Bá dzéŋ ná bé ywíñ Yesus
14
Ákoan é ŋga dzéŋ yaá melú mé beáñ á mfá ye ná Paskua eé bɔ,
ya é fét bá dzí mífémm mí ne kaa levadura.
Éde betébosú befára ya beyágale métsiŋŋ bé ngá dzéŋ ámvála bé ne biñ Yesus ya meduk,
bé ywíñ ñí.
Markos 14.1-16
“Se tám fét,
amú ná ebírán é nza bɔ á bot été.”
Miningá aa wáa Yesus mbwánn á Betania
3 Yesus a tɔɔ́ ó téble,
á Betania,
é ndá Simón,
éñí bé ngá lwée fe ná nzénzamm á Betania,
éde miningá enziŋ a ngá sian a belé afoná mbwánn enum ó mbé mora táŋ.
Éde a ngá bwíñ afoná te á ŋga swii Yesus mbwánn te á nló.
4 Ve bot benziŋ bé ŋga wók dɔ abé mílém,
bé ŋga dzó fe bébyen ya bébyen ná,
“Amú dzé bá ywíñ mbwánn enum wí ntuk ámvála dí?
5 Amú ná bá tɔɔ́ kuan mbwánn enum wí táŋ bedenario mitet mí léa,
moann te bé vé ñí mitétéññ.”
Éde bé ngá bíra yéá ya miningá te.
6 Ve Yesus a ngá dzó bɔ́ ná,
“Líkgán ñí,
amú dzé mína bɔ ñí sɔ́m?
A bɔ yaá ma mbamba dzam.
7 Amú ná mína ye belé mitétéññ eyɔŋ ése énzénzaŋ denan été,
éde éyɔŋ mína kómo,
míní ne bɔ́ ábɔ mbeŋ,
ve ma mínăá ye ma belé eyɔŋ ése.
8 A bɔ yaá é dzam aá tɔɔ́ bɔ,
a tára yaá ma wáa é ñúu dam mbwánn kaa ná é tám ndzepbann ó sɔŋ wɔm eé kwíñ.
9 Éde ma dzó mína bébélá ná,
é vóm áse bá ye kat é mbamba fwéñ ñí éniŋ ngúrá,
bá ye fe kɔ́bɔ é dzam é miningá ñí a mvá bɔ,
ná bá síman ñí.”
Judas aa dzéŋ é tám a ne kuan Yesus
10 Judas Iskariote,
éñí á mbé mot mbɔ́ɔ́ ye béyága awóm ya bé beáñ,
a ngá ke ébe betébosú befára ná aa ke bɔ́ kee Yesus.
11 Niané bé ngá wók dɔ,
éde bé ngá sán,
bé kyaa fe ná bá ye ñí kee moann.
Éde ñí á ŋga dzéŋ fe é tám e ne mvéáñ á mfá ye ná a kee bɔ́ ñí.
Bá koman Paskua
12 É mos ósúá ye é fét mífémm mí ne kaa levadura,
é tám bé ngá bɔ béé vé metúnŋa mwann ntómá ye ó Paskua,
ané béyága beñ bé ngá síli ñí ná,
“Vóm mbé wa kómo ná bí ke bɔ nkomann á mfá ye ná o dzí Paskua?”
13 Éde a ngá lóm beyága bé beáñ béye béyága beñ,
á dzó bɔ́ ná,
“Keŋán á kísoan,
mína ye koan ya mot enziŋ ó wéñ eé ke a baga ndák mendzímm;
beegán ñí,
14 éde é vóm mot te aa ñíi,
dzógán myenn ndá ná,
‘Nyágale aa síli ná,
“É vóm me ne nzu dzí Paskua bíabe béyága bam ó ne vé ó vá?” ’
15 Aa ye mína lére abéá enziŋ á ndá áyóp,
é tɔɔ́ nnén,
é belé fe byém bíse.
Komŋán vóm te.”
16 Éde fá beyága bé ngá tée,
bé sian á kísoan,
bé koan fe ya ásesé ámvála Yesus a ngá dzó bɔ́,
éde bé ngá koman bidzí bíye á Paskua.
17 Niané ŋgɔgɔ́ e ngá kwíñ,
éde Yesus a ngá sɔ́ bábe beyága awóm ya bé beáñ.
Markos 14.17-31
“Ma dzó mína bébélá ná mot mbɔ́ɔ́ ye ébe mína aa ye ma kuan;
éñí bía ñí bía dzí.”
19 Éde bé ngá tára ná bá ywian,
bé ŋga síli fe ñí mbɔ́ɔ́ ya mbɔ́ɔ́ ná,
“Ye a ne ma?”
20 Ané a ngá dzó bɔ́ ná,
“A ne mot mbɔ́ɔ́ ye béyága awóm ya bé beáñ,
éñí aa du mfémm efela bía ñí.
21 Amú ná é Mwán Mot aa ye wú amvála ané é ne ntsilann mfá weñ;
ve ngwáa ya é mot aa ye kuan é Mwán Mot!
É mbé mot te mvéáñ ná a bɔ kaa ábyálá.”
22 Éyɔŋ bé ngá dzí,
ané Yesus a ngá ñɔŋ mfémm,
niané a ngá vé abwará ya wɔ́,
éde a ngá bák wɔ́,
a kee wɔ́ beyága,
a dzó fe ná,
“Ñɔŋŋán,
é ñúu dam édɔ ñí.”
23 Éde a ngá ñɔŋ kɔ́p,
niané a ngá mana vé akíba,
ané a ngá kee bɔ́ dɔ,
bésesé bá bé ñú fe dɔ.
24 Éde a ngá dzó bɔ́ ná,
“Mékií mam émɔ má,
émá méye [mfefeñ] élat,
émɔ má swiiban ákála abwiññ bot.
25 Ma dzó mína bébélá ná,
măá ye fe bera ñú ebumá ye á ndzík vino akekwíñ é mos ma ye dɔ bera ñú mfefeñ édzwée ngɔ́mán Nzamá.”
Yesus aa dzó Pedro ná aa ye ñí kat
“Mína bésesé mína ye ma lama,
amú ná é ne ntsilann ná,
‘Ma ye baa nkálá mitómá,
mitómá myá,
myá ye myaman.’
28 Ve niané ma ye wómo,
ma ye mína ke ósú á Galilea.”
29 Éde Pedro a ngá dzó ñí ná,
Atwaa bésesé bá mana wa lama,
ve ma,
măá ye dɔ bɔ.
30 Éde Yesus a ngá dzó ñí ná,
“Bébélá ma dzó wa ná,
wa,
émuú,
álú dí ébyen,
kaa ná nnóm kúp á lɔ́ŋ táŋ biyɔŋ bí beáñ,
wa ye ma kat táŋ biyɔŋ bí léa.”
31 Ve Pedro ñí á ŋga yémle eé dzó ná,
“Atwaa ma ke wú bía wa,
măá ye wa kat.”
Béyága bése bevɔ́ɔ́ bá bé ŋga dzó fe dzam te avɔ́ɔ́ ya avɔ́ɔ́.
Yesus a ne á Getsemaní
32 Ané bé ngá sian vóm enziŋ éwí bá lwée ná Getsemaní.
Éde a ngá dzó béyága beñ ná,
“Tɔbɔgán ósí ó vá akekwíñ ané ma mana yaglan.”
Markos 14.32-52
33 Ané a ngá ke bá Pedro,
ya Jakobo,
ya Juan,
a ngá tára ná a wók ededea nlém mitéñ ya áywian abwiññ.
34 Éde a ngá dzó bɔ́ ná,
“Nsísim wɔm wá bíra wórán eywiññ áwú.
Líggán ó vá míní tɔbɔ fe evéveññ.”
35 Ané a ngá yit ósú avítsaŋ,
a ku ósí,
á ŋga yaglan ná ngé é ne bɔban ná áwola te é táa sian ébe éñe.
36 Éde a ngá dzó ná,
“Ábba,
Á Tará,
mam mése mé ne bɔban mfá we.
Veagé ma é kɔ́p ñí,
ve a táa bɔ é dzam ma ma kómo,
fáve édí wa wa kómo.”
37 Éde a ngá sɔ́,
á koan ya bɔ́ bé tɔɔ́ óyó,
éde a ngá dzó Pedro ná,
“Á Simón,
ye wa ke óyó?
Ye ná o sés tɔbɔ evéveññ atwaa táŋ áwola avɔ́ɔ́?
38 Tɔbɔgán evéveññ míní yaglánán fe á mfá ye ná míní nza ñíi mébóblé été.
Bébélá,
nsísim ó belé nkómánn,
ve mison mí ne ateák.”
39 Éde a ngá bera ke yaglan éyɔŋ efé,
eé kɔ́bɔ bifíá bivɔ́ɔ́ ya bivɔ́ɔ́.
40 Éde a ngá bera sɔ́ éyɔŋ efé,
á koan ya bɔ́ bé tɔɔ́ óyó,
amú ná é mís meba mé mbé ndzálánn ya óyó,
éde kaa fe áyem é dzam bé ne yalan ya ñí.
41 Éde a ngá bera sɔ́ éyɔŋ léa,
a síli bɔ́ ná,
“Ye ná míní ngén míní bóo óyó ya awaabé?
Abímm te;
áwola é kwíñ yaá.
Dággán é Mwán Mot a ne nkeán é mó bebɔ misémm.
42 Tébegán,
bí keŋán,
dággán é mot aa kuan ma a ntɔɔ́ bebeñ.”
Bá biñ Yesus
43 Tám te á koan ná Yesus a ngén a kɔ́bɔ,
ané Judas,
nyága mbɔ́ɔ́ ye béyága awóm ya bé beáñ,
a ngá sian bábe nkuna bot,
bé belé mibéŋŋ mílé ya nzwaakeŋ,
béé sɔ́ ébe betébosú befára,
beyágale métsiŋŋ,
ya mikúkúmá.
44 É mot a ngá kuan ñí a ngá vé bɔ́ ndem,
eé dzó ná,
“É mot ma ye ñáŋ ámáŋŋ,
mot te éñe ñí;
biñŋán ñí,
míní kéñ ya ñí,
míní túga ñí kálá.”
45 Éde niané Judas a ngá sian,
etéññ te ébyen a ngá yit Yesus bebeñ,
a dzó ñí ná,
“Á Rabí!”
47 Ve mot mbɔ́ɔ́ ye é bot bé mbé ó véa,
a ngá vea nzwaokeŋ,
á baa oloá ntébosú befára,
a kík ñí alɔ́.
48 Éde Yesus a ngá dzó bɔ́ ná,
“Ye mína nzu ma biñ ya milɔ́ŋŋ ya nzwaakeŋ,
amvála ané ngé bá biñ nzeé midzɔ́ŋŋ?
49 Me mvá bɔ meé tɔbɔ á templo kada mos bíabe mína,
meé yágale,
mína kaa ma ábiñ.
Ve dzam te é bɔban yaá á mfá ye ná Mitsili mí dzálában.”
50 Éde beyága bése bé ngá mana túp,
bé lík Yesus etámm.
51 Ndómán enziŋ e ngá bee ñí,
e baga mbya etóp;
ané bé ngá biñ ñí;
52 ve a ngá lík etóp te,
a túp swéswéññ.
Yesus a ne ékóánn bédzwée
53 Éde bé ngá ke ya Yesus ébe ntébosú befára nnén;
ané betébosú befára bése bé ngá mana kóán ya mikúkúmá ya fe beyágale métsiŋŋ.
Markos 14.53-72
54 Pedro a ngá nzu aa bee ñí oyaáp akekwíñ á yát ntébosú befára nnén été;
éde a ngá tɔbɔ ósí bábe mewasíli,
bé ŋga wók ndúán.
55 Éde betébosú befára ya ekóánn ése bé ngá dzéŋ ngañiá á mfá ye ná bé ywíñ Yesus,
ve bá kaa ákoan ya ñí.
56 Amú ná abwiññ é ngá vé ñí é ngañiá a ne mineá,
ve béngañiá beba bĕé ngá vakgan.
57 Éde bevɔ́ɔ́ benziŋ bé ngá tébe,
bé ŋga vé ñí é ngañiá a ne mineá,
béé dzó ná,
58 “Bía bí ngá wók ñí,
eé dzó ná,
‘Ma ye tsam é templo e ne nlóŋán ya mó ñí,
ma ye bera lóŋ fe,
éñí e sés nlóŋán ya mó,
táŋ melú mé léa.’ ”
59 Ve,
atwaa ya dzam te,
é ngañiá weba ĕé ngá vakgan ki.
60 Éde ntébosú befára nnén a ngá tébe énzénzaŋ été,
éde a ngá síli Yesus ná,
“Ye ná,
wăá yalan dzam enziŋ?
Nzá dzam é bot bá,
bá bwaale wa ya dɔ dí?”
61 Ve Yesus ñí a ngá sis evóó,
éñe kaa áyalan dzam enziŋ.
Éde ntébosú befára nnén a ngá bera ñí síli ná,
“Ye wa o ne Kristo é Mwán Nzamá a ne ya olugú?”
62 Éde Yesus a ngá yalan ná,
“Ma me ne ñí;
éde ná ‘mína ye yén é Mwán Mot a tɔɔ́ á mfá méyóm éñí a ne Nguu,
eé sɔ́ ya mikút míye á dzóp.’ ”
63 Éde ntébosú befára nnén a ngá ñap bítóp byeñ,
a dzóo ná,
“Nzá dzam fe bía bera yi ya dɔ,
ya bengañiá befé?
64 Míní wók yaá nkɔ́bɔ abyann weñ.
Mína yén á yá?”
Éde bésesé bé ngá vé ñí meku,
béé dzó ná aa yian fáve wú.
65 Ané bevɔ́ɔ́ benziŋ béye été bé ngá tára ná bá túp ñí menden,
ya ádzip ñí mís ya ábími ñí bikúrá,
bé ŋga dzó fe ñí ná,
“Túpge!
Nzá á bími wa?”
Éde mewasíli má mé ngá ñɔŋ ñí ya mebéáñ memáŋŋ.
Pedro aa kat Yesus
66 Pedro ñí a tɔɔ́ á yát été,
ané mbɔ biséññ miningá mbɔ́ɔ́ ye ébá ntébosú befára nnén a ngá sɔ́.
67 Niané a ngá yén Pedro eé wók ndúán,
á dága ñí,
éde a ngá dzó ñí ná,
“Wa wa tɔɔ́ fe mínabe Yesus mot ye á Nasaret.”
68 Ve Pedro ñí a ngá kat dɔ,
eé dzó ná,
“Măá yem ñí,
măá yem ki é dzam wa dzó.”
Éde a ngá ke tébe áñíi mbéñ.
Ané nnóm kúp a ngá lɔ́ŋ.
69 Niané mbɔ biséññ miningá te a ngá yén ñí,
á ŋga bera tára ná aa dzó dɔ é bot bé mbé ó véa,
ná,
“É mot ñí a ne mot mbɔ́ɔ́ ye été.”
70 Ve Pedro ñí a ngá kat dɔ éyɔŋ efé.
Niané oyomm tám ó ngá lot,
éde é bot bé mbé ó véa bé ngá bera dzó Pedro ná,
“É ne bébélá ná o ne mot mbɔ́ɔ́ ye été,
amú ná wa o ne fe mot ye á Galilea.”
71 Ve Pedro,
a ngá tára ná aa boŋ émyen ya ákan fe sɔŋ,
ná,
“Măá yem mot te,
éñí mína dzó ya ñí!”
72 Etéññ te ébyen,
éde nnóm kúp a ngá lɔ́ŋ éyɔŋ beáñ.
Ané Pedro a ngá síman é dzam Yesus a ngá dzó ñí,
ná,
‘Kaa ná nnóm kúp á lɔ́ŋ bíyɔŋ bí beáñ,
wa ye ma kat bíyɔŋ bí léa.’
Eé síman dzam te,
á ŋga yi.