Nguzen rë xaꞌ nak zhiꞌn Jesús
18
No or milox midiꞌzh Jesús rë widiꞌzh reꞌ,
orzeꞌ nguroꞌ Me kun rë men cheꞌn Me par nzha bixaꞌ,
nded bixaꞌ xtu roꞌ yux kwaꞌn lë Cedrón.
Zeꞌ nzhiꞌb tu bëd ya kwaꞌn lë olib,
zeꞌ miaꞌn bixaꞌ.
2 No Judas,
xaꞌ chi Jesús lo rë men Israel xaꞌ nak zhiꞌn,
nane xaꞌ plo nzhiꞌb rë ya zeꞌ,
porke zeꞌ nayax wëlt nzhaya Jesús kun rë men cheꞌn Me par nibin bixaꞌ zeꞌ.
Jesús traicionado y arrestado (Juan 18.1-14)
3 Orzeꞌ,
zeꞌ mizhin Judas kun tu bëd sondad román,
kun zipla xaꞌ nikina yadoꞌ;
rë men reꞌ nzë zeꞌ por mandad cheꞌn rë ngulëiꞌ xaꞌ nileꞌ mandad lo más rë ngulëiꞌ,
no por mandad cheꞌn rë men fariseo.
Nzhanu bixaꞌ kwaꞌn nizini lo bixaꞌ mbaino kun rë bël yer,
no nu nzhanu bixaꞌ kwaꞌn dil bixaꞌ.
4 Per lëꞌ Jesús nane la rë kwaꞌn gak,
orzeꞌ minaꞌbdiꞌzh Me lo rë men zeꞌ,
nzhab Me:
―¿Cho kikwaꞌn go?
5 Mikab rë men zeꞌ:
―Lëꞌ Jesús xaꞌ nzë yezh Nazarete.
Lëꞌchi nzhab Jesús:
―Na xaꞌ zeꞌ.
Mbaino nu Judas xaꞌ chi Jesús lo rë men zeꞌ,
nzho xid rë xaꞌ reꞌ,
6 no or nzhab Jesús:
“Nai”,
no orzeꞌ lwegaꞌ miëk bixaꞌ al tich bixaꞌ,
no ngwachin bixaꞌ.
7 Orzeꞌ xtu wëlt nzhab Jesús lo bixaꞌ:
―¿Cho kikwaꞌn go?
Mikab rë men zeꞌ:
―Jesús xaꞌ nzë yezh Nazarete.
8 Per nzhab Jesús lo bixaꞌ:
―Lëꞌda ni lai lo go,
nai.
Lëꞌi na kikwaꞌn go;
bilaꞌ go bi rë men reꞌ.
9 Rë kureꞌ ngok nes ngok rë widiꞌzh kwaꞌn midiꞌzh Jesús,
or nzhab Me lo Xuz Me:
“Rë xaꞌ mineꞌ Go gak men da,
ni tu bixaꞌ nangaroꞌt nez cheꞌn Go.”
10 No lëꞌ Simón Per kinu tu spad,
orzeꞌ nguloꞌ xaꞌi,
no michoꞌ xaꞌ tu lad direch nzha tu xaꞌ lë Malco,
mos cheꞌn ngulëiꞌ ro,
11 orzeꞌ nzhab Jesús lo Per:
—Guluchaoꞌ spad baꞌ plo nzhoi;
no chi lëꞌ Xuza nzhakla deꞌda lo kwaꞌn nazheꞌb reꞌ,
lëꞌi deꞌda.
Jesús nzo lo Anás, xaꞌ nak xaꞌzhaꞌp ngulëiꞌ ro
12 No lëꞌ rë sondad,
kun xaꞌ nileꞌ mandad lo bixaꞌ,
mbaino kun rë xaꞌ nikina yadoꞌ,
nguzen bixaꞌ Jesús,
miliꞌb bixaꞌ Me,
13 orzeꞌ mbiꞌy bixaꞌ Jesús galo laka lo Anás,
xaꞌ nak xaꞌzhaꞌp Caifás,
xaꞌ nak ngulëiꞌ ro leꞌn liꞌn zeꞌ.
14 Nzhab xaꞌ lë Caifás reꞌ lo rë men Israel,
más wen gat tutsa miyiꞌ reꞌ ke par gat dub yezh men.
Nzhab Per, gat nilibeꞌt xaꞌ Jesús
15 Lëꞌ Simón Per kun xtu men cheꞌn Jesús,
nzhakë bixaꞌ tich Jesús,
no lëꞌ xtu men cheꞌn Jesús zeꞌ,
nilibeꞌ ngulëiꞌ ro xaꞌ,
kuzeꞌ ngok nguio xaꞌ reꞌ lo luwe cheꞌn ngulëiꞌ ro,
plo ñanu men Jesús,
Pedro niega conocer a Jesús y Anás pregunta a Jesús (Juan 18.15-27)
16 no lëꞌ Per miaꞌn al tich,
gax roꞌ pwert;
per men cheꞌn Jesús xaꞌ nilibeꞌ ngulëiꞌ ro zeꞌ,
midiꞌzhnu xaꞌ reꞌ xaꞌ nikina roꞌ pwert,
par milaꞌ xaꞌ nguio Per.
17 Orzeꞌ minaꞌbdiꞌzh unaꞌ kwaꞌn nikina roꞌ puert zeꞌ lo Per,
nzhab unaꞌ:
―¿Chi gat nutal nak tu rë men cheꞌn miyiꞌ baꞌ?
Mikab Per:
―Aꞌa,
gat nut da.
18 No zeꞌ nzo pla rë mos cheꞌn ngulëiꞌ ro kun rë xaꞌ nikina yadoꞌ,
kizoꞌl bixaꞌ tu ki por dox nayag,
par kichëꞌ bixaꞌ;
orzeꞌ nu Per nguzubi,
kichëꞌ xid rë xaꞌ reꞌ.
Minaꞌbdiꞌzh Anás, kwan nak Jesús
19 Orzeꞌ nguzublo kinaꞌbdiꞌzh Anás lo Jesús,
kwan nak rë men cheꞌn Me,
mbaino xkwan niluꞌ Me.
20 Unkab Jesús:
―Midiꞌzha lo rë nak men,
no zilitaꞌ milune leꞌn rë yoꞌ plo nibin rë men Israel,
par nitseꞌd bixaꞌ widiꞌzh cheꞌn Dios,
no haxta leꞌn yadoꞌ milune;
nangalutne xlaꞌn.
21 ¿Chon kinabdiꞌzh go lon?
Binaꞌbdiꞌzh go lo rë xaꞌ mbin rë kwaꞌn midizha,
no lëꞌ bixaꞌ ne lo go kwan milun lo bixaꞌ,
porke lëꞌ bixaꞌ mbine.
22 No or milox midiꞌzh Jesús kureꞌ,
orzeꞌ mikëꞌ tu xaꞌ nikina yadoꞌ zeꞌ tube roꞌ Me,
no nzhab xaꞌ:
―¿Chi saꞌ kabal lo xaꞌ nak ngulëiꞌ ro baꞌ?
23 Unkab Jesús:
―Chi midizha tu widiꞌzh kwaꞌn gat ñal dizha,
bine go kwane;
per chi midizha kwaꞌn ñal ka dizha,
¿chon mikëꞌ goi roꞌn?
24 Orzeꞌ mixëꞌl Anás Jesús naliꞌb doꞌ Me lo Caifás,
xaꞌ mer ngulëiꞌ ro.
Xtu wëlt nzhab Per, gat nilibeꞌt xaꞌ Jesús
25 Stubi nzo Simón Per zeꞌ,
kichëꞌ xaꞌ,
lëꞌchi minaꞌbdiꞌzh rë xaꞌ zeꞌ lo Per,
nzhab bixaꞌ:
―¿Chi gat nutal nak tu rë men cheꞌn miyiꞌ baꞌ?
Unkab Per:
―Aꞌa,
gat nut da.
26 Lwegaꞌ minaꞌbdiꞌzh tu mis rë mos cheꞌn ngulëiꞌ ro,
tu mos kwaꞌn nak melizh Malco,
xaꞌ michoꞌ Per nzha zeꞌ,
nzhab xaꞌ:
―¡Lëꞌi lu ka unen nikizë kun mbe baꞌ,
plo nzhiꞌb ya olib!
27 Orzeꞌ xtu wëlt nzhab Per:
―¡Gat lëꞌt nai!
Lëꞌchi mikëꞌ nguid gai kant.
Jesús nzo lo Pilat
28 No di lizh Caifás,
zeꞌ ñanu bixaꞌ Jesús par yalao plo nzob gobiernador,
no ya nzhanilyuo la orzeꞌ;
per nangayot rë men Israel leꞌn yalao,
porke nayiꞌy nzhab ley cheꞌn bixaꞌ,
napaꞌ nagakt gao bixaꞌ lani Pask zeꞌ.
Pilato le pregunta a Jesús (Juan 18.28-40)
―¿Kwan nzhab go nak xaꞌ reꞌ?
30 Orzeꞌ nzhab rë men zeꞌ:
―No chi yent kwan nak xaꞌ,
nangayiꞌdnut no xaꞌ lo go.
31 Per nzhab Pilat:
―Biꞌy mis yub go xaꞌ,
par kubeꞌ go kwan ñal xaꞌ,
nela xmod nzhab ley cheꞌn go.
Orzeꞌ nzhab rë men xaꞌ nzo lo rë men Israel zeꞌ:
―¡Lo ley cheꞌn go,
nagakt gut no ni tu men!
32 Saꞌ midiꞌzh bixaꞌ par ngok rë widiꞌzh kwaꞌn midiꞌzh Jesús xmod gat Me.
33 Orzeꞌ ña ska Pilat leꞌn yalao xtu wëlt,
par ngurezh xaꞌ Jesús,
nzhab xaꞌ lo Me:
―¿Chi walika lu nak rey cheꞌn rë men Israel?
34 Unkab Jesús:
―¿Chi mis lu kinaꞌbdiꞌzh kubaꞌ,
o nzho cho xtu men nei lol?
35 Orzeꞌ nzhab Pilat:
―¿Chi nu da nak tu men Israelx par nel kubaꞌ lon?
Men lazhal kun rë ngulëiꞌ xaꞌ nileꞌ mandad lo más ngulëiꞌ;
lëꞌ rë xaꞌ reꞌ nzadnul lon.
¿Kwan mileꞌlx?
36 Nkab Jesús:
―Yalgobier da gat lëꞌt kwaꞌn yizhyuo reꞌi;
no chi ngake kwaꞌn yizhyuo reꞌ,
orzeꞌ lëꞌ rë men da ngadil par nangazen rë men Israel da,
per yalgobier kwaꞌn kinun,
gat lëꞌt kwaꞌreꞌi.
37 Orzeꞌ nzhab Pilat:
―Ah,
¿chi reyal orzeꞌ?
Unkab Jesús:
―Lu ne,
lëꞌda rey;
lëꞌda ngol par nzhala yizhyuo reꞌ,
no par dizha kwaꞌn wali.
No rë xaꞌ nzhon widiꞌzh wali kwaꞌn nidizha,
orzeꞌ nileꞌ bixaꞌ kwaꞌn nzhapa.
38 Per nzhab Pilat:
―¿Cho ka ne kwaꞌn walix?
Nguziyël Pilat, gat Jesús
No or milox midiꞌzh Pilat widiꞌzh reꞌ,
nguroꞌ xaꞌ xtu wëlt par midiꞌzh xaꞌ lo rë men Israel,
nzhab xaꞌ:
―Na ngurël,
yent kwan nak miyiꞌ reꞌ,
39 per go kinu kostumbr,
ninaꞌb go,
niliyan tu men nzho lizhyiꞌb,
dub nzhak lani Pask.
¿Cho nzhakla go liyan?
¿Chi liyan rey cheꞌn rë men Israel?
40 Lëꞌchi rë bixaꞌ nguruzhië:
―¡Naliyaꞌt go miyiꞌ baꞌ!
¡Más wen biliyaꞌ go Barrabás!
No ter nak Barrabás tu xaꞌ nichëldil men kun gubier.