TZOTIꞌ KꞌUL YET KOLBꞌANILE TZꞌIBꞌNHEBꞌILKANO YU YAꞌ SAN MATEO
Istxolal isbꞌi yichmam Komam Jesucristo
1
Haꞌ yaꞌ rey David yebꞌ yaꞌ Abraham,
haꞌ yichmam Komam Jesucristo.
Hak tiꞌ ye istxolal yichmam Komam hakaꞌ tiꞌ:
2 Yaꞌ Abraham,
haꞌ yaꞌ ismam yaꞌ Isaac,
yaꞌ Isaac haꞌ yaꞌ ismam yaꞌ Jacob,
yaꞌ Jacob,
haꞌ yaꞌ ismam yaꞌ Judá yebꞌ hunteqꞌanxa yuxhtaj.
3 Yaꞌ Judá,
haꞌ yaꞌ ismam naj Fares yebꞌ naj Zara,
haꞌ xin ismiꞌ ebꞌnaj kawanh tuꞌ haꞌ ton ix Tamar.
Naj Fares haꞌ naj ismam naj Esrom,
naj Esrom haꞌ naj ismam naj Aram.
4 Naj Aram,
haꞌ naj ismam naj Aminadab,
naj Aminadab,
haꞌ naj ismam naj Naasón,
naj Naasón,
haꞌ naj ismam yaꞌ Salmón.
5 Yaꞌ Salmón,
haꞌ yaꞌ ismam yaꞌ Booz,
wal ismiꞌ yaꞌ Booz,
haꞌ ton ix Rahab.
Yaꞌ Booz,
haꞌ yaꞌ ismam yaꞌ Obed,
wal ismiꞌ yaꞌ Obed tuꞌ,
haꞌ ton yaꞌ Rut.
Yaꞌ Obed,
haꞌ yaꞌ ismam yaꞌ Isaí.
6 Yaꞌ Isaí,
haꞌ yaꞌ ismam yaꞌ rey David.a
Haxa yaꞌ David,
haꞌ yaꞌ ismam yaꞌ Salomón,
ismiꞌ yaꞌ Salomón tuꞌ xin,
haꞌ ton ix yixaltikꞌa naj Urías yet yalanhtokanoj.
7 Wal yaꞌ Salomón,
haꞌ yaꞌ ismam yaꞌ Roboam,
yaꞌ Roboam,
haꞌ yaꞌ ismam yaꞌ Abías,
yaꞌ Abías,
haꞌ yaꞌ ismam yaꞌ Asa.
8 Yaꞌ Asa,
haꞌ yaꞌ ismam yaꞌ Josafat,
yaꞌ Josafat haꞌ yaꞌ ismam yaꞌ Joram,
yaꞌ Joram,
haꞌ yaꞌ ismam yaꞌ Uzías.
9 Yaꞌ Uzías,
haꞌ yaꞌ ismam yaꞌ Jotam,
yaꞌ Jotam,
haꞌ yaꞌ ismam yaꞌ Acaz,
yaꞌ Acaz haꞌ yaꞌ ismam yaꞌ Ezequías.
10 Yaꞌ Ezequías,
haꞌ yaꞌ ismam yaꞌ Manasés,
yaꞌ Manasés,
haꞌ yaꞌ ismam yaꞌ Amón,
yaꞌ Amón haꞌ yaꞌ ismam yaꞌ Josías.
11 Yaꞌ Josías,
haꞌ yaꞌ ismam yaꞌ Jeconías yebꞌ hunteqꞌanxa yuxhtaj.
Haꞌ yinh istiempohal yaꞌ Jeconías tuꞌ ilaxto ebꞌnaj Israel preso yul konhobꞌ Babilonia.b
12 Hayet yelti ebꞌnaj yalanh yip Babilonia tuꞌ xin haꞌ yaꞌ Jeconías,
haꞌ yaꞌ ismam yaꞌ Salatiel,
yaꞌ Salatiel,
haꞌ yaꞌ ismam yaꞌ Zorobabel.
13 Yaꞌ Zorobabel,
haꞌ yaꞌ ismam yaꞌ Abiud,
yaꞌ Abiud,
haꞌ yaꞌ ismam yaꞌ Eliaquim,
yaꞌ Eliaquim,
haꞌ yaꞌ ismam yaꞌ Azor.
14 Yaꞌ Azor,
haꞌ yaꞌ,
ismam yaꞌ Sadoc,
yaꞌ Sadoc,
haꞌ yaꞌ ismam yaꞌ Aquim,
haxa yaꞌ Aquim,
haꞌ yaꞌ ismam yaꞌ Eliud.
15 Yaꞌ Eliud,
haꞌ yaꞌ ismam yaꞌ Eleazar,
yaꞌ Eleazar,
haꞌ yaꞌ ismam yaꞌ Matán,
haxa yaꞌ Matán,
haꞌ yaꞌ ismam yaꞌ Jacob.
16 Yaꞌ Jacob,
haꞌ yaꞌ ismam yaꞌ José,
yaꞌ José tuꞌ haꞌ yaꞌ yichamil yaꞌ María.
Yaꞌ María tuꞌ haꞌ ismiꞌ Komam Jesús,
haꞌ ton Komam Cristo.c
17 Wal xin ay 14 (kanhlahonhwanh) mame yinh istxolal yichmam Komam Jesucristo chiꞌichiti yinh yaꞌ Abraham masanta yinh yaꞌ rey David.
Tzujanilo yinta yaꞌ rey David tuꞌ chiꞌichipaxti 14 (kanhlahonhwanh) mame istxolal yichmam Komam masanta yet yilaxto ebꞌnaj Israel preso bꞌey Babilonia.
Tzujanxa yet yilaxto ebꞌnaj Israel preso yul konhobꞌ Babilonia tuꞌ yichipaxti 14 (kanhlahonhwanh),
mame yinh istxolal yichmam Komam Jesucristo masanto yinh istiempohal yet ispitzkꞌa Komam.
Yet ispitzkꞌa Komam Jesucristo
18 Hak tiꞌ ye istzotiꞌal yinh yet ispitzkꞌa Komam Jesucristo.
Wal yaꞌ María taqꞌwebꞌilxa yu yaꞌ ismohyi yebꞌ yaꞌ José,
yajaꞌ yet maxhto chiyiqꞌ isbꞌa,
ispitzkꞌati nichꞌan unin yinh yaꞌ yu yip Komam Espíritu Santo.
19 Wal yaꞌ José waxanhka kaw yijem yaꞌ tet isley yaꞌ Moisés,
yajaꞌ mach isje iskꞌul yaꞌ isqꞌanaꞌ yinh yaꞌ María tuꞌ,
yok yinh isnabꞌal yaꞌ isbꞌejnikano yaꞌ yinh ewantajil.
20 Hayet lanhan yekꞌ huneꞌ tuꞌ yinh isnabꞌal yaꞌ,
isyeni isbꞌa huneꞌ yángel Komam Diosd tet yaꞌ yul iswayik;
yalni naj ángel tuꞌ hakaꞌ tiꞌ:
«José,
hach titnaj hach yinh yuninal yaꞌ rey David,
mach chinanon hakꞌul hamohyi yebꞌ ix María,
yuto haꞌ nichꞌan unin ijbꞌiliko yu ix yet Komam Espíritu Santo.
21 Nichꞌan unin chipitzkꞌa tuꞌ,
Jesúse chawako isbꞌihoj,
yuto haꞌ chikolnilti yet konhobꞌ yalanh ismul,»
xhi naj ángel.
22 Hak tuꞌ yu yijni isbꞌa tzet yalkano Komam Dios tet huneꞌ ischejabꞌf yet payat,
yet istzꞌibꞌnhenkano hakaꞌ tiꞌ:
23 «Ay huneꞌ ix qꞌopo maxhto hunu winaj chiqꞌle,
yajaꞌ chipitzkꞌati nichꞌan winaj unin yinh ix,
nichꞌan unin chipitzkꞌa tuꞌ Emanuel chiyij isbꞌi,»
xhihayoj.
Emanuel,
haꞌ chaliloj ayko Komam Dios koxol.g