Cay librućhu punta watacunaćhu israelcunäwan ima pasaśhancunacta ipa wiñaycunäpämi yalpachin. Chaymi unay awquillun Adanpïta allaycun. Paycunapä sumä ćhaniyümi cala, mayan awquilluncuna, ćhaclancuna capäcuśhantapis yaćhapäcunan. Paycunacta juc nasyuncunaman prïsu puśhaculcaptinmi ipa wiñaycunaca manaña awquilluncunapi yaćhapäculachu. Chaypi caśhan malcanman cutipämulmi wasincunactapis, alawana wasictapis, cawsaynincunactapis caśhan śhalcachipäcula. Chaynütacmi cay librućhu willamanchic mandacü Davidpïta. Paymi Jerusalenta llallïla, sasirdüticunaca lulapäcunanta camachila, chaynütac alawana wasi maycäćhu śhalcachisha cananpäpis licala. Chaynütacmi willamanchic alawana wasi imapi jucpa maquinman palpuśhantapis. Chaypi alawana wasicta caśhan śhalcachipäcuśhanca sumä cushicuy caśhantapis niycamanchicmá.