A jun nupnajel dꞌa chon̈abꞌ Caná
2
Chabꞌjitax chiꞌ,
ix och jun nupnajel dꞌa chon̈abꞌ Caná dꞌa yol yic Galilea.
A ix snun Jesús,
ayecꞌ ix taꞌ.
2 Ix cꞌoch pax Jesús yedꞌ ebꞌ scꞌaybꞌum,
yujto avtabꞌil ebꞌ.
3 Axo vino,
maj yabꞌlaj,
yuj chiꞌ ix yal ix snun Jesús chiꞌ dꞌay:
—Ix lajvi vino,
xchi ix.
4 Palta ix yalan Jesús dꞌa ix:
—Nunin,
¿tas yuj a dꞌayin tzalaꞌ?
Manto cꞌochlaj yorail in chꞌoxanel in poder,
xchi.
El milagro en Caná (Juan 2.1-12)
5 Axo ix yalan ix snun chiꞌ dꞌa ebꞌ vin̈ van yacꞌan servil chiꞌ:
—Jantacn̈ej tas ol yal Jesús dꞌayex,
tze cꞌanabꞌajejn̈ej,
xchi ix dꞌa ebꞌ vin̈.
6 Ataꞌ ayecꞌ vaqueꞌ qꞌuen qꞌueen yedꞌtal a aꞌ.
Ay am otac chꞌubꞌoc a aꞌ tzꞌem dꞌa yol junjun qꞌueen.
A yedꞌ aꞌ sbꞌiquel juntzan̈ tastac ebꞌ,
ichataxon smodo ebꞌ israel chiꞌ.
7 Ix yalan Jesús dꞌa ebꞌ vin̈ tzꞌacꞌan servil chiꞌ:
—Bꞌudꞌec juntzan̈ qꞌuen yedꞌtal aꞌ tic,
xchi dꞌa ebꞌ vin̈.
—A ticnaic,
iqꞌuec qꞌueta jabꞌoc aꞌ,
aqꞌuec dꞌa vin̈ stan̈van jun nupnajel tic,
xchi dꞌa ebꞌ vin̈.
Yuj chiꞌ ix yacꞌan ebꞌ vin̈ dꞌa vin̈ chiꞌ.
9 Axo ix yabꞌlan jabꞌ vin̈,
toxo ix och aꞌ vinoal.
Man̈ yojtacoc vin̈ bꞌajtil ix cot jun vino chiꞌ.
Axo ebꞌ van yacꞌan servil chiꞌ,
yojtacxo ebꞌ,
yujto a ebꞌ ix icꞌanqꞌueta jun aꞌ chiꞌ.
Axo vin̈ ix avtancot vin̈ van snupnaj chiꞌ.
10 Ix yalan vin̈ dꞌa vin̈:
—A smodo ebꞌ anima,
a vino vachꞌ,
a syacꞌ bꞌabꞌlaj ucꞌnax ebꞌ.
Axo yic nivanxo ix laj yuqꞌuej ebꞌ avtabꞌil chiꞌ,
tzꞌacꞌjipax jun vino ayxo val syalaꞌ.
Palta a ach tic,
ix a sicꞌbꞌat jun vino vachꞌ.
Ato ticnaic van acꞌanelta ucꞌnaxoc,
xchi vin̈ dꞌa vin̈.
11 Ix schꞌox jun milagro chiꞌ Jesús dꞌa chon̈abꞌ Caná dꞌa yol yic Galilea.
Bꞌabꞌel chꞌoxnabꞌil satubꞌtac jun ix schꞌox chiꞌ.
Icha chiꞌ ix yutej schꞌoxani to nivan spoder.
Axo ebꞌ scꞌaybꞌum,
ix yacꞌ val och Jesús chiꞌ ebꞌ dꞌa scꞌool.
12 Ix lajvi chiꞌ,
ix em Jesús dꞌa chon̈abꞌ Capernaum.
Ajun pax ix snun yedꞌoc,
ebꞌ yucꞌtac yedꞌ pax ebꞌ scꞌaybꞌum.
Ataꞌ ix ecꞌ jayeꞌ cꞌual ebꞌ.
Ebꞌ pechbꞌilelta dꞌa yamaqꞌuil stemplo Dios
13 Vanxo sja sqꞌuin̈ ebꞌ israel yic snachajcot tas aj yelnaccot ebꞌ dꞌa Egipto.
Yuj chiꞌ ix qꞌuex Jesús dꞌa chon̈abꞌ Jerusalén.
Jesús en el patio del templo (Juan 2.13-25)
14 Ataꞌ ix och dꞌa yol yamaqꞌuil stemplo Dios.
Ix yilani,
ay ebꞌ chon̈um vacax,
ay ebꞌ chon̈um calnel.
Ay pax ebꞌ chon̈um paramuch.*
Ay pax juntzan̈xo ebꞌ qꞌuexum tumin cꞌojjabꞌeqꞌui.
15 Axo ix yilan icha chiꞌ,
ix sbꞌoan jun chꞌan̈ chꞌan̈ smacꞌlabꞌoc.
Ix spechanelta ebꞌ smasanil dꞌa yol yamaqꞌuil templo chiꞌ yedꞌ nocꞌ scalnel ebꞌ yedꞌ nocꞌ svacax ebꞌ.
Ix laj tobꞌbꞌat juntzan̈ stumin ebꞌ qꞌuexum tumin chiꞌ dꞌa sat luum,
ix laj locji pacꞌlaj juntzan̈ smexa ebꞌ yuuj.
16 Ix yalan dꞌa ebꞌ chon̈um paramuch chiꞌ:
—Iqꞌuequel juntzan̈ nocꞌ tic.
A stemplo in Mam tic,
man̈ eyacꞌoch mercadoal,
xchi dꞌa ebꞌ.
17 Ix snaancot ebꞌ scꞌaybꞌum tas syal Slolonel Dios Tzꞌibꞌabꞌilcan icha tic:
Te pitzꞌanoch in cꞌool dꞌa jun a templo tic,
xchi.
18 Axo ebꞌ vin̈ aj Judea ix alan dꞌay:
—¿Tas junoc satubꞌtac tza chꞌox dꞌayon̈,
yic snachajel cuuj to ay alan ic a cꞌulan juntzan̈ tic?
xchi ebꞌ vin̈ dꞌay.
19 Yuj chiꞌ ix yalan dꞌa ebꞌ vin̈:
—Pojequel jun stemplo Dios tic,
axo dꞌa schabꞌjial ol in bꞌoanxiqꞌuei,
xchi dꞌa ebꞌ vin̈.
20 Yuj chiꞌ,
ix yalanxi ebꞌ vin̈ aj Judea chiꞌ dꞌay:
—A jun stemplo Dios tic,
46 abꞌilxo scajvi sbꞌoi.
A achxo tic,
¿tom ol bꞌo uuj dꞌa oxeꞌ cꞌual chiꞌ?
xchi ebꞌ vin̈ dꞌay.
21 A stemplo Dios chiꞌ ix yal snaan ebꞌ vin̈,
palta a snivanil ix yalaꞌ.
22 Yuj chiꞌ,
ato yic ix pitzvixi dꞌa scal ebꞌ chamnac,
ix snaancot ebꞌ scꞌaybꞌum tas ix yalaꞌ.
Ix yacꞌanoch ebꞌ dꞌa scꞌool tas tzꞌibꞌyajcan dꞌa Slolonel Dios yedꞌ tas yalnaccan Jesús chiꞌ dꞌa ebꞌ.
A Jesús yojtac spensar ebꞌ anima
23 Ayic ayecꞌ Jesús dꞌa Jerusalén yuj sqꞌuin̈ ebꞌ israel yic snachajcot tas aj yelnaccot ebꞌ dꞌa Egipto,
tzijtum ebꞌ ix acꞌanoch Jesús dꞌa scꞌool,
yujto ix yil juntzan̈ satubꞌtac ebꞌ ix schꞌoxoꞌ.
24 A Jesús maj yacꞌochlaj ebꞌ yipoc scꞌool,
yujto yojtac spensar masanil ebꞌ anima.
25 Man̈ yovaliloc tzꞌalji dꞌay tas co pensar junjun on̈,
toxonton yojtac tas sco naꞌa.