Yesus bá Nikodemo
3
Mot enziŋ ye befariseo a mbé,
a tɔɔ́ éyola ná Nikodemo,
ntébosú á bejudio été.
2 Mot te a ngá nzu ébe éñe á alú,
ané a ngá dzó ñí ná,
“Á Rabí,
bía yem ná waá sɔ́ ébe Nzamá ané nyágale,
amú ná mot enziŋ a sés bɔ méndem wa bɔ má ngé Nzamá a sés ya ñí.”
Jesus habla con Nicodemo (Juan 3.1-21)
3 Éde Yesus a ngá yalan ya ñí ná,
“Bébélá ya bébélá ma dzó wa ná,
é mot a bɔ kaa bera ábyálá a sés yén édzwée ngɔ́mán Nzamá.”
4 Ané Nikodemo a ngá síli ñí ná:
É mot a ntɔɔ́ nnomm a ne byála á yá?
Ye ná a ne ñíi éyɔŋ beáñ ábum ñiá ná á byála?”
5 Éde Yesus a ngá yalan ya ñí ná,
“Bébélá ya bébélá ma dzó wa ná,
ngé mot ăá byála á mendzímm,
ya fe á Nsísim a sés ñíi édzwée ngɔ́mán Nzamá.
6 É dzóm é ne mbyálánn ye á ñúu mison,
é ne ñúu mison.
Édí dá é ne mbyálánn ye á Nsísim,
é ne nsísim.
7 O táa yágán ná me dzó yaá wa ná,
‘Mína yian bera ábyálá.’
8 Evúŋ dá ke é vóm dá kómo,
wa wa wók fe éduŋŋ deñ;
ve wăá yem é vóm dá sɔ́ ngé ki é vóm dá ke.
Éñe é mot áse a ne mbyálánn á Nsísim éñe a ne néa.
9 Ané Nikodemo ñí a ngá síli ñí ná,
“Mam méte mé ne bɔban á yá?”
10 Éde Yesus a ngá yalan ya ñí ná,
Wa o ne nyágale Ísrael été.
Ye ná wăá yem é mam má?
11 Bébélá ya bébélá ma dzó wa ná,
é dzam bía yem édɔ bía kɔ́bɔ,
édí dá bía yén,
édɔ fe bía vé ngañiá;
ve mína mínăá ñɔŋ é ngañiá wea.
12 Ngé me kɔ́bɔ yaá ya mína mam méye é sí ñí,
mína kaa ábwíni,
éñe mína ye bwíni á yá ngé ma kɔ́bɔ ya mína mam méye á dzóp?
13 Mot enziŋ ăá bé bét á dzóp été,
fáve éñí a ngá sigi á dzóp,
é Mwán Mot [éñí a tɔɔ́ á dzóp].
14 Éde,
amvála ané Moisés a ngá bére ñó óyóp éyáŋŋ été,
éñe fe dá yian néa,
ná é Mwán Mot ñí bé bére fe óyóp,
15 á mfá ye ná é mot áse aa bwíni ñí [á bɔ kaa dzímle,
fáve ná],
á belé éniŋ é ne mbéámbéá.
É mora edziŋŋ Nzamá
16 Amú ná ámvála Nzamá a ngá dziŋ bot béye é sí ñí,
néa éñe a ngá vé é Mwán mbɔ́ɔ́ ya mbɔ́ɔ́ weñ,
á mfá ye ná éñí áse aa bwíni ñí á bɔ kaa dzímle,
ve fáve ná,
á belé éniŋ é ne mbéámbéá.
17 Akála ná Nzamá eé ndzí lóm é Mwán weñ é sí ñí,
ná á nzu kík é sí ñí misaŋ,
ve fáve ná é sí ñí eé tɔbɔ nkoránn amú éñe.
18 É mot aa bwíni ñí băá kík ñí misaŋ;
ve éñí ăá bwíni bé kík yaá ñí misaŋ,
amú ná eé ndzí bwíni éyola é Mwán mbɔ́ɔ́ ya mbɔ́ɔ́ Nzamá.
19 Nkíkgán misaŋ éwɔ wí:
ná eyéá daá sɔ́ é sí ñí,
ve bot bá bé ngá lík eyéá,
bé ŋga dziŋ dzíbi;
amú ná míbɔann myeba mí mbé abé.
20 Akála ná éñí áse aa bɔ édí é ne abé,
aa víni eyéá,
ăá nzu ki éyéá été,
á mfá ye ná míbɔann myeñ mí nza ñí bwaale.
21 Ve éñí aa yébe bébélá aa nzu éyéá été,
á mfá ye ná míbɔann myeñ mí léreban ná aa bɔ myɔ á Nzamá été.
Juan aa vé Yesus ngañiá
22 Véa éñe Yesus a ngá sian bábe béyága beñ ábeŋŋ sí ye á Judea,
éde a ngá tɔbɔ bábe bɔ́ ó véa á ŋga du bot.
Juan testifica acerca de Jesús (Juan 3.22-36)
23 Juan ñí a ngá du fe bot Énón bebeñ á Salim,
amú ná abwiññ mendzímm é mbé ó véa;
ané bot bé ngá sɔ́,
béé duuban.
24 (Ákoan ná băá bé fet Juan á mbok).
25 Dzam te édɔ,
mikéá mí ngá kwíñ ébe béyága Juan ya mwann Judio,
á mfá édí ye á ntunán ñúu.
26 Éde bé ngá ke ébe Juan,
bé dzó ñí ná,
“Á Rabí,
é mot mína ñí míní mbé á Yordán áyát,
éñí o ngá vé ngañiá,
dággé ná mot te á ŋga du yaá,
bot bése bá bá ke fe ébe éñe.”
27 Ané Juan a ngá yalan ná,
“Mot enziŋ a sés ñɔŋ dzam enziŋ,
fáve ngé éñe bé vé ñí dɔ á dzóp été.
28 Mína bébyen mína vé ma ngañiá ná me ngá dzó ná,
“Se ma me ne Kristo,
ve fáve ná me mbé nlómánn ósú weñ.
29 Éñí a belé mbɔ́m,
éñe a ne é mot aa lúkgan.
Ve é mvwíññ é mot aa lúkgan te,
bá ñí bá bé téle,
eé béá ñí,
ñí á ŋga sán fe ya abwiññ mesán akála é kíŋŋ é mot aa lúkgan te.
Néa éñe mésán mam,
má mé dzálában yaá fe.
30 Da yian ná mot te éñe aa vém,
ve ma mé ŋga síbi.”
Nzamá a kee yaá Mwán mam mése
31 Éñí aa sɔ́ ó yóp,
éñe a ne bésesé áyóp;
éñí a ne éñí ye é sí ñí,
a ne éñí ye é sí ñí,
aa kɔ́bɔ fe mam méye é sí ñí.
Éñí aa sɔ́ á dzóp été,
a ne bésesé áyóp.
32 É dzam éñí te a yén yaá,
ya fe áwók,
édɔ aa vé ngañiá;
ve mot enziŋ ñí ăá ñɔŋ é ngañiá weñ.
33 É mot a ñɔŋ yaá é ngañiá weñ,
a vé yaá sitám ná,
Nzamá a ne bébélá.
34 Amú ná éñí Nzamá á ngá lóm aa kɔ́bɔ é mam Nzamá,
akála ná éñe fe aa vé Nsísim kaa miyeñ.