Tu unaꞌ kwaꞌn michob aseit niꞌ Jesús
12
Nzhak jwalt zixoꞌp ngubizh par gal lani Pask,
orzeꞌ ngwa Jesús tu yezh kwaꞌn lë Betania,
plo nzho Lásaro,
miyiꞌ kwaꞌn mileꞌ Jesús nguruban zeꞌ.
2 No zeꞌ mizuxkwaꞌ bixaꞌ tu kwaꞌn ndaoxcheꞌ bixaꞌ kun Jesús;
lëꞌ Mart mizhine lo bixaꞌ,
no nu Lásaro nak tu rë xaꞌ nzob lo mes par gao xcheꞌ kun Jesús,
María unge a Jesús (Juan 12.1-11)
3 orzeꞌ nguzen Mari pas garol litr aseit kwaꞌn viv kwaꞌn lë nardo,
no dox tsake,
no nix nixlaꞌi;
orzeꞌ michob unaꞌi niꞌ Jesús,
no kun yich yek unaꞌ mitsibizh unaꞌi,
mbaino dub leꞌn yoꞌ zeꞌ mixlaꞌi.
4 Orzeꞌ lëꞌ Judas Iscariote,
xaꞌ nak tu rë men cheꞌn Jesús,
no xaꞌ reꞌ xaꞌ kwaꞌn chi Jesús par gat Me,
orzeꞌ nzhab xaꞌ:
5 ―¿Chon nangado nits nax reꞌ kwaꞌn tsak dimi kwaꞌn nileꞌ men gan chon gayoꞌ ngubizh zhiꞌn,
par ngagaꞌz dimi reꞌ kaꞌ rë men yent kwan nzhap?
6 Per gat lëꞌt por nilats laxtoꞌ Judas rë men prob nzhab Judas kureꞌ,
sino por lëꞌ xaꞌ niguchaoꞌ dimi kwaꞌn nigan,
no nu niliwaꞌn xaꞌi,
7 kuzeꞌ nzhab Jesús:
―Bilaꞌ chob unaꞌ reꞌi niꞌn,
lëꞌ xaꞌ kinuchaoꞌ aseit reꞌ par zhë or gaꞌch da.
8 Rë men prob,
zilitaꞌ yo bixaꞌ xid go,
per na gat lëꞌt dubtaꞌ nzon kun go.
Midiꞌzh bixaꞌ nu Lásaro gut bixaꞌ
9 No dox nayax men Israel mbin,
lëꞌ Jesús nzho yezh Betania,
kuzeꞌ ngwa bixaꞌ zeꞌ,
per gat lëꞌt nab Jesús nzhatsiꞌ bixaꞌ ma,
nu par ne bixaꞌ Lázaroi,
xaꞌ mileꞌ Jesús,
nguruban zeꞌ,
10 orzeꞌ lëꞌ rë ngulëiꞌ xaꞌ nileꞌ mandad lo más rë ngulëiꞌ,
miaꞌn bixaꞌ diꞌzh nu Lásaro gut bixaꞌ,
11 porke por xaꞌ reꞌ namás,
dox nayax men Israel ngwayila Jesús.
Jesús nguio yezh Jerusalén nela tu rey gaꞌ
12 Nayax men ngwa lani yezh Jerusalén,
no xtu riyëꞌl mbin men lëꞌ Jesús nzhazhin la yezh reꞌ,
Entrada triunfal a Jerusalén (Juan 12.12-19)
13 orzeꞌ ngwakinez bixaꞌ Me,
michoꞌ bixaꞌ la cheꞌn ya yin par ndiꞌx bixaꞌi nez plo ded Jesús,
no nguruzhië bixaꞌ naye,
nzhab bixaꞌ:
―¡Guzh go nazhon Dios!
¡No wen nzha xaꞌ mixëꞌl Dios nak rey lo rë men Israel!
14 Orzeꞌ mizhëꞌl Jesús tu burrit,
no nguzob Me tich ma,
nela nzobniꞌ ka lo Yech cheꞌn Dios:
15 Nazhebt go men yezh Sion;
biwiꞌ go,
lëꞌ rey cheꞌn go nzë,
nzob xaꞌ tich tu burrit.
16 Or galo laka,
nanganut laxtoꞌ rë men cheꞌn Jesús kwaꞌn ngok reꞌ,
per or nguruban Jesús,
orzeꞌ mizaꞌ bixaꞌ kwent,
lëꞌi ngok porke lëꞌi nzobniꞌ la lo Widiꞌzh cheꞌn Dios kwaꞌn zak Jesús.
17 No rë men kwaꞌn une,
or mileꞌ Jesús nguruban Lázaro leꞌn baꞌ,
kidiꞌzh bixaꞌi xid men rë kwaꞌn ngok,
18 kuzeꞌ nguroꞌ nayax men yezh Jerusalén par ngwakinez bixaꞌ Jesús por mileꞌ Jesús tu kwaꞌn nagat ne men,
19 orzeꞌ nzhab rë men fariseo lo wech bixaꞌ:
―¡Biwiꞌu,
yent kwan gak leꞌ be par kaꞌn be lo men!
¡Yub ka bixaꞌ nzhakë tich xaꞌ baꞌ!
Kikwaꞌn pla rë men grieg Jesús
20 Xid rë xaꞌ nzë lani Pask kwaꞌn gal yezh Jerusalén,
nu pla men grieg nzë xid rë men zeꞌ.
Jesús predice su muerte (Juan 12.20-36)
21 Nguzubi rë men grieg reꞌ lo Lip,
xaꞌ nzë yezh Betsaida kwaꞌn ñaꞌn lazh men Galilea,
par minaꞌbdiꞌzh bixaꞌ lo Lip,
nzhab bixaꞌ:
―Lëꞌ go,
¿xmod leꞌ no ne no Jesús?
―Ngol la or libeꞌ men cho ka nak Xgaꞌn Dios,
Me nu nak tu men yizhyuo.
24 Walika kwaꞌn nin lo go,
chi lëꞌ tu lazh triu nayo lo yuo no chi nayaoꞌ yoi,
nalënte,
mbaino nazaꞌte;
per chi yaoꞌ yoi no lëne,
orzeꞌ lëꞌi zaꞌ.
25 Men xaꞌ naban xigab yek yizhyuo reꞌ,
lëꞌ xaꞌ yitlo lo Dios;
per xaꞌ naban xmod nzhakla Dios yizhyuo reꞌ,
xaꞌ zeꞌ ban kun Dios par dubtaꞌ.
26 Chi nzho cho go nzhakla gak men da,
nakiꞌn yiꞌdkë go ticha;
no plo yoꞌn,
nu go yo zeꞌ;
no cho go nileꞌ zhiꞌn da,
lëꞌ Xuza Dios diꞌzh wen por go zeꞌ.
Midiꞌzh Jesús xmod gat Me
27 ’No dox nakwan nizi da nal reꞌ;
¿no kwan gapa nal?
¿Chi zapa?:
“Xuza,
guloꞌ Go da lo rë kwaꞌn nazheꞌb reꞌ.”
Per na nane ka,
por rë kureꞌ ka nzhala yizhyuo reꞌ.
28 Xuza,
bileꞌ go par diꞌzh men,
dox nazhon go.
Lëꞌchi mbin rë xaꞌ nzhin zeꞌ tu widiꞌzh kwaꞌn nguroꞌ lo yibëꞌ,
nzhab seꞌ:
―Lëꞌda mile lai,
per lëꞌda lei xtu wëlt,
lëꞌ men diꞌzh nazhon da.
29 No rë xaꞌ mbin kureꞌ,
rë xaꞌ nzhin zeꞌ,
nzhab:
“Nguziꞌ kureꞌ”,
no más bixaꞌ nzhab:
“Ka tu ganje.”
30 Orzeꞌ nzhab Jesús:
―Gat lëꞌt par da mbin go widiꞌzh reꞌ;
par go kai,
31 mbaino nalse mizhin la zhë,
gab Dios xmod gak kun rë men yizhyuo reꞌ;
no nalse lëꞌ Dios kutin xaꞌ nileꞌ mandad yizhyuo reꞌ.
32 No na,
or këꞌ bixaꞌ da lo krus,
orzeꞌ kwantsa men kana par da.
―No nane,
lëꞌ lo ley nzobniꞌ:
“Lëꞌ Krist nayot gat,
lëꞌ Me ban par dubtaꞌ.”
No,
¿chon nidiꞌzhal,
lëꞌ Xgaꞌn Dios Me nu nak tu men yizhyuo,
nakiꞌn kë lo krus?
¿No cho nak Xgaꞌn Dios xaꞌ kizeꞌtal reꞌ?
35 Orzeꞌ nzhab Jesús:
―Stubi nzo Me nak Ki reꞌ kun go,
per kaxcheꞌp nzo Me reꞌ kun go.
Kuzeꞌ guzë go lo biani cheꞌn Me lëꞌga nzo Me kun go;
napa zë go lo nakao,
porke xaꞌ nizë lo nakao,
nanet xaꞌ plo nizë xaꞌ.
36 Wayila go Me nak Ki reꞌ lëꞌgaꞌ nzo Me kun go,
par gak go men cheꞌn Me,
xaꞌ nzhin lo biani.
No or milox midiꞌzh Me widiꞌzh reꞌ lo rë men Israel zeꞌ,
nguibchi Me lo bixaꞌ.
Por chon nangayilat rë men Israel Jesús
37 No ter nayax kwaꞌn nazhon miluꞌ Jesús lo rë men Israel,
per ni seꞌ nangayilat bixaꞌ Jesús,
Creyentes y no creyentes (Juan 12.37-50)
Dios da,
¿cho ngwayila widiꞌzh cheꞌn be,
no cho lo miluꞌ go yalnazhon cheꞌn go?
39 Kuzeꞌ nangakt ngayila bixaꞌi,
porke nu seꞌ mizobniꞌ Isaías lo yech:
40 Dios mileꞌ nagakt luꞌi lo go,
no nu mileꞌ Dios,
ngok nad laxtoꞌ go;
par nagak ne goi,
no par nayila goi kun dub laxtoꞌ go;
par ngayëk go lon,
orzeꞌ ngacheꞌn rë kwaꞌn nzëꞌb xki go,
no rë kwaꞌn nzadkë tich go.
41 Mikëꞌ Isaías widiꞌzh reꞌ porke lëꞌ Dios miluꞌ la rë yalnazhon cheꞌn Jesús,
mbaino rë kwaꞌn leꞌ Me.
42 No ter seꞌ unkë lo yech,
per nayax men Israel ngwayila bixaꞌ Jesús,
haxta nu pla rë xaꞌ nzo lo bixaꞌ ngwayilai,
per nangadiꞌzht bixaꞌi lo rë men porke nizheb bixaꞌ lo rë men fariseo,
napaꞌ kutin rë xaꞌ reꞌ bixaꞌ leꞌn yoꞌ plo nitseꞌd bixaꞌ widiꞌzh cheꞌn Dios,
43 porke rë xaꞌ ngwayilai reꞌ,
más ño laxtoꞌ bixaꞌ yaꞌn bixaꞌ wen kun men,
ke par yaꞌn bixaꞌ wen kun Dios.
Widiꞌzh cheꞌn Jesús kubeꞌ kwan nak men
44 Orzeꞌ midiꞌzh Jesús naye:
―Rë xaꞌ ñila da,
gat lëꞌt nab da ngwayila xaꞌ;
nu Xuza Me mixëꞌl da,
ngwayila bixaꞌ.
45 Or nzon xid go,
nak nela yub Xuza,
Me mixëꞌl da,
nzo kun go.
46 Na nak Ki lo rë men yizhyuo reꞌ;
xaꞌ yayila da,
nakizëtraꞌ xaꞌ lo nakao,
47 no cho xaꞌ nzhon widiꞌzh da,
per gat nileꞌt xaꞌ kwaꞌn nzhapa,
nanaꞌbta kwent lo bixaꞌ,
porke gat nzhalta par kobeꞌn kwan nak men yizhyuo reꞌ;
nab tsa nzhala par kon men lo rë kwaꞌn nazheꞌb kwaꞌn nzadkë tich men.
48 Men xaꞌ nzhab yent kwane rë kwaꞌn nidizha,
nzho raꞌ cho kobeꞌ (wiꞌ) kwan nak xaꞌ,
lëꞌ rë widiꞌzh da kobeꞌi,
or zhin zhë gab Dios xmod gak kun kad men.
49 Porke gat lëꞌt por xigab yeka kinin kureꞌ,
lëꞌka Xuza Dios ne lon kwan ñal dizha,
no kwan ñal lun.
50 No nanen,
lëꞌ widiꞌzh cheꞌn Xuza Dios,
nileꞌ niban men par dubtaꞌ lo Dios.
Kuzeꞌ nidizha lo go,
rë kwaꞌn mileꞌ Xuza mandad gon go.