Yesus aa ñíi á Yerusalen
11
Éyɔŋ bé ngá nzu bá yit bebeñ á Yerusalen,
á mfá Betfagé ya Betania,
bebeñ á nkoó Álíba,
éde Yesus a ngá lóm beyága bé beáñ béye béyága beñ,
Markos 11.1-14
“Keŋán é mwann dzeá a ne mína ósú.
Nia fá ané mína ñíi été,
etéññ te ébyen,
mína ye koan ya mwann edzakás á tsini,
éñí mot enziŋ ăá bé tára daŋ áyóp.
Tsiigán ñí,
míní sɔ́ ya ñí.
3 Ngé mot enziŋ a síli mína ná,
amú dzé mína bɔ dɔ,
dzógán ná,
Ntí aa kómo dɔ,
aa ye fe ñí nzu búlán avóó ó vá.”
4 Éde bé ngá ke,
bé koan ya mwann edzakás á nseŋ été,
á tsini bebeñ mbéñ,
ané bé ngá tsii ñí.
5 Éde bot benziŋ béye é bot bé mbé ó véa bé ngá síli bɔ́ ná,
“Nzá dzam mína bɔ ná mína tsii mwann edzakás?”
6 Éde bé ngá yalan amvála ané Yesus a ngá dzó bɔ́,
ané bé ngá lík bɔ́ ná bé ke ya ñí.
7 Éde bé ngá sɔ́ ya Yesus mwann edzakás,
bé ŋga bwíi bítóp byeba bé mbé bé baga,
á mwann édzakás áyóp,
ané Yesus a ngá tɔbɔ ñí áyóp.
8 Ané abwiññ bot é ngá bwíi á nzenn áyóp bítóp byeba bé mbé bé baga áyóp,
ébá bevɔ́ɔ́ bá bé ŋga bwíi mítem bilé bé ngá mana kík méfúp.
9 É bot bé ngá ke ósú ya ébá bé ngá bee ñí ó mvús,
bé ngá ke bá yón,
béé dzó ná,
“Osana!
Abwará ya éñí aa nzu ya éyola Ntí!
10 Abwará ya édzwée tará David édí dá nzu!
Osana á yóp été!”
11 Éde Yesus a ngá ñíi á Yerusalen,
a sian á templo.
Niané a ngá mana ke a dága mifá míse,
ákoan ná ŋgɔgɔ́ eé ntɔɔ́,
éde a ngá kólo a kéñ á Betania bábe beyága awóm ya bé beáñ.
Yesus aa boŋle elé Igera
12 É mos ó ngá belan véa,
é tám bé ngá kólo á Betania,
éde Yesus a ngá wók nzeñ.
13 Ané a ngá yén elé igera ya mekyéññ é téle oyaáp,
éde a ngá ke dɔ dága á mfá ye ná ngé tám enziŋ a ne koan é belé dzóm enziŋ.
Ve éyɔŋ a ngá ke dɔ kwíñ ásí,
a ngá koan fáve ya mekyéññ,
amú ná ĕé mbé é tám bigera byá wúm.
14 Éde Yesus a ngá dzó dɔ ná,
“Mot enziŋ ăá ye bera dzí ébumá dwe tám enziŋ.”
Ané béyága beñ bé ngá wók ané aa dzó dɔ.
Yesus aa fúbu Templo
15 Éde bé ngá sian á Yerusalen,
Yesus a ñíi á templo,
ané a ngá tára ná aa tsílán ya é bot bé ngá kuan byém ya ákus á templo été,
ya ásɔ́gle bétéble betsén moann ósí ya bítɔɔ́ ébá bé ngá kuan abeŋŋ;
Markos 11.15-33
“Ye é sés ntsilann ná,
‘É ndá dzam,
bá ye dɔ lwée ná ndá meyaglán mfá meyɔŋ mése’?
Ve mína,
míní veŋan ya dɔ é ndá ákwá benzeé midzɔ́ŋŋ.”
18 Ané betébosú befára ya beyágale métsiŋŋ bé ngá wók dɔ,
bé ŋga tára ná bá dzéŋ amvála avé bé ne ñí ywíñ,
akála ná bé ngá kɔ ñí wɔŋŋ,
amú ná bot bése bé ngá kám áyágalé deñ.
19 Éde Yesus bábe béyága beñ bé ngá kólo á kísoan été,
é tám ŋgɔgɔ́ é ngá bɔ.
Nkót elé Igera
20 Kíkírí,
éyɔŋ bé ngá lot é vóm elé igera é mbé,
bé ngá yén dɔ é mana yaá kót atéé ye á mídzi.
21 Éde Pedro a ngá síman,
a dzó ñí ná,
“Á Rabí,
dággé elé igera o ngá boŋle é mana yaá kót.”
22 Éde Yesus a ngá yalan ya bɔ́ ná,
“Belégán mbwínánn ébe Nzamá.
23 Ma dzó mína bébélá ná,
éñí áse aa ye dzó nkoó wí ná,
‘Kólogé ó vá,
o kéñ ku máŋ été!’,
éñe kaa ábelé akɔɔ́p á nlém weñ été,
ve,
eé bwíni ná édí á dzó dá ye bɔ,
bá ye ñí dɔ bɔ.
24 Amú dzam te édɔ,
ma dzó mína ná é mam mése mína ye dzaa ya meyaglán,
belégán mbwínánn ná míní ñɔŋ yaá mɔ,
bá ye fe mína mɔ vé.
25 É tám da mína bɔ meyaglán,
ngé míní belé dzam ya mot enziŋ,
dzwiigán ñí,
á mfá ye ná Ésúá a ne á dzóp été ñí a dzwii fe mína mísémm myenan.
26 [Ve ngé mína mínăá dzwii,
Ésúá a ne á dzóp été ñí ăá ye ki mína dzwii mísémm myenan.]”
Édzwée Yesus
27 Ané bé ngá bera sian á Yerusalen,
éde éyɔŋ Yesus a ngá ke aa wulu á templo,
betébosú befára ya beyágale métsiŋŋ,
ya fe mikúkúmá bé ngá nzu koan ya ñí,
28 ané bé ngá síli ñí ná,
“Edzwée evé wa bɔ ya dɔ é mam má?
Ngé ki ná nzá aá vé wa edzwée á mfá ye ná o bɔ mam méte?”
29 Éde Yesus a ngá dzó bɔ́ ná,
“Ma ma ye fe mína vé nsílí ovɔ́ɔ́,
yalagán ma ya wɔ́,
véa ma ma ye mína kat ya edzwée evé ma bɔ ya dɔ é mam má.”
30 “Nduann Juan,
ye ó mbé éwí ye á dzóp été,
ye éwí bot?
Yalagán ya ma.”
31 Éde bé ngá ke bá fas ébyen ya ébyen,
béé dzó ná,
“Ngé bí dzó ná éwí ye á dzóp été;
aa ye dzó ná,
‘Amú dzé míníí ndzí ñí bwíni?’
32 Ve,
ngé bí dzó ki ná;
éwí bot?”
Bá bé ngá kɔ bot wɔŋŋ,
amú ná bot bése bé ngá ñɔŋ Juan ná a mbé ñá mfaŋ nkúlu medzó.
33 Éde bé ngá yalan ya Yesus,
béé dzó ná,
“Bĭá yem.”
Ané Yesus a ngá dzó bɔ́ ná,
“Ma măá ye ki mína kat ya edzwée evé ma bɔ ya dɔ é mam má.”