É fét alúkgán á Kaná
2
Éde é mos léa,
fét alúkgán é ngá bɔban á Kaná ye á Galilea,
ñiá Yesus a mbé ó wéñ.
2 Bá bána fe Yesus á fét alúkgán te bábe béyága beñ.
3 Éde éyɔŋ a ngá bɔ ná vino á ŋga dzéŋ yaá,
ané ñiá Yesus a ngá dzó ñí ná,
“Bĕé belé fe vino.”
4 Éde Yesus a ngá yalan ya ñí ná,
“Á miningá,
é ne bía wa dzé?
Áwola dam dăá bé kwíñ.”
El milagro en Caná (Juan 2.1-12)
5 Ané ñiá a ngá dzó bevwála bíséññ ná,
“Bɔgán édí áse aa ye mína dzó.”
6 Milígá mekwá mí saman mí mbé ó véa,
ámvála é fúlú bejudio bá fúbu ñúu e mbé.
Kada nlígá ó ngá baga táŋ bebeñ ané ntet belitro.
7 Ané Yesus a ngá dzó bɔ́ ná,
“Dzálágán milígá ya mendzímm.”
Ané bé ngá mana myɔ ádzálá abóm.
8 Éde Yesus a ngá dzó bɔ́ ná,
“Byetgán áwola dí,
míníí ke ákee nwulu ya fét.”
Ané bé ngá bɔ dɔ.
9 Éyɔŋ nwulu ya fét ñí a kyak yaá méndzímm mé ngá veŋan vino,
ñí kaa áyem é vóm bé ngá sɔ́ ya wɔ,
(ve bevwála bíséññ,
ébá bé ngá láp mendzímm,
ébɔ́ bé ngá yem dɔ),
éde nwulu ya fét te a ngá lwée é mot a ngá lúkgan,
10 á dzó ñí ná,
“Mot áse aa tára téle é vino a ne mvéáñ,
éyɔŋ bot bé fían yaá,
véa éñe bá téle éñe a ne kaa ádaŋ ya mvéáñ;
ve wa o nii é vino a ne mvéáñ anzukwíñ áwola dí.”
11 Yesus a ngá bɔ átáraga mendem te á Kaná ye á Galilea,
eé lére é dúmá deñ;
ané béyága beñ bá bé ngá bwíni fe ñí.
12 Atéé ye ó véa,
éde a ngá sigi á Kapernaúm,
bá ñiá,
ya bɔbéñaŋ,
ya fe béyága beñ;
ve béé ndzí tɔbɔ ó wéñ abwiññ melú.
Yesus aa fúbu Templo
13 Ákoan ná é Fét Paskua bejudio e ntɔɔ́ bebeñ,
éde Yesus a ngá bét á Yerusalen,
Jesús en el patio del templo (Juan 2.13-25)
14 ané a ngá koan á templo été ya é bot bá kuan beñát,
ya mitómá,
ya abeŋŋ,
ya fe betsén moann bé tɔɔ́ ósí.
15 Éde niané a ngá bɔ nkás ya mikɔɔ́,
á ŋga kúlu bésesé á templo été,
átára mitómá ya beñát;
á ŋga wea fe é moann betsén moann ósí,
ya ásɔ́gle betéble.
16 Ané a ngá dzó é bot bé ngá kuan abeŋŋ ná,
“Veagán é byém bí ó vá;
é ndá Tará míní táa dɔ bɔ ndá okira.”
17 Éde béyága beñ bé ngá síman ná é ne ntsilann ná,
“Abéánn ébe é ndá dzwe dá ye ma yóŋ á nlém été.”
18 Ané betébosú béye bejudio bé ngá kɔ́bɔ ya ñí,
béé síli ñí ná,
“Nzá ndem wa lére bía ná wa bɔ é mam má?”
19 Éde Yesus a ngá yalan bɔ́ ná,
“Tsamŋánán é templo ñí,
ma ma ye dɔ bera téle nia melú mé léa.”
20 Akála te édɔ bejudio bé ngá dzó ná,
“É templo ñí baá lóŋ dɔ táŋ mibú mewóm mé nii ya mibú mí saman,
ye ná wa wa ye dɔ téle táŋ melú mé léa?”
21 Ve,
ñí a ngá kɔ́bɔ ébe é templo ye é ñúu deñ.
22 Édɔ ná,
éyɔŋ a ngá wómo míwúán été,
éde béyága beñ bé ngá síman ná aá dzó dzam te;
ané bé ngá bwíni Mitsili,
ya fe éfíá Yesus a ngá kɔ́bɔ.
Yesus aa yem milém mí bot