Issay ebꞌnaj yahawil yinh lahtiꞌ yinh tzet chu yaqꞌlax kamo Komam Jesús
22
Yet lanhanxa yayilo qꞌinh Pascua,
yet chiwahlax ixim pan machi yanhal chiꞌalaxikoj.
2 Yok ebꞌnaj yahawil sacerdote yebꞌ ebꞌnaj chikuyni anma yinh isley yaꞌ Moisés issayaꞌ yinh tzet chu ispotxꞌni ebꞌnaj Komam Jesús;
yaj yinh ewantajil,
yuto chixiw ebꞌnaj tet anma.
3 Yayto naj matzwalil yul yanma naj Judas,
chihal-laxpaxo Iscariote,
naj ayko istzꞌajo ebꞌyaꞌ 12 (kabꞌlahonhwanh) iskuywom Komam.
4 Yuxin,
to naj iskꞌatanh ebꞌnaj yahawil yinh ebꞌnaj sacerdote yebꞌ iskꞌatanh ebꞌnaj chitanhen Yatut Komam Dios,
yu istzotel yinh tzet chu yaniko naj Komam yul isqꞌabꞌ ebꞌnaj.
5 Kaw tzalakanh ebꞌnaj yabꞌen huneꞌ tuꞌ,
yuxinto yalte ebꞌnaj melyu tet naj Judas.
6 Hak tuꞌ xin yu iswatxꞌenkanayo ebꞌnaj istzotiꞌ;
yuxinto ok naj Judas issayaꞌ tzet chu yaniko naj Komam yul isqꞌabꞌ ebꞌnaj yinh ewantajil.
Watxꞌelax tzet chilolax yinh qꞌinh Pascua
7 Hayet yayilo istzꞌayikal bꞌay chiwahlax ixim pan machi yanhal chiꞌalaxikoj,
yebꞌ yet chipotxꞌlax noꞌ meꞌ xahanbꞌalil yinh qꞌinh Pascua,
8 yalni Komam Jesús tet yaꞌ Pedro yebꞌ yaꞌ Juan:
—Asiꞌwe hewatxꞌeꞌ tzet chikolo yinh qꞌinh Pascua tiꞌ,
xhi Komam.
9 Isqꞌambꞌen ebꞌyaꞌ tet Komam:
—¿Bꞌaytuꞌwal chawoche chonhtohanh kowatxꞌenanh hawalni?
xhi ebꞌyaꞌ.
10 Yalni Komam tet ebꞌyaꞌ xin:
—Hayet chexapno bꞌey yul konhobꞌ tuꞌ,
cheyilaꞌ huneꞌ naj iqꞌbꞌil huneꞌ tzꞌahabꞌ haꞌ yu.
Chexokowe tzujno yinta naj masanto yul nha bꞌay chiꞌokto naj,
11 kat heyalno tet naj yahaw nha tuꞌ:
“Haꞌ yaꞌ Kuywawom makonhchejnitijanh,
xhi yaꞌ hakaꞌ tiꞌ:
‘¿Bꞌaytuꞌwal ay huneꞌ cuarto bꞌay chinwaꞌojan yinh qꞌinh Pascua yebꞌ ebꞌyaꞌ inkuywoman?’
xhi yaꞌ,
kexchi.”
12 Haꞌ naj chiyeno huneꞌ niman cuarto yinh iskabꞌ piso kꞌulxa yehi.
Haꞌ bꞌey tuꞌ xin chewatxꞌeꞌ tzet chikolo,
xhi Komam.
13 Hak tuꞌ xin yu isto ebꞌyaꞌ.
Yilcha yu ebꞌyaꞌ hakaꞌtikꞌa yu yalni Komam.
Yok ebꞌyaꞌ iswatxꞌeno tzet chilolax yinh qꞌinh Pascua.
Waꞌkano Komam yebꞌ ebꞌyaꞌ ischejabꞌ
—Hayeltaxam chiwochehan chiwekꞌtzehan huneꞌ wah yinh qꞌinh Pascua tiꞌ yebꞌ hex yet yalanhto maxhto chinkaman.
16 Chiwalan teyet,
matxa chiwekꞌtzehan huneꞌ qꞌinh tiꞌ masanto chij isbꞌa tzet yelapno ye huneꞌ tiꞌ yet chꞌok sunil yalanh yip Komam Dios,
xhi Komam.
17 Lahwi tuꞌ xin,
yinikanh Komam chꞌen copa,
bꞌay ayayto yal teꞌ uva,
yaqꞌni yuchꞌandiosal tet Komam Dios,
yalni Komam hakaꞌ tiꞌ:
—Chahwej lah,
ukꞌwej,
awekꞌo teyinh hunun hex.
18 Kaw chiwalkanojan teyet,
matxa chiwukꞌan yal sat teꞌ uva masanto yet chꞌok sunil yalanh yip Komam Dios,
xhi Komam.
19 Lahwi tuꞌ xin,
yinikanh Komam ixim pan,
yaqꞌni Komam yuchꞌandiosal tet Komam Dios,
isqꞌaxpon Komam ixim,
yaqꞌni Komam ixim tet ebꞌyaꞌ,
yalni Komam:
—Haꞌ huneꞌ tiꞌ yechel innimanilan chiwaqꞌan yinh kamikal yu hekolchahi.
Wahwej,
yu kinhenanitijan,
xhi Komam.
20 Lahwi iswaꞌilo Komam yebꞌ ebꞌyaꞌ yinipaxokanh Komam chꞌen copa,
yalni Komam:
—Haꞌ huneꞌ ayayto yul copa tiꞌ haꞌ chaqꞌni henabꞌ yinh huneꞌ akꞌ trato aqꞌbꞌil yu Komam Dios,
chij isbꞌa yet chimalto inchikꞌilan yu hekolchahi.
21 »Yajaꞌ naj chinanikojan yul isqꞌabꞌ ebꞌnaj chichiwa iskꞌul winhan,
ayko naj sat mexha koxol tiꞌ.
22 Hanin Aqꞌbꞌilintijan texol yu Komam Dios,
yilal wekꞌan yinh kamikal hakaꞌ halbꞌil yu Komam Dios,
yajaꞌ kꞌanchꞌan naj chinanikojan yul isqꞌabꞌ kamikal,
xhi Komam.
23 Hayet yabꞌen ebꞌyaꞌ huneꞌ tuꞌ,
yichiko ebꞌyaꞌ isqꞌambꞌen tet hunun yinh mak chꞌaniko Komam yul isqꞌabꞌ kamikal.
La Última Cena
Iskajle isbꞌa ebꞌyaꞌ iskuywom Komam Jesús yinh mak ekꞌbꞌal yelapno ye xol ebꞌyaꞌ
24 Lahwi tuꞌ xin,
yichiko ebꞌyaꞌ iskuywom iskajlen isbꞌa yinh mak ekꞌbꞌal yelapno ye xol ebꞌyaꞌ.
25 Yalni Komam Jesús tet ebꞌyaꞌ:
—Haꞌ ebꞌnaj ayko yahawo txꞌotxꞌ nime konhobꞌ ay yip ebꞌnaj yibꞌanh anma.
Ebꞌnaj ayko yahawilal tuꞌ xin chihal-lax kꞌulal yinh ebꞌnaj yu anma.
26 Wal xin mach hako tuꞌ cheyute hebꞌa.
Ta ay hunujex kaw ay heyelapno cheyabꞌe,
iweyo hebꞌa hakaꞌ hunu mak mach yelapno yehi.
Yebꞌpaxo haꞌ mak kaw iswiꞌehal yeko texol chabꞌe yaqꞌabꞌiko isbꞌa hakaꞌ hunu chejabꞌ.
27 Qꞌinalo ta ay huneꞌ niman wah chiꞌoki,
¿maktaxka kaw niman yelapno ye heyalni?
¿Tom haꞌ naj ayko sat mexha,
mato haꞌ naj chibꞌatxnikꞌo itah?
Wal xin,
haꞌ ton naj ayko sat mexha kaw niman yelapnoj.
Yajaꞌ wal hinan,
ayinikojan texol hakaꞌ naj chibꞌatxnikꞌo itah.
28 »Hex tiꞌ,
kaw ayexnhetikꞌako yet yul isyaꞌtajil wibꞌanhan.
29 Chexwakojan yahawiloj,
hakaꞌ wokan yahawilo yu Inmaman.
30 Hex tiꞌ,
chexwaꞌ sat inmexhahan bꞌay chinokan Yahawiloj,
kat heyay tzꞌonhno yul hekapil hunun hex,
kat heyok yahawil yibꞌanh 12 (kabꞌlahonhebꞌ) majan ebꞌnaj Israel,
xhi Komam.
Yal Komam Jesús ta chal yaꞌ Pedro ta mach yohtajo yaꞌ Komam Jesús
31 Yalni Komam Jesús tet yaꞌ Pedro:
—Simón,
Simón,
xaꞌisqꞌan naj matzwalil tet Komam Dios ta chexyilwe naj hakaꞌ chu istxayelax ixim trigo.
32 Yaj xaꞌinqꞌanan tet Komam Dios haxinwal mach chabꞌej iskawxi hawanma yinh Komam.
Yajaꞌ yet chawaniko hawanma winhan hunelxa,
chawiptze sunil ebꞌyaꞌ hawuxhta xayako yanma winhan,
xhi Komam.
33 Yalni yaꞌ Pedro tuꞌ tet Komam:
—Mamin,
kaw hinaninan intohan tawintaj,
waxanhka yul preso maka yinh kamikal,
xhi yaꞌ.
34 Yalni Komam Jesús tet yaꞌ xin:
—Pedro,
chiwalan tawet,
yalanhto maxhto chiꞌoqꞌ noꞌ icham chiyo,
oxelxa chawala ta mach kinhawohtajojan,
xhi Komam tet yaꞌ.
Hul isyaꞌtajil yibꞌanh Komam Jesús
35 Isqꞌambꞌen Komam Jesús tet ebꞌyaꞌ iskuywom:
—Yet kexinchejnitojan yet walnihan teyet ta mach cheyito hetzꞌispa yebꞌ hemelyu,
yebꞌ hexanhabꞌ,
¿aymi tzet mach yabꞌe yul heqꞌabꞌ?
xhi Komam.
Istaqꞌwi ebꞌyaꞌ:
—Matzet,
xhi ebꞌyaꞌ.
36 Yalnipaxo Komam tet ebꞌyaꞌ:
—Wal tinanh xin,
makex ay hetzꞌispa yebꞌ hemelyu,
iwetoj.
Haꞌ mak mach yespada,
istxonhabꞌto ischumpa kat isloqꞌni yet.
37 Yuxinto chiwalan teyet,
yilal yijnikano isbꞌa sunil tzet tzꞌibꞌnhebꞌilkano winhan yu ebꞌyaꞌ ischejabꞌ Komam bꞌay chala:
“Hakaꞌ chꞌutelax ebꞌnaj kaw xiwkilta ismul,
hak tuꞌ chiꞌutelax yaꞌ,”a
xhihayoj.
Yuxinto yilal yijni isbꞌa sunil,
xhi Komam.
38 Yalni ebꞌyaꞌ tet Komam:
—Mamin,
ay kabꞌebꞌ chꞌen espada iqꞌbꞌil juanh lah,
xhi ebꞌyaꞌ.
Yalni Komam:
—Kꞌuxanxa xin,
xhi Komam.
Enseñanza en la Habitación Superior
Txahli Komam Jesús bꞌey Getsemaní
39 Lahwi tuꞌ,
yelti Komam Jesús yul nha,
isto bꞌey huneꞌ wonhan Olivo isbꞌi,
bꞌaytikꞌa chibꞌeykꞌo Komam.
Istopaxo ebꞌyaꞌ iskuywom Komam yintaj.
40 Hayet yapni Komam bꞌey tuꞌ,
yalni Komam tet ebꞌyaꞌ:
—Txahlanhwej,
haxinwal mach chexaykꞌay yul isqꞌabꞌ istxꞌojal,
xhi Komam.
41 Lahwi tuꞌ xin,
yel Komam iskꞌatanh ebꞌyaꞌ hakaꞌmi xol bꞌay chꞌapni hunu chꞌen chꞌen chiqꞌojlaxtoj.
Haꞌ tuꞌ xin,
ay jahno Komam txahloj.
42 Yalni Komam yinh istxah:
«Mamin,
ta choche hakꞌul,
kolinilojan yinh huneꞌ isyaꞌtajil chul wibꞌanhtiꞌan,
yaj machojabꞌ hakaꞌ chiwochehan,
to hakaꞌojabꞌ tzet chal hakꞌul,»
xhi Komam.
43 Lahwi tuꞌ xin,
yayilo huneꞌ naj yángel Komam Dios yul satkanh,
yaqꞌno yip yanma Komam.
44 Kaw okkano niman isyaꞌil yinh yanma Komam,
yuxin kaw islahiko Komam istxahli yinh sunil yanma.
Kaw xin chꞌel haꞌ yinh Komam hakaꞌ nimeta tuꞌan chikꞌ yaykꞌay sat txꞌotxꞌ.
45 Yet islahwi istxahli Komam,
isto bꞌay kankano ebꞌyaꞌ iskuywom.
Hayet yapni Komam iskꞌatanh ebꞌyaꞌ,
kaw wayanh chu ebꞌyaꞌ yu bꞌiskꞌulal.
46 Yalni Komam tet ebꞌyaꞌ:
—¿Tzet yinh xin chexwayi?
Ahanhwewanoj,
txahlanhwej haxinwal mach chexaykꞌay yul isqꞌabꞌ istxꞌojal,
xhi Komam tet ebꞌyaꞌ.
Yet istzabꞌlaxayo Komam Jesús
47 Lanhanto yalni Komam Jesús huneꞌ tuꞌ,
yapni hunbꞌulan ebꞌnaj;
bꞌabꞌeliko naj Judas sata ebꞌnaj,
naj ayko istzꞌajo ebꞌyaꞌ 12 (kabꞌlahonhwanh) ischejabꞌ Komam.
Ishitziko naj Judas tuꞌ iskꞌatanh Komam yunhe istzꞌohni naj isqꞌotx Komam.
48 Yalni Komam tet naj:
—Judas,
yet chatzꞌohni inqꞌotxtiꞌan,
¿tom hak tuꞌ chu kinhawanikojan yul isqꞌabꞌ kamikal?
Hanin Aqꞌbꞌilintijan texol yu Komam Dios,
xhi Komam.
49 Hayet yilni ebꞌyaꞌ iskuywom Komam Jesús tzet lanhan yul yibꞌanh Komam,
isqꞌambꞌen ebꞌyaꞌ:
—Mamin,
¿chimisje jaqꞌnihanh chꞌen espada yinh ebꞌnaj tiꞌ?
xhi ebꞌyaꞌ.
50 Ay xin huneꞌ yaꞌ xol ebꞌyaꞌ iskuywom Komam tuꞌ,
pitnilto istxikin huneꞌ naj ischejabꞌ naj yahawil yinh ebꞌnaj sacerdote,
huneꞌ istxikin naj yinh iswatxꞌqꞌabꞌ.
51 Yalni Komam Jesús:
—¡Bꞌejwej!
¡Mach cheyute hakaꞌ tuꞌ!
xhi Komam.
Istzabꞌniko Komam istxikin naj,
iswatxꞌiloj.
52 Haꞌ ebꞌnaj bꞌeykꞌo tzabꞌnoti Komam,
haꞌ ton ebꞌnaj yahawil yinh ebꞌnaj sacerdote,
yebꞌ ebꞌnaj yahawil yilomal Yatut Komam Dios,
yebꞌ ebꞌnaj ichamta winaj iswiꞌehal konhobꞌ;
yalni Komam tet ebꞌnaj:
—¿Tom elqꞌom hinan teyet yuxin iqꞌbꞌil heyespada yebꞌ heteꞌ,
kat heyul kinhetzabꞌnotojan?
53 Hunun tzꞌayik ayiniktojan yul Yatut Komam Dios,
yajaꞌ mach kinhetzabꞌayojan.
Yaj wal tinanh maꞌapni yorahil kinisbꞌejtzonikojan Komam Dios yul heqꞌabꞌ yebꞌ tet naj yahawil qꞌejholo,
xhi Komam.
Jesús es Traicionado y Arrestado
Yal yaꞌ Pedro ta mach yohtajo yaꞌ Komam Jesús
54 Lahwi tuꞌ xin,
istzabꞌnayo ebꞌnaj Komam,
yilaxto Komam bꞌey yatut naj yahaw yinh ebꞌnaj sacerdote.
Wal yaꞌ Pedro xin,
nahat tzujan yaꞌ yinta Komam.
55 Yaniko xin ebꞌnaj tuꞌ isqꞌaꞌ yiktabꞌal yamaqꞌil teꞌ nha,
yok tzꞌonhno ebꞌnaj qꞌaxhnoj.
Okpaxo tzꞌonhno yaꞌ Pedro qꞌaxhno xol ebꞌnaj.
56 Ay xin huneꞌ ix munlawom bꞌey tuꞌ,
ilni yaꞌ Pedro yet tzꞌonhaniko yaꞌ yinh qꞌaꞌ.
Yok tꞌanhno ix yinh yaꞌ,
yalni ix:
—Huneꞌ naj tiꞌ,
yetbꞌi isbꞌa naj yebꞌ naj Jesús,
xhi ix.
57 Yebꞌan yaꞌ Pedro huneꞌ tuꞌ,
yalni yaꞌ:
—Ix,
mach wohtajojan naj chawal tuꞌ,
xhi yaꞌ tet ix.
58 Hunepixto xin,
yil-lax yaꞌ Pedro yu huneꞌ naj,
yalni naj tet yaꞌ:
—Hach tiꞌ hawetbꞌi habꞌa yebꞌ ebꞌnaj tuꞌ,
xhi naj.
Istaqꞌwi yaꞌ Pedro:
—¡Machoj,
mach wetbꞌiho hinbꞌahan yebꞌ ebꞌnaj!
xhi yaꞌ.
59 Ayxam hunu orahil xin,
ischilbꞌan yalni huneꞌxa naj yinh yaꞌ Pedro tuꞌ:
—Yinh kaw yeli,
haꞌ naj tiꞌ yetbꞌi isbꞌa naj yebꞌ naj Jesús tiꞌ,
yebꞌpaxo ah Galilea naj,
xhi naj.
60 Yalni yaꞌ Pedro:
—¡Mach wohtajan huneꞌ tzet chawal tiꞌ!
xhi yaꞌ.
Yet lanhan yalni yaꞌ Pedro huneꞌ tuꞌ xin,
yoqꞌkanh huneꞌ noꞌ icham chiyo.
61 Istꞌanhxito Komam yinh yaꞌ Pedro tuꞌ.
Hak tuꞌ xin yu isnahniti yaꞌ Pedro tzet yal Komam tet yaꞌ:
«Oxelxa chawala ta mach kinhawohtajojan yet chiꞌoqꞌkanh noꞌ icham chiyo,»
xhi Komam Jesús tet yaꞌ.
62 Hak tuꞌ xin yu yelto yaꞌ,
yok yaꞌ oqꞌoj.
Pedro Niega a Jesús
Yet isbꞌuchlax Komam Jesús
63 Wal ebꞌnaj ayko tanheno Komam Jesús tuꞌ,
ok ebꞌnaj tzebꞌo yinh Komam,
ismaqꞌnipaxo ebꞌnaj Komam.
64 Yok ebꞌnaj ismajcheno sat Komam,
chilaisqꞌambꞌen ebꞌnaj tet Komam:
Ilaxto Komam Jesús sata ebꞌnaj iswiꞌehal konhobꞌ Israel
66 Hayet issajbꞌilo xin,
iskutxbꞌaniko isbꞌa ebꞌnaj ichamta winaj yinh konhobꞌ Israel,
yebꞌ ebꞌnaj yahawil yinh ebꞌnaj sacerdote,
yebꞌ ebꞌnaj chikuywa yinh isley yaꞌ Moisés;
ischejni ebꞌnaj ilaxoti Komam Jesús sataj.
Isqꞌambꞌen ebꞌnaj tet Komam:
67 —Hal jetanh,
¿tom yeli hach tiꞌ Cristo hach?
xhi ebꞌnaj.
Istaqꞌwikanh Komam:
—Ta chiwalan teyet ta Haninan Cristo hinan,
mach cheyaqꞌayto yul heyanma.
68 Taka ay tzet chinqꞌambꞌepaxojan teyet,
mach chepajtzepaxo wetan.
69 Yaj wal tinanh Hanin Aqꞌbꞌilintijan texol yu Komam Dios chinok tzꞌonhnojan yinh iswatxꞌqꞌabꞌ Komam Dios;
Komam kaw aykano yip,
xhi Komam.
70 Yuxinto sunil ebꞌnaj ok qꞌambꞌeno tet Komam:
—¿Tom Iskꞌahol Komam Dios haweh chal tuꞌ?
xhi ebꞌnaj.
Istaqꞌwi Komam Jesús:
—Hoꞌ,
Iskꞌahol Komam Dios wehan hakaꞌ cheyute heyalni tiꞌ,
xhi Komam.
71 Yalni ebꞌnaj:
—Tinanh matxa yilalo chikoqꞌan anma chihalni ismul naj tiꞌ,
to hanhkawonh majabꞌe tzet chal naj,
xhi ebꞌnaj yinh Komam.
Jesús es Burlado e Interrogado