Miaꞌn bixaꞌ diꞌzh xmod gut bixaꞌ Jesús
22
Nzhazhin la lani Pask,
or nzhao rë men Israel pan kwaꞌn niyent levadur;
San Lucas 22:1-38
2 no rë xaꞌ nileꞌ mandad lo rë ngulëiꞌ,
no rë xaꞌ niluꞌ ley,
miaꞌn bixaꞌ diꞌzh gut bixaꞌ Jesús xlaꞌn,
nes par naxoꞌb mene yek bixaꞌ,
porke nizheb bixaꞌ gon mene.
3 Orzeꞌ nguio Mizhab laxtoꞌ Judas Iscariote,
mis tu rë xaꞌ kwaꞌn nak tu dusen men cheꞌn Jesús.
4 Ngwa xaꞌ reꞌ lo rë xaꞌ nileꞌ mandad lo rë ngulëiꞌ,
mbaino lo rë xaꞌ nileꞌ mandad rë xaꞌ nikina yadoꞌ,
par midiꞌzhnu Judas rë xaꞌ reꞌ,
xmod chi Judas Jesús lo bixaꞌ.
5 Orzeꞌ nizak laxtoꞌ rë xaꞌ reꞌ,
no miaꞌn bixaꞌ diꞌzh,
kix bixaꞌ kaꞌ Judas por kureꞌ.
6 Orzeꞌ nguziyël Judas.
No dizde orzeꞌ,
nguzublo kikwaꞌn Judas mod par chi xaꞌ Jesús lo rë xaꞌ reꞌ,
tu or kwaꞌn nayent men lo Jesús.
Lult xcheꞌ kwaꞌn ndao Jesús
7 Mizhin zhë kwaꞌn nzhal lani Pask,
or nzhao men Israel pan kwaꞌn niyent levadur;
zhë reꞌ nzhut men tu mbëkxiꞌl.
8 Orzeꞌ mixëꞌl Jesús Per kun Juan,
nzhab Me:
―Wa go,
wachaoꞌ go kwaꞌn gao be lani pask reꞌ.
9 Orzeꞌ nzhab bixaꞌ lo Jesús:
―¿Plo nzhaklal yachaoꞌ noi?
10 Orzeꞌ nzhab Jesús:
―Biwiꞌ go,
or zhin go yezh Jerusalén,
zeꞌ zhëꞌl go tu miyiꞌ kwaꞌn ñanu tu re nits,
wakëꞌ go tich xaꞌ haxta or zhin xaꞌ lizh xaꞌ,
11 orzeꞌ gab go lo xaꞌ kwaꞌn nak cheꞌn yoꞌ zeꞌ:
“Lëꞌ Maestr ne:
¿Luꞌ go plo gao Maestr kun rë men cheꞌn Maestr nal lani reꞌ?”
12 Orzeꞌ lëꞌ xaꞌ luꞌ tu kwart ro lo go,
kwaꞌn nzob xtu pis ya,
no rë kwaꞌn nzhin la leꞌne;
orzeꞌ zeꞌ bichaoꞌ go kwaꞌn gao be.
13 Orzeꞌ ngwa bixaꞌ,
no seꞌka ngoke nela xmod nzhab ka Jesús lo bixaꞌ,
orzeꞌ zeꞌ michaoꞌ bixaꞌ kwaꞌn gao bixaꞌ lani pask reꞌ.
―¡Dox nzhapa gan gao be lani Pask reꞌ,
antis di zakzi da mbaino gat da!,
16 porke nin lo go,
nayotraꞌ ga̱u̱n lani pask reꞌ;
haxta or leꞌ Dios mandad,
orzeꞌ ga̱u̱ne xtu xëlt.
17 Orzeꞌ nguzen Me tu bas,
mizaꞌ Me xkix lo Dios,
nzhab Me:
―Guꞌ go kureꞌ,
no gudiꞌz goi xid rë go,
18 porke lult nal goꞌn nits gub yizhyuo reꞌ.
Or goꞌne xtu wëlt plo nileꞌ Dios mandad,
xaꞌla mode.
19 Orzeꞌ nguzen Me pan,
mizaꞌ Me xkix lo Dios,
orzeꞌ michiꞌx Mei,
no mizaꞌ Mei kaꞌ rë men cheꞌn Me,
orzeꞌ nzhab Me:
―Kureꞌ nak kwerp da kwaꞌn zan por rë go;
seꞌ bileꞌ go dubtaꞌ,
nela xmod kilen reꞌ,
par tsila go da.
20 No seꞌska mileꞌ Me,
or milox ndao xcheꞌ bixaꞌ,
nguzen Me kwaꞌn nzho bin,
orzeꞌ nzhab Me:
―Bin reꞌ nak di nueb,
kwaꞌn milaꞌ Dios diꞌzh par rë men da,
zaꞌ Dios yalnazhon kaꞌ bixaꞌ,
por ren da kwaꞌn xo por rë go.
21 ’Per biwiꞌu,
xaꞌ chi da lo rë men,
lëꞌ xaꞌ nzob kuda lo mes reꞌ.
22 Na,
Xgaꞌn Dios mbaino nak da tu men yizhyuo;
nak la diꞌzh zakzi da,
per xaꞌ kwaꞌn chi da lo rë men,
¡nazheꞌb mal nzha xaꞌ reꞌ!
23 Orzeꞌ nguzublo kidiꞌzh rë men cheꞌn Me:
“¿Cho xaꞌ kwaꞌn nzho xid be,
gak xaꞌ kwaꞌn leꞌ kureꞌ?”
Kichëlroꞌ rë men cheꞌn Jesús par nabei cho leꞌ mandad xid bixaꞌ
24 No rë men cheꞌn Me nguzublo kichëlroꞌ bixaꞌ,
par nabei cho gak xaꞌ leꞌ mandad xid bixaꞌ,
25 orzeꞌ nzhab Jesús lo bixaꞌ:
―Rë xaꞌ nak rey lo rë men gat lëꞌt men Israel,
dox nileꞌ bixaꞌ provech rë men reꞌ;
mbaino rë más rë xaꞌ nileꞌ mandad lo rë men reꞌ,
mis lëꞌ bixaꞌ nidiꞌzh dox wen nileꞌ bixaꞌ rë kwaꞌn.
26 Per go,
naleꞌt go saꞌ.
Mejor cho go nzhakla leꞌ mandad,
go zeꞌ gak xaꞌ más win;
no xaꞌ nizo dilant,
nak nela tu mos gaꞌ.
27 No,
¿cho más nileꞌ mandad?
¿Chi men nizob lo mese,
o xaꞌ nichi kwaꞌn gao mene?
¿Chi gat lëꞌt xaꞌ nizob lo mese?
Per na,
nak xid go nela tu men nichi kwaꞌn lo men gaꞌ.
28 ’No go,
dubtaꞌ nguzo go kuna,
or nguzaka rë kwaꞌn milinu men da.
29 Kuzeꞌ,
nela mineꞌ Xuza poder par len mandad,
seꞌska nene kaꞌ go par leꞌ go mandad,
30 nes par gao go,
no go go lo mes da,
plo nilen mandad;
no zob go plo leꞌ go mandad lo za tu dusen ben men Israel.
Midiꞌzh Jesús, lëꞌ Per gab, gat nilibeꞌt Per Jesús
31 No nu nzhab Señor:
―Simón,
Simón;
biwiꞌ lëꞌ Mizhab gunaꞌb par nabei,
cho go leꞌ xaꞌ gan koꞌ xaꞌ lon,
nela xmod nitsumbe men triu gaꞌ,
32 per na gunaꞌb lo Dios por lu,
par nalaꞌl yilal da;
no or yëkal lon,
goknu rë wechal par zo bixaꞌ naye lo Dios.
33 Orzeꞌ nzhab Per:
―Señor,
ter lizhyiꞌb yoꞌn kun go,
no haxta ter gat da kun go.
34 Orzeꞌ nzhab Jesús:
―Nin lol Per;
antis di ke këꞌ gai kant,
lëꞌl gab chon wëlt gat nilibeꞌtal da.
Nzhazhin or gat Jesús
35 Orzeꞌ nzhab Jesús:
―Or mixëla go,
nin yent kwaꞌn weiꞌ go nez;
ni tu bols,
ni kwaꞌn nigo go dimi cheꞌn go,
ni yalyid cheꞌn go,
no,
¿chi ngok jwalt tu kwaꞌn lo go?
Orzeꞌ nzhab bixaꞌ:
―Yent kwan ngak jwalt lo no.
36 Orzeꞌ nzhab Jesús:
―Per nal nin lo go,
xaꞌ kinu bols,
weiꞌ xaꞌi;
no xaꞌ kinu dimi,
weiꞌ xaꞌi;
no xaꞌ gat kinu spad,
to xaꞌ kwaꞌn nzhak xaꞌ par ziꞌ xaꞌ tube,
37 porke nin lo go,
nak la diꞌzh gak rë kwaꞌn nzobniꞌ por da,
widiꞌzh kwaꞌn nzhab:
“Nu xaꞌ nzho xid rë xaꞌ más nzëꞌb xki lo men.”
Walika rë kwaꞌn nzob lo yech por da,
lëꞌi gak.
38 Orzeꞌ nzhab rë men cheꞌn Jesús:
―Señor,
biwiꞌ go,
lëꞌ chop spad reꞌ.
Orzeꞌ nzhab Jesús:
―Une lai,
nadiꞌzhtraꞌ go.
Minaꞌb Jesús lo Dios plo lë Getsemaní
39 Orzeꞌ nguroꞌ Jesús nela xmod nileꞌ ka Me,
nzha Me mont plo lë Olivos,
nu rë men cheꞌn Me,
nzhakë tich Me.
San Lucas 22:39-71
―Binaꞌb go lo Dios,
par nayachin go lo kwaꞌn gat lëꞌ.
41 Orzeꞌ nguruyaꞌ Jesús tu lad di plo nzhin rë men cheꞌn Me,
zit nela plo nichizhin men tu ke yaꞌ men gaꞌ;
zeꞌ nguzuxib Me,
par kinaꞌb Me lo Dios,
42 nzhab Me:
―Payëꞌ,
chi nzhaklal,
guloꞌ da lo kwaꞌn nazheꞌb reꞌ.
Per gat lëꞌt kwaꞌn nin gak,
sino kwaꞌn nzhaklale.
43 Orzeꞌ nguruxoꞌb tu ganj lo yibëꞌ,
par mizaꞌ jwers kaꞌ Jesús.
44 No nazheꞌb niwin laxtoꞌ Jesús nela tu men naxiat gaꞌ,
orzeꞌ más naye kinaꞌb Me lo Xuz Me;
no nits nzhakneiꞌ Me ngob lo yuo,
rë lan ro nela ren gaꞌ.
45 Or milox gunaꞌb Jesús,
ngwatso Me ña Me lo rë men cheꞌn Me,
orzeꞌ rë men cheꞌn Me naxnaa por dox niwin laxtoꞌ bixaꞌ,
46 orzeꞌ nzhab Jesús lo bixaꞌ:
―¿Chon naxnaa go?
Waxche go,
no gunaꞌb go lo Dios,
par nayachin go lo kwaꞌn gat lëꞌ.
Or ngwagaꞌ Jesús
47 Stubi kidiꞌzh Me,
lëꞌchi mizhin tu bëd men,
no xaꞌ kwaꞌn lë Judas,
mis tu rë xaꞌ kwaꞌn nzho xid tu dusen men cheꞌn Jesús,
dilant laka xaꞌ reꞌ,
orzeꞌ nguzubi xaꞌ lo Jesús par michiroꞌ xaꞌ taꞌ kwats Jesús,
48 orzeꞌ nzhab Jesús:
―Judas,
na Xgaꞌn Dios no nak da tu men yizhyuo,
no ¿chi par chil da lo rë men reꞌ,
chiroꞌl taꞌ kwatsa?
49 No rë men cheꞌn Jesús,
or une bixaꞌ kureꞌ,
nzhab bixaꞌ:
―Señor,
¿dil no kun spad?
50 No tu rë men cheꞌn Jesús,
michoꞌ tu nzha mos cheꞌn ngulëiꞌ ro,
lad direch,
51 orzeꞌ nzhab Jesús lo rë men cheꞌn Me:
―¡Bilaꞌ go,
unelai!
Orzeꞌ migal Jesús nzha mos zeꞌ,
no lwegaꞌ miliwen Jesuze.
52 No nzhab Jesús lo rë xaꞌ kwaꞌn nileꞌ mandad,
no lo rë ngulëiꞌ;
mbaino lo rë xaꞌ nikina yadoꞌ,
no lo rë xaꞌ nak zhiꞌn,
rë xaꞌ kwaꞌn nzë par zen Jesús:
―¿Chon nzatsen go da kun spad no kun yarrot?
Chigab tu waꞌn nzatsen go.
53 Rë ngubizh nguzon kun go leꞌn yadoꞌ,
no nangazent go da;
per nal yëꞌl reꞌ nak or cheꞌn go,
no or cheꞌn Mizhab.
Nzhab Per, gat nilibeꞌt Per Jesús
54 Orzeꞌ nguzen bixaꞌ Jesús,
ñanu bixaꞌ Me lizh ngulëiꞌ ro;
no lëꞌ Per zit-zit nzhakë Per tich rë men ñanu Jesús.
55 No or mizoꞌl bixaꞌ tu ki lo luwe,
orzeꞌ nguzob bixaꞌ nakaꞌn par bizh bixaꞌ,
mbaino nu Per nguzob xid bixaꞌ.
56 No tu unaꞌ kwaꞌn nikë zhiꞌn zeꞌ,
nzob gax plo kichëꞌ Per,
xe miwiꞌ unaꞌ lo Per,
orzeꞌ nzhab unaꞌ:
―¡Nuka miyiꞌ reꞌ nikizë kun Jesús!
57 Orzeꞌ mikaꞌch Per,
nzhab Per:
―Wiꞌle unaꞌ,
nalibeꞌtaꞌ xaꞌ baꞌ.
58 Guzhël la di zeꞌ,
xtu xaꞌ nzhab lo Per:
―¡Nuka lu nak tu xpen xaꞌ baꞌ!
Per nzhab Per:
―Aꞌa mbeeꞌ,
gat nakt dai.
59 No dispwés,
pas nzha tu or,
lëꞌchi xtu xaꞌ kiyab gargaꞌl:
―¡Sigurka,
nu ka xaꞌ reꞌ nikizë kun xaꞌ baꞌ,
porke nu ka xaꞌ reꞌ nzë lazh men Galilea!
60 Orzeꞌ nzhab Per lo xaꞌ reꞌ:
―Per mbeeꞌ,
¡naneta kwan kidiꞌzhal!
No stubi kidiꞌzh Per kureꞌ,
lëꞌchi mikëꞌ tu gai kant,
61 orzeꞌ miëk Jesús,
miwiꞌ lo Per,
orzeꞌ mitsila Per kwaꞌn nzhab Señor:
“Chon wëlt gabal:
Gat nilibeꞌtaꞌl da,
antis di këꞌ nguidgai kant.”
62 Orzeꞌ nguroꞌ Per tich,
dox nzhoꞌn Per.
Mixizhnu bixaꞌ Jesús
63 Rë xaꞌ kikina Jesús,
dub kiyin bixaꞌ Me,
kixizhnu bixaꞌ Me,
64 nu mitsaoꞌ bixaꞌ lo Jesús,
no nzhab bixaꞌ:
―¡Bine,
cho kiyinal nabei!
65 No nu nzhab bixaꞌ más kwaꞌn gat lëꞌ lo Jesús par nde bixaꞌ Me.
Mbiyꞌ bixaꞌ Jesús lo rë gustis, xaꞌ más nileꞌ mandad
66 No or ngwanilyuo,
migan rë xaꞌ nak zhiꞌn yezh,
no rë xaꞌ nileꞌ mandad lo rë ngulëiꞌ,
mbaino rë xaꞌ niluꞌ ley,
no mbiyꞌ bixaꞌ Jesús plo nzhin rë gustis xaꞌ más nileꞌ mandad,
zeꞌ minabdiꞌzh bixaꞌ lo Me,
nzhab bixaꞌ:
67 ―Bine lo no,
chi lu ka nak Krist.
Orzeꞌ nzhab Jesús:
―Chi nin:
“Nakai”,
nayilat goi,
68 no chi nabdiꞌzha tu kwaꞌn lo go,
nanet goi.
69 Per dizde nal reꞌ,
lëꞌ Xgaꞌn Dios,
xaꞌ nak ska tu men yizhyuo,
zob lad direch cheꞌn Dios,
Me kwaꞌn nileꞌ rë kwaꞌn.
70 Orzeꞌ rë bixaꞌ minabdiꞌzh,
nzhab bixaꞌ:
―¿Chi lu ka nak Xgaꞌn Dios?
Orzeꞌ nzhab Jesús:
―Go kine nai.
71 Orzeꞌ nzhab bixaꞌ:
―Gat nakiꞌntraꞌ be,
más men ne kwaꞌn lo be.
Pwes mis be mbin kwaꞌn midiꞌzh xaꞌ.