Mizaꞌ Jesús kwaꞌn ndao tap mil men
8
Leꞌn rë ngubizh zeꞌ,
migan tu bëd men xtu wëlt,
no gat kinut bixaꞌ kwaꞌn gao bixaꞌ;
orzeꞌ ngurezh Jesús rë men cheꞌn Me par nzhab Me:
San Marcos 8:1-21
2 ―Dox nilats laxtoꞌn rë men reꞌ,
porke nzhala chon ngubizh nzhin bixaꞌ lon,
no gat kinut bixaꞌ kwaꞌn gao bixaꞌ,
3 no chi xëla bixaꞌ,
bi bixaꞌ lizh xaꞌ,
sin naga gao bixaꞌ,
nzho rriez guꞌzh bixaꞌ nez,
porke nzho xaꞌ nzë zit.
4 Orzeꞌ nzhab rë men cheꞌn Me:
―Per,
¿xmod zaꞌ met kwaꞌn nayax gao rë men reꞌ,
plo niyent kwan nak reꞌ?
5 Orzeꞌ minabdiꞌzh Jesús pla pan kinu bixaꞌ,
no nzhab bixaꞌ:
―Gazhe.
6 Orzeꞌ mileꞌ Jesús mandad,
zob rë men zeꞌ lo yuo,
no or nguzen Me za gazh pan,
no mizaꞌ Me xkix lo Dios,
orzeꞌ michix Mei no mizaꞌ Mei kaꞌ rë men cheꞌn Me par kiꞌz bixaꞌi gao rë men zeꞌ,
no ndiꞌz bixaꞌi.
7 No nu pla mbël win kinu bixaꞌ;
xtu wëlt mizaꞌ Me xkix lo Dios por lëꞌi,
no mileꞌ Me mandad,
par ndiꞌz bixaꞌi xid rë men zeꞌ.
8 Rë men ndao haxta plo une ndao bixaꞌ,
no mikan bixaꞌ rë bilao;
gazh kardore.
9 Rë xaꞌ ndao reꞌ,
paste como tap mil bixaꞌ.
Orzeꞌ ngulunez Jesús bixaꞌ.
10 No lwegaꞌ nkë Me bark kun rë men cheꞌn Me,
par nzha bixaꞌ lazh men Dalmanuta.
Minaꞌb rë men fariseo, leꞌ Jesús tu kwaꞌn nazhon por Dios
11 Or mizhin bixaꞌ zeꞌ,
nu pla rë men fariseo migan lo Jesús,
par michëꞌlroꞌ bixaꞌ,
porke nzhakla bixaꞌ,
leꞌ Jesús tu kwaꞌn nazhon kwaꞌn nzë lo yibëꞌ,
par zenbeꞌ bixaꞌ Me (wiꞌ bixaꞌ xmod nak Me),
chi Dios ka mixëꞌl Jesús.
12 Orzeꞌ miziꞌ laxtoꞌ Jesús,
no nzhab Me:
―¿Chon ninaꞌb rë men reꞌ,
ne xaꞌ tu kwaꞌn nazhon?
Per na ni,
walika ni tu kwaꞌn nazhon nanet bixaꞌ.
13 Orzeꞌ miaꞌn nzhin tsa rë men zeꞌ,
lëꞌ Jesús nkë bark xtu wëlt,
par nzha Me al xtu roꞌ lagún.
Levadur cheꞌn rë men fariseo
14 No miaꞌl laxtoꞌ bixaꞌ ngaziꞌ bixaꞌ más pan,
namás tutsa pan nzadnu bixaꞌ leꞌn bark.
15 Orzeꞌ nzhab Jesús lo rë men cheꞌn Me:
―Bikina go go lo rë men fariseo,
mbaino lo rë men cheꞌn Herodes,
kun levadur cheꞌn bixaꞌ.
16 Orzeꞌ kidiꞌzh rë men cheꞌn Me:
―Pas,
por gat nzadnu be pan,
gao bei.
17 Per ngwanu laxtoꞌ Jesús kwan kidiꞌzh bixaꞌ,
kuzeꞌ nzhab Me:
―¿Chon dox xigab kileꞌ go,
por gat nzadnu go pan?
¿Chi nagat zobyek go kwaꞌn nin reꞌ?
¿Chon stubi nayaoꞌ yek go,
par ne goi?
18 ¡No ter niwiꞌ go,
per gat ne goi;
no nzob nzha go,
per gat gon goi;
mbaino nat laxtoꞌ go!
19 Or ndiꞌza gaiꞌ pan xid gaiꞌ mil men,
¿pla kardor rë kwaꞌn bilao mikan go?
Orzeꞌ nzhab bixaꞌ:
―Tu dusene.
20 No nzhab Jesús:
―¿No or ndiꞌza gazh pan xid tap mil men,
pla kardor rë kwaꞌn bilao mikan go?
Orzeꞌ mikab bixaꞌ:
―Gazhe.
21 Orzeꞌ nzhab Jesús:
―¿Taxa nagat zobyek goi orzeꞌ?
Miliyak Jesús tu men nikal lo
22 Orzeꞌ mizhin bixaꞌ yezh Betsaida,
zeꞌ mizhinnu men tu xaꞌ nikal lo,
par ngunaꞌb xaꞌ gal Jesús kwerp cheꞌn xaꞌ nikal lo reꞌ.
San Marcos 8:22-38
23 Orzeꞌ nguzen Jesús yaꞌ miyiꞌ reꞌ,
par ñanu Jesús xaꞌ roꞌ yezh;
orzeꞌ michuk Jesús lo xaꞌ,
no mixoꞌb Me yaꞌ Me lo xaꞌ reꞌ,
orzeꞌ minabdiꞌzh Jesús lo xaꞌ,
nzhab Me:
—¿Chi niluꞌ la kwaꞌn lol?
24 Orzeꞌ ngulits xaꞌ lo xaꞌ,
no nzhab xaꞌ:
—Niluꞌ la men lon,
per niluꞌ bixaꞌ nela rë ya ñazë gaꞌ.
25 Orzeꞌ xtu wëlt mixoꞌb Me yaꞌ Me lo miyiꞌ reꞌ,
orzeꞌ mixaꞌl lo xaꞌ,
haxta zit niluꞌ kwaꞌn lo xaꞌ,
klar laka niluꞌ rë men lo xaꞌ.
26 Orzeꞌ mixëꞌl Jesús xaꞌ,
ña xaꞌ lizh xaꞌ,
per nzhab Jesús:
―Ni nayubreraꞌl yezh plo nzhin rë men baꞌ.
Nzhab Per, lëꞌ Jesús nak Krist
27 Orzeꞌ nguroꞌ Jesús kun rë men cheꞌn Me,
par nzha bixaꞌ rë yezh win kwaꞌn ñaꞌn lazh men Cesarea Filipo.
Dub nzhazë bixaꞌ nez,
orzeꞌ minabdiꞌzh Jesús lo rë men cheꞌn Me,
nzhab Me:
―¿Cho da,
nzhab men?
28 Orzeꞌ nzhab bixaꞌ:
―Nzho xaꞌ nidiꞌzh,
Lu Juan bautist;
no más xaꞌ nzhab,
Lu Li;
no zipla xaꞌ nzhab,
Lu nak xtu men midiꞌzh por Dios,
xaꞌ nzhala.
29 Orzeꞌ nzhab Jesús xtu wëlt:
―Par go gaꞌ;
¿cho da?
Orzeꞌ nzhab Per:
―Go nak Krist.
30 Orzeꞌ mileꞌ Jesús mandad lo rë men cheꞌn Me,
yent cho lo gab bixaꞌ cho nak Me.
Jesús midiꞌzh xmod gat Me
31 Orzeꞌ nguzublo kiluꞌ Jesús lo rë men cheꞌn Me,
nzhab Me:
―Na nak Xgaꞌn Dios,
no nu nak da tu men yizhyuo;
por xigab cheꞌn Dios,
nayax men zakzi da.
Rë xaꞌ reꞌ nayilat da:
Rë xaꞌ nzo lo rë men Israel,
kun rë ngulëiꞌ ro,
mbaino kun rë xaꞌ niluꞌ ley kwaꞌn milaꞌ Dios lo Muisés.
No lëꞌ bixaꞌ chi da lo men par gat da.
Per ngubizh yon,
lëꞌda ruban.
32 Rë kureꞌ midiꞌzh Me klar laka,
per orzeꞌ nguloꞌ Per Jesús tu lad,
nzhab Per:
―¡Nadiꞌzhtraꞌ go kubaꞌ!
33 Orzeꞌ miëk Jesús,
niwiꞌ Me lo rë men cheꞌn Me,
orzeꞌ miyiꞌ Me lo Per,
nzhab Me:
―¡Chi lon,
Mizhab!,
porke gat nileꞌtal xigab cheꞌn Dios;
pura cheꞌn men nzho yekal.
34 Orzeꞌ ngurezh Me rë men cheꞌn Me,
no rë men nzhin zeꞌ,
par nzhab Me:
―Chi nzho tu go nzhakla yiꞌdkë ticha,
naleꞌt go kwaꞌn nzhakla go,
no biꞌy go krus cheꞌn go par diꞌkë go ticha,
35 porke xaꞌ nzhakla kina vid cheꞌn par naloxe,
lëꞌi lox lo Dios;
per xaꞌ gat por da o por widiꞌzh nazhon kwaꞌn nilun,
nayot lox xaꞌ reꞌ lo Dios,
36 porke,
¿kwan zuꞌ par tu men,
leꞌ xaꞌ gan ter dub yizhyuo,
per lo Dios lox xaꞌ?
37 No,
¿kwan zaꞌ tu men par naloxt xaꞌ lo Dios?,
38 porke cho rë men laꞌ da,
o laꞌ xaꞌ widiꞌzh nazhon da,
dilant lo rë xaꞌ miaꞌl laxtoꞌ widiꞌzh cheꞌn Dios,
rë xaꞌ gat nzhont roꞌ Dios;
nu ska da la bixaꞌ,
or yala,
kun rë yalnazhon cheꞌn Xuza,
no kun rë ganj nazhon cheꞌn Me.