Ebꞌnaj iskꞌahol yaꞌ David
3
Haꞌ ebꞌnaj tiꞌ iskꞌahol yaꞌ David pitzkꞌa bꞌey Hebrón; naj Amnón, naj bꞌabꞌel winaj, yunin ix Ahinoam ah Jezreel. Naj iskabꞌ, haꞌ ton naj Daniel, yunin ix Abigail, ah Carmel. 2 Haxa naj yox, haꞌ ton naj Absalón, yunin ix Maaca, iskutzꞌin naj Talmai isreyal Gesur. Naj iskanh, haꞌ ton naj Adonías, yunin ix Haguit. 3 Naj ishoꞌ haꞌ ton naj Sefatías yunin ix Abital; naj iswaj haꞌ ton naj Itream, yunin ix Egla, hunxa yixal yaꞌ David. 4 Haꞌ ebꞌnaj wajwanh tuꞌ pitzkꞌa bꞌey Hebrón bꞌay ok yaꞌ David reyalil hujebꞌ habꞌil yok waxajebꞌ ixahaw. Haxa bꞌey Jerusalén, 33 (oxlahonhebꞌ iskawinaj) habꞌil ok yaꞌ David tuꞌ reyal.5 Haxa bꞌey Jerusalén kanhwanh iskꞌahol yaꞌ pitzkꞌahi, haꞌ ton ebꞌnaj tiꞌ: Naj Simea, naj Sobab, naj Natán yebꞌ yaꞌ Salomón, ebꞌnaj tiꞌ yunin ix Bet-súa ebꞌnaj. Ix Bet-súa yixal yaꞌ David tuꞌ, iskutzꞌin naj Amiel ye ix. 6 Ayto 9 (bꞌalonhwanhxa) iskꞌahol yaꞌ David, haꞌ ton ebꞌnaj tiꞌ: naj Ibhar, naj Elisama, naj Elifelet, 7 naj Noga, naj Nefeg, naj Jafía, 8 naj Elisama, naj Eliada yebꞌ naj Elifelet. 9 Haꞌ sunil ebꞌnaj tuꞌ iskꞌahol yaꞌ David, ay xin huneꞌ yanabꞌ ebꞌnaj chiyij Tamar. Aypaxo hunteqꞌanxa iskꞌahol yaꞌ, yunin ebꞌix iskabꞌ yixal yaꞌ.
Ebꞌnaj titna yinh yaꞌ Salomón
10 Yaꞌ Salomón, iskꞌahol yaꞌ ye yaꞌ Roboam, yaꞌ Roboam, iskꞌahol naj ye yaꞌ Abías, yaꞌ Abías iskꞌahol yaꞌ ye yaꞌ Asa, yaꞌ Asa iskꞌahol yaꞌ ye yaꞌ Josafat. 11 Yaꞌ Josafat, iskꞌahol yaꞌ ye yaꞌ Joram, yaꞌ Joram, iskꞌahol yaꞌ ye yaꞌ Ocozías, 12 yaꞌ Ocozías, iskꞌahol yaꞌ ye yaꞌ Joás, yaꞌ Joás, iskꞌahol yaꞌ ye yaꞌ Amasías. Yaꞌ Amasías iskꞌahol yaꞌ ye yaꞌ Azarías, yaꞌ Azarías iskꞌahol yaꞌ ye yaꞌ Jotam. 13 Yaꞌ Jotam, iskꞌahol yaꞌ ye yaꞌ Acaz, yaꞌ Acaz iskꞌahol yaꞌ ye yaꞌ Ezequías, haxa yaꞌ Ezequías, iskꞌahol yaꞌ ye yaꞌ Manasés. 14 Yaꞌ Manasés, iskꞌahol yaꞌ ye yaꞌ Amón, yaꞌ Amón iskꞌahol yaꞌ ye yaꞌ Josías.
15 Ebꞌyaꞌ iskꞌahol yaꞌ Josías, haꞌ ton ebꞌyaꞌ tiꞌ: yaꞌ Johanán, haꞌ yaꞌ bꞌabꞌel winaj, iskabꞌ, yaꞌ Joacim, yox yaꞌ Sedequías, iskanh yaꞌ Salum. 16 Yaꞌ iskꞌahol yaꞌ Joacim, haꞌ ton yaꞌ Jeconías, yaꞌ Jeconías, iskꞌahol yaꞌ ye yaꞌ Sedequías. 17 Ebꞌnaj iskꞌahol yaꞌ Jeconías, haꞌ ton naj Asir, naj Salatiel, 18 naj Malquiram, naj Pedaías, naj Senazar, naj Jecamías, naj Hosama yebꞌ naj Nedabías. 19 Ebꞌnaj iskꞌahol naj Pedaías, haꞌ ton ebꞌnaj tiꞌ: Zorobabel, naj Simei. Haxa ebꞌnaj iskꞌahol yaꞌ Zorobabel, haꞌ ton ebꞌnaj tiꞌ: naj Mesulam, naj Hananías. Ay xin huneꞌ yanabꞌ ebꞌnaj chiyij Selomit. 20 Ay howanhxa ebꞌnaj: naj Hasuba, naj Ohel, naj Berequías, naj Hasadías yebꞌ naj Jusab-hesed.
21 Ebꞌnaj iskꞌahol naj Hananías haꞌ ton ebꞌnaj tiꞌ: naj Pelatías yebꞌ naj Jesaías. Naj Jesaías iskꞌahol naj naj Refaías, naj Refaías iskꞌahol naj naj Arnán, naj Arnán iskꞌahol naj naj Abdías, naj Abdías iskꞌahol naj naj Secanías. 22 Naj Secanías iskꞌahol naj naj Semaías, ebꞌnaj iskꞌahol naj Semaías haꞌ ton ebꞌnaj tiꞌ: naj Hatús, naj Igal, naj Barías, naj Nearías, yebꞌ naj Safat, wajwanh ebꞌnaj yinh sunil. 23 Ebꞌnaj iskꞌahol naj Nearías, oxwanh ebꞌnaj, haꞌ ton ebꞌnaj tiꞌ: naj Elioenai, naj Ezequías, yebꞌ naj Azricam. 24 Haxa ebꞌnaj iskꞌahol naj Elioenai, haꞌ ton ebꞌnaj hujwanh tiꞌ: naj Hodavías, naj Eliasib, naj Pelaías, naj Acub, naj Johanán, naj Dalaías yebꞌ naj Anani.