Mbiyꞌ bixaꞌ Jesús lo Pilat
23
Orzeꞌ,
ngwatso rë bixaꞌ,
ñanu bixaꞌ Jesús lo Pilat.
San Lucas 23:1-25
―Lëꞌ xaꞌ reꞌ kikide men lazh no,
no ne xaꞌ,
gat ñalt gax dimi cheꞌn rey César;
no nidiꞌzh xaꞌ,
lëꞌ xaꞌ nak Krist,
mbaino nu nak xaꞌ rey nidiꞌzh xaꞌ.
3 Orzeꞌ nzhab Pilat lo Jesús:
―¿Chi lu ka nak rey cheꞌn rë men Israel?
Orzeꞌ nzhab Jesús:
―Go kine nai.
4 Orzeꞌ nzhab Pilat lo rë xaꞌ nileꞌ mandad rë ngulëiꞌ,
no lo más rë men nzhin zeꞌ:
―Neule,
na miwiꞌ,
yent kwan nak xaꞌ reꞌ par ganin,
lëꞌ xaꞌ nzhap dol.
5 Per más naye kibizhië bixaꞌ,
nzhab bixaꞌ:
―Xaꞌ reꞌ kikiꞌl rë nak men Judea kun rë kwaꞌn kiluꞌ xaꞌ.
Dizde kun rë men Galilea nguzublo xaꞌ,
no nal,
haxta reꞌ kileꞌ xaꞌi.
6 No or mbin Pilat rë kureꞌ,
minabdiꞌzh xaꞌ:
―¿Chi lazh men Galilea nzë miyiꞌ baꞌ?
7 Orzeꞌ nzhab rë men zeꞌ:
―Walikai,
men Galilea xaꞌ.
No or mbin Pilat,
lëꞌ Jesús nzë plo nileꞌ Herodes mandad,
orzeꞌ mixëꞌl Pilat Jesús lo Herodes,
no lëꞌ Herodes leꞌn rë ngubizh zeꞌ,
mer nzo xaꞌ yezh Jerusalén.
8 No or une Herodes Jesús,
dox nizak laxtoꞌ xaꞌ,
porke nzhala,
nzhakla Herodes ne xaꞌ Jesús por rë kwaꞌn nzhon xaꞌ nileꞌ Jesús;
kuzeꞌ nzhakla xaꞌ ne xaꞌ leꞌ Jesús tu señ nazhon.
9 Nayax dox kwaꞌn minabdiꞌzh Herodes lo Jesús,
per yent kwaꞌn ngakab Jesús.
10 Rë xaꞌ nileꞌ mandad lo rë ngulëiꞌ,
no rë xaꞌ niluꞌ ley nzhin zeꞌ,
dox kikëꞌ bixaꞌ kixuꞌ Jesús.
11 Orzeꞌ Herodes no rë sondad cheꞌn xaꞌ,
nguzhitnu bixaꞌ no mixizhnu bixaꞌ Jesús;
migak bixaꞌ tu lar wen Jesús,
kwaꞌn nzhak rey;
orzeꞌ mixëꞌlska xaꞌ Jesús lo Pilat xtu wëlt.
12 No mis zhë zeꞌ,
michëꞌl Pilat no Herodes,
porke nzhala zeꞌ,
lëꞌ bixaꞌ nidil.
Nzhab rë men, gat Jesús
13 Orzeꞌ mikan Pilat rë xaꞌ nileꞌ mandad lo rë ngulëiꞌ,
no rë xaꞌ nak zhiꞌn yezh,
mbaino rë men yezh,
14 orzeꞌ nzhab Pilat lo bixaꞌ:
―Biwiꞌu,
go michi xaꞌ reꞌ lon,
no ne go,
lëꞌ xaꞌ kichëldil men,
per na minabdiꞌzh lo xaꞌ lo rë nak go;
no ni tu kwaꞌn ne go nak xaꞌ,
gat walit.
15 No nu ska Herodes nane,
gat nzhapt xaꞌ dol,
kuzeꞌ mixëꞌl Herodes xaꞌ lon xtu wëlt,
ne goi nal,
yent kwaꞌn nzëꞌb xaꞌ par ñal gat xaꞌ.
16 Nal reꞌ,
dispwés di rële tich xaꞌ,
lëꞌ xaꞌ liyan.
―¡Naliyaꞌt go xaꞌ reꞌ,
biliyaꞌ go Barrabás!
19 No lëꞌ Barrabás nzho lizhyiꞌb por michëldil xaꞌ men yezh,
no por mbit xaꞌ men.
20 Per Pilat ngokla ngaliyaꞌ Jesús,
no nzhab xaꞌi xtu wëlt,
21 per rë men zeꞌ gargaꞌl nguruzhië bixaꞌ,
nzhab bixaꞌ:
―¡Bikëꞌ go xaꞌ lo krus!
¡Bikëꞌ go xaꞌ lo krus!
22 No wëlt yon nzhab Pilat lo bixaꞌ:
―Per,
¿kwan tu kwaꞌn mal mileꞌ xaꞌ reꞌ?
Na miwiꞌ,
yent kwan nak xaꞌ,
par ñal gat xaꞌ.
Nal reꞌ,
lox rële tich xaꞌ,
orzeꞌ liyan xaꞌ.
23 Per más naye kibizhië bixaꞌ:
“¡Bikëꞌ go xaꞌ lo krus!”,
haxta ke mileꞌ bixaꞌ gan kwaꞌn nzhakla bixaꞌ.
24 Orzeꞌ nguziyël Pilat kwaꞌn minaꞌb bixaꞌ,
25 no miliyaꞌ Pilat,
xaꞌ kwaꞌn michëldil men no xaꞌ kwaꞌn mbit men,
porke xaꞌ reꞌ ngokla bixaꞌ;
orzeꞌ michi Pilat Jesús lo rë men,
par mileꞌ bixaꞌ kwaꞌn nzhakla bixaꞌ kun lëꞌ Me.
Nkë Jesús lo krus
26 Or ñanu bixaꞌ Jesús plo gat Me,
nez nguzen bixaꞌ tu miyiꞌ xaꞌ lë Simón,
xaꞌ nzë lazh men Cirene,
seꞌ ñëꞌd xaꞌ reꞌ di dan,
no mileꞌ bixaꞌ mbiyꞌ xaꞌ reꞌ krus cheꞌn Jesús yën xaꞌ,
nzhakë xaꞌ tich Jesús.
San Lucas 23:26-43
27 Nayax men nzhakë,
no nayax unaꞌ nzhoꞌn naye,
di yalnawin por kwaꞌn kizak Jesús.
28 Orzeꞌ miëk Jesús lo rë unaꞌ zeꞌ,
nzhab Me:
―Rë go unaꞌ Jerusalén,
nagoꞌnt go por na;
mejor biꞌn go por mis go no por rë xmëꞌd go,
29 porke biwiꞌu,
lëꞌ zhë zhin gab men:
“Wen nzha rë unaꞌ kwaꞌn nangapt mëꞌd,
no rë unaꞌ kwaꞌn nangayot ngazaꞌ chich ngo mëꞌd.”
30 Orzeꞌ gab men lo rë yiꞌ:
“Gob yek no”,
no lo rë lom:
“Bitsaoꞌ no”,
31 porke chi kun tu ya nayëꞌ nileꞌ bixaꞌ kureꞌ,
no nal kun ya bizh,
¿kwan leꞌ bixaꞌ kun lëꞌi?
32 No nu ñanu bixaꞌ chop men mal,
par nu bixaꞌ gat kun Jesús.
33 No or mizhin bixaꞌ lugar kwaꞌn lë Kalaber,
zeꞌ mikëꞌ bixaꞌ Jesús lo krus;
mbaino xchop men mal zeꞌ,
tu xaꞌ lad direch,
no xtu xaꞌ lad skierd cheꞌn Jesús.
34 Orzeꞌ nzhab Jesús lo Dios:
―Payëꞌ,
bicheꞌ go kwaꞌn nzëꞌb xki rë men reꞌ,
porke nanet bixaꞌ kwan kileꞌ bixaꞌ.
No rë sondad nguzhit bixaꞌ,
par cho leꞌ gan xab Jesús,
35 no rë men nzhin zeꞌ niwiꞌ;
no haxta pla rë xaꞌ nak zhiꞌn mixizhnu bixaꞌ Jesús,
nzhab bixaꞌ:
―¡Nayax men miliwen xaꞌ baꞌ,
nal nabei,
chi walika nak xaꞌ Krist,
xaꞌ kwaꞌn ngule Dios,
pwes ñal mis lëꞌ xaꞌ leꞌ,
nagat xaꞌ!
36 Nu rë sondad mixizhnu Jesús,
nguzubi bixaꞌ kizaꞌ bixaꞌ nits yiꞌn binagr go Jesús,
37 no nzhab bixaꞌ:
―Chi lëꞌi lu nak rey lo rë men Israel,
¡bileꞌ,
nagattal!
38 No lo tu tab,
nkë tu widiꞌzh yek krus cheꞌn Me kun letr grieg,
no letr latín,
mbaino letr hebreo.
Seꞌ nzhabe:
“Xaꞌ reꞌ nak rey cheꞌn rë men Israel.”
39 No tu rë miyiꞌ xaꞌ nikë lo krus,
xaꞌ mal zeꞌ,
midiꞌzh xaꞌ kwaꞌn gat lëꞌ lo Jesús,
nzhab xaꞌ:
―¡Pwes lu nak Krist!
¡Bileꞌ nagattaꞌl,
mbaino nu no nalaꞌtal gat!
40 Per xtu xaꞌ kwaꞌn nikë xtu lad taꞌ krus,
nzhab xaꞌ lo xaꞌ zeꞌ:
―¿Chi gat nizhebtal ninel Dios,
ter saꞌ kizakzil?
41 Be ñalkai kizakzi be por kwaꞌn mileꞌ be,
per xaꞌ reꞌ,
yent cho tu kwaꞌn mal mileꞌ xaꞌ.
42 Orzeꞌ nzhab xaꞌ reꞌ lo Jesús:
―Jesús,
bitsila go da or yëꞌd go,
leꞌ go mandad.
43 Orzeꞌ nzhab Jesús:
―Sigurka,
mis nal reꞌ,
lëꞌl yo kuna lo yibëꞌ.
Or ngut Jesús
44 Pas como garol ngubizh nguzublo mikao dub lo yizhyuo,
midiꞌy como chon or;
San Lucas 23:44-56
45 mikao lo ngubizh,
no ngurëz lar kwaꞌn nikë leꞌn yadoꞌ,
garoltaꞌ ngoke,
46 orzeꞌ naye gunaꞌb Jesús lo Dios,
nzhab Me:
―¡Payëꞌ!
¡Leꞌn yaꞌl,
lan sprit da!
Or milox midiꞌzh Jesús kureꞌ,
ngut Me.
47 No or une xaꞌ nileꞌ mandad lo rë sondad román,
kwaꞌn ngok reꞌ,
midiꞌzh xaꞌ nazhon Dios,
nzhab xaꞌ:
―Walika,
yent kwan nzëꞌb miyiꞌ reꞌ.
48 No rë xaꞌ kwaꞌn nzhin zeꞌ,
or une bixaꞌ kwaꞌn ngok reꞌ,
ña bixaꞌ maska kiyich bixaꞌ laz bixaꞌ por tanta nalats kureꞌ.
49 Per rë xaꞌ kwaꞌn nilibeꞌ Jesús,
no rë unaꞌ kwaꞌn nkizë tich Jesús dizde or nkizë Me lazh men Galilea,
zit nzo bixaꞌ,
kiwiꞌ bixaꞌ.
Or migaꞌch Jesús
50 No nzho tu miyiꞌ lë Che,
nu xaꞌ nak zhiꞌn xid rë gustis xaꞌ más nileꞌ mandad lo rë men Israel.
Dox wen miyiꞌ reꞌ,
no menaye xaꞌ.
51 Gat nut xaꞌ reꞌ nzho lad cheꞌn rë xaꞌ mbit Jesús,
porke nu ka miyiꞌ reꞌ,
kimbëz or zhin zhë leꞌ Dios mandad.
No yezh Arimatea nzë xaꞌ reꞌ,
kwaꞌn ñaꞌn lazh men Judea.
52 Miyiꞌ reꞌ ngwa lo Pilat,
par gunaꞌb xaꞌ kwerp cheꞌn Jesús par gaꞌche.
53 No or mila xaꞌ kwerp cheꞌn Jesús lo krus,
orzeꞌ michël xaꞌ lareꞌ,
orzeꞌ ngwakaꞌch xaꞌ Jesús leꞌn tu baꞌ pura ke,
plo nagat gaꞌch ni tu men.
54 No zhë reꞌ,
zhë kwaꞌn nichaoꞌ xaꞌ kwaꞌn,
par zublo zhë kwaꞌn nayiꞌ kë men Israel zhiꞌn,
no mer gal or kwaꞌn zublo zhë reꞌ.
55 No rë unaꞌ kwaꞌn nkizë tich Jesús dizde lazh men Galilea,
ngwatsiꞌ bixaꞌ roꞌ baꞌ,
par une bixaꞌ xmod nzhoꞌb kwerp cheꞌn Jesús.
56 Or miëk rë unaꞌ reꞌ par lizh,
michaoꞌ bixaꞌ aseit nax par ko bixaꞌi kwerp cheꞌn Jesús;
orzeꞌ mileꞌ bixaꞌ diskans ngubizh zeꞌ,
nela xmod nzobniꞌ ka lo ley kwaꞌn milaꞌ Dios lo Muisés.