É nganán bembéa bebɔ biséññ
12
Éde Yesus a ngá tára ná aa kɔ́bɔ ya bɔ́ ya menganán,
eé dzó ná,
“Mot enziŋ a ngá mana beñ afúp midzík mí vino,
éde a ngá nii dɔ óngóo été,
a kom é vóm bá kili bibumá bí vino,
a lóŋ fe nkum.
Éde a ngá kee dɔ ó lén ya bebeñ mefúp benziŋ,
a kéñ ékena.
Markos 12.1-17
2 Éyɔŋ é tám bá ñɔŋ bibumá é ngá kwíñ,
ané a ngá lóm oloá ébe bébeñ mefúp bé mbé áfúp á mfá ye ná á ñɔŋ é ngap bibumá bíye áfúp deñ.
3 Ve,
bé ngá biñ wɔ́,
bé ŋga yít wɔ́,
éde bé ngá lóm wɔ́ móamó.
4 Ané a ngá bera bɔ́ lóm oloá ofé,
wá bé ngá mana vé mevéŋŋ á nló,
bé mana fe wɔ́ lére osoán.
5 Éde a ngá bera lóm ofé ané wá bé ngá ywíñ.
Amvála te fe ya abwiññ aloá afé,
bé ŋga yít avɔ́ɔ́,
édí avɔ́ɔ́ dá bé ŋga ywíñ.”
6 “Ákoan a ngén a belé mot mbɔ́ɔ́,
ndzindziŋŋ mwán weñ;
éde a ngá súgan bɔ́ lóm mwán te,
eé dzó ná,
‘É mwán wɔm éñe bá ye vé ngaŋŋ.’
7 Ve bebeñ mefúp béte bá bé ngá dzó ébyen ya ébyen ná,
‘É mot aa ye lígi ya afúp éñe ñí.
Nzaán bí ywíñŋán ñí,
bía bébyen bí lígi ya afúp.’
8 Éde bé ngá biñ ñí,
bé ywíñ ñí,
bé wea ñí áfúp átán.”
9 “Nzá dzam myenn áfúp aa ye bɔ?
Aa ye sɔ́,
a ywíñ bebeñ mefúp béte a kee bot befé afúp.”
10 “Ye atwaa ntsili wí wáa mínăá bé láŋ?
Ná,
‘Ákwá belóŋ bé ngá tep
édɔ é nzu yaá á bɔ ákwá dá daŋ ya eban,’
11 Ntí,
éñe a bɔ yaá dzam te,
é ne fe eyágán dzam é mís mea.’ ”
12 Éde bé ngá dzéŋ ná bé biñ ñí,
amú bé ngá wórán ná ébɔ́ nganán dá kɔ́bɔ ya bɔ́.
Ve bé ngá kɔ nkuna bot wɔŋŋ.
Ané bé ngá lík ñí bé kéñ.
Adzó mfóŋsí
13 Éde bé ngá lóm Yesus bot benziŋ béye nsámá befariseo ya é bá béye nsámá beerodiano á mfá ye ná bé biñ ñí ya efíá enziŋ.
14 Éde éyɔŋ bé ngá sian,
bé ngá dzó Yesus ná,
“Á Nyágale,
bía yem ná o ne bébélá mot ya fe ná wăá ke ki ya mot enziŋ ngamm;
amú ná wa ñɔŋ mot áse ntéññ mbɔ́ɔ́,
ve wa lére bot é nzenn Nzamá ya bébélá.
Édɔ ná,
ye atsiŋŋ dá yébe ná bí yáán,
ngé ki ná bí táa yáán mfóŋsí Sesar?”
15 Ve Yesus,
eé ñú táŋ ébe méduk meba,
a ngá dzó bɔ́ ná,
“Amú dzé mína kyak ma?
Nzaán ya ma denario mbɔ́ɔ́,
ná me yén ñí.”
16 Ané bé ngá sɔ́ ñí ya ñí.
Éde a ngá síli bɔ́ ná,
“Nzá a ne ya ású dí ya fe ntsili wí?”
Ané bé ngá yalan ná,
“Sesar!”
17 Éde Yesus a ngá dzó bɔ́ ná,
“Váán Sesar é dzóm é ne édí Sesar,
Nzamá ñí a é dzóm é ne édí Nzamá.”
Éde bé ngá voŋbe ya éyalann deñ.
Adzó nwómán miwúán
18 Besaduseo benziŋ,
ébá bá dzó ná nwómán miwúán ó sés,
bé ngá nzu koan ya Yesus,
éde bé ngá vé ñí nsílí,
béé dzó ná,
Markos 12.18-44
19 “Á Nyágale,
Moisés aá tsili bía ná ngé mot enziŋ mwanñaŋ aa wú,
a lík miningá,
ve éñe kaa álík mwán,
mwanñaŋ á ñɔŋŋe miningá te,
a fwiñ mwanñaŋ mvɔŋ bot.
20 Édɔ ná bɔbéñaŋ zaŋgbéá bé mbé;
éñí ósú aá lúk miningá,
aa wú kaa álík mvɔŋ.
21 Éñí beáñ ñí a lúk miningá te,
ñí aa wú fe kaa álík mvɔŋ;
amvála te fe éñí léa;
22 amvála te édɔ bɔbéñaŋ zaŋgbéá béte bé ngá mana wú,
ébɔ́ kaa álík mvɔŋ.
Ó mvús véa,
miningá ñí aa wú fe.
23 Édɔ ná é tám nwómán miwúán,
éyɔŋ bot bá ye wómo,
miningá aa ye bɔ éñí nzá ye ébe bɔ́?
Amú ná bɔbéñaŋ zaŋgbéá béte bá mana ñí lúk.”
24 Yesus a ngá yalan ya bɔ́ ná,
“Nde se ya akéá te édɔ mína vus ya dɔ,
ná,
mínăá wók Mitsili,
mínăá yem ki é nguu Nzamá?
25 Amú ná éyɔŋ bot bá ye wómo míwúán băá ye lúk,
băá ye ki kee biningá mélúk,
fáve ná bésesé bá ye bɔ amvála ané baángel béye á dzóp.
26 Ve mfá dzam ye ná miwúán myá ye wómo,
ye mínăá bé láŋ ábá Moisés,
é vóm a kɔ́bɔ adzó mwann elé,
amvála ané Nzamá a ngá kɔ́bɔ ya Moisés,
eé dzó ná,
‘Ma me ne é Nzamá Abraam,
ya é Nzamá Isaak,
ya é Nzamá Jakob?’
27 Éñe,
a sés Nzamá bewú,
fáve éñí betétéá;
míní ne évuzá été abwiññ.”
É mvéná dá daŋ ya eban
28 Mot mbɔ́ɔ́ ye á beyágale métsiŋŋ,
a ngá yit bebeñ,
éñí a ngá wók ané bá kéá dɔ.
Niané a ngá yén ná Yesus á yem yalan,
éde a ngá síli ñí ná,
“Mvéná fé dá daŋ ya eban á mémvéná mése?”
29 Ané Yesus a ngá yalan ya ñí ná,
“É mvéná dá daŋ ya eban é ne ná,
‘Béágé,
á Israel:
Ntí é Nzamá wea,
éñe a ne Ntí Etámm;
30 éde,
wa ye dziŋ Ntí,
Nzamá we,
ya nlém we óse,
ya éniŋ dzwe áse,
ya ósímánn we óse,
ya é nguu dwe ése.’
31 Éñí beáñ éde ñí,
‘dziŋŋe é mot mbɔ́ɔ́ ané wa dziŋ wámyen.’
Mvéná fé dé sés nnén álot émá.”
32 Éde nyágale metsiŋŋ te a ngá dzó ñí ná,
“Mvéáñ,
á Nyágale;
wa dzó bébélá ná,
‘éñe etámm a ne mbɔ́ɔ́,
ya fe ná mfé a sés fáve éñe’;
33 ya ná ‘ádziŋ ñí ya nlém óse ya ósímánn óse ya nguu ése,
ya ádziŋ é mot mbɔ́ɔ́ ané wa dziŋ wámyen,’
dá lot bívévé bíse bá dzígi ya fe metúnŋa mése.”
34 Yesus eé yén ná a yem yaá yalan,
ané a ngá dzó ñí ná,
“We sés édzwée ngɔ́mán Nzamá oyaáp.”
Éde nia édí te,
mot enziŋ ĕé ngá nzomo fe ná aa bera ñí vé misílí.
Adzó é mwán David
35 Éyɔŋ a ngá yágale á templo,
éde Yesus eé ñɔŋ efíá a ngá dzó ná,
“Amú dzé beyágale métsiŋŋ bá dzó ná Kristo a ne é mwán David?
36 David émyen a ngá dzó á Mfúfúp Nsísim été ná,
‘Ntí a ngá dzó Ntí wɔm ná,
Tɔbɔgé ósí á mfá méyóm wɔm,
akekwíñ ané ma ye bwíi bésíŋ bwe
mebɔ mwe ásí.’
37 David émyen aa lwée ñí ná Ntí;
amvála avé fe a ne é mwán weñ?”
Ané nkuna bot ó ngá wók ñí ya mesán.
Nkée ya beyágale métsiŋŋ
38 Éde a ngá dzó bɔ́ áyágalé deñ été ná,
“Tɔbɔgán nkée ya beyágale métsiŋŋ,
ébe bá dziŋ bá wulu ya bilíŋŋá,
bá dziŋ fe mibóló mí ngaŋŋ á bora míseŋ mí mákít.
39 Bá dziŋ bá tɔbɔ bítɔɔ́ ósúá bíye besinagoga ya fe átɔbɔ mefóo mé ngaŋŋ á méfét bidzí.
40 Bá dzí mikús mí biningá byém méndá,
béé swala dɔ ya mitéŋŋ meyaglán á mfá ye ná bot bé bɔ́ yén.
Bot béte bá ye ñɔŋ méku má daŋ.”
Nkús miningá wá vé bivévé
41 Yesus a ngá ke tɔbɔ ósí é vóm bé ngá vé bivévé áyát,
á ŋga dága ané bot bá wea é moann weba á báŋ été.
Abwiññ mikúkúmm mí ngá wea bora metáŋ.
42 Éde ntétéññ nkús miningá wá ó ngá sɔ́,
ané ó ngá wea bwann misaŋ mí moann mí ngoós mí beáñ,
émí mí ngá daŋ kaa eban.
43 Éde Yesus a ngá lwée béyága beñ,
a dzó bɔ́ ná,