19
Orzeꞌ mileꞌ Pilat mandad,
ndin bixaꞌ Jesús,
2 no mizuxkwaꞌ rë sondad zeꞌ tu koron yich,
mbaino mizoꞌb xaꞌi yek Jesús,
mbaino mixoꞌb bixaꞌ tu kap kulor yind tich Jesús,
nela nileꞌ men kun tu rey gaꞌ,
Jesús condenado a muerte (Juan 19.1-16)
―¡Rey cheꞌn rë men Israel,
par dubtaꞌ banal!
Mbaino mikëꞌ bixaꞌi roꞌ Me.
4 Xtu wëlt nguroꞌ Pilat al tich,
lo rë men Israel xaꞌ nzhin zeꞌ,
par nzhab xaꞌ:
―Biwiꞌ go,
lëꞌda zo xaꞌ lo go par ne goi,
na ngurël,
yent kwan nak miyiꞌ reꞌ.
5 Orzeꞌ nguroꞌ Jesús lo rë men zeꞌ,
nzob koron yich zeꞌ yek Me,
mbaino nzhoꞌb kap yind zeꞌ tich Me,
orzeꞌ nzhab Pilat:
―¡Biwiꞌu!
¡Lëꞌ miyiꞌ reꞌ reꞌ!
6 No or une rë ngulëiꞌ ro zeꞌ Jesús,
kun rë xaꞌ nikina yadoꞌ,
nguzublo nguruzhië bixaꞌ:
―¡Bikëꞌu xaꞌ lo krus!
¡Bikëꞌu xaꞌ lo krus!
Orzeꞌ nzhab Pilat:
―Biꞌy go xaꞌ,
no go bikëꞌ xaꞌ lo krus;
na ngurël,
yent kwan nak xaꞌ reꞌ.
7 Per nzhab rë men Israel zeꞌ lo Pilat:
―¡Lo ley cheꞌn no nidiꞌzh,
ñal gat xaꞌ,
porke lëꞌ xaꞌ nidiꞌzh,
Xgaꞌn Dios xaꞌ!
8 Or mbin Pilat kureꞌ,
más mizheb xaꞌ;
9 nguio xaꞌ xtu wëlt leꞌn yalao par xtu wëlt minaꞌbdiꞌzh xaꞌ lo Jesús,
nzhab xaꞌ:
―¿Plo ka nzël?
―¿Chon gat nikabal lon?
¿Chi nanetal,
na gak le mandad kël lo krus,
mbaino gak len mandad,
liyaꞌ bixaꞌ lu?
11 Per nzhab Jesús:
―Nagakt leꞌl ni tu yalgustis kun na chi lëꞌ Dios naziyël;
xaꞌ michi da lol,
más nzëꞌb xki xaꞌ zeꞌ ke lu.
12 No dizde orzeꞌ,
mikwaꞌn Pilat mod par ngaliyaꞌ xaꞌ Jesús,
per lëꞌ rë men Israel más naye nguruzhië bixaꞌ lo Pilat:
―¡Chi lëꞌl liyaꞌ miyiꞌ baꞌ,
nagaktal xaꞌ kwaꞌn nichëꞌl César,
porke rë men xaꞌ gak rey,
chi gat lëꞌt César kubi xaꞌ,
xaꞌ zeꞌ nak xaꞌ nidil kun César!
13 No or mbin Pilat kureꞌ,
nguroꞌ xaꞌ kun Jesús al tich no nguzob xaꞌ plo nileꞌ xaꞌ yalgustis,
plo lë kun widiꞌzh grieg,
Enlosado,
no lëꞌ kun widiꞌzh hebreo lëi,
Gabata (kun xtu widiꞌzh kureꞌ gab,
Plo Nax Ke Wen).
14 Lëꞌ zhë zeꞌ nak zhë kwaꞌn nizuxkwaꞌ men kwaꞌn par lani Pask,
no pas mer garol zhë orzeꞌ,
lëꞌchi ngwayab Pilat lo rë men Israel zeꞌ:
―¡Biwiꞌ go,
lëꞌ rey cheꞌn go reꞌ!
15 Orzeꞌ naye nguruzhië bixaꞌ:
―¡Gulutin go xaꞌ baꞌ!
¡Gulutin go xaꞌ baꞌ!
¡Bikëꞌ go xaꞌ lo krus!
Per nzhab Pilat:
―¿Taxa këꞌn rey cheꞌn go lo krus?
Orzeꞌ nzhab rë kwaꞌn nak ngulëiꞌ ro zeꞌ:
―¡Yentraꞌ cho xtu rey kinu no,
nab tsa César!
16 Mbaino michi Pilat Jesús lo bixaꞌ,
par këꞌ bixaꞌ Jesús lo krus,
orzeꞌ ñanu bixaꞌ Me.
La crucifixión (Juan 19.17-37)
Mikëꞌ bixaꞌ Jesús lo krus
17 No mileꞌ bixaꞌ mis Jesús mbiꞌy krus cheꞌn Me yën Me,
par nzhanu bixaꞌ Jesús plo lë Kalaber (kun widiꞌzh hebreo lëi Gólgota),
18 zeꞌ mikëꞌ bixaꞌ Jesús lo krus,
no nu xchop men mikëꞌ bixaꞌ lo krus;
tu gaꞌ xaꞌ kad lad cheꞌn Me.
19 No yek krus cheꞌn Jesús,
mileꞌ Pilat mandad nkë widiꞌzh kwaꞌn nzhab seꞌ:
“Jesús xaꞌ nzë yezh Nazaret,
rey cheꞌn rë men Israel.”
20 Nayax men Israel mbiꞌl widiꞌzh reꞌ,
porke plo mikëꞌ bixaꞌ Jesús lo krus,
gax ñaꞌne par yezh Jerusalén,
no rë widiꞌzh zeꞌ nzobniꞌy kun widiꞌzh hebreo,
no kun widiꞌzh latín,
mbaino kun widiꞌzh grieg.
21 No por kureꞌ nzhab rë ngulëiꞌ ro cheꞌn rë men Israel lo Pilat:
―Nakëꞌtal saꞌ:
“Xaꞌ reꞌ nak rey cheꞌn rë men Israel”,
neka bizob:
“Xaꞌ reꞌ nidiꞌzh,
nak xaꞌ rey lo rë men Israel.”
22 Per nzhab Pilat:
―Kwaꞌn mikëꞌn,
saꞌ yaꞌne.
23 No or milox mikëꞌ rë sondad Jesús lo krus,
orzeꞌ miaꞌn bixaꞌ kun xab Jesús kwaꞌn al tich,
mileꞌ bixaꞌi tap lëꞌ par tlëꞌgaiꞌ nkaꞌ bixaꞌ;
no nu xab Jesús kwaꞌn al leꞌn,
lë túnica,
nguzen bixaꞌi,
no lëꞌi gat nadibt,
tutsa lëꞌ nakxaoꞌ lar zeꞌ,
24 orzeꞌ nzhab rë sondad zeꞌ lo wech bixaꞌ:
―Nachëzt be lar reꞌ;
neka kit be par ne be,
cho yaꞌn kun lëꞌi,
Saꞌ mileꞌ bixaꞌ par ngok rë widiꞌzh kwaꞌn nzobniꞌ lo Yech cheꞌn Dios plo nzobniꞌ:
Michëz bixaꞌ xaba par miaꞌn bixaꞌ kun lëꞌi,
no nguzhit bixaꞌ par miaꞌn bixaꞌ kun túnica da.
Kureꞌ mileꞌ rë sondad,
25 per xan krus plo nikë Jesús,
nzo xnaꞌ Me mbaino nzo bël xnaꞌ Me,
no nzo Mari tsaꞌ Cleofas,
no nu Mari Madalén nzo zeꞌ.
26 Kuzeꞌ,
or une Me xnaꞌ Me,
nzo xnaꞌ Me gax laka kun tu rë men cheꞌn Me xaꞌ más nichëꞌl Me,
orzeꞌ nzhab Me lo xnaꞌ Me:
―Unaꞌ,
lëꞌ xgaꞌnal baꞌ.
27 Mbaino lo xaꞌ zeꞌ nzhab Me:
―Lëꞌ xnaꞌl baꞌ.
No dizde orzeꞌ mbiꞌy xaꞌ zeꞌ,
xnaꞌ Me lizh xaꞌ.
Ngut Jesús
28 No or milox rë kureꞌ,
lëꞌ Jesús ya nane la,
lëꞌ rëi ngok la,
no nes par lox gak rë widiꞌzh cheꞌn Dios kwaꞌn nzobniꞌ por lëꞌ Me,
kuzeꞌ nzhab Jesús:
―Nizëiꞌ laxtoꞌn.
29 No zeꞌ nzo tu jar nits gub ni,
orzeꞌ yek tu ram ya kwaꞌn lë hisopo,
michël bixaꞌ tlëꞌ lar xiꞌl,
orzeꞌ mikë bixaꞌ kureꞌ leꞌn jar reꞌ,
no michi bixaꞌi roꞌ Jesús.
30 Or milox nguꞌ Jesús kureꞌ,
orzeꞌ nzhab Me:
―Lëꞌ rëi milox la ngok.
Orzeꞌ mirek Me lo yuo,
mizaꞌ Me alm cheꞌn Me lo Xuz Me Dios.
Tu lans taꞌ koxti cheꞌn Jesús
31 Lëꞌ zhë zeꞌ nak zhë kwaꞌn nizuxkwaꞌ men kwaꞌn par lani Pask,
per lëꞌ rë xaꞌ nak zhiꞌn lo rë men Israel,
gat nzhaklat bixaꞌ yaꞌn kwerp cheꞌn Jesús,
mbaino kwerp cheꞌn xchop rë miyiꞌ zeꞌ lo krus,
mer zhë kwaꞌn gal lani zeꞌ,
porke zhë zeꞌ nak zhë más tsak par rë men Israel.
Kuzeꞌ minaꞌb bixaꞌ lo Pilat,
par kiꞌch bixaꞌ niꞌ rë xaꞌ nikë lo krus zeꞌ,
nes par gat gaꞌ bixaꞌ,
no la gaꞌ bixaꞌ lo krus mis zhë zeꞌ.
32 Orzeꞌ ngwa rë sondad par ndiꞌch bixaꞌ niꞌ galo laka xaꞌ kwaꞌn nkë lo krus taꞌ Jesús,
no saꞌ ska mileꞌ bixaꞌ kun xtu xaꞌ kwaꞌn nkë xtu lad taꞌ Jesús,
33 per or nguzubi bixaꞌ plo nikë Jesús,
une bixaꞌ,
lëꞌ Jesús ngut la.
Kuzeꞌ nangayiꞌcht bixaꞌ niꞌ Me,
34 per tu rë sondad zeꞌ ndid tu lans taꞌ koxti cheꞌn Jesús,
orzeꞌ lwegaꞌ nguroꞌ ren kun nits plo ndid xaꞌ kureꞌ.
35 No xaꞌ midiꞌzh kureꞌ,
lëꞌ xaꞌ une loi,
no walika kwaꞌn une xaꞌ no kwaꞌn nidiꞌzh xaꞌ,
nes par nu go,
yilai.
36 Seꞌ ngok nes par ngok widiꞌzh reꞌ kwaꞌn nzobniꞌ lo Yech cheꞌn Dios kwaꞌn nzhab seꞌ:
“Ni tu wes cheꞌn Me nangacht.”
37 No xtu plo seꞌ nzobniꞌ:
“Une men or nguzhid bixaꞌ kun lans taꞌ Me.”
Migaꞌch Jesús
38 Or milox ngok kureꞌ,
orzeꞌ ngwa Che xaꞌ nak tu men yezh Arimatea lo Pilat par minaꞌb xaꞌ lo Pilat,
weiꞌ xaꞌ kwerp cheꞌn Jesús,
mbaino nguziyël Pilat.
No Che reꞌ nak tu men cheꞌn Jesús,
per yent cho lo nzhabt xaꞌi por nizheb xaꞌ lo rë xaꞌ nak zhiꞌn lo rë men Israel.
La resurrección (Juan 19.38-20.18)
39 No nu Nicodemo xaꞌ ngwadiꞌzhnu Jesús tu or yëꞌl,
nzhanu xaꞌ kwaꞌn nixlaꞌ nax mbaino noche kun mirra mbaino áloe;
no nagaꞌi nzhiꞌbraꞌ gal bichiꞌ kil.
40 Orzeꞌ Che kun Nicodemo mila bixaꞌ kwerp cheꞌn Jesús,
no michël bixaꞌ lare,
mbaino ngulo bixaꞌ kwaꞌn nixlaꞌ nax zeꞌ kwerp cheꞌn Me.
Seꞌ nileꞌ rë men Israel or nikaꞌch bixaꞌ men.
41 No plo mikëꞌ bixaꞌ Jesús lo krus,
nzhiꞌb tu bëd ya,
no zeꞌ nakxaoꞌ tu baꞌ plo ni tu men nagat gaꞌch.
42 Zeꞌ mikaꞌch bixaꞌ Jesús,
porke ñaꞌne gax laka plo nkë Me lo krus,
mbaino nu mizhin gax la lani cheꞌn rë men Israel,
kuzeꞌ nayen laka mikaꞌch bixaꞌ Me.