsa Me.
51 Per tu miyiꞌ xi nzhakë tich Jesús,
narël xaꞌ nab tsa tu sab,
per nu xaꞌ nguzen men,
52 per nguroꞌtin xaꞌ yaꞌ men,
miaꞌntsa sab cheꞌn xaꞌ yaꞌ rë men zeꞌ,
kacheꞌ xaꞌ mileꞌ xaꞌ gan.
Mizhin Jesús lo rë gustis cheꞌn men Israel, xaꞌ más nileꞌ mandad
53 Orzeꞌ mbiꞌy bixaꞌ Jesús lo ngulëiꞌ ro;
no zeꞌ nzhin más ngulëiꞌ kwaꞌn nileꞌ mandad lo más ngulëiꞌ,
kun rë men Israel xaꞌ nak zhiꞌn,
mbaino rë xaꞌ niluꞌ ley kwaꞌn milaꞌ Dios lo Muisés.
San Marcos 14:53-72
54 Per lëꞌ Per ngwakë zit tich Jesús,
haxta lo luwe cheꞌn ngulëiꞌ ro mizhin Per.
Zeꞌ nguzob Per xid rë xaꞌ nikina yadoꞌ,
kibizh bixaꞌ junt lo ki.
55 No rë ngulëiꞌ ro,
mbaino kun más rë gustis xaꞌ más nileꞌ mandad,
kikwaꞌn bixaꞌ cho men gab,
nak Jesús tu kwaꞌn ñal gat Me,
par gut bixaꞌ Jesús;
per yent kwan ngane bixaꞌ,
nak Jesús.
56 No nayax men midiꞌzh kwaꞌn nak Jesús,
per pura nikë bixaꞌ diꞌzh,
tu xaꞌ kun xtu xaꞌ.
57 No nzho xaꞌ mikëꞌ mbël nzhab:
58 ―Mbin no midiꞌzh xaꞌ:
“Na chil yadoꞌ kwaꞌn michaoꞌ men,
mbaino chontsa ngubizh kuxkwaꞌn xtube,
per gat lëꞌt kwaꞌn nichaoꞌ yaꞌ mene.”
59 Per ni kwaꞌn nzhab xaꞌ reꞌ,
gat nakte tutsa kun rë kwaꞌn nidiꞌzh más bixaꞌ.
60 Orzeꞌ nguzuli ngulëiꞌ ro,
par nguzo xaꞌ saoꞌ rë men zeꞌ,
orzeꞌ minabdiꞌzh xaꞌ lo Jesús:
―¿Chon nanel kabal?
¿Kwan kine rë xaꞌ reꞌ nakal?
61 Per yent kwan ngakab Jesús.
Orzeꞌ minabdiꞌzh ngulëiꞌ ro xtu wëlt,
nzhab xaꞌ:
―¿Chi lu nak Krist,
Xgaꞌn Dios Me nidiꞌzh rë men nazhon?
62 Orzeꞌ nzhab Jesús:
―Nai.
No rë go ne,
lëꞌ Xgaꞌn Dios,
Me nu nak tu men yizhyuo;
lëꞌ Me zob lad direch cheꞌn Dios Me nileꞌ rëi;
no yëꞌd Me leꞌn xkao lo yibëꞌ.
63 Orzeꞌ michëz ngulëiꞌ ro lar kwaꞌn nzhoꞌb tich xaꞌ,
nela tu señ gaꞌ ke lëꞌ Jesús midiꞌzh tu kwaꞌn gat lëꞌ lo Dios.
Orzeꞌ nzhab xaꞌ:
―¿Kwan raꞌ gakla be,
ne men,
xtu kwaꞌn nak xaꞌ reꞌ?
64 Rë go mbin,
midiꞌzh xaꞌ diꞌzh gat lëꞌ lo Dios.
¿Kwan nileꞌu xigab ñal xaꞌ?
No rë bixaꞌ,
tutsa midiꞌzh bixaꞌ,
ke ñal gat Jesús.
65 No nzho bixaꞌ nguzublo michuk lo Jesús;
no mitsaoꞌ bixaꞌ lo Jesús kun tu lar,
no mikëꞌ bixaꞌ puñet yek Jesús,
orzeꞌ nzhab bixaꞌ:
―¡Bine cho mikëꞌi yekal!
No nu rë xaꞌ nikina yadoꞌ,
mixaꞌt bixaꞌi taꞌroꞌ Jesús.
Lëꞌ Per nzhab: “Gat niliꞌbeꞌtaꞌ Jesús”
66 No lëꞌ Per nzob al yët lo luwe,
lëꞌchi mizhin tu unaꞌ nikë zhiꞌn cheꞌn ngulëiꞌ ro,
67 no or une unaꞌ lëꞌ Per kibizh,
xe miwiꞌ unaꞌ,
nzhab unaꞌ:
―Nuka lu,
nikiꞌzë kun Jesús Nazareno.
68 Orzeꞌ nzhab Per:
―¡Aꞌa!
¡Ni nanen kwan kidiꞌzhal!
Orzeꞌ nguroꞌ Per roꞌ yoꞌ al tich.
(No lwegaꞌ mikëꞌ tu nguid gai kant.)
69 No or une kriad Per xtu wëlt,
nguzublo nzhab unaꞌ xid rë men nzhin zeꞌ:
―¡Nuka xaꞌ reꞌ,
tu xaꞌ nikizë kun lëꞌ bixaꞌ!
70 Per xtu wëlt nzhab Per:
“Nalibeꞌtaꞌ xaꞌ baꞌ”,
no uzhëla zeꞌ,
rë xaꞌ nzhin zeꞌ nzhab bixaꞌ lo Per:
―¡Sigur nukal nikizël kun lëꞌ bixaꞌ,
porke lu nzë lazh men Galilea!
71 Orzeꞌ nguzublo kizeꞌt Per Dios,
nzhab Per:
―¡Dios zakzi da chi lëꞌda ka kini rë kureꞌ!
72 Lëꞌchi mis orzeꞌ,
mikëꞌ nguid gai kant xtu wëlt.
Orzeꞌ mitsila Per kwaꞌn nzhab Jesús:
“Antis di këꞌ nguid gai kant chop wëlt,
lëꞌl gab chon wëlt:
Gat niliꞌbeꞌtaꞌ xaꞌ baꞌ.”
Orzeꞌ dox mbiꞌn Per.