3 Ebꞌnaj iskꞌahol yaꞌ Judá, haꞌ ton ebꞌnaj tiꞌ: naj Er, naj Onán yebꞌ naj Sela. Haꞌ ebꞌnaj oxwanh iskꞌahol yaꞌ Judá tuꞌ pitzkꞌa yebꞌ huneꞌ ix ah Canaán, iskutzꞌin naj Súa. Haꞌ xin naj Er, naj bꞌabꞌel winaj, haꞌ istxꞌojal iswatxꞌe naj sata Komam Jahawil, yuxin kam naj yu Komam. 4 Haxa ix Tamar yalibꞌ yaꞌ Judá tuꞌ ay kawanh yunin ix yebꞌ yaꞌ, haꞌ ton naj Fares yebꞌ naj Zera; yuxin howanh iskꞌahol yaꞌ Judá tuꞌ yinh sunil.

5 Ebꞌnaj iskꞌahol naj Fares, haꞌ ton ebꞌnaj tiꞌ: naj Hezrón yebꞌ naj Hamul. 6 Haxa ebꞌnaj iskꞌahol naj Zera, haꞌ ton ebꞌnaj tiꞌ: naj Zimri, naj Etán, naj Hemán, naj Calcol yebꞌ naj Dara, howanh ebꞌnaj yinh sunil.

7 Naj Carmi, haꞌ naj ismam naj Acán, naj Acán tuꞌ, haꞌ naj initi isyaꞌtajil yibꞌanh konhobꞌ Israel yet yiniti naj hunteqꞌan tzet yal Komam Jahawil tato chitanhtzelaxkano yinh hunelnhe. 8 Naj Azarías, iskꞌahol naj Etán ye naj.

9 Ebꞌnaj iskꞌahol naj Hezrón, haꞌ ton ebꞌnaj tiꞌ: naj Jerameel, naj Ram yebꞌ naj Quelubai. 10 Naj Ram, iskꞌahol naj ye naj Aminadab, naj Aminadab, iskꞌahol naj ye naj Naasón. Haꞌ naj tuꞌ ok yahawilo ebꞌnaj Judá.^a 11 Naj Naasón iskꞌahol naj ye yaꞌ Salmón, yaꞌ Salmón, iskꞌahol yaꞌ ye yaꞌ Booz. 12 Yaꞌ Booz, iskꞌahol yaꞌ ye yaꞌ Obed, yaꞌ Obed, iskꞌahol yaꞌ ye yaꞌ Isaí. 13 Haꞌ isbꞌabꞌel iskꞌahol yaꞌ Isaí, haꞌ ton naj Eliab, naj iskabꞌ, haꞌ ton naj Abinadab, naj isyox haꞌ ton naj Simea, 14 naj iskanh, haꞌ ton naj Natanael, naj ishoꞌ, haꞌ ton naj Radai, 15 naj iswaj haꞌ ton naj Ozem, naj ishuj haꞌ ton yaꞌ David. 16 Ay xin kawanh yanabꞌ ebꞌnaj, haꞌ ton ix Sarvia yebꞌ ix Abigail. Oxwanh yunin ix Sarvia, haꞌ ton naj Abisai, naj Joab yebꞌ naj Asael. 17 Haxa ix Abigail ay huneꞌ yunin ix chiyij Amasa, haꞌ ismam naj Amasa, haꞌ ton naj Jeter, naj ismaelita.

18 Haꞌ naj Caleb iskꞌahol naj Hezrón, haꞌ yixal naj xin, Azuba isbꞌi ix ah Jeriot. Ay xin hunteqꞌanxa yunin ix, haꞌ ton ebꞌnaj tiꞌ: naj Jeser, naj Sobab, yebꞌ naj Ardón. 19 Haxa yet iskam ix Azuba yiqꞌni naj Caleb tuꞌ ix Efrata, ispitzkꞌa huneꞌ yunin ix chiyij Hur. 20 Haxa naj Hur pitzkꞌa huneꞌ iskꞌahol naj chiyij Uri. Haxa naj Uri pitzkꞌa huneꞌ iskꞌahol naj chiyij Bezaleel.

21 Hayet 60 (oxkꞌal) habꞌil naj Hezrón, yiqꞌni naj iskutzꞌin naj Maquir, ismam naj Galaad, ispitzkꞌa huneꞌ iskꞌahol naj Hezrón chiyij Segub yebꞌ yixal tuꞌ. 22 Haxa naj Segub pitzkꞌa huneꞌ iskꞌahol naj chiyij Jair. Yaꞌ Jair tuꞌ ok yaꞌ yahawilal yinh 23 (oxebꞌ iskawinaj) konhobꞌ yul ismajul txꞌotxꞌ Galaad. 23 Yajaꞌ naj Gesur yebꞌ naj Aram, yilo ebꞌnaj 60 (oxkꞌal) konhobꞌ tet yaꞌ Jair, yinipaxilo ebꞌnaj konhobꞌ Kenat yebꞌ yaldeahil tet yaꞌ. Haꞌ sunil ebꞌnaj tuꞌ titna ebꞌnaj yinh naj Maquir, ismam naj Galaad.

24 Haxa yet xakamto naj Hezrón bꞌey Caleb yul ismajul Efrata, ispitzkꞌa huneꞌ yunin ix Abías yixal naj Hezrón, huneꞌ yunin ix tuꞌ, Asur isbꞌi. Haꞌ xin naj Asur ismam naj Tecoa. 25 Haꞌ isbꞌabꞌel iskꞌahol naj Hezrón, haꞌ ton naj Jerameel, haꞌ isbꞌabꞌel iskꞌahol naj Jerameel haꞌ ton naj Ram, tzujan tuꞌ ispitzkꞌa naj Buna, naj Orén, naj Ozem, yebꞌ naj Ahías. 26 Ay xin huneꞌxa yixal naj Jerameel chiyij Atara, haꞌ ton ismiꞌ naj Onam. 27 Isbꞌabꞌel iskꞌahol naj Jerameel haꞌ ton naj Ram, haxa ebꞌnaj iskꞌahol naj Ram, haꞌ ton ebꞌnaj tiꞌ: naj Maaz, naj Jamín yebꞌ naj Equer. 28 Ebꞌnaj iskꞌahol naj Onam, haꞌ ton ebꞌnaj tiꞌ: naj Samai, yebꞌ naj Jada. Haxa ebꞌnaj iskꞌahol naj Samai, haꞌ ton naj Nadab yebꞌ naj Abisur. 29 Haꞌ yixal naj Abisur, haꞌ ton ix Abihail, ebꞌnaj yunin ix, haꞌ ton naj Ahbán yebꞌ naj Molid.

30 Haxa ebꞌnaj iskꞌahol naj Nadab, haꞌ ton ebꞌnaj tiꞌ: Naj Seled yebꞌ naj Apaim. Haꞌ naj Seled tuꞌ, kamto naj, machi xin yuninal naj. 31 Haxa naj Apaim, haꞌ naj ismam naj Isi, haxa naj Isi haꞌ naj ismam naj Sesán yebꞌ naj Ahlai. 32 Haxa ebꞌnaj iskꞌahol naj Jada, yuxhta naj Samai, haꞌ ton naj Jeter yebꞌ naj Jonatán. Haxa naj Jeter tuꞌ kamto naj machi yuninal naj. 33 Haxa ebꞌnaj iskꞌahol naj Jonatán, haꞌ ton ebꞌnaj tiꞌ: Naj Pelet yebꞌ naj Zaza. Haꞌ ebꞌnaj tuꞌ yikꞌal naj Jerameel. 34 Naj Sesán, machi hunu iskꞌahol naj, wal xin ixnhe yuninal naj, yajaꞌ xin ay huneꞌ ischejabꞌ naj ah Egipto chiyij Jarha. 35 Yaqꞌni naj Sesán huneꞌ iskutzꞌin yiqꞌaꞌ ischejabꞌ tuꞌ, ispitzkꞌa huneꞌ yunin ix chiyij Atai. 36 Naj Atai tuꞌ, ismam naj Natán ye naj, haxa naj Natán, ismam naj Zabad ye naj. 37 Haxa iskꞌahol naj Zabad, haꞌ ton naj Eflal, haxa iskꞌahol naj Eflal, haꞌ ton naj Obed. 38 Haxa iskꞌahol naj Obed, haꞌ ton naj Jehú, haxa iskꞌahol naj Jehú, haꞌ ton naj Azarías. 39 Naj Azarías, iskꞌahol naj ye naj Heles, naj Heles, iskꞌahol naj ye naj Elasa. 40 Naj Elasa, iskꞌahol naj ye naj Sismai, naj Sismai iskꞌahol naj ye naj Salum. 41 Naj Salum, iskꞌahol naj ye naj Jecamías, naj Jecamías iskꞌahol naj ye naj Elisama.

42 Haxa ebꞌnaj iskꞌahol naj Caleb yuxhta naj Jerameel, haꞌ ton ebꞌnaj tiꞌ: Naj Mesa haꞌ naj bꞌabꞌel kꞌahole, haꞌ xin naj Mesa tuꞌ haꞌ naj ismam naj Zif. Haxa hunxa iskꞌahol naj Caleb, haꞌ ton naj Maresa. Naj Maresa tuꞌ, ismam naj Hebrón. 43 Haxa ebꞌnaj iskꞌahol naj Hebrón, haꞌ ton ebꞌnaj tiꞌ: Naj Coré, naj Tapúa, naj Requem yebꞌ naj Sema. 44 Naj Sema, haꞌ naj ismam naj Raham, naj Raham haꞌ naj ismam naj Jorcoam. Naj Requem, haꞌ naj ismam naj Samai. 45 Naj Samai, haꞌ naj ismam naj Maón, naj Maón, haꞌ naj ismam naj Bet-sur.

46 Haꞌ ix Efa, ix iskabꞌ yixal naj Caleb, haꞌ ix ismiꞌ naj Harán, naj Mosa yebꞌ naj Gazez. Naj Harán, Gazez isbꞌipaxo huneꞌ iskꞌahol naj.

47 Haxa ebꞌnaj iskꞌahol naj Jahdai, haꞌ ton ebꞌnaj tiꞌ: naj Regem, naj Jotam, naj Gesam, naj Pelet, naj Efa, yebꞌ naj Saaf. 48 Haxa ix Maaca, hunxa iskabꞌ yixal naj Caleb, haꞌ ton ix ismiꞌ naj Seber, yebꞌ naj Tirhana, 49 haꞌ ix ismiꞌpaxo naj Saaf, haꞌ naj tuꞌ ismam naj Madmana, haꞌ ix ismiꞌpaxo naj Seva, haꞌ naj tuꞌ ismam naj Macbena yebꞌ naj Gibea. Ay xin huneꞌ iskutzꞌin naj Caleb chiyij Acsa. 50 Haꞌ ton ebꞌnaj tiꞌ titna yinh naj Caleb, ebꞌnaj iskꞌahol naj Hur, yunin ix Efrata, haꞌ ton ebꞌnaj tiꞌ: naj bꞌabꞌel, haꞌ naj Sobal, ismam naj Quiriat-jearim. 51 Hunxa iskꞌahol naj Hur, haꞌ ton naj Salma naj ismam naj Belén, yebꞌ naj Haref, haꞌ naj, ismam naj Bet-gader. 52 Haxa ebꞌnaj iskꞌahol naj Sobal, ismam naj Quiriat-jearim, haꞌ ton naj Haroe, yinh naj xin titna yikta majan ebꞌnaj manahetita. 53 Haxa yinh ebꞌnaj Quiriat-jearim titna ebꞌnaj itrita, ebꞌnaj futita, ebꞌnaj sumatita, yebꞌ ebꞌnaj misraíta. Haꞌ yinh ebꞌnaj tuꞌ titna ebꞌnaj zoratita, yebꞌ ebꞌnaj estaolita.

54 Haxa ebꞌnaj titna yinh naj Salma, haꞌ ton ebꞌnaj ah Belén, ebꞌnaj netofatita isbꞌi, yebꞌpaxo ebꞌnaj Atrot-bet-joab, yebꞌpaxo yikta majan ebꞌnaj manahetita, yebꞌpaxo ebꞌnaj zoraíta. 55 Haxa ebꞌnaj yuninal ebꞌnaj tzꞌibꞌlom ay bꞌey Jabes, haꞌ ton ebꞌnaj tiꞌ: ebꞌnaj tirateo, ebꞌnaj simeateo yebꞌ ebꞌnaj sucateo. Haꞌ ton ebꞌnaj tuꞌ ceneo, ebꞌnaj titna yinh naj Hamat, ichmame naj yinh naj Recab.^b