—Ixiquec dꞌa jun aldea dꞌa quichan̈bꞌat tic.

Ataꞌ ol ilchaj jun nocꞌ nun bꞌuru eyuuj,

etzanoch nocꞌ.

Aypaxecꞌ jun nocꞌ quelem yuneꞌ nocꞌ yedꞌoc.

Tze tijelta nocꞌ schavan̈il,

tzeyicꞌancot nocꞌ dꞌa tic.

3 Tato ay mach tas tzꞌalan dꞌayex,

tzeyalan dꞌa ebꞌ:

Ay ol och nocꞌ yuj Cajalil.

Ol ul cacꞌxican nocꞌ dꞌa jun rato,

xe chi,

xchi Jesús dꞌa ebꞌ.

4 Icha chiꞌ ix aj yelcꞌoch tas tzꞌibꞌyajcan yuj jun schecabꞌ Dios dꞌa pecaꞌ,

ayic ix yalan icha tic:

6 Ix bꞌat ebꞌ scꞌaybꞌum chiꞌ.

Ix scꞌanabꞌajej ebꞌ icha ix yal Jesús.

7 Ix yicꞌancot jun nocꞌ nun bꞌuru chiꞌ ebꞌ yedꞌ jun nocꞌ quelem bꞌuru chiꞌ dꞌa Jesús.

Axo ebꞌ scꞌaybꞌum chiꞌ ix acꞌanqꞌue spichul stzꞌamoc nocꞌ.

Ix lajvi chiꞌ ix qꞌue Jesús dꞌa yibꞌan̈ nocꞌ quelem bꞌuru chiꞌ.

8 Ayic van sbꞌey nocꞌ,

tzijtum ebꞌ anima ix laj slichꞌem spichul^* dꞌa yol bꞌe bꞌaj van sbꞌeybꞌat chiꞌ.

Ay pax ebꞌ ix laj xicanelta te cꞌabꞌtac teꞌ ay xiil.

Ix laj yacꞌanem ebꞌ dꞌa yol bꞌe.

9 Axo ebꞌ bꞌabꞌel yedꞌ ebꞌ tzacꞌan,

ix laj yalanqꞌue ebꞌ:

—Yuj val Dios dꞌa jun Yin̈tilalcan vin̈aj David.

Calec vachꞌ lolonel dꞌa vin̈ checbꞌilcot yuj Dios Cajal.

Caqꞌuec yuj diosal dꞌa Dios aj satchaan̈,

xchi ebꞌ.

10 Ayic ix cꞌoch Jesús dꞌa yol chon̈abꞌ Jerusalén,

masanil anima ix laj somchaj chaan̈.

Ix laj yalan ebꞌ:

—¿Mach jun sja tic?

xchi ebꞌ.

11 Axo ebꞌ n̈ilanecꞌ yedꞌ Jesús ix alani:

—Aton Jesús,

aj Nazaret yic Galilea.

Aton jun tic schecabꞌ Dios,

xchi ebꞌ.

12 Ix lajvi chiꞌ,

ix och Jesús dꞌa yol yamaqꞌuil stemplo Dios.

Ix spechanelta ebꞌ chon̈vajum yedꞌ ebꞌ manvajum.

Ix laj slocan pacꞌlaj smexa ebꞌ qꞌuexum tumin yedꞌ xila ebꞌ chon̈um paramuch.^*

13 Ix yalan dꞌa ebꞌ:

—Icha tic yalnaccan Dios dꞌa Slolonel Tzꞌibꞌabꞌilcani:

A in pat ol aljoc yuuj to yicn̈ej lesal yaji,

xchi.

Palta a ex tic,

icha junoc n̈aqꞌueen bꞌaj scꞌubꞌejel sbꞌa ebꞌ elcꞌum,

icha chiꞌ tzeyutej,

xchi dꞌa ebꞌ.

14 Ayic ayecꞌ dꞌa yamaqꞌuil stemplo Dios chiꞌ,

ay juntzan̈ ebꞌ max uji yilan ix cꞌoch dꞌay yedꞌ juntzan̈ ebꞌ max yal sbꞌeyi.

Ix bꞌoxican ebꞌ yuuj.

15 Palta axo ebꞌ vin̈ sat sacerdote yedꞌ ebꞌ vin̈ cꞌaybꞌum dꞌa ley Moisés,

ix yil juntzan̈ milagro ebꞌ vin̈ ix sbꞌo chiꞌ.

Ix yabꞌanpax ebꞌ vin̈ to ay juntzan̈ ebꞌ unin tzꞌalan dꞌa yamaqꞌuil stemplo Dios chiꞌ:

Yuj val Dios dꞌa jun Yin̈tilalcan vin̈aj David,

xchi ebꞌ.

Yuj chiꞌ ix te cot yoval ebꞌ vin̈.

16 Ix yalan ebꞌ vin̈ dꞌa Jesús:

—¿Tom max abꞌ tas syal ebꞌ unin tic?

xchi ebꞌ vin̈ dꞌay.

—Svabꞌ yalan ebꞌ.

¿Tom malaj bꞌaj tzeyil dꞌa Slolonel Dios Tzꞌibꞌabꞌilcani,

bꞌaj tzꞌalji icha tic dꞌa co Mam Dios?

17 Ix lajvi chiꞌ,

ix bꞌatxi Jesús chiꞌ,

ix can ebꞌ yuuj.

Ix elxi dꞌa Jerusalén chiꞌ,

ix cꞌoch dꞌa Betania.

Axo taꞌ ix ecꞌ jun acꞌval.

18 Axo dꞌa qꞌuin̈ibꞌalil,

van spax Jesús dꞌa Jerusalén ix och svejel.

19 Axo ix yilani,

ay jun teꞌ higo dꞌa tiꞌ bꞌe.

Ix cꞌoch dꞌa teꞌ,

palta malaj junoc sat teꞌ ix ilchaj yuuj.

Ton̈ej cꞌayum xil teꞌ.

Yuj chiꞌ ix yalan dꞌa teꞌ:

—Man̈xa bꞌaqꞌuin̈ ol ach satanoc,

xchi dꞌa teꞌ.

Dꞌa jun rato chiꞌ,

ix tacjiel teꞌ.

20 Ayic ix yilan jun chiꞌ ebꞌ scꞌaybꞌum,

ix sat scꞌool ebꞌ.

—¿Tastaxlaj yuj junn̈ej rato ix tacjiel jun teꞌ tic?

xchi ebꞌ.

21 Val yel sval dꞌayex,

tato tzeyacꞌoch Dios dꞌa e cꞌool,

tato malaj e chabꞌcꞌolal,

yaln̈ej junoc tas ol yal eyuuj.

Man̈ocn̈ej tas icha ix vutej jun teꞌ tic ol yal eyuuj.

Vachꞌchom ol eyal dꞌa jun tzalan tic:

Elan̈ dꞌa edꞌtal tic.

Yumbꞌat a bꞌa dꞌa yol aꞌ n̈ajabꞌ,

tato xe chi,

ol yaln̈ej eyuuj icha chiꞌ.

22 Yaln̈ej tas tze cꞌanaꞌ ayic tzex lesalvi,

ol acꞌjoc dꞌayex tato tzeyacꞌoch dꞌa e cꞌool,

xchi dꞌa ebꞌ.

23 Ix ochxi Jesús dꞌa yol yamaqꞌuil stemplo Dios.

Ix scꞌaybꞌan ebꞌ anima taꞌ.

Axo ebꞌ vin̈ sat sacerdote yedꞌ ebꞌ vin̈ ichamtac vinac dꞌa scal ebꞌ israel chiꞌ,

ix cꞌoch ebꞌ vin̈,

ix scꞌanbꞌan ebꞌ vin̈ dꞌay:

—¿Tas elcꞌochi,

yuj chiꞌ a comon bꞌoej juntzan̈ chiꞌ evi?

¿Mach val acꞌjinac opisio chiꞌ?

xchi ebꞌ vin̈.

24 Yuj chiꞌ ix yalan Jesús chiꞌ dꞌa ebꞌ vin̈:

—An̈ejtonaꞌ,

ol in cꞌanbꞌejpax junoc tas dꞌayex.

Tato ol eyal dꞌayin,

ol valpax dꞌayex mach acꞌjinac vopisio in bꞌoan juntzan̈ chiꞌ.

25 ¿Mach acꞌjinac yopisio vin̈aj Juan,

yic yacꞌannac bautizar ebꞌ anima vin̈?

¿Am Dios ix acꞌani,

mato anima?

Alec dꞌayin,

xchi dꞌa ebꞌ vin̈.

Yuj chiꞌ,

ix slajtian sbꞌa ebꞌ vin̈ yuj juntzan̈ ix yal chiꞌ.

Ix laj yalanqꞌue ebꞌ vin̈:

—¿Tas ol cutoc calan dꞌay?

Tato scalaꞌ to a Dios acꞌjinac yopisio vin̈,

axom ol yalan dꞌayon̈:

¿Tas yuj maj eyacꞌoch vin̈ dꞌa e cꞌool jun?

xchama.

26 Palta tato scalaꞌ to yicn̈ej anima yopisio vin̈,

ay smay yuj ebꞌ anima,

yujto a vin̈aj Juan chiꞌ,

schecabꞌ Dios yaj vin̈ snaan ebꞌ smasanil,

xchi ebꞌ vin̈.

27 Yuj chiꞌ ix yalan ebꞌ vin̈ dꞌa Jesús:

—Man̈ cojtacoclaj,

xchi ebꞌ vin̈ dꞌay.

—Tato icha chiꞌ,

man̈ ol val pax dꞌayex mach acꞌjinac vopisio in bꞌoan juntzan̈ chiꞌ,

xchi Jesús dꞌa ebꞌ vin̈.

28 Ix yalan Jesús dꞌa ebꞌ vin̈:

—¿Tas tze na yuj jun abꞌix ol val tic?

Ay jun vin̈,

ay chavan̈ yuninal vin̈.

Ix yalan vin̈ dꞌa vin̈ bꞌabꞌel unin:

Ach vuninal,

ixic dꞌa co munlajel,

xchi vin̈.

29 Maay,

man̈ ol in bꞌatlaj,

xchi vin̈ dꞌa vin̈ smam chiꞌ.

Palta dꞌa jun rato chiꞌ,

ix snaan sbꞌa vin̈,

ix bꞌat vin̈ dꞌa smunlajel vin̈ smam chiꞌ.

30 Ix yalanpax vin̈ dꞌa vin̈ schabꞌil icha ix yutej vin̈ yalan dꞌa vin̈ bꞌabꞌel.

Yuj chiꞌ ix tacꞌvi vin̈ schabꞌil chiꞌ:

Inye Mamin,

ol in bꞌatoc,

xchi vin̈.

Palta maj bꞌatlaj vin̈.

31 A ticnaic,

tzin cꞌanbꞌej dꞌayex,

¿mach junoc ebꞌ uninabꞌil chiꞌ ix cꞌanabꞌajan icha sgana smam chiꞌ?

xchi Jesús dꞌa ebꞌ vin̈.

—Aton vin̈ bꞌabꞌel unin chiꞌ,

xchi ebꞌ vin̈.

Yuj chiꞌ ix yalanxi Jesús dꞌa ebꞌ:

—Val yel sval dꞌayex,

tato ayex ol ex och dꞌa yol scꞌabꞌ Dios,

a val ebꞌ tecumel tumin yedꞌ ebꞌ ix ajmul ix ol bꞌabꞌlaj och dꞌayex.

32 Yujto a vin̈aj Juan chiꞌ ix ul alancan dꞌayex chajtil tzeyutej e tojolbꞌitan e bꞌa,

palta maj eyacꞌochlaj dꞌa e cꞌool.

Axo ebꞌ tecumel tumin yedꞌ ebꞌ ix ajmul ix,

ay ebꞌ ix acꞌanoch vin̈ dꞌa scꞌool.

Vachꞌchom eyilnac tas yutejnac snaan sbꞌa ebꞌ,

palta a exxo tic maj e nalaj e bꞌa yedꞌ ebꞌ,

maj eyacꞌoch tas ix yal vin̈aj Juan chiꞌ dꞌa e cꞌool.

33 Aqꞌuecoch e chiquin dꞌa junxo abꞌix ol val dꞌayex.

Ay jun vin̈ ix avan juntzan̈ teꞌ uva^* dꞌa sat sluum.

Ix smacan vin̈ yedꞌ qꞌuen tzꞌalqꞌueen.

Ix sbꞌoan jun yedꞌtal bꞌaj stecꞌjiel yal sat teꞌ uva chiꞌ vin̈.

Ix sbꞌoanqꞌue jun bꞌaj tzꞌaj ebꞌ stan̈van teꞌ uva chiꞌ vin̈,

chaan̈ ix aji.

Ix lajvi chiꞌ,

ix yacꞌanbꞌat sluum vin̈ chiꞌ majanil yedꞌ teꞌ uva chiꞌ dꞌa juntzan̈ ebꞌ munlajvum.

Ix bꞌatcan vin̈ dꞌa junxo chon̈abꞌ najat.

34 Axo yic ix ja stiempoal smolchajel sat teꞌ,

ix checancot juntzan̈ ebꞌ schecabꞌ vin̈ dꞌa ebꞌ vin̈ munlajvum chiꞌ.

Ix bꞌat scꞌanan smajananubꞌal luum ebꞌ.

35 Ayic ix cꞌoch ebꞌ,

ix yamchajcot ebꞌ yuj ebꞌ vin̈.

Ay jun ix smacꞌ ebꞌ vin̈.

Ay junxo smilcham ebꞌ vin̈.

Axo junxo ix sjulqꞌuenejcham ebꞌ vin̈.

36 Axo vin̈ aj luum chiꞌ ix checanbꞌat juntzan̈xo ebꞌ schecabꞌ.

Ecꞌalto sbꞌisul ebꞌ ix bꞌatxi chiꞌ dꞌa ebꞌ ix bꞌat dꞌa sbꞌabꞌelal.

Palta lajan ix aj ebꞌ icha ebꞌ ix bꞌabꞌlaj xidꞌecꞌ chiꞌ.

37 Ichato chiꞌ ix schecanbꞌat jun yuninal vin̈.

Tato icha chiꞌ ol xiv ebꞌ vin̈ dꞌa jun vuninal tic,

xchi vin̈.

38 Palta axo ix yilan ebꞌ vin̈ to van scꞌoch jun yuninal vin̈ chiꞌ,

ix laj yalan ebꞌ vin̈:

Ina sjavi vin̈ uninabꞌil tic.

A ticnaic tato ol cham vin̈ smam vin̈,

axo vin̈ ol ochcan ajluumal.

Co mileccham vin̈,

yic vachꞌ a dꞌayon̈ ol can luum,

xchi ebꞌ vin̈.

39 Yuj chiꞌ,

ayic ix cꞌoch vin̈,

ix yamchajcot vin̈ yuj ebꞌ vin̈.

Ix sjachanbꞌat vin̈ ebꞌ vin̈ dꞌa stitac avbꞌen chiꞌ.

Ataꞌ ix smilcham vin̈ ebꞌ vin̈.

40 Yuj chiꞌ,

tzin cꞌanbꞌej dꞌayex,

ayic ol cꞌoch vin̈ aj luum chiꞌ,

¿tas ol yutoc ebꞌ vin̈ munlajvum chiꞌ vin̈ tze naꞌa?

xchi Jesús dꞌa ebꞌ vin̈ fariseo chiꞌ.

41 —Man̈ ol acꞌjoc nivancꞌolal ebꞌ vin̈ yuj vin̈.

Ol smilcham ebꞌ vin̈ chuc spensar chiꞌ vin̈.

Ol yacꞌanxican sluum vin̈ chiꞌ majanil dꞌa juntzan̈ocxo ebꞌ vin̈.

A ebꞌ vin̈ chiꞌ ol acꞌan smajananubꞌal dꞌa vin̈ ayic ol cꞌoch stiempoal,

xchi ebꞌ vin̈.

42 Yuj chiꞌ ix yalanxi Jesús dꞌa ebꞌ vin̈:

—¿Tom malaj bꞌaj tzeyil dꞌa Slolonel Dios Tzꞌibꞌabꞌilcani bꞌaj syalaꞌ?

45 Axo ebꞌ vin̈ sat sacerdote yedꞌ ebꞌ vin̈ fariseo,

ayic ix yabꞌan juntzan̈ abꞌix chiꞌ ebꞌ vin̈,

ix snaanel ebꞌ vin̈ to a yuj ebꞌ vin̈ ix yal juntzan̈ chiꞌ Jesús.

46 Yuj chiꞌ sgana ebꞌ vin̈ ix syamaꞌ.

Palta ix xiv ebꞌ vin̈ dꞌa ebꞌ anima,

yujto a Jesús schecabꞌ ton Dios yaj dꞌa ebꞌ anima chiꞌ.