“Á Nyágale,

dággé nzá bora mekwá nzá bora melóŋ má!”

2 Éde Yesus a ngá dzó ñí ná,

“Ye o téa é bora melóŋ má?

Akwá dăá ye lígi é bóo ákwá avɔ́ɔ́ áyóp ná băá ye dɔ wea ásí.”

3 Yesus a tɔɔ́ ósí á nkoó Álíba,

asú ya asú templo;

éde Pedro,

Jakobo,

Juan,

ya Andrés bé ngá síli ñí évwíñ ná,

4 “Dzóge bía dzam te dá ye bɔban tám fé,

nzá ndem ki dá ye yéne éyɔŋ mam méte mé nkún dzálában?”

5 Ané Yesus a ngá tára ná aa dzó bɔ́ ná,

“Dággán,

mot enziŋ a táa mína duk.

6 Abwiññ bot dá ye sɔ́ ya éyola dam,

béé dzó ná,

‘Ma me ne éñe!’

Bé ŋga duk abwiññ bot.”

7 “Éyɔŋ mína ye wók melúmán ya meñíŋ melúmán,

míní táa sigan.

Dá yian ná mam méte mése mé bɔban.

Ve,

asúgánn dăá bé ó véa.

8 Amú ná ayɔŋ dá ye ke áyɔŋ avɔ́ɔ́ á ngamm áyát,

édzwée dá é kéñ édzwée evɔ́ɔ́ á ngamm áyát;

mifógán mí sí myá ye bɔban ébe mevóm ya mevóm,

nzeñ da ye bɔ.

Dzam te é ne fáve átáraga mitéñ mí mye.”

9 “Ve mína,

tɔbɔgán ya akéŋŋ;

amú ná bá ye mína kee bíkóánn bá kík medzó,

bé ŋga yít mína bésinagoga été.

Mína ye tébe ébe ású bengɔ́vina ya bekéza,

ákála dam,

á mfá ye ná míní vé bɔ́ ngañiá.

10 Ve ósúá,

bá yian tára mana kat mbamba fwéñ ébe meyɔŋ mése.

11 É tám bá ye mína biñ,

béé kee fe mína,

míní táa tára kele milém ó yóp amú é dzam mína ye ke dzó,

fáve ná,

kɔ́bɔgán é dzam dá ye mína vébán áwola te;

amú ná se mína bébyen mína ye ke kɔ́bɔ,

ve Mfúfúp Nsísim.

12 Mwanñaŋ aa ye kuan é mwanñaŋ mbɔ́ɔ́ ná bé ywíñ ñí,

éséá ñí é mwán weñ;

bwán bá ye ke beéséá á ngamm áyát,

bé ŋga bɔ ná bé ywíñ bɔ́.

13 Bot bése bá ye mína víni ya akála éyola dam,

ve é mot aa ye nzomo akekwíñ asúgánn aa ye koroban.”

14 “Ve éyɔŋ mína ye yén é dzam Nzamá aa víni,

édí dá sɔ́ ya ntsamann,

ná é ntɔɔ́ yaá é vóm dăá yian tɔbɔ,

véa,

é bot bá ye bɔ á Judea bé túpge mibíí míkoó.

É mot aa láŋ,

a wókge!

15 É mot aa ye bɔ á ndzií áyóp,

a táa fáŋ sigi ásí ngé áñíi á ndá dzeñ ná aa twáa dzóm enziŋ.

16 Éñí aa ye bɔ áfúp,

a táa búlán ó mvús ná aa nzu twáa ékót deñ.

17 Ve,

ngwáa ya é biningá bá ye bɔ mebum,

ya ébá bá ye ñéa bwann melú méte!

18 Yaglánán ná dzam te é táa bɔban mbéa metám mé mveŋ ya avép.

19 Amú ná melú méte midzuúk myá ye bɔ,

ámvála dăá bé tára bɔban atéé ye éyɔŋ Nzamá a ngá vele eniŋ anzukwíñ áwola dí,

dăá ye ki bera bɔban eyɔŋ enziŋ.

20 Éde ngé é bɔ ná Ntí á bɔ kaa ákík melú méte,

ngé mot enziŋ ăá ye niŋ;

ve,

ya akála mítɔ́pbán mí bot Ntí a ngá tɔ́p,

édɔ a ngá kík ya dɔ melú méte.”

21 “Édɔ ná,

ngé mot enziŋ a dzó mína ná,

‘Dággán,

Kristo éñe ñí’,

ngé ki ná ‘A ne ólwí’,

míní táa ñí yébe.

22 Amú ná bekristo béye meduk ya bekúlu medzó béye meduk bá ye sɔ́,

bé ŋga lére mendem ya biyágán bí mam mfá áduk bot,

atwaa ébá bé ne mitɔ́pbán ngé dá é ne ki bɔban.

23 Ve mína,

tɔbɔgán nkée!

Yénŋán ná me tára yaá mína dɔ dzó kaa ná é bɔban.”

24 “Ve melú méte,

niané tám midzuúk te da ye mana,

nlódzóp wá ye bɔ dzíbi,

ngomdan da dăá ye ki vé éyéá deñ,

25 atéteñ dá ye ke dá kóbo á dzóp,

ménguu mé ne á dzóp été bá ye mɔ suk.

26 Véa éñe bá ye yén é Mwán Mot eé nzu á míkút été ya mora nguu ya dúmá.

27 Éde aa ye lóm baángel,

a kóán fe mítɔ́pbán mí bot myeñ ébe mifá mí sí mí nii,

atéé ye é vóm sí da súgu akekwíñ é vóm dzóp dá súgu.”

28 “Biñŋán ayágalé é nganán elé igera:

Éyɔŋ ntem weñ ó ntɔɔ́ numm,

ó ŋga kúlu mfefeñ mekyéññ,

mína yem ná esep é ntɔɔ́ bebeñ.

29 Amvála te fe mína,

éyɔŋ mína ye yén ná mam méte mé ŋga bɔban yaá,

yemŋán ná é Mwán Mot a ntɔɔ́ bebeñ á mbéñ.

30 Ma dzó mína bébélá ná myee bot te wăá ye lot,

kaa ná mam méte mése má bɔban.

31 Dzóp ya sí byá ye lot,

ve bífíá byam byăá ye lot eyɔŋ enziŋ.”

32 “Ve mos te,

ngé ki áwola te,

mot enziŋ ăá yem,

atwaa é baángel á dzóp été,

ngé ki Mwán,

ve fáve Éséá.”

33 “Tɔbɔgán nkée,

míní mɔ́mɔ,

[míní yaglánán fe];

amú ná mínăá yem é tám dá ye bɔban.

34 É ne amvála ané mot enziŋ a ngá ke ékena,

é tám a ngá tée é ndá dzeñ,

a ngá vé áloá deñ edzwée,

kada mot ébe éséññ deñ,

ané a ngá mánan é mot aa kálá mbéñ ná á tɔbɔ evéveññ.

35 Éde fe ná tɔbɔgán evévéñ,

amú ná mínăá yem é tám myenn ndá aa ye sɔ́,

ngé ngɔgáse,

ngé ki énzénzaŋ alú,

ngé ki álɔ́ŋ nnóm kúp,

ngé ki bíléne bí kírí;

36 a nza sɔ́ ásítemtem,

á ŋga koan míní tɔɔ́ óyó.

37 Éde é dzam ma dzó mína,

ma dzó fe dɔ mot áse ná,

Mɔ́mɔŋán!”