BꞌABꞌEL HUM CRÓNICAS
1. ISTXOLAL YINHATIL NAJ ADÁN MASANTA CHIꞌAPNI YINH YAꞌ DAVID
(1:1–9:44)
Istxolal yikꞌal yuninal naj Adán
1
Naj Adán, naj Set, naj Enós, 2 naj Cainán, naj Mahalaleel, naj Jared, 3 yaꞌ Enoc, naj Matusalén, naj Lamec, 4 yaꞌ Noé, ismam naj Sem, naj Cam yebꞌ naj Jafet.Ebꞌnaj pitzkꞌanati yinh yuninal yaꞌ Noé
5 Ebꞌnaj iskꞌahol naj Jafet, haꞌ ton ebꞌnaj tiꞌ: Naj Gomer, naj Magog, naj Madai, naj Javán, naj Tubal, naj Mesec yebꞌ naj Tiras.
6 Haxa ebꞌnaj iskꞌahol naj Gomer, haꞌ ton ebꞌnaj tiꞌ: Naj Askenaz, naj Rifat, yebꞌ naj Togarma.
7 Haꞌ ebꞌnaj iskꞌahol naj Javán haꞌ ton ebꞌnaj tiꞌ: Naj Elisa, naj Tarsis, naj Quitim, yebꞌ naj Dodanim.
8 Haxa ebꞌnaj iskꞌahol naj Cam, haꞌ ton ebꞌnaj tiꞌ: Naj Cus, naj Mizraim, naj Fut, yebꞌ naj Canaán.
9 Haꞌ ebꞌnaj iskꞌahol naj Cus, haꞌ ton ebꞌnaj tiꞌ: Naj Seba, naj Havila, naj Sabta, naj Raama yebꞌ naj Sabteca. Haxa ebꞌnaj iskꞌahol naj Raama, haꞌ ton ebꞌnaj tiꞌ: Naj Seba yebꞌ naj Dedán.
10 Haꞌ naj Cus, haꞌ naj ismam naj Nimrod, naj Nimrod tuꞌ kaw yiqꞌkanokanh yip naj sat yibꞌanhqꞌinal tiꞌ.
11 Haꞌ ebꞌnaj iskꞌahol naj Mizraim haꞌ ton ebꞌnaj tiꞌ: Naj Ludim, naj Anamim, naj Lehabim, naj Naftuhim, 12 naj Patrusim yebꞌ naj Casluhim. Yinh ebꞌnaj tuꞌ titna ebꞌnaj filisteo yebꞌ ebꞌnaj caftoreo.
13 Naj Sidón haꞌ naj bꞌabꞌel iskꞌahol naj Canaán haxa hunxa iskꞌahol naj Canaán tuꞌ, haꞌ ton naj Het. 14 Yinh naj Canaán tuꞌ titna ebꞌnaj jebuseo, ebꞌnaj amorreo, ebꞌnaj gergeseo, 15 ebꞌnaj heveo, ebꞌnaj araceo, ebꞌnaj sineo, 16 ebꞌnaj arvadeo, ebꞌnaj zemareo yebꞌ ebꞌnaj hamateo.
17 Haxa ebꞌnaj iskꞌahol naj Sem, haꞌ ton ebꞌnaj tiꞌ: Naj Elam, naj Asur, naj Arfaxad, naj Lud, naj Aram, naj Uz, naj Hul, naj Geter yebꞌ naj Mesec.a 18 Naj Arfaxad, ismam naj Sela ye naj; haxa naj Sela ismam naj Heber ye naj. 19 Naj Heber tuꞌ ay kawanh iskꞌahol naj, huneꞌ naj chiyij Peleg, yuto yinh yulbꞌal hunteqꞌan tiempo bꞌay ekꞌ naj tuꞌ pohlaxkanh txꞌo txꞌotxꞌ. Peleg chalilo pohlebꞌahil. Haxa hunxa yuxhta naj Peleg tuꞌ Joctán isbꞌi naj. 20 Haxa ebꞌnaj iskꞌahol naj Joctán, haꞌ ton ebꞌnaj tiꞌ: Naj Almodad, naj Selef, naj Hazar-mavet yet naj Gera, 21 naj Adoram, naj Uzal, naj Dicla, 22 naj Ebal, naj Abimael, naj Seba, 23 naj Ofir, naj Havila yebꞌ naj Jobab. Sunil ebꞌnaj tuꞌ, iskꞌahol naj Joctán ye ebꞌnaj.
Istxolal yuninal naj Sem
24 Haxa istxolal yuninal naj Sem, haꞌ ton ebꞌnaj tiꞌ: Naj Arfaxad, naj Sela, 25 naj Heber, naj Peleg, naj Reu, 26 naj Serug, naj Nacor, yaꞌ Taré, 27 yaꞌ Abram, haꞌ ton icham Abraham.
Ebꞌnaj titna yinh yuninal naj Ismael yebꞌ yinh ebꞌnaj yuninal ix Cetura
(Gn. 25:1-6, 12-18)
28 Ebꞌnaj iskꞌahol yaꞌ Abraham, haꞌ ton ebꞌnaj tiꞌ: Yaꞌ Isaac yebꞌ naj Ismael.
29 Haꞌ ebꞌnaj tiꞌ iskꞌahol naj Ismael: Naj bꞌabꞌel winaj, haꞌ ton naj Nebaiot, tzujan tuꞌ ispitzkꞌa naj Cedar, naj Adbeel, naj Mibsam, 30 naj Misma, naj Duma, naj Massa, naj Hadad, naj Tema, 31 naj Jetur, naj Nafis yebꞌ naj Cedema. Haꞌ ebꞌnaj tuꞌ, iskꞌahol naj Ismael.
32 Haxa ebꞌnaj yunin ix Cetura ix iskabꞌ yixal yaꞌ Abraham, haꞌ ton ebꞌnaj tiꞌ: Naj Zimram, naj Jocsán, naj Medán, naj Madián, naj Isbac yebꞌ naj Súa. Ebꞌnaj iskꞌahol naj Jocsán, haꞌ ton ebꞌnaj tiꞌ: Naj Seba yebꞌ naj Dedán.
33 Ebꞌnaj iskꞌahol naj Madián, haꞌ ton ebꞌnaj tiꞌ: Naj Efa, naj Efer, naj Hanoc, naj Abida yebꞌ naj Elda, haꞌ ebꞌnaj tuꞌ titna yinh ix Cetura.
Ebꞌnaj titna yinh yuninal naj Esaú
34 Yaꞌ Abraham, haꞌ yaꞌ ismam yaꞌ Isaac. Haxa yaꞌ Isaac, haꞌ yaꞌ ismam naj Esaú yebꞌ yaꞌ Israel. 35 Ebꞌnaj iskꞌahol naj Esaú, haꞌ ton ebꞌnaj tiꞌ: naj Elifaz, naj Reuel, naj Jeús, naj Jaalam yebꞌ naj Coré. 36 Ebꞌnaj iskꞌahol naj Elifaz, haꞌ ton ebꞌnaj tiꞌ: naj Temán, naj Omar, naj Zefo, naj Gatam, naj Cenaz, naj Timna yebꞌ naj Amalec. 37 Ebꞌnaj iskꞌahol naj Reuel, haꞌ ton ebꞌnaj tiꞌ: naj Nahat, naj Zera, naj Sama yebꞌ naj Miza. 38 Ebꞌnaj iskꞌahol naj Seir, haꞌ ton ebꞌnaj tiꞌ: naj Lotán, naj Sobal, naj Zibeón, naj Aná, naj Disón, naj Ezer yebꞌ naj Disán. 39 Ebꞌnaj iskꞌahol naj Lotán, haꞌ ton ebꞌnaj tiꞌ; naj Hori, yebꞌ naj Homam; haꞌ ix Timna yanabꞌ naj Lotán ye ix. 40 Haxa ebꞌnaj iskꞌahol naj Sobal, haꞌ ton ebꞌnaj tiꞌ: naj Alván, naj Manahat, naj Ebal, naj Sefo, yebꞌ naj Onam. Ebꞌnaj iskꞌahol naj Zibeón haꞌ ton ebꞌnaj tiꞌ: naj Aja yebꞌ naj Aná. 41 Naj Disón, iskꞌahol naj Aná ye naj. Haxa ebꞌnaj iskꞌahol naj Disón haꞌ ton ebꞌnaj tiꞌ: naj Amram, naj Esbán, naj Itrán, yebꞌ naj Querán. 42 Ebꞌnaj iskꞌahol naj Ezer, haꞌ ton ebꞌnaj tiꞌ: naj Bilhán, naj Zaaván yebꞌ naj Jaacán. Haxa ebꞌnaj iskꞌahol naj Disán, haꞌ ton ebꞌnaj tiꞌ: naj Uz yebꞌ naj Arán.
43 Haxa ebꞌnaj ok isreyalo txꞌotxꞌ Edom yet yalanhto maxhto isreyal Israel, haꞌ ton ebꞌnaj tiꞌ: naj Bela, iskꞌahol naj Beor, Dinaba chiyij isbꞌi iskonhobꞌ naj. 44 Haxa yet iskam naj Bela, yok naj Jobab reyal selelo naj. Naj Jobab tuꞌ, iskꞌahol naj Zera ah Bosra ye naj. 45 Haxa yet iskam naj Jobab, yok naj Husam, naj temanita reyal selelo naj. 46 Haxa yet iskam naj Husam, yok naj Hadad, iskꞌahol naj Bedad reyal selelo naj. Naj Hadad tuꞌ qꞌoji naj yinh ebꞌnaj Madián bꞌey txꞌotxꞌ Moab, Avit chiyij iskonhobꞌ naj Hadad tuꞌ. 47 Haxa yet iskam naj Hadad yok naj Samla ah Masreka reyal selelo naj. 48 Haxa yet iskam naj Samla yok naj Saúl ah Rehobot reyal selelo naj, haꞌ konhobꞌ Rehobot tuꞌ ayko iskawilal haꞌ Éufrates. 49 Haxa yet iskam naj Saúl yok naj Baal-hanán iskꞌahol naj Acbor reyal selelo naj. 50 Haxa yet iskam naj Baal-hanán yok naj Hadad reyal selelo naj, Pai isbꞌi iskonhobꞌ naj Hadad tuꞌ, Mehetabel isbꞌi yixal naj, iskutzꞌin naj Matred ye ix. Haꞌ xin naj Mezaab ismam icham ix.