Yechel yinh ebꞌnaj munlawom mach kꞌuloj
12
Lahwi tuꞌ yichiko Komam Jesús iskuyni anma,
yaniko Komam huneꞌ yechel tiꞌ:
«Ay huneꞌ naj tzꞌunni teꞌ uva sat istxꞌotxꞌ,
ispenayo naj istzꞌunubꞌ tuꞌ.
Iswatxꞌenpaxo naj bꞌay chiyatzꞌlax yal teꞌ.
Yanipaxokanh naj huneꞌ nha nimajal istel bꞌay chitanhelax teꞌ uva tuꞌ.
Lahwi tuꞌ yanito naj istzꞌunubꞌ komonal tet hunteqꞌan ebꞌnaj munlawom,
isto naj yinh huneꞌ isbꞌel kaw nahat.
Marcos 12:1-17
2 Haxa yet yapni istiempohal yuxlax teꞌ uva tuꞌ ischejnito naj huneꞌ ischejabꞌ ischahno ismajul.
3 Yajaꞌ yet yilni ebꞌnaj munlawom yapni naj,
istzabꞌlaxayo naj,
ismaqꞌlax naj,
ischejlaxtopaxo naj.
Matzet xin yaqꞌ ebꞌnaj tet naj.
4 »Lahwi tuꞌ yanipaxto naj yahaw munil tuꞌ hunxa ischejabꞌ hunelxa,
yajaꞌ qꞌojlaxkanh naj chejabꞌ tuꞌ yu ebꞌnaj.
Kaw xin how ebꞌnaj yinh naj.
5 Yanipaxto naj yahaw munil tuꞌ huneꞌxa ischejabꞌ,
yajaꞌ maqꞌbꞌil iskam naj yu ebꞌnaj.
Kaw xin txꞌiꞌalto ebꞌnaj chejabꞌ yato naj yahaw munil tuꞌ,
yajaꞌ ay ebꞌnaj ismaqꞌ ebꞌnaj,
aypaxo ebꞌnaj maqꞌbꞌil iskam yu ebꞌnaj.
6 »Yajaꞌ xin ayto huneꞌxa mak maxhto chato naj,
haꞌ ton iskꞌahol kaw xahan ay yu.
Haxa yinh islahobꞌal xin yanito naj iskꞌahol tuꞌ,
istxumni naj hakaꞌ tiꞌ:
“Wal tet naj inkꞌaholtiꞌan etzanhem chixiw ebꞌnaj,”
xhi naj.
7 Yajaꞌ yet yapni naj kꞌahole tuꞌ,
yal-len ebꞌnaj munlawom tuꞌ tet hunun:
“Lanhan yul naj kꞌahole lah,
haꞌ tet naj tiꞌ chikankano huneꞌ txꞌotxꞌ tiꞌ,
wal tinanh kopotxꞌoꞌwe kamo naj,
haxinwal jetxa chukaniko huneꞌ txꞌo txꞌotxꞌ tiꞌ,”
xhi ebꞌnaj.
8 Hak tuꞌ yu istzabꞌnayo ebꞌnaj naj kꞌahole tuꞌ,
ispotxꞌni ebꞌnaj naj,
yinilto ebꞌnaj isnimanil naj yintalto peyabꞌ.
9 »¿Tzet xin chiꞌutelax ebꞌnaj munlawom yu naj yahaw munil tuꞌ,
heyalni?
Wal xin haꞌ kaw naj chꞌapni,
kat ispotxꞌnikamo naj ebꞌnaj munlawom tuꞌ,
kat xin yanito naj istzꞌunubꞌ tuꞌ komonal tet hunteqꞌanxa ebꞌnaj.
10 »¿Tom maxhto bꞌay cheyil yul Yum Komam Dios bꞌay chala:
“Haꞌ huneꞌ chꞌen chꞌen isqꞌojilo ebꞌnaj watxꞌemkanh nha,
haꞌ chꞌen kaw ekꞌbꞌal kꞌul yok xeꞌo nha.
11 Huneꞌ tuꞌ,
haꞌ Komam Dios watxꞌenhe yuxin kaw chikꞌay kokꞌul jilni”?
xhihayoj,»a
xhi Komam.
12 Yet istxumnilo ebꞌnaj yahawil konhobꞌ tato yinh ebꞌnaj yal Komam huneꞌ yechel tuꞌ,
yoche ebꞌnaj yaqꞌakto Komam yul preso.
Yajaꞌ xiw ebꞌnaj tet anma,
yuxin isbꞌejkano ebꞌnaj Komam,
ispaxto ebꞌnaj.
Chꞌen tohlabꞌal chiꞌaqꞌlax tet naj yahaw Roma
13 Lahwi tuꞌ ischejlaxto haywanh ebꞌnaj fariseo yebꞌ hunteqꞌan ebꞌnaj ayko yinh ispartido naj Herodes tzotelo tet Komam yunhe yilni ebꞌnaj ta ay bꞌay chiꞌaykꞌay Komam yinh hunu tzotiꞌ,
kat yok ebꞌnaj aqꞌokꞌule yinh Komam yalni.
14 Yapni ebꞌnaj iskꞌatanh Komam,
isqꞌambꞌen ebꞌnaj:
—Mam Kuywawom,
kaw johtajanh tato isyelalnhetikꞌa tzet chawala,
mach xin hawok yinh tzet chal anma,
yuto lahan yelapno anma sunil yul hasat.
Chakuynipaxo anma isyijen yinh hakaꞌ choche Komam Dios,
yuxin chikoqꞌambꞌehanh tawet:
¿Kꞌulmi jaqꞌni kotohlabꞌal tet naj jahaw ay bꞌey Roma,
mato machoj?b
¿Chitom isje jaqꞌni chꞌen,
mato matxa?
xhi ebꞌnaj.
15 Wal Komam xin yohtaxa tato txꞌoj nabꞌil yu ebꞌnaj,
yuxin yal Komam:
—¿Tzet yinh xin chexok kinheyilweꞌan?
Iweti hunu chꞌen melyu tuꞌ wilaꞌan nanh,
xhi Komam.
16 Isyeni ebꞌnaj huneꞌ chꞌen melyu;
hayet yilni Komam chꞌen,
isqꞌambꞌen Komam tet ebꞌnaj:
—¿Mak najil ayko yechel sat yebꞌ isbꞌi yinh chꞌen?
xhi Komam.
Istaqꞌwi ebꞌnaj:
—Yechel sat naj jahaw ay Roma,
yebꞌ xin isbꞌi naj ayko yinh chꞌen,
xhi ebꞌnaj.
17 Yuxin yal Komam:
—Aqꞌwe tet naj yahaw Roma bꞌaytet yet naj yehi,
kat heyaqꞌni tet Komam Dios bꞌaytet yet Komam yehi,
xhi Komam.
Kaw xin kꞌayilo iskꞌul ebꞌnaj yabꞌen yinh tzet yal Komam.
Qꞌambꞌelax yinh yet chiꞌitzitzbꞌikanh kamom
18 Lahwi tuꞌ yapni hunteqꞌan ebꞌnaj saduceo tzotelo tet Komam.
Ebꞌnaj saduceo tuꞌ chal ebꞌnaj tato mach chiꞌitzitzbꞌikanh kamom,
yuxin isqꞌambꞌe ebꞌnaj tet Komam:
Marcos 12:18-44
19 —Mam Kuywawom,
tzꞌibꞌnhebꞌilkano yu yaꞌ Moisés tato chikam yichamil hunu ix ix,
mach xin yuninal naj yebꞌ ix,
yilal yiqꞌni ix yuxhta naj kamom tuꞌ,
haxinwal ay yuninal naj yuxhtaj naj tuꞌ yebꞌ ix,
kat yok yuninalo naj kamom tuꞌ.
20 Yet hunel,
ay hujwanh ebꞌnaj yuxhtanhe isbꞌa.
Naj bꞌabꞌel mohyi naj,
yaj kam naj,
machi xin yuninal naj yebꞌ yixal tuꞌ.
21 Yuxin mohyi naj iskabꞌ yebꞌ ix,
yajaꞌ kampaxo naj,
machipaxo xin yuninal naj yebꞌ ix.
Haktikꞌapax tuꞌ yu naj yox.
22 Hak tuꞌ yu yiqꞌni ebꞌnaj ix ishujwanhil,
iskamto ebꞌnaj,
machi xin hunu yuninal ebꞌnaj yebꞌ ix;
haxa yet islahobꞌalxa xin iskampaxo ix.
23 Yuxin hayet chiꞌitzitzbꞌikanh kamom yet chiꞌitzitzbꞌikanh ebꞌnaj tuꞌ,
¿maktaxka ebꞌnaj chiꞌok yichamilo ix,
yuto ishujwanhil ebꞌnaj mohyi yebꞌ ix?
xhi ebꞌnaj.
24 Istaqꞌwi Komam:
—Hex tiꞌ kaw kꞌaynajextoj,
yuto mach heyohtajo tzet tzꞌibꞌnhebꞌilkano yul Yum Komam Dios,
yebꞌ xin mach heyohtapaxo hanta yip Komam.
25 Yet chiꞌitzitzbꞌikanh anma kamnaxa matxa chiqꞌ ebꞌnaj winaj yixal,
matxa chiqꞌpaxo ebꞌix ix yichamil,
yuto anma chiꞌitzitzbꞌikanh lahanxa chꞌeliko hakaꞌ ebꞌnaj ángel ay satkanh.
26 ¿Tzet yinh xin mach cheyayto yul heyanma ta chiꞌitzitzbꞌikanh kamom?
¿Tom maxhto cheyil yul Yum Komam Dios bꞌay tzꞌibꞌnhebꞌilkano yuc yaꞌ Moisés yinh tzet yu istzotel Komam tet yaꞌ xol hun hobꞌan teꞌ txꞌix ayko qꞌaꞌ yinh,
yet yalni Komam tet yaꞌ hakaꞌ tiꞌ?:
“Hanintiꞌan isDiosal yaꞌ Abraham,
yaꞌ Isaac yebꞌ yaꞌ Jacob,”
xhi Komam.
27 ¡Yuto Komam Dios mach isDiosalo kamom yehi to isDiosal anma itzitz ye Komam!
Yuxin hex tiꞌ kaw maxhtaj haꞌ heyekoj,
kaw mach chitxumcha huneꞌ tiꞌ heyu,
xhi Komam tet ebꞌnaj.
Chejbꞌanil kaw ekꞌbꞌal yelapno yehi
28 Yet yabꞌen huneꞌ naj kuywawom yinh isley yaꞌ Moisés tato kaw kꞌul yu ispajtzen Komam Jesús isqꞌambꞌebꞌal ebꞌnaj saduceo,
yok naj isqꞌambꞌeno tet Komam hakaꞌ tiꞌ:
—Mamin,
xol sunil chejbꞌanile aqꞌbꞌilkano jet,
¿bꞌaytet ekꞌbꞌal yelapno yehi?
xhi naj.
29 Istaqꞌwi Komam tet naj:
—Haꞌ chejbꞌanile ekꞌbꞌal yilal yehi haꞌ huneꞌ tiꞌ:
“Abꞌewe hex Israel,
haꞌ Komam Dios haꞌ koDiosal,
hanhkꞌanhe Komam haꞌ Jahawil.
30 Ochewe Komam yinh sunil hekꞌul,
yinh sunil heyanma,
yinh sunil henabꞌal yebꞌ yinh sunil heyip,”
xhihayoj.
31 Walpaxo huneꞌ iskabꞌ chejbꞌanile chal hakaꞌ tiꞌ:
“Xahan cheyil heyet anmahil,
hakaꞌ chu heyaꞌilnhen hebꞌa,”
xhihayoj.
Matxa hunuxa chejbꞌanil ekꞌbꞌal yelapno ye sata hunteqꞌan tiꞌ,
xhi Komam.
32 Hayet yabꞌen naj yalni Komam hakaꞌ tuꞌ,
istaqꞌwi naj:
—Mam Kuywawom,
kaw yel chawala,
hanhkꞌanhe Komam Dios Jahawil,
haꞌ koDiosal,
matxa hunuxa Dios.
33 Yuxin tato chijoche Komam Dios yinh sunil janma,
yinh sunil konabꞌal yebꞌ yinh sunil jip,
kat xin koxahannhen jet anmahil hakaꞌ chu koyaꞌilnhen kobꞌa,
ekꞌbꞌal yilal yelapno ye sata ispotxꞌlax no noqꞌ kat isnhuslax tet Komam Dios,
maka isnhuslax hunuxa tzet ye tuꞌ yinh xahanbꞌalil,
xhi naj.
34 Hayet yabꞌen Komam tato kꞌul yu istaqꞌwi naj,
yalni Komam tet naj:
—Hach tiꞌ kawilxa haweko hawok yul isqꞌabꞌ Komam Dios,
xhi Komam.
Matxa hunuxa mak hitziko yu isqꞌambꞌen hunuxa tzet ye tuꞌ tet Komam.
Komam Cristo Iskꞌahol Komam Dios yehi
35 Hunel yet lanhan iskuywa Komam Jesús yul Yatut Komam Dios,
isqꞌambꞌen Komam:
«¿Tzet yinh xin chal ebꞌnaj kuywawom yinh isley yaꞌ Moisés tato yinh yaꞌ rey David chitit yaꞌ Cristo,
yaꞌ echmabꞌil yuli?
36 Yajaꞌ haꞌ yaꞌ David tuꞌ halni yu yip Komam Espíritu Santo hakaꞌ tiꞌ:
“Yal Komam Dios tet Wahawilan:
‘Ayanh tzꞌonhan yinh inwatxꞌqꞌabꞌtiꞌan
masanto chiwakojan ebꞌnaj ayko ishowal tawinh yalanh hawoj,’
xhi Komam,”d
xhi yaꞌ David.
37 »Tato yinh yaꞌ David tuꞌ titna yaꞌ Cristo,
¿tzet yinh xin yal yaꞌ David yaꞌ Cristo Yahawiloj?»e
xhi Komam.
Kaw hantanhe anma iskutxbꞌako isbꞌa bꞌey tuꞌ,
kaw xin sunil mak yoche yabꞌeꞌ yinh tzet chal Komam.
Yal Komam Jesús istxꞌojal ebꞌnaj kuywawom yinh ley
38 Yet lanhan iskuywa Komam Jesús,
yalni hakaꞌ tiꞌ:
«Kaw cheyil hebꞌa tet ebꞌnaj kuywawom yinh isley yaꞌ Moisés,
yuto ebꞌnaj tuꞌ kaw choche ebꞌnaj yaqꞌaꞌko hunteqꞌan xilqꞌape nimej ishojo istel,
yebꞌ yochebꞌal ebꞌnaj kaw nanxa islow chu istioxhli anma tet ebꞌnaj yet chiꞌekꞌ ebꞌnaj yulaj txonhbꞌal.
39 Chissaynipaxilo ebꞌnaj hunteqꞌan tzꞌonhobꞌal kaw ay yelapno ye yulaj iscapilla ebꞌnaj Israel yebꞌ bꞌay chiꞌawtelax ebꞌnaj waꞌoj.
40 Chinilo ebꞌnaj yatut ebꞌix hunix,
yajaꞌ yunhe mach chisyelo isbꞌa istxꞌojal chiswatxꞌe ebꞌnaj tuꞌ kꞌul yubꞌ ebꞌnaj,
nimej chute ebꞌnaj yoj istxah.
Ebꞌnaj tuꞌ kaw ekꞌbꞌal niman isyaꞌtajil chiꞌay yibꞌanh ebꞌnaj yu Komam Dios,»
xhi Komam.
Yofrenda huneꞌ ix hunix mebꞌaꞌ
41 Hunel,
tzꞌonhanayo Komam Jesús iskawilal kaxha bꞌay chayto anma yofrenda tet Komam Dios,
yilni Komam yanayto anma tuꞌ yofrenda.
Kaw txꞌiꞌal ebꞌnaj qꞌalom yayto yet,
kaw xin txꞌiꞌal chꞌen yayto ebꞌnaj.
42 Lanhantotikꞌa xin yapni huneꞌ ix hunix kaw mebꞌaꞌ,
yanayto ix kabꞌebꞌ chꞌen melyu nixhchꞌan sat yul kaxha tuꞌ.
43 Yet yilni Komam huneꞌ tuꞌ,
yawten Komam ebꞌyaꞌ iskuywom,
yalni Komam: