Ochnac jun sucꞌuqꞌui sjabꞌ dꞌa Jesús
12
Obꞌixxon̈ej yoch qꞌuin̈ dꞌa Jerusalén yic snaancot ebꞌ israel tas aj yelnaccot ebꞌ smam yicham ebꞌ dꞌa Egipto,
ix cꞌochxi Jesús dꞌa Betania,
bꞌaj cajan vin̈aj Lázaro,
aton vin̈ ix pitzvixi yuuj.
2 Ayic ix cꞌoch Jesús chiꞌ taꞌ,
ix acꞌjioch jun nivan vael yuj ebꞌ yuj Jesús.
Ix va vin̈aj Lázaro yedꞌ ebꞌ.
A ix Marta ix cꞌatcꞌancot ebꞌ.
María unge a Jesús (Juan 12.1-11)
3 Axo ix María,
yedꞌnac nan̈al litro yal sucꞌuqꞌui sjabꞌ ix,
scuch nardo.
A jun chiꞌ te caro stojol.
Axo ix cꞌoch ix,
ix stobꞌanoch ix dꞌa yoc Jesús.
Ix lajvi chiꞌ ix sucan tacjoc ix dꞌa xil sjolom.
Ix el numan sjabꞌ dꞌa yol pat chiꞌ.
4 Ay jun vin̈ scꞌaybꞌum Jesús scuchan Judas aj Queriot yuninal vin̈aj Simón,
aton vin̈ ol acꞌanoch Jesús dꞌa yol scꞌabꞌ chamel.
Ix yal vin̈ icha tic:
5 —A jun sucꞌuqꞌui sjabꞌ tic,
ay am junoc 300 denario stojol.
Octom ix co chon̈oꞌ,
axo stojol chiꞌ scacꞌ dꞌa ebꞌ mebꞌaꞌ,
nivanoc xchi vin̈.
6 Palta yes vin̈.
Max snalaj jabꞌoc ebꞌ mebꞌaꞌ chiꞌ vin̈.
Yujto sicꞌum tumin yaj vin̈,
yuj chiꞌ snibꞌej vin̈ sicꞌ stojol chiꞌ,
yic vachꞌ syicꞌcanel jabꞌoc yic vin̈,
yujto elcꞌum vin̈.
7 Axo ix yalan Jesús dꞌa vin̈:
—Man̈ a tzuntzej ix,
yujto a jun sucꞌuqꞌui sjabꞌ tic,
sicꞌbꞌilbꞌat yuj ix yic vachꞌ listaxo yaj in muquiloc.
8 Axo ebꞌ mebꞌaꞌ tzal chiꞌ,
ayn̈ejecꞌ ebꞌ eyedꞌoc.
A inxo tic,
man̈ masaniloc tiempo ayinecꞌ eyedꞌoc,
xchi dꞌa vin̈.
A ebꞌ sgana smilan vin̈aj Lázaro
9 Tzijtum ebꞌ israel ix abꞌani to ayecꞌ Jesús dꞌa Betania.
Yuj chiꞌ ix bꞌat ebꞌ yilaꞌ.
Man̈ocn̈ej Jesús snibꞌej ebꞌ syilaꞌ.
Snibꞌej pax ebꞌ syil vin̈aj Lázaro,
yujto ix pitzvixi vin̈ dꞌa scal ebꞌ chamnac yuj Jesús.
10-11 Yuj vin̈aj Lázaro chiꞌ,
tzijtum ebꞌ ix acꞌanoch Jesús dꞌa scꞌool.
Maxtzac yacꞌoch spensar ebꞌ dꞌa ebꞌ vin̈ sacerdote.
Yuj chiꞌ ix slajtiej sbꞌa ebꞌ vin̈ sat sacerdote chiꞌ tas syutej ebꞌ vin̈ smilanpaxcham vin̈aj Lázaro chiꞌ.
Cꞌochnac Jesús dꞌa Jerusalén
12 Tzijtum anima ix cꞌoch dꞌa Jerusalén yuj sqꞌuin̈ ebꞌ israel yic snajicoti tas aj yelnaccot ebꞌ smam yicham ebꞌ dꞌa Egipto.
Axo dꞌa junxo cꞌu ix yabꞌan ebꞌ to van scꞌoch Jesús taꞌ.
Entrada triunfal a Jerusalén (Juan 12.12-19)
13 Yuj chiꞌ,
tzijtum ebꞌ ix laj tzepan el xil an̈ qꞌuibꞌ.
Ix yicꞌanbꞌat ebꞌ,
ix bꞌat schaan Jesús ebꞌ.
Ix avaj chaan̈ ebꞌ icha tic:
Yuj val Dios.
Calec vachꞌ lolonel dꞌa jun checbꞌilcot yuj Dios Cajal.
Calec vachꞌ lolonel dꞌa co reyal a on̈ israel on̈ tic,
xchi ebꞌ.
14 Axo Jesús ix ilchaj jun nocꞌ yuneꞌ bꞌuru yuuj.
Ix qꞌue dꞌa yibꞌan̈ nocꞌ icha yaj stzꞌibꞌchajcan dꞌa Slolonel Dios icha tic:
15 Ex aj Sion,
man̈ ex xivoc.
Ilecnabꞌ sjavi e reyal.
Ayqꞌue dꞌa yibꞌan̈ jun nocꞌ bꞌuru,
xchi.
16 A juntzan̈ tic,
maj nachajel-laj yuj ebꞌ scꞌaybꞌum Jesús dꞌa jun cꞌu chiꞌ.
Ato yic ix icꞌjiqꞌue dꞌa satchaan̈,
ato taꞌ ix snacot ebꞌ to a yabꞌixal tzꞌibꞌabꞌilcan dꞌa Slolonel Dios,
ix elcꞌoch icha yajcani.
17 A juntzan̈ ebꞌ ayecꞌ yedꞌ Jesús ayic ix yavtanelta vin̈aj Lázaro bꞌaj mucbꞌil yic ix pitzvixi vin̈,
ix laj yalel ebꞌ tas ix yil ebꞌ chiꞌ.
18 Yuj chiꞌ ix bꞌat ebꞌ anima scha Jesús,
yujto ix laj yabꞌ yabꞌixal jun satubꞌtac ix scꞌulej chiꞌ ebꞌ.
19 Ix laj yalan ebꞌ vin̈ fariseo icha tic:
—Man̈xa tas vachꞌ cutanec ticnaic.
Ilecnabꞌ ebꞌ anima,
ix laj och ebꞌ masanil yedꞌ vin̈,
xchi ebꞌ vin̈.
Ebꞌ griego sgana yilan Jesús
20 Ay juntzan̈ ebꞌ griego ix cꞌoch dꞌa Jerusalén dꞌa jun qꞌuin̈ chiꞌ,
yic bꞌat yacꞌanem sbꞌa ebꞌ dꞌa Dios.
Jesús predice su muerte (Juan 12.20-36)
—Mamin,
co gana squil Jesús,
xchi ebꞌ.
22 Ix bꞌat vin̈aj Felipe chiꞌ yal dꞌa vin̈aj Andrés,
junn̈ej ix bꞌat ebꞌ vin̈ schavan̈il,
ix bꞌat yalan ebꞌ vin̈ dꞌa Jesús chiꞌ.
23 Ix yalan dꞌa ebꞌ vin̈:
—A in Acꞌbꞌil in cot yuj Dios voch animail tic,
a ticnaic van scꞌoch yorail scheclajeli to te nivan velcꞌochi.
24 Val yel sval dꞌayex,
qꞌuinaloc ay junoc in̈at trigo scan pitan dꞌa sat luum,
scann̈ej icha chiꞌ.
Palta tato smucji,
ichato schami,
axo yic sjavi,
nivan sat syacꞌaꞌ.
25 A mach an̈ej sqꞌuinal ay yelcꞌoch dꞌa sat,
ol satel sqꞌuinal chiꞌ.
Axo mach malaj yelcꞌoch sqꞌuinal dꞌa yolyibꞌan̈qꞌuinal tic dꞌa sat,
aton jun chiꞌ ol scha sqꞌuinal dꞌa juneln̈ej.
26 Tato ay ebꞌ snibꞌej tzꞌoch in checabꞌoc,
ochocabꞌ tzacꞌan ebꞌ vuuj.
A ebꞌ in checabꞌ chiꞌ,
ol aj ebꞌ vedꞌ bꞌaj ayin eqꞌui.
Tato ay ebꞌ tzꞌoch in checabꞌoc,
axo in Mam ol chꞌoxanoc to nivan yelcꞌoch ebꞌ dꞌa sat,
xchi Jesús.
Yalnac Jesús chajtil ol aj schami
27 A ticnaic,
te pitzꞌanoch cuscꞌolal dꞌa in pixan.
¿Tas ol vutoc valani?
¿Tom ol val icha tic dꞌa Dios:
Mamin,
colinelta dꞌa yol scꞌabꞌ jun yaelal sja dꞌa vibꞌan̈ tic,
tom xin chi?
Palta yujn̈ej val jun tic yacꞌnac in coti.
28 Mamin,
checlajocabꞌeli to nivan elcꞌochi,
xchi Jesús.
Ix lajvi chiꞌ,
ix lolonemta jun dꞌa satchaan̈,
ix yalan icha tic:
—Toxo ix in chꞌoxeli to nivan velcꞌochi,
axo ticnaic ol in chꞌoxel junelxo,
xchi.
29 Axo ebꞌ anima ayecꞌ taꞌ,
ayic ix yabꞌan jun chiꞌ ebꞌ,
ix yalan ebꞌ to ix cꞌan̈ cꞌu.
Ay juntzan̈xo ebꞌ ix alani:
—Tecan a junoc ángel ix lolonemta dꞌa Jesús tic,
xchi ebꞌ.
30 Yuj chiꞌ ix yal Jesús dꞌa ebꞌ:
—Man̈ vujoc ix aljiemta juntzan̈ tic,
palta eyuuj.
31 A ticnaic,
ol chꞌolbꞌitaj tas yaj ebꞌ ay dꞌa yolyibꞌan̈qꞌuinal tic.
Axo vin̈ tzꞌacꞌan mandar jun yolyibꞌan̈qꞌuinal tic,
ol pechjoquel vin̈.
32 A in tic,
ayic ol in icꞌjocqꞌue dꞌa chaan̈,
ol vicꞌcot masanil ebꞌ anima dꞌayin,
xchi Jesús.
—A dꞌa ley aycan dꞌayon̈,
ataꞌ ix cabꞌi to a Cristo ayn̈ejecꞌ dꞌa masanil tiempo.
Yuj chiꞌ,
¿tas yuj tzalaꞌ to a jun Acꞌbꞌilcot yuj Dios yoch animail,
yovalil ol icꞌjocqꞌue dꞌa chaan̈?
¿Mach jun Acꞌbꞌilcot tzal chiꞌ?
xchi ebꞌ dꞌay.
35 Yuj chiꞌ ix yal dꞌa ebꞌ:
—A in svacꞌ saquilqꞌuinal dꞌayex,
ayinecꞌ dꞌa e cal ticnaic,
palta quenxon̈ej tiempo ayin eqꞌui.
Tojolbꞌitejec e bꞌa yacbꞌan ayin to ecꞌ jabꞌocxo eyedꞌoc.
Tato maay,
ol somchajel e pensar.
Icha junoc mach sbꞌeyecꞌ dꞌa qꞌuicꞌalqꞌuinal,
max uji yilan bꞌaj sbꞌati,
icha chiꞌ ol ex ajoc.
36 A in tic,
aj saquilqꞌuinal in.
Yuj chiꞌ,
aqꞌuec in och dꞌa e cꞌool yacbꞌan ayin to ecꞌ eyedꞌoc,
yic ol vacꞌ saquilqꞌuinal dꞌayex dꞌa juneln̈ej,
xchi Jesús dꞌa ebꞌ.
Ix lajvi yalan juntzan̈ chiꞌ,
ix sbꞌesanel sbꞌa,
ix scꞌubꞌanel sbꞌa dꞌa ebꞌ.
Maj yacꞌoch Jesús ebꞌ israel dꞌa scꞌool
37 Vachꞌchom tzijtum tas satubꞌtac ix schꞌox Jesús yil ebꞌ,
palta malaj val ebꞌ ix acꞌanoch dꞌa scꞌool.
Creyentes y no creyentes (Juan 12.37-50)
Mamin Cajal,
¿tom ay mach tzꞌacꞌanoch dꞌa scꞌol tas scaleli?
¿Tom ay mach snachajel yuuj to a a poder scheclaj dꞌa jun abꞌix tic?
xchi vin̈ dꞌa Slolonel Dios Tzꞌibꞌabꞌilcan chiꞌ.
39 Yuj chiꞌ max yal-laj yacꞌanoch ebꞌ dꞌa scꞌool.
An̈ejaꞌ vin̈aj Isaías chiꞌ aljinacxican icha tic:
40 A Dios tzꞌacꞌan ebꞌ musansatil,
svachꞌ acꞌan pitbꞌoc spensar ebꞌ,
yic vachꞌ max yil ebꞌ,
max nachajel yuj ebꞌ,
yic max qꞌuexmaj spensar ebꞌ.
Yuj chiꞌ a Dios max colan ebꞌ,
xchi vin̈aj Isaías chiꞌ.
41 Yalnac juntzan̈ tic vin̈aj Isaías chiꞌ,
yujto ayocto yilannac stziquiquial Jesús vin̈,
yuj chiꞌ aton yabꞌixal yalnaccan vin̈.
42 Vachꞌchom yalnaccan vin̈ icha chiꞌ,
palta ay ebꞌ israel ix acꞌanoch Jesús dꞌa scꞌool.
Tzijtum pax ebꞌ yajal ix acꞌanoch dꞌa scꞌool.
Palta max schꞌoxel-laj sbꞌa ebꞌ,
yujto xiv ebꞌ dꞌa ebꞌ vin̈ fariseo,
talaj spechjielta ebꞌ dꞌa yol spatil culto.
43 Icha chiꞌ ix yutej sbꞌa ebꞌ,
yujto an̈ej dꞌa yichan̈ ebꞌ anima sgana ebꞌ ay yelcꞌochi.
Malaj tzꞌoch dꞌa ebꞌ tato ay yelcꞌoch ebꞌ dꞌa yichan̈ Dios.
Ix ulecꞌ Jesús yuj yacꞌan co colnabꞌil
44 Ayic manto sbꞌesel-laj sbꞌa Jesús dꞌa scal ebꞌ anima chiꞌ,
te chaan̈ ix yal dꞌa scal ebꞌ:
—Abꞌec jun sval tic dꞌayex:
A ebꞌ tzin acꞌanoch dꞌa scꞌool,
man̈oc inn̈ej tzin yacꞌoch ebꞌ dꞌa scꞌool.
A in Mam checjinac in cot syacꞌpaxoch ebꞌ dꞌa scꞌool.
45 A ebꞌ tzin ilani,
syil pax jun checjinac in cot chiꞌ ebꞌ.
46 A in tic,
acꞌum in saquilqꞌuinal.
In javi dꞌa yolyibꞌan̈qꞌuinal tic yic vachꞌ a ebꞌ tzin acꞌanoch dꞌa scꞌool,
man̈xo ayoquecꞌ ebꞌ dꞌa qꞌuicꞌalqꞌuinal.
47 A ebꞌ tzꞌabꞌan in lolonel,
palta max scꞌanabꞌajejlaj ebꞌ,
man̈oc in laj ol vacꞌoch dꞌa yibꞌan̈ ebꞌ,
yujto man̈ yujoc vacꞌanoch dꞌa eyibꞌan̈,
in ja dꞌa yolyibꞌan̈qꞌuinal tic,
palta yuj vacꞌan e colnabꞌil in javi.
48 A ebꞌ tzin paticaneli,
ebꞌ max chaan pax yabꞌ in lolonel,
toxonton ayecꞌ jun ol acꞌanoch dꞌa yibꞌan̈ ebꞌ chiꞌ,
aton in lolonel svalcan tic.
Yuj in lolonel tic,
ol acꞌjococh dꞌa yibꞌan̈ ebꞌ dꞌa slajvubꞌ cꞌual.
49 Yujto a in tic,
max in lolonlaj dꞌa yol vicoꞌ.
A in Mam checjinac in coti,
a alannac tas yovalil svalaꞌ yedꞌ tas svutej valani.
50 Vojtac to yuj schecnabꞌil chiꞌ,
syal e chaan e qꞌuinal dꞌa juneln̈ej.
Yuj chiꞌ,
icha yaj yalan in Mam dꞌayin,
icha chiꞌ svutej valan dꞌayex,
xchi Jesús.