Yesus a ne ébe ású Pilato
15
Ededea ekúná kíkírí,
betébosú befára bé ngá koman ekóánn etéññ te ébyen bábe mikúkúmá ya beyágale métsiŋŋ,
ya fe ekóánn bedzwée ése;
éde bé ngá ká Yesus,
bé kéñ ya ñí,
éde bé ngá kee ñí Pilato.
Markos 15.1-32
“Ye wa o ne é kéza bejudio?”
Éde Yesus a ngá yalan ya ñí ná,
“Wa wa dzó dɔ.”
“Ye ná wăá yalan dzam enziŋ?
Dággé ábímm mam bá sɔ́mán wa ya mɔ dí.”
5 Ve Yesus ñí eé ndzí bera yalan dzam afé;
amvála te Pilato a ngá voŋbe.
Bá kík nsaŋ ná Yesus aa yian wú
6 É tɔɔ́ ná kada fét Paskua,
bé ngá bɔ béé kúlu bɔ́ mbok mbɔ́ɔ́,
é wí ébyen bé ngá bɔ béé dzaa.
7 Édɔ ná mot enziŋ,
béé lwée ñí ná Barrabás,
a mbé a fet á mbok ya bembéa bé bot befé,
ébá bé ngá ywíñ mot éyɔŋ bé ngá bɔ ná bot bé byana edzwée.
8 Ané nkuna bot ó ngá sɔ́,
ó ŋga tára ná wá dzaa ná bé bɔ bɔ́ amvála ané a ngá bɔ eé bɔ.
9 Éde Pilato a ngá síli bɔ́ ná,
“Ye mína kómo ná me dzáma mína é Kéza bejudio?”
10 Amú a ngá yem ná betébosú befára bé sɔ́ ñí kee Yesus akála evínn.
11 Ve betébosú befára bá bé ngá mana fuk nkuna bot á mfá ye ná bé dzaa Pilato ná a kúlu Barrabás éyian Yesus.
12 Ané Pilato a ngá bera ñɔŋ efíá,
éde á ŋga síli bɔ́ ná,
“Nzá dzam mína kómo ná me bɔ ya éñí mína lwée ná,
‘É Kéza bejudio?’ ”
13 Éde bá bé ngá yalan,
béé yónán ná,
“Á ke ya ñí á krús!”
14 Ané Pilato a ngá síli bɔ́ ná,
“Amú dzé?
Nzá mbéa dzam á bɔ?”
Ané bé ngá bera daŋ yónyónan ná,
“Á ke ya ñí á krús!”
15 Pilato,
ñí eé kómo ná milém mí tɔbɔ bɔ́ mvéáñ,
éde a ngá kúlu bɔ́ Barrabás;
véa,
niané a ngá mana bɔ ná bé yít Yesus,
ané a ngá kee bɔ́ ñí á mfá ye ná bé ywíñ ñí á krús.
16 Éde benzima bé ngá ke ya ñí á kpatéle,
dá yíli ná é yát ŋgɔ́vina,
éde bé ngá lwée nsámá benzima óse.
17 Éde bé ngá bwát ñí étóp kéza,
véa,
niané bé ngá mana tsiŋ korona kát biyɔɔ́,
bé bwát ñí dɔ á nló.
18 Bé ŋga tára ñí vé ŋgaŋŋ kpógo béé dzó ná,
“É Kéza bejudio ó yóp!”
19 Bé ngá bími fe ñí nló ya nlɔ́ŋŋ,
bé ŋga túp ñí menden,
ané bé ngá kut mebɔ́ŋŋ bé ŋga kaŋ ñí.
20 Niané bé ngá mana ñí kpógo,
éde bé ngá swala ñí etóp kéza,
bé bwát ñí bítóp byeñ,
éde bé ngá vea ñí mfá áke ya ñí á krús.
Bá kele Yesus á krús
21 Mot enziŋ a ngá lot ó véa,
eé sɔ́ á mfínn,
a tɔɔ́ éyola ná Simón ye á Sirene,
éséá Alejandro ya Rufo.
Éde bé ngá yémle ñí ná á baga é krús Yesus.
22 Ané bé ngá ke ya ñí é vóm bá lwée ná Gólgota,
dá yíli ná,
“Vóm ye Ékpékpéññ Nló.”
23 Bé ŋga vak ná bá ñú ñí vino a tɔɔ́ mfulán ya mirra,
ve ñí eé ndzí ñí ñú.
24 Niané bé ngá dɔ́mle ñí á krús,
éde bé ngá kaban bítóp byeñ,
béé kyak byɔ bemaa,
á mfá ye ná bé yem é dzóm kada mot aa ñɔŋ.
25 Éyɔŋ bé ngá dɔ́mle ñí á krús,
é mbé méwola ebuú ye kíkírí.
26 Ésɔ́mán deñ é mbé ntsilann ámvála dí,
“Kéza Bejudio.”
27 Bé ngá kele bɔ́ á krús ná,
éñe ya fe benzeé midzɔ́ŋŋ bé beáñ;
mbɔ́ɔ́ ó tɔɔ́ ñí mfá meyóm,
éwí mbɔ́ɔ́ wá ó tɔɔ́ ñí mfá meyéá.
28 [Ané Ntsili ó ngá dzálában,
é wí wá dzó ná,
‘Bé ngá láŋ ñí bábe betsam metsiŋŋ.’]
29 É bot bá bé ngá lot ó véa bé ngá tea ñí,
béé sigle miló,
béé dzó ná,
31 Amvála te fe,
betébosú befára bábe beyágale métsiŋŋ bá bé ŋga kpógo fe ñí,
béé dzó bébyen ya bébyen ná,
“A ngá koro bot befé,
ve a sés koro émyen.
32 É Kristo ñí,
Kéza ye Israel,
á siggé á krús áwola dí,
á mfá ye ná bí yén ya bwíni!”
É bot bá bé mbé fe bé kele á krús bábe bɔ́,
bá bé ŋga kɔ́bɔ fe ñí abé.
Awú Yesus
33 Éyɔŋ amyeré a ngá kwíñ,
dzíbi é ngá ku sí ngúrá akekwíñ méwola mé léa ye ngɔgáse.
Markos 15.33-47
34 Éde,
méwola mé léa,
Yesus a ngá yónán ya kíŋŋ oyaáp ó yóp,
eé dzó ná,
“Éloi,
Éloi,
lema sabaktani?”
Dá yíli ná,
“É Nzamá wɔm,
É Nzamá wɔm,
amú dzé o lama yaá ma?”
35 Bot benziŋ béye é bot bé mbé ó véa,
niané bé ngá wók dɔ,
bé ŋga dzó ná,
“Dággán,
aa lwée Elías.”
36 Éde mot mbɔ́ɔ́ a ngá ke mbíí,
a du efús etóp é vino a ne saŋŋ été,
a ká dɔ á ntéŋ elé,
á ŋga kee ñí dɔ ná á ñú,
eé dzó ná,
“Líkgán ñí,
bí ben yén ngé Elías aa ye ñí nzu sili ásí.”
37 Éde Yesus a ngá vé mora nyónn,
a sii mvebe.
38 Ané mfim étóp á templo ó ngá ñaba bifas bí beáñ,
atéé ye ó yóp ye akekwíñ ó sí.
39 Niané é kaba ye á Roma a mbé a téle ébe ású Yesus,
a ngá yén ámvála a ngá sii mvebe,
éde a ngá dzó ná,
“Bébélá,
é mot ñí a tɔɔ́ é Mwán Nzamá.”
40 Biningá benziŋ bá bé mbé fe ó véa,
béé dága bé téle oyaáp,
bé mbé ná,
María Magdalena,
María ñiá Jakobo éñí mɔ́ŋŋ bá José,
ya Salomé.
41 Biningá béte bé ngá bee Yesus,
ya belan ya ñí éyɔŋ a mbé á Galilea;
abwiññ biningá afé dá é mbé fe ó véa ná bé ngá sɔ́ á Yerusalen bábe Yesus.
Bá dzep Yesus
42 Niané ŋgɔgɔ́ é ngá kwíñ,
é tɔɔ́ ná ñí a mbé é mos bá koman,
é mos sóánn melú mé tán,
ákoan ná Sátará á ŋga nzu yaá ásum.
43 Éde José,
mot ye á Arimatea,
bora mot ye ékóánn bedzwée,
ñí a ngá yana fe édzwée ngɔ́mán Nzamá,
a ngá sɔ́;
éde ya aywá,
a ngá ñíi é vóm Pilato a mbé,
ané a ngá dzaa ñí mbim Yesus.
44 Pilato ñí á ŋga yágán fe ná Yesus a wú yaá,
éde a ngá lwée ndzwée benzima,
ané a ngá síli ñí ngé Yesus a wú yaá.
45 Éde niané a ngá yem dɔ ébe ndzwée benzima,
ané a ngá kee José mbim.
46 Éde José ñí a ngá kus mbamba etóp,
niané a ngá sili wɔ́ á krús,
a vígile wɔ́ á mbamba etóp te été,
a bwíi wɔ́ é sɔŋ e mbé mfáán ákwá été,
ané bé ngá bígle akwá á mbéñ sɔŋ.
47 María Magdalena bá María ñiá José bé ngá dága ná bé yem é vóm bá bwíi ñí.