Ix yamchaj Jesús
18
Ix lajvi yalan juntzan̈ chiꞌ Jesús,
ix bꞌat yedꞌ ebꞌ scꞌaybꞌum.
Ix cꞌaxpajecꞌ ebꞌ dꞌa schꞌolanil aꞌ Cedrón bꞌaj ay juntzan̈ teꞌ avbꞌen teꞌ.
Ix cꞌoch ebꞌ dꞌa scal teꞌ.
2 Axo vin̈aj Judas,
vin̈ ol acꞌanoch Jesús dꞌa yol scꞌabꞌ chamel,
yojtac pax jun lugar chiꞌ vin̈,
yujto tzijtum el ix smolbꞌej sbꞌa Jesús chiꞌ yedꞌ ebꞌ scꞌaybꞌum taꞌ.
Jesús traicionado y arrestado (Juan 18.1-14)
3 Yuj chiꞌ ix cꞌoch vin̈ taꞌ,
ajun jun uman̈ ebꞌ soldado yedꞌ vin̈ yedꞌ pax ebꞌ stan̈vumal stemplo Dios ix checjicot yuj ebꞌ vin̈ sat sacerdote yedꞌ ebꞌ vin̈ fariseo.
Tzꞌicbꞌil scꞌacꞌ ebꞌ,
ma scandil ebꞌ yuuj.
Yedꞌnac pax syamcꞌabꞌ ebꞌ yic oval ix cꞌoch ebꞌ.
4 Axo Jesús yojtacxo jantac tas ol javoc dꞌa yibꞌan̈.
Yuj chiꞌ ix schꞌoxan sbꞌa,
ix scꞌanbꞌan dꞌa ebꞌ vin̈ ix cꞌoch chiꞌ:
—¿Mach tzecꞌ e sayaꞌ?
xchi dꞌa ebꞌ vin̈.
5 —A Jesús aj Nazaret,
a sco sayeqꞌui,
xchi ebꞌ vin̈ dꞌay.
—A in ton tic,
xchi dꞌa ebꞌ vin̈.
A vin̈aj Judas,
vin̈ van yacꞌanoch Jesús dꞌa yol scꞌabꞌ ebꞌ ajcꞌool chiꞌ,
ajun vin̈ yedꞌ ebꞌ vin̈.
6 Ix lajvin̈ej yalan Jesús dꞌa ebꞌ vin̈,
ix bꞌat pacꞌaljoc ebꞌ vin̈ dꞌa spatic,
ix laj telvi ebꞌ vin̈ dꞌa sat luum.
7 Ix scꞌanbꞌanxi Jesús dꞌa ebꞌ vin̈:
—¿Mach tzecꞌ e sayaꞌ?
xchi.
—A Jesús aj Nazaret,
a tzecꞌ co sayaꞌ,
xchixi ebꞌ vin̈.
8 —Palta toxo ix val dꞌayex to a in ton tic.
Tato a in tzin e sayaꞌ,
axo ebꞌ vin̈ vedꞌnac tic,
actejec el ebꞌ vin̈,
xchi dꞌa ebꞌ vin̈.
9 Icha chiꞌ ix aj yelcꞌoch tas ix yal Jesús yuj ebꞌ scꞌaybꞌum,
ayic ix yalan icha tic:
A ebꞌ ix acꞌ dꞌayin malaj junoc ebꞌ ix sat vuuj,
xchi dꞌa Dios.
10 Axo vin̈aj Simón Pedro,
ix yicꞌanqꞌueta qꞌuen yespada vin̈ dꞌa yol yatut,
ix bꞌat jucnaj vin̈ dꞌa jun vin̈ scuch Malco,
schecabꞌ vin̈ sat sacerdote.
Ix slesanel schiquin vin̈ vin̈ dꞌa svachꞌ.
11 Axo ix yalan Jesús dꞌa vin̈aj Pedro chiꞌ:
—Aqꞌuem qꞌuen espada chiꞌ dꞌa yol yatut.
¿Tom man̈ ol vacꞌ in bꞌa dꞌa jun yaelal syacꞌcot in Mam dꞌa vibꞌan̈ tic a naani?
xchi dꞌa vin̈.
Ix icꞌjibꞌat Jesús dꞌa yichan̈ vin̈aj Anás
12 Ix syaman Jesús chiꞌ ebꞌ vin̈ soldado yedꞌ vin̈ syajalil ebꞌ yedꞌ ebꞌ vin̈ aj Judea stan̈vumal templo.
13 Ichato chiꞌ ix icꞌjibꞌat dꞌa spat vin̈aj Anás,
sn̈iꞌ vin̈aj Caifás.
A vin̈aj Caifás chiꞌ sat sacerdote yaj dꞌa jun abꞌil chiꞌ.
14 Aton vin̈ alannac dꞌa ebꞌ aj Judea chiꞌ to yovalil scham junoc mach sqꞌuexuloc ebꞌ anima smasanil.
Yicꞌnaquel vin̈aj Pedro dꞌa yibꞌan̈
15 Ayic ix icꞌjibꞌat Jesús,
tzacꞌanoch vin̈aj Simón Pedro yuuj yedꞌ junxo vin̈ scꞌaybꞌum Jesús chiꞌ.
A junxo vin̈ scꞌaybꞌum chiꞌ,
ojtacabꞌil vin̈ yuj vin̈aj Anás chiꞌ.
Ix ochcꞌoch vin̈ yedꞌ Jesús dꞌa yamaqꞌuil spat vin̈aj Anás chiꞌ.
Pedro niega conocer a Jesús y Anás pregunta a Jesús (Juan 18.15-27)
16 Axo vin̈aj Pedro chiꞌ,
ix can vin̈ dꞌa tiꞌ pat chiꞌ.
Yuj chiꞌ ix elixta junxo vin̈ scꞌaybꞌum Jesús chiꞌ,
ix yalan vin̈ dꞌa ix stan̈vumal tiꞌ pat chiꞌ to tzꞌoch vin̈aj Pedro chiꞌ yedꞌ ebꞌ.
17 Axo ix stan̈vumal tiꞌ pat chiꞌ ix alan dꞌa vin̈aj Pedro chiꞌ:
—A ach tic,
tecan scꞌaybꞌum ach jun vin̈ ix yamchaj tic,
xchi ix dꞌa vin̈.
—Maay,
man̈ in scꞌaybꞌumoclaj vin̈,
xchi vin̈ dꞌa ix.
18 A dꞌa jun tiempoal chiꞌ te ay siic,
yuj chiꞌ axo ebꞌ vin̈ ayoch checabꞌoc yedꞌ ebꞌ vin̈ stan̈vumal templo,
ix yacꞌoch scꞌacꞌ ebꞌ vin̈ dꞌa teꞌ acꞌal.
Lin̈jabꞌoch ebꞌ vin̈ cꞌaxnel.
Axo vin̈aj Pedro chiꞌ,
ix cꞌoch vin̈ yedꞌ ebꞌ vin̈ dꞌa stiꞌ teꞌ cꞌacꞌ chiꞌ,
ix cꞌaxni vin̈ yedꞌ ebꞌ vin̈.
Cꞌochnac Jesús dꞌa yichan̈ vin̈ sat sacerdote
19 Axo vin̈ sat sacerdote ix cꞌanbꞌan dꞌa Jesús:
—¿Mach ebꞌ a cꞌaybꞌum?
¿Tas juntzan̈ a cꞌaybꞌubꞌal bꞌaj tza cꞌaybꞌej ebꞌ?
xchi vin̈ dꞌay.
20 Ix yalan Jesús chiꞌ dꞌa vin̈:
—A juntzan̈ in cꞌaybꞌubꞌal chiꞌ,
ix valel dꞌa scal ebꞌ anima smasanil.
Masanil tiempo ix valel dꞌa yoltac spatil culto yedꞌ dꞌa yamaqꞌuil stemplo Dios yedꞌ bꞌaj smolbꞌej sbꞌa ebꞌ anima.
Malaj junoc tas cꞌubꞌeltac ix valaꞌ.
21 ¿Tas yuj a dꞌayin tza cꞌanbꞌej?
Cꞌanbꞌej dꞌa ebꞌ ix abꞌan valani.
Yalocabꞌ ebꞌ dꞌayach tas juntzan̈ in cꞌaybꞌubꞌal chiꞌ.
Ina yojtacxo ebꞌ tas ix valaꞌ,
xchi dꞌa vin̈.
22 Ix lajvin̈ej yalan juntzan̈ chiꞌ,
axo jun vin̈ stan̈vumal templo ayecꞌ taꞌ ix tzꞌitanbꞌat sat.
Ix yalan vin̈ dꞌay:
—Tas yuj icha chiꞌ tzꞌaj a pacan stiꞌ vin̈ sat sacerdote tic,
xchi vin̈ dꞌa Jesús.
23 —Tato chuc ix valaꞌ,
al dꞌayin tas chucal ix val chiꞌ.
Palta tato a tas vachꞌ ix valaꞌ,
¿tas yuj tzin a comon maqꞌuej?
xchi Jesús chiꞌ dꞌa vin̈.
24 Ix lajvi chiꞌ,
axo vin̈aj Anás chiꞌ ix checan icꞌjocbꞌat Jesús dꞌa vin̈aj Caifás,
vin̈ sat sacerdote.
An̈ejaꞌ tzecꞌbꞌil yuj ebꞌ vin̈ ix bꞌati.
Yalnacxi vin̈aj Pedro to man̈ yojtacoc Jesús
25 Axo vin̈aj Pedro an̈ejaꞌ van scꞌaxni vin̈ yedꞌ ebꞌ vin̈ stan̈vumal templo chiꞌ.
Yuj chiꞌ ix yalan ebꞌ vin̈ dꞌa vin̈:
—A ach tic,
tecan scꞌaybꞌum ach Jesús,
xchi ebꞌ vin̈.
Ix yicꞌanxiel vin̈ dꞌa yibꞌan̈,
ix yalan vin̈:
—Maay,
man̈ in scꞌaybꞌumoclaj,
xchi vin̈.
26 Ix lajvi chiꞌ,
ay jun schecabꞌ vin̈ sat sacerdote,
scꞌabꞌ yoc sbꞌa yedꞌ vin̈ ix el schiquin yuj vin̈aj Pedro chiꞌ ix alan dꞌa vin̈:
—¿Tom man̈oc ach ix vil ecꞌ yedꞌ Jesús bꞌaj ay teꞌ avbꞌen teꞌ jun?
xchi dꞌa vin̈.
27 Ix yicꞌanxiel vin̈aj Pedro chiꞌ dꞌa yibꞌan̈ junelxo.
A val slajvi yicꞌanxiel vin̈ chiꞌ dꞌa yibꞌan̈,
ix ocꞌ nocꞌ caxlan̈.
Ix icꞌjibꞌat Jesús dꞌa yichan̈ vin̈aj Pilato
28 Axo yic van sacbꞌi,
ix icꞌjiel Jesús dꞌa yol spat vin̈aj Caifás chiꞌ yuj ebꞌ yajal dꞌa scal ebꞌ israel,
ix icꞌjibꞌat dꞌa sdespacho vin̈aj Pilato,
vin̈ yajal.
A sley ebꞌ aj Judea chiꞌ,
max yal yoch ebꞌ dꞌa yol sdespacho vin̈ chiꞌ.
A snaan ebꞌ,
talaj tzꞌoch smul ebꞌ dꞌa yichan̈ Dios,
talaj man̈ smojoc svaan jun vael ebꞌ yic qꞌuin̈ van sjavi,
yic snaancot ebꞌ tas aj yelnaccot ebꞌ smam yicham ebꞌ dꞌa Egipto.
Pilato le pregunta a Jesús (Juan 18.28-40)
—¿Tas smul jun vin̈ tzul eyacꞌ tic dꞌayin?
xchi vin̈.
30 —Tato man̈ chucoc vin̈,
¿tom ol ul cacꞌ vin̈ dꞌa yol a cꞌabꞌ?
xchi ebꞌ vin̈.
31 Yuj chiꞌ ix yalan vin̈aj Pilato chiꞌ:
—Iqꞌuecbꞌat vin̈ a ex tic,
tzeyacꞌanoch dꞌa yibꞌan̈ vin̈ icha syal e ley,
xchi vin̈.
—Palta a on̈ israel on̈ tic,
max yal-laj co comon acꞌanoch chamel dꞌa yibꞌan̈ junoc anima,
xchi ebꞌ vin̈.
32 Icha chiꞌ ix aj yelcꞌoch tas ix yal Jesús chajtil ol aj schami.
33 Axo vin̈aj Pilato chiꞌ,
ix ochxican vin̈ dꞌa yol sdespacho.
Ix yacꞌan avtajcot Jesús vin̈,
ix scꞌanbꞌan vin̈ dꞌay:
—¿Tom a ach tic sreyal ach ebꞌ israel?
xchi vin̈.
34 —¿Tom a ach tza nael jun chiꞌ,
mato chꞌoc mach ix alan dꞌayach vuuj?
xchi Jesús chiꞌ dꞌa vin̈.
35 —¿Tom israel in tzilaꞌ?
A ebꞌ etchon̈abꞌ yedꞌ ebꞌ sat sacerdote,
a ebꞌ ix ul ach acꞌanoch dꞌa yol in cꞌabꞌ.
Palta ¿tas ix a mulej?
xchi vin̈ dꞌay.
36 —A in tic,
man̈oc dꞌa yolyibꞌan̈qꞌuinal tic rey in.
Qꞌuinaloc tato icha chiꞌ,
a ebꞌ tzin acꞌan servil,
tzam yacꞌ yovalil ebꞌ,
yic max in acꞌjioch dꞌa yol scꞌabꞌ ebꞌ aj Judea.
Palta man̈oc dꞌa tic rey in,
xchi Jesús chiꞌ dꞌa vin̈.
37 —¿Tom yel val jun to rey ach?
xchi vin̈aj Pilato chiꞌ dꞌay.
—Yel toni,
rey in,
ichaton tzal chiꞌ.
A in tic,
in javi dꞌa yolyibꞌan̈qꞌuinal tic yic tzul valel jun tas te yel.
Yuj val chiꞌ in alji.
Jantacn̈ej ebꞌ yictaxon jun yel tic,
syacꞌoch schiquin ebꞌ dꞌa tas svalaꞌ,
xchi Jesús chiꞌ.
38 Axo ix yalan vin̈aj Pilato chiꞌ dꞌay:
—¿Tas jun yel tzal chiꞌ?
xchi vin̈ dꞌay.
Ochnac chamel dꞌa yibꞌan̈ Jesús
Ix lajvi yalan jun chiꞌ vin̈aj Pilato chiꞌ,
ix elixta vin̈ dꞌa stiꞌ bꞌaj aycan ebꞌ aj Judea chiꞌ.
Ix yalanelta vin̈ dꞌa scal ebꞌ:
—A jun vin̈ tic,
malaj jabꞌoc smul vin̈ svilaꞌ.
39 Palta ay jun e ley dꞌa junjun qꞌuin̈ tic to tze cꞌanelta junoc mach dꞌa preso.
Yuj chiꞌ,
¿mama e gana svaqꞌuel jun vin̈ e reyal a ex israel ex tic dꞌa libre ticnaic?
xchi vin̈ dꞌa ebꞌ.
40 Yuj chiꞌ ix avaj chaan̈ ebꞌ smasanil,
ix yalan ebꞌ:
—A jun vin̈ tic,
malaj co gana dꞌa vin̈.
A vin̈aj Barrabás tzaqꞌuel dꞌa libre,
xchi ebꞌ dꞌa vin̈.
Palta a vin̈aj Barrabás chiꞌ,
milumcham anima vin̈.