Juda lädućhu Joacazmi mandacun
36
Chaypïta Josiaspa pudirninta chulin Joacaztañamá malcaca ćhulälälila Jerusalenćhu mandacunanpä.
2 Joacaz ishcay ćhunca quimsayu (23) watanta liyalmi mandacuyta allaycula.
Pay quimsa quillallam Jerusalenpïta mandacula.
3 Egiptop mandacüninmari Jerusalenćhu manaña mandacunanpä wicapäla.
Jinalculmi Juda läducunäta alcabälacta pägachila:
quimsa walanga quimsa paćhacniyu (3,300) quïlu illaytawan quimsa ćhunca quimsayu (33) quïlu üructa.
4 Jinaman Juda läducta Jerusalenpi mandananpä Joacazpa wawꞌi-caśhan Eliaquimtañam mandacüpä ćhuläla.
Paytam Joacim śhutiwan śhutichäla.
Joacaztañatacmi ichá wawꞌi-caśhantinta,
Egipto läduman Necao puśhacula.a
Juda lädućhu Joacinmi mandacun
5 Canan má,
Joacimb ishcay ćhunca pichayu (25) watanta liyalmi mandacuyta allaycula.
Paymi ćhunca jucniyu (11) wata Jerusalenpïta mandacula.
Ñatac Tayta Diospa ñawquin payꞌa mana allincunactamari lulala.
6 Chaymi Babiloniap mandacünin Nabucodonosor,c
Joacimta llallilcul cadinäśhacta Babiloniaman prïsu puśhacula.
7 Jinaman Tayta Diospa alawana wasinćhu sirbichicunapä cäcunätapis Nabucodonosor apaculamá.
Jinalculmi Babiloniap alawana wasinpa uycunancunaman ćhuläla.
8 Ñatac Joacimpa mandacuyninćhu lluy lulaśhancuna,
millachicuy anla lulaśhancunapis,
lluy ima pasaśhancunapis Juda lädu Israel lädu mandacünincunap isquirbisha librunćhümari cayan.
Chayurá paypa pudirnin chulin Joaquinñamá mandacula.
Juda lädućhu Joaquinmi mandacun
9 Canan má,
Joaquin ćhunca pusäniyud (18) watanta liyalmi mandacuyta allaycula.
Paymi quimsa quilla,
ćhunca muyun Jerusalenpïta mandacula.
Paypis awquilluncuna lulaśhannümari Tayta Diospa ñawquin mana allincunacta lulala.
10 Chaymi muśhü watap allaycuyninćhue mandacü Nabucodonosor,
Babiloniamanf prïsucta Joaquinta puśhachila.
Jinaman Tayta Diospa alawana wasinćhu ćhaniyu sirbichicunapä cäcunactapis apaculamari.
Paypa pudirnin Juda läducta,
Jerusalenpi mandacunanpä ayllun Sedequiastañamari ćhulala.g
Juda lädućhu Sedequiasmi mandacun
11 Canan má,
Sedequiash ishcay ćhunca jucniyu (21) watanta liyalmi mandacuyta allaycula.
Paymi ćhunca jucniyu (11) wata Jerusalenpïta mandacula.
12 Paypis Tayta Diospa ñawquin mana allincunactam lulala.
Tayta Dios willacünin Jeremiaswan limapayaptinpis manamari uyshuyculachu.i
13 Jinaman Tayta Diosta śhaycaycachil yanapänanpä mandacü Nabucodonosormanj limalicuyalpis cuntranmi śhalcula.
Sedequias Israelpa Tayta Diosninman cuticamunantá aśhwanpa pasaypi lumi śhunꞌumanmari muyüla.
14 Chaynütacmi Juda lädućhu puydïcunaca,
puydï sasirdüticunaca,
jinaman lluy nunacunäpis millachicuycunallactaña masta-masta atichipäcula.
Chaynu juc malcacunäta atichipäculmari Jerusalenćhu Tayta Diosllapä japächaśhan alawana wasictapis jalutacapäcula.
15 Jinaptinpis awquilluncunap Tayta Diosninꞌa alawana wasintawan malcanta cuyalmari,
willacüninpa-cama ćhuncay-ćhuncay anyapayä cala.
16 Paycunañatacmi ichá Tayta Dios nichishancunäpi asiculcäla,
willacünincunactapis jamuyapäcula.
Chaynu manaña uyalïtucuptinmi Tayta Dios alli-allicta piñacülul mućhuycächilaña.
Alawana wasictam pampaman muyuchin
17 Chaymari Juda läducta camacaycünanpä Babiloniak nasyunpa mandacünintal Tayta Dios caćhamula.
Jinaptinmi alawana wasip lulïninćhu lluy müsucunäta,
wamlacunäta,
wayapactapis,
yaśhactapis mana llaquipaycul ispädawan camacaycüla.
Lluy-lluytamari paypa maquinman Tayta Dios ćhulaycüla.
18 Chaynütacmi jatuntapis uchuyllactapis allin ćhaniyünincunactá Babiloniaman apaculcäla Tayta Diospa alawana wasinpi,
mandacücäpa palasyunpi,
puydï yanapänincunap wasincunapïpis.
19 Jinaman Tayta Diospa alawana wasinta cañaycüla,m
Jerusalenpa murällancunactapis pampaman muyüchila,
palasyuncunactapis lluy cañaycüla,
chayćhu allin cänincunactapis lluymari camacaycüla.
20 Chay wañuycäpi quïdäcunätañatacmi mandacüca Babiloniaman prïsucta puśhacula.
Chayćhümi aśhta milaynincunap uywaynin capäcula Persia nasyunca lluyta pudiracuycunancama.
21 Chaynüpam Tayta Dios willacünin Jeremiaswan willacachimuśhanca lulacacüla.
Chaynu prïsu apacuśhancamam allpanpis anćhish ćhunca (70) wata pulumäśha jamala.n
Israelcunaca malcanta cutipäcunanpämi Ciro camachin
22 Chaypi Tayta Dios willacünin Jeremiaswan willacachimuśhanca lulacacunanpämi Persia nasyunta Ciro mandacuyta allaycuśhan wataćhu,
paypa śhunꞌunman willacuyta Tayta Dios ćhulaycula pay camachinanpä.
Chaymi jinantin mandaśhanman limayllawanpis isquirbishawanpis Ciro willacachimula:
23 “Persiap mandacünin Ciro caynümi camachin:
‘Janay pachäćhu cä Tayta Diosmi jinantin allpäćhu cä nasyuncunäta maquïman ćhulaycamun.
Jinaman Juda lädućhu cä Jerusalenćhuo alawana wasicta śhalcachipunäpämi nimäla.
Chayurá mayanniquipis Tayta Diospa nunan capäculꞌa malcayquita cuticulcay.
Pay yanapapäcuśhunquimá’ ” nil.