Ngut Lásaro
11
Ngol tu zhë,
ngokne tu miyiꞌ xaꞌ lë Lásaro,
no yezh Betania nzë xaꞌ kun Mari no Mart,
bizan xaꞌ.
2 Mari unaꞌ zeꞌ michob aseit niꞌ Jesús no mitsibizh unaꞌi kun yich yek unaꞌ.
Jesús resucita a Lázaro (Juan 11.1-57)
―Lëꞌ go,
lëꞌ xaꞌ nichëꞌl go zeꞌ,
nzhakne.
4 No or mbin Jesús kureꞌ,
nzhab Me:
―Yalyizh reꞌ naleꞌte gat Lásaro par dubtaꞌ,
sino lëꞌi zuꞌ par ne men,
xmod nak yalnazhon cheꞌn Dios,
mbaino yalnazhon cheꞌn Xgaꞌn Me.
5 No dox nazhiꞌ Jesús Mart,
no Mari,
mbaino Lásaro.
6 No or mbin Me,
lëꞌ Lásaro nzhakne,
ngulëz Me xchop ngubizh plo nzo Me,
7 no or nded rop zhë zeꞌ,
orzeꞌ nzhab Jesús lo rë men cheꞌn Me:
―Chaꞌo nzha be xtu wëlt lazh men Judea.
8 Orzeꞌ nzhab rë men cheꞌn Me lo Me:
―Maestr,
nal laka ngokla rë men Israel xaꞌ nzho zeꞌ,
ngut bixaꞌ go kun ke,
¿no nal xtu wëlt nzhakla go ya go zeꞌ?
9 Orzeꞌ nzhab Jesús:
―¿Chi gat lëꞌt tu dusen or kinu tu ngubizh?
No tu xaꞌ nizë or zhë,
ni por más nayachint xaꞌ,
porke ñani plo nizë xaꞌ,
10 per xaꞌ nizë lo nakao,
lëꞌ xaꞌ yachin,
porke gat kinut xaꞌ biani.
11 No nu nzhab Jesús:
―Lëꞌda nzhalixche Lásaro,
xaꞌ nichëꞌl be zeꞌ,
lëꞌ xaꞌ naxnaa.
12 Orzeꞌ nzhab rë men cheꞌn Me:
―Lëꞌ go,
chi lëꞌ xaꞌ naxnaa,
lëꞌ xaꞌ yak ka orzeꞌ.
13 Nzhab Jesús kureꞌ por ngut Lázaroi,
ter mileꞌ rë men cheꞌn Me xigab,
naxnaa ka Lásaro,
14 orzeꞌse tuli nzhab Jesús:
―Lëꞌ Lásaro ngut,
15 no nizak laxtoꞌn por gat nzon zeꞌ,
más wene par go,
par más yila go da.
Nal chaꞌ go,
nzha be lo xaꞌ.
16 Orzeꞌ lëꞌ Max,
xaꞌ nidiꞌzh men kwach zeꞌ,
nzhab xaꞌ lo más rë men cheꞌn Jesús:
―Chaꞌo nzha be,
par nu be gat kun lëꞌ xaꞌ.
Jesús nak Me, nileꞌ niruban men
17 No or mizhin Jesús yezh Betania,
nzha la tap ngubizh di migaꞌch Lázaro.
18 No yezh reꞌ ñaꞌn paste chon kilómetro di yezh Jerusalén,
19 no nayax men xaꞌ nzë lazh men Judea ngwatswiꞌ bixaꞌ ma Mart kun Mari,
par tsiyal bixaꞌ laxtoꞌ rë unaꞌ reꞌ por yalnawin cheꞌn bizan bixaꞌ.
20 Or mbin Mart,
lëꞌ Jesús nzhazhin la gax zeꞌ,
orzeꞌ nzhakinez unaꞌ Jesús,
mbaino lëꞌ Mari miaꞌn yoꞌ.
21 Nzhab Mart lo Jesús:
―Lëꞌ go,
chi ngak reꞌ nzou,
nangattaꞌ bizana,
22 per ter gat nzou orzeꞌ,
lëꞌda nane ka,
lëꞌ Dios leꞌ rë kwaꞌn naꞌb go lo Me.
23 Orzeꞌ nzhab Jesús:
―Lëꞌ bizanal ruban ka.
24 Orzeꞌ nzhab Mart:
―Na nane ka,
lëꞌ bizana ruban zhë lult,
or ruban rë men ngut,
yizhyuo reꞌ.
25 Orzeꞌ nzhab Jesús:
―Na nile niruban men,
mbaino nilen,
niban men dubtaꞌ kun Dios;
no xaꞌ yila da,
ter ngut la xaꞌ,
lëꞌ xaꞌ ruban ka,
26 no rë xaꞌ naban nalreꞌ,
mbaino ñila bixaꞌ da,
nayot gat xaꞌ par dubtaꞌ.
¿Chi ñilal kureꞌ?
27 Orzeꞌ nzhab Mart:
―Na ñila ka Go.
Go nak Krist,
Xgaꞌn Dios,
Me nak diꞌzh yiꞌd yizhyuo reꞌ.
Mbiꞌn Jesús roꞌ baꞌ cheꞌn Lásaro
28 No or milox midiꞌzh Mart kureꞌ,
orzeꞌ miëk unaꞌ lizh unaꞌ,
no xlaꞌn ngurezh unaꞌ Mari bël unaꞌ,
par nzhab unaꞌ:
―Lëꞌ,
lëꞌ maestr nzo reꞌ,
kibezh Me lu.
29 No or mbin Mari kureꞌ,
tuli ngwa unaꞌ lo Jesús.
30 No lëꞌ Jesús stubi nagat yo Me roꞌ yezh,
ñëꞌdzë Me plo ngwakinez Mart Me,
31 no pla rë men Israel xaꞌ nzhatsiyal laxtoꞌ Mari zeꞌ,
or une bixaꞌ nzha Mari,
nu bixaꞌ nzhakë,
mileꞌ bixaꞌ xigab pas roꞌ baꞌ nzha unaꞌ reꞌ,
nzhayoꞌn unaꞌ.
32 Or mizhin Mari lo Jesús,
tuli nguzuxib unaꞌ lo Me,
no nzhab unaꞌ:
―Lëꞌ go,
chi ngak nzo go reꞌ,
nangattaꞌ bizana.
33 No or une Jesús nzhoꞌn Mari kun rë men Israel xaꞌ nzë kun lëꞌ unaꞌ,
orzeꞌ dox gat lëꞌ mizi Jesús,
mbaino miwin laxtoꞌ Me,
34 orzeꞌ nzhab Jesús:
―¿Plo mikaꞌch go xaꞌ?
Nkab bixaꞌ:
―Al reꞌi,
wiꞌgole.
―Biwiꞌule,
tatu nazhiꞌ xaꞌ Lásaro.
37 Per más bixaꞌ kidiꞌzh:
―Xaꞌ baꞌ mileꞌ ngwani lo tu xaꞌ dizde or ngol nikal-lo;
¿taxa,
chi nangakt ngaleꞌ xaꞌ tu kwaꞌn par nangattaꞌ Lásaro?
Nguruban Lásaro
38 Orzeꞌ,
xtu wëlt dox gat lëꞌt mizi Jesús,
no nguzubi Me haxta roꞌ baꞌ cheꞌn Lásaro,
leꞌn tu baꞌ kwaꞌn nak pura ke,
mbaino nayaoꞌ roꞌi kun tu ke ro,
39 no nzhab Me:
―Gure go ke baꞌ.
Per nzhab Mart bizan yintoꞌ reꞌ:
―Lëꞌ go,
guzhë nilaꞌ xaꞌ reꞌ,
porke nzha la tap ngubizh migaꞌch xaꞌ.
40 Orzeꞌ nzhab Jesús:
―Lëꞌda ni la lol,
chi lëꞌl yila da,
lëꞌl ne yalnazhon cheꞌn Dios.
41 Ngure bixaꞌ ke orzeꞌ,
no miwiꞌ Jesús al yaꞌ lo yibëꞌ,
nzhab Me:
―Xuza,
kinin xkixal por mbinal kwaꞌn minaꞌba lol.
42 Na nane ka,
rë or nzhonal kwaꞌn ninaꞌba lol,
per por rë xaꞌ nzhin reꞌ kinin kureꞌ,
par yila bixaꞌ,
Lu ka Me mixëꞌl da.
43 No or miloꞌx midiꞌzh Me kureꞌ,
orzeꞌ naye nzhab Jesús:
―¡Lásaro,
gurutin baꞌ!
44 Nguroꞌ xaꞌ ngut reꞌ leꞌn baꞌ orzeꞌ,
dub xaꞌ narël lar,
mbaino naliꞌb yaꞌ xaꞌ no niꞌ xaꞌ,
no nayaoꞌ lo xaꞌ kun xtu lar,
orzeꞌ nzhab Jesús:
―Bixëk go xaꞌ no bilaꞌ go bi xaꞌ.
Miaꞌn diꞌzh rë xaꞌ nak zhiꞌn gut bixaꞌ Jesús
45 Kuzeꞌ nayax men Israel xaꞌ ngwakë tich Mari,
ngwayila bixaꞌ Jesús,
or une bixaꞌ kureꞌ,
46 per zipla bixaꞌ ngwayab lo rë men fariseo rë kwaꞌn mileꞌ Jesús,
47 orzeꞌ migan rë ngulëiꞌ ro xaꞌ nileꞌ mandad lo más rë ngulëiꞌ,
kun rë men fariseo par mikan bixaꞌ rë jwes,
xaꞌ más nileꞌ mandad,
orzeꞌ nzhab bixaꞌ:
―¿Xmod leꞌ be nal?
¡Dox rë kwaꞌn nazhon kileꞌ mbe baꞌ!,
48 no chi laꞌ be,
lëꞌ rë men yila miyiꞌ baꞌ,
orzeꞌ lëꞌ rë men Roma,
xaꞌ nak zhiꞌn xid be,
yiꞌdchil yadoꞌ cheꞌn be mbaino loꞌx bixaꞌ rë men lazh be.
49 No xid rë xaꞌ nzhin zeꞌ,
nzho tu ngulëiꞌ lë Caifás,
xaꞌ nak ngulëiꞌ ro liꞌn zeꞌ,
orzeꞌ nzhab xaꞌ reꞌ:
―Rë go,
yent kwan nane go,
50 ¿chi gat nileꞌt go xigab,
más wen gat tutsa men ke par lox rë men lazh be?
51 Per Caifás nangadiꞌzht xaꞌ kureꞌ por mis xigab yek xaꞌ,
sino ke Dios mileꞌ nzhab xaꞌi,
por nak xaꞌ ngulëiꞌ ro liꞌn zeꞌ,
kuzeꞌ nzhab xaꞌ,
nakiꞌn gat Jesús par nalox rë men Israel,
52 no gat lëꞌt par nalox nab rë men Israele,
nu par nalox rë men cheꞌn Dios xaꞌ nzhin dub yizhyuoi,
nes par gak bixaꞌ tutsa ben men.
53 Orzeꞌ,
dizde zhë zeꞌ,
nguzublo kikwaꞌn rë men Israel zeꞌ mod gut bixaꞌ Jesús.
54 Kuzeꞌ,
nangakizëtraꞌ Jesús xid rë men Israel xaꞌ nak zhiꞌn zeꞌ,
sino ke nguroꞌ Me lazh men Judea,
nzha Me tu yezh kwaꞌn lë Efraín,
kwaꞌn ñaꞌn gax leꞌn yuo bizh;
zeꞌ miaꞌn Me kun rë men cheꞌn Me,
55 no xplatsa ngubizh jwalt antis di gal lani Pask cheꞌn rë men Israel,
kuzeꞌ rë men yezh Israel,
nzha bixaꞌ yezh Jerusalén par mbe bixaꞌ lo Dios antis de gal lani,
nela xmod nzobniꞌ lo ley gaꞌ.
56 Dub nzhin rë men roꞌ yadoꞌ,
zeꞌ kikwaꞌn bixaꞌ Jesús,
kidiꞌzh bixaꞌ lo wech bixaꞌ:
―¿Chi neuse,
pas nayiꞌdt miyiꞌ zeꞌ nal lani reꞌ?
57 No lëꞌ rë men fariseo kun rë xaꞌ nzo lo rë ngulëiꞌ,
miaꞌn bixaꞌ diꞌzh,
chi tu men ne Jesús,
nakiꞌn yayab xaꞌi lo rë men xaꞌ nzo lo más rë men par yatsen bixaꞌ Jesús.