Miluꞌ Jesús lo rë men cheꞌn Me xmod ñal ban bixaꞌ
17
No nu nzhab Jesús lo rë men cheꞌn Me:
―Nagakt kaꞌn men lo kwaꞌn nileꞌ nzëꞌb xki men lo Dios,
per dox nazheꞌb nzha men xaꞌ leꞌ,
nzëꞌb xki xtu men lo Dios.
San Lucas 17:1-19
2 Mejor weiꞌ Dios xaꞌ reꞌ tuli,
ke par leꞌ xaꞌ,
nzëꞌb xki xtu men lo Dios,
tu xaꞌ laore ngwayila Dios.
3 Kuzeꞌ,
biwiꞌ go,
chi tu wech go leꞌ tu kwaꞌn gat lëꞌ lo go,
guzh go lo xaꞌ naleꞌtraꞌ xaꞌi;
no chi mbin xaꞌi,
orzeꞌ biyaꞌl laxtoꞌ go kwaꞌn mileꞌ xaꞌ lo go.
4 No ter gazh wëlt leꞌ xaꞌ kwaꞌn gat lëꞌ lo go tu ngubizh,
per dub gazh wëlt yubre xaꞌ lo go ne xaꞌ:
“Naleꞌtraꞌne”,
orzeꞌ biyaꞌl laxtoꞌ go kwaꞌn mileꞌ xaꞌ lo go.
Kwan nzhak or ñila men Dios
5 Orzeꞌ nzhab rë apost lo Señor:
―Maestr,
goknu go no par más yila no Dios,
par leꞌ no rë kwaꞌn nazhon nela xmod nileꞌ go gaꞌ.
6 Per nzhab Jesús:
―Ter weꞌtsa ñila go Dios,
nela xmod win lazh tu mostás gaꞌ,
orzeꞌ gak gab go lo tu ya ro baꞌ:
“Yubchi baꞌ,
bizë leꞌn nitsdoꞌ”,
no lëꞌi gon kwaꞌn gab go.
Kwan ñal leꞌ tu mos
7 ’Gab be,
kinu tu rë go tu mos xaꞌ nzhaꞌn dan,
o nikina xaꞌ ma cheꞌn go;
no or yëꞌd mos di dan,
nagabt go lo xaꞌ:
“Guded,
guzob gawal”,
8 sino ke lëꞌ go gab:
“Bikëꞌ kwaꞌn lol,
par bichaoꞌ kwaꞌn ga̱u̱,
orzeꞌ kol kwaꞌn ga̱u̱ no kwaꞌn goꞌn;
no lu naltaꞌ gawal no gol.”
9 No ni xkix nazaꞌt go lo mos,
por rë mandad kwaꞌn mileꞌ mos reꞌ.
10 Seꞌska go,
or lox leꞌ go rë kwaꞌn mileꞌ Dios mandad go,
orzeꞌ ñal gab go:
“No nak mos xaꞌ niyent kwan zuꞌ,
porke nab tsa kwaꞌn ñal leꞌ no,
mileꞌ no.”
Miliwen Jesús za chiꞌ miyiꞌ xaꞌ nizak lepra
11 Or nzha Jesús yezh Jerusalén,
nded Me saoꞌ rë yezh kwaꞌn ñaꞌn lazh men Samaria,
mbaino saoꞌ rë yezh kwaꞌn nzhin lazh men Galilea.
12 No or nzhazhin Me roꞌ tu yezh,
ngwachëꞌl lo Me chiꞌ miyiꞌ xaꞌ nizak tu yalyizh kwaꞌn lë lepra,
per haxta zit nzo bixaꞌ lo Jesús,
13 orzeꞌ nguruzhië rë xaꞌ reꞌ,
nzhab bixaꞌ:
―¡Jesús,
Maestr,
bilats laxtoꞌ go no!
14 No or une Jesús bixaꞌ,
nzhab Jesús:
―Wa go lo rë ngulëiꞌ,
par rël xaꞌ go.
Mbaino di nzha bixaꞌ nez,
lëꞌ bixaꞌ ngokwen la lo yalyizh cheꞌn bixaꞌ.
15 Or une tu rë xaꞌ reꞌ,
lëꞌ xaꞌ miak la;
orzeꞌ nguiubre xaꞌ lo Jesús,
kidiꞌzh xaꞌ naye,
dox nazhon Dios,
16 mbaino ngoꞌt kuslo xaꞌ xan niꞌ Jesús par mizaꞌ xaꞌ xkix lo Me;
no xaꞌ reꞌ nzë yezh Samaria.
17 Orzeꞌ nzhab Jesús:
―Per,
¿chi gat lëꞌt za chiꞌ go mimbe lo yalyizh cheꞌn go?
¿Ma ska zi yëꞌ bixaꞌ?
18 ¿Chi nab tsa miyiꞌ xaꞌ nzë zit reꞌ,
nguiubre par mizaꞌ xkix lo Dios?
19 Orzeꞌ nzhab Jesús lo xaꞌ reꞌ:
―Watsoli no bizë;
lëꞌl mimbe la por ngwayilal da.
Xmod luꞌ rë zhë or leꞌ Dios mandad
20 Orzeꞌ minabdiꞌzh rë men fariseo lo Jesús,
xmod luꞌ rë zhë,
or leꞌ Dios mandad lo yizhyuo;
orzeꞌ nzhab Jesús:
―Or zhin rë zhë leꞌ Dios mandad,
gat lëꞌt kwaꞌn luꞌ zhine lo rë men,
San Lucas 17:20-37
21 no ni yent cho gab:
“Lëꞌi reꞌ”,
o “Lëꞌi baꞌ”,
porke lëꞌ Dios kileꞌ la mandad xid rë men nzho nal reꞌ.
22 Orzeꞌ nzhab Jesús lo rë men cheꞌn Me:
―Lëꞌ zhë zhin,
lëꞌ go gakla ne,
ter tutsa ngubizh cheꞌn rë zhë or yala,
per nayot ne goi.
23 ’No lëꞌ rë men diꞌzh:
“Lëꞌi reꞌ”,
o “Lëꞌi baꞌ”,
per nayat go,
no ni nayakë go tich bixaꞌ,
24 porke lëꞌ zhë yala luꞌ,
nela or nikë tu doꞌziꞌ gaꞌ,
niziniy tu lad no xtu lad lo yibëꞌ.
25 Per galo ñal,
zakzi dox da,
no rë men nal reꞌ leꞌ nayaꞌ lon.
26 No nela xmod ngok rë zhë cheꞌn Noé,
seꞌgaꞌ gak zhë or yala,
na Xgaꞌn Dios no nak da tu men yizhyuo.
27 ’Leꞌn rë zhë cheꞌn Noé,
ndao men nguꞌ men,
mikwaꞌn bixaꞌ unaꞌ,
ngok jwandang cheꞌn bixaꞌ;
haxta or mizhin zhë nguio Noé leꞌn yoꞌya,
une mileꞌ bixaꞌ rë kubaꞌ,
orzeꞌ ngula yiu nazheꞌb miloꞌxe rë bixaꞌ.
28 No seꞌgaꞌ ngok leꞌn rë zhë kwaꞌn miban Lot;
ndao men nguꞌ men,
nguziꞌ bixaꞌ mito bixaꞌ,
ngoꞌn bixaꞌ,
no michaoꞌ bixaꞌ yoꞌ.
29 Per or nguroꞌ Lot yezh Sodoma,
ngula bël no kubde ki lo yibëꞌ,
par milox rë nak men zeꞌ.
30 Seꞌska gak zhë or ruxoba lo rë men,
na Xgaꞌn Dios no nak da tu men yizhyuo.
31 ’Zhë zeꞌ,
tu xaꞌ nzo yek yoꞌ nazaꞌt la xaꞌ par koꞌ xaꞌ cheꞌn xaꞌ leꞌn yoꞌ;
o tu xaꞌ nzo dan,
nazaꞌt yëk xaꞌ lizh xaꞌ.
32 Bitsila go kwaꞌn nguzak unaꞌ cheꞌn Lot.
33 Xaꞌ gat nzhaklat gak xaꞌ men da,
par leꞌ xaꞌ kwaꞌn nzhakla xaꞌ,
orzeꞌ milaꞌ xaꞌ kwaꞌn ban xaꞌ par dubtaꞌ lo Dios;
per xaꞌ laꞌ kwaꞌn nzhakla xaꞌ leꞌ xaꞌ por nak xaꞌ men da,
orzeꞌ lëꞌ xaꞌ ban par dubtaꞌ lo Dios.
34 ’Nin lo go,
yëꞌl zeꞌ or yala,
nax chop xaꞌ lo tutsa loꞌn,
lëꞌ tu xaꞌ bi,
no lëꞌ xtu xaꞌ yaꞌn.
35 O chop unaꞌ kiyo tutsa;
lëꞌ tu unaꞌ wë̱i̱,
lëꞌ xtu unaꞌ yaꞌn.
36 No zhë zeꞌ,
chop miyiꞌ nzo dan;
tu miyiꞌ bi,
lëꞌ xtu miyiꞌ yaꞌn.
37 Orzeꞌ minabdiꞌzh bixaꞌ lo Jesús,
nzhab bixaꞌ:
―Señor,
¿plo gak rë kureꞌ?
Orzeꞌ nzhab Jesús:
―Rë go nane,
plo nidal ngulbech,
zeꞌ naxbi ma ngut.
Saꞌ gak or yala:
Rë men ne or zhin rë kureꞌ.