Rë men nakiꞌn laꞌ mod nakap nak men
13
Orzeꞌ nguzubi pla men lo Jesús par nzhab xaꞌ:
“Lëꞌ Pilat mbit pla men Galilea,
no migoch xaꞌ ren cheꞌn rë men reꞌ,
kun ren cheꞌn rë ma,
kwaꞌn mizaꞌ rë men reꞌ gon lo Dios.”
San Lucas 13:1-21
―¿Kwan gab go nal?
Ngut rë men baꞌ por más nzëꞌb xki bixaꞌ,
lo más rë men lazh xaꞌ,
men Galilea.
3 Per gat lëꞌt saꞌi.
No chi lëꞌ go nalaꞌ rë kwaꞌn nakap nak go lo Dios,
lëꞌ go lox ska.
4 ¿Kwan gab go?,
or ngut dub chiꞌn bichon men,
or nguiuxche torr Siloé yek bixaꞌ,
¿gab go por más nzëꞌb xki bixaꞌi,
lo más rë men yezh Jerusalén,
por nguzak bixaꞌ kubaꞌ?
5 Per gat lëꞌt saꞌi.
No chi lëꞌ go nalaꞌ xmod nak go lo Dios,
lëꞌ nu ska go lox.
Ya nzhaoꞌ kwaꞌn yent xlë lo
6 Orzeꞌ midiꞌzh Jesús kwent reꞌ lo rë men,
nzhab Me:
―Nguio tu miyiꞌ kinu tu ya nzhaoꞌ xid rë ya gub cheꞌn xaꞌ,
no ngwatsiꞌ xaꞌ chi nzo xlë loi,
per yent kwan ngazaꞌi.
7 Orzeꞌ nzhab xaꞌ lo xaꞌ nikina ya xlë cheꞌn xaꞌ:
“Biwiꞌ,
nzha chon liꞌn,
ñidkwana xlë lo ya reꞌ,
no gat yazhël da ni tu xlë loi.
Más wen bichoꞌi,
porke yent por kwan nzobe lo yuo reꞌ.”
8 Orzeꞌ nzhab xaꞌ nikina ya xlë reꞌ:
“Señor,
bilaꞌ nzobe nal liꞌn reꞌ,
lëꞌda tsiyëch yuo xane,
no kon bone,
9 par ne be chi zizaꞌi xlë.
No chi nazaꞌi,
orzeꞌ roꞌge.”
Miliwen Jesús tu unaꞌ, zhë nileꞌ men diskans
10 Ngol tu ngubizh,
kwaꞌn nileꞌ men Israel diskans,
lëꞌ Jesús kiluꞌ widiꞌzh cheꞌn Dios leꞌn yoꞌ plo nitseꞌd bixaꞌ widiꞌzh cheꞌn Dios.
11 No zeꞌ nzo tu unaꞌ kwaꞌn nzhakne nzhala chiꞌn bichon liꞌn,
nzho tu mbi mal laxtoꞌ xaꞌ,
no nileꞌi bech xaꞌ,
gakt li xaꞌ.
12 Or une Jesús unaꞌ reꞌ,
ngurezh Jesús unaꞌ,
nzhab Me:
―Unaꞌ,
lëꞌl miak la lo yalyizh cheꞌnal.
13 No mixoꞌb Me yaꞌ Me tich unaꞌ,
orzeꞌ lwegaꞌ mili unaꞌ,
no nguzublo kidiꞌzh unaꞌ nazhon Dios.
14 Per xaꞌ nileꞌ mandad leꞌn yoꞌ zeꞌ,
niyiꞌ xaꞌ por miliwen Jesús unaꞌ reꞌ,
zhë kwaꞌn nayiꞌ kë men Israel zhiꞌn,
orzeꞌ nzhab xaꞌ nileꞌ mandad lo rë men nzhin zeꞌ:
―Nzho xoꞌp ngubizh kwaꞌn kë men zhiꞌn,
nab tsa rë ngubizh reꞌ ñal yiꞌd go par gak wen go;
yiꞌdt go zhë reꞌ.
15 Orzeꞌ nzhab Jesús lo xaꞌ reꞌ:
―¡Tatu nazheꞌb nak go,
chigab walika men wen go!
¿Chi gat nixëkt go ngoꞌn cheꞌn go,
o burr cheꞌn go zhë nileꞌ men diskans,
par zaꞌ go nits go ma?,
16 porke unaꞌ reꞌ nzë ben cheꞌn Abraham,
per lëꞌ Mizhab mileꞌ ngokne unaꞌ chiꞌn bichon liꞌn;
no nal,
¿chi nayiꞌ ngok wen unaꞌ reꞌ,
zhë kwaꞌn nayiꞌ kë men Israel zhiꞌn?
17 No or nzhab Jesús rë kureꞌ,
rë xaꞌ nileꞌ mandad kwaꞌn nikwaꞌn dil kun Jesús,
mitula bixaꞌ,
per más men mizak laxtoꞌ or une bixaꞌ,
rë kwaꞌn nazhon nileꞌ Jesús.
Kwent cheꞌn tu lazh win mostás
18 Orzeꞌ nzhab Jesús:
―¿Kwan tu kwaꞌn nak nela xmod nileꞌ Dios mandad lo rë men cheꞌn Me,
no kun kwan chëꞌl bei?
19 Nake nela tu lazh win mostás gaꞌ,
kwaꞌn mixëꞌn tu miyiꞌ,
lo yuo plo kinu xaꞌ rë ya xlë cheꞌn xaꞌ,
no miroꞌbe,
no ngoke tu ya ro,
haxta miyin michaoꞌ yo rram cheꞌne.
Kwent cheꞌn levadur
20 Nu nzhab Jesús:
―¿Kwan xtu kwaꞌn nak nela xmod nileꞌ Dios mandad lo rë men cheꞌn Me?
21 Nake nela levadur kwaꞌn nguzen tu unaꞌ,
no migoch unaꞌi,
leꞌn gal bigaꞌi kil harín kwaꞌn mitsibech rë harín reꞌ.
Pwert nayaa
(Mt. 7:13-14, 21-23)
22 Or nzha Jesús nez Jerusalén,
kiluꞌ Me widiꞌzh cheꞌn Dios leꞌn rë yezh,
no rë rranch plo nzhaded Me,
San Lucas 13:22-35
―Señor,
¿chi cheꞌp tsa men roꞌ lo rë kwaꞌn nazheꞌb kwaꞌn nzadkë tich bixaꞌ?
Orzeꞌ nzhab Jesús:
24 ―Dox peꞌn leꞌ men gan,
yo men plo nileꞌ Dios mandad.
Nake nela or nided men roꞌ tu pwert dox nayaa gaꞌ.
Bileꞌ go jwers,
yo go roꞌ pwert reꞌ,
porke nin lo go,
nayax men gakla yo roꞌ pwert reꞌ,
per cheꞌp tsa men yo.
25 No lult,
lëꞌ xaꞌ nak cheꞌn yoꞌ kwaꞌn kinu pwert nayaa reꞌ,
yaxche tsaoꞌ roꞌ yoꞌ,
no rë go yaꞌn al tich,
orzeꞌ kwezh go roꞌ yoꞌ,
gab go:
“Señor,
bixaꞌl go roꞌ yoꞌ”,
per lëꞌ xaꞌ ne lo go orzeꞌ:
“Yent cho nzhak da go.”
26 Orzeꞌ gab go lo xaꞌ:
“¡Per nzho ka cho nzhak no go!
Lëꞌ be tutsa ndao,
mbaino tutsa nguꞌ be,
no go miluꞌ widiꞌzh cheꞌn go lo no,
leꞌn rë nez cheꞌn lazh be.”
27 Orzeꞌ ne xaꞌ lo go:
“Lëꞌda ni la,
yent cho nzhak da go;
¡rë go xaꞌ nileꞌ kwaꞌn gat lëꞌ,
chi go lon!”
28 Zeꞌ goꞌn go,
no daoꞌ ley go or ne go Abraham,
Isaac,
Jakob,
no rë profet xaꞌ midiꞌzh por Dios chi tiemp,
nzho bixaꞌ plo nileꞌ Dios mandad,
no lëꞌ go nzhin al tich,
29 porke lëꞌ rë lad yizhyuo,
yiꞌd men,
par zob xaꞌ lo mes,
plo nileꞌ Dios mandad par gao bixaꞌ.
30 No biwiꞌ go,
nzho xaꞌ nileꞌ go xigab,
más tsak nal reꞌ,
per más dispwés,
xaꞌ zeꞌ gak xaꞌ menes tsak;
no xaꞌ nileꞌ go xigab menes tsak nal reꞌ,
xaꞌ zeꞌ gak xaꞌ más tsak dispwés.
Mbiꞌn Jesús por yezh Jerusalén
31 No mis zhë zeꞌ,
mizhin pla men fariseo,
nzhab lo Jesús:
―Chi,
bizë labaꞌ;
porke lëꞌ Herodes nzhakla gutal.
32 Orzeꞌ nzhab Jesús:
―Wa go wayab go lo xaꞌ nizi dox ya baꞌ,
seꞌ ne Jesús:
“Biwiꞌ,
nalzhë,
no yëꞌ,
kubchin mbi mal laxtoꞌ rë men,
no liwena rë men nzhakne;
no ngubizh yon loxa rë zhiꞌn da.”
33 No ter saꞌ nileꞌ Herodes xigab kun na,
per lëꞌda nakiꞌn ka ya nez da dub nalzhë reꞌ,
no yëꞌ mbaino wizh par len rë kwaꞌn nakiꞌn len;
porke nagattaꞌ da ni xtu rë plo,
nab tsa Jerusalén nakiꞌn gat da,
porke nab tsa baꞌ,
nzhut men rë xaꞌ kwaꞌn nixëꞌl Dios par nidiꞌzh widiꞌzh cheꞌn Me.
34 ’¡Men Jerusalén,
men Jerusalén,
go kwaꞌn nzhut rë profet,
no nigo ke go rë men kwaꞌn nixëꞌl Dios lo go!
¡Nayax wëlt ngoklan ngazhina junt rë go,
nela nguid niyeꞌzh rë xmëꞌd leꞌn xiꞌl gaꞌ,
per nangaziyëlt go!
35 Per biwiꞌ go,
lëꞌ yadoꞌ cheꞌn go yaꞌn nzëꞌb,
mbaino zit yaꞌn go di lo Dios;
no nanetraꞌ go da más,
haxta zhin zhë kwaꞌn gab go:
“¡Wen nzha xaꞌ kwaꞌn mixëꞌl Señor!”