Yesus aa ñíi á Yerusalen
21
Éyɔŋ bé ngá kwíñ bebeñ á Yerusalen,
bé sian á Betfagé,
á nkoó Álíba,
ané Yesus a ngá lóm beyága bé beáñ,
2 a dzóo bɔ́ ná,
“Keŋán é mwann dzeá a ne mína ósú,
véa,
mína ye koan ya edzakás é tsini ya mwán;
tsiigán dɔ,
míní sɔ́ ya ma byɔ.
3 Éde ngé mot enziŋ a dzó mína dzam,
dzógán ná,
‘Ntí aa kómo byɔ;
aa ye byɔ búlán avóó.’ ”
4 Dzam te é ngá bɔban á mfá ye ná édí nkúlu medzó a ngá dzó é dzálában,
ná,
5 “Dzógán ngwan ye á Sión ná,
‘Dággé,
é Kéza we aa nzu ébe wa,
nsilibán ósí,
a tɔɔ́ édzakás áyóp,
ya á mwann edzakás,
é mwán edzakás.’ ”
6 Niané beyága bé ngá ke,
bé bɔ fe ámvála avɔ́ɔ́ ya avɔ́ɔ́ Yesus a ngá mánan bɔ́.
7 Ané bé ngá sɔ́ ya edzakás ya mwán;
bé teñ byɔ bítóp byeba áyóp,
éde Yesus a ngá daŋ áyóp.
8 Éde fe abwiññ bot é ngá teñ bítóp byeba á nzenn áyóp;
ébá bevɔ́ɔ́ bá bé ngá kík mítem bilé,
bé ŋga bwíi myɔ á nzenn áyóp.
9 Ané é bot bé ngá ke ñí ósú,
ya ébá bé ngá nzu á mvús,
bé ngá ke bá yón ná,
“Osana ya é Mwán David!
Abwará ya éñí a nzu ya éyola Ntí!
Osana oyaáp ó yóp!’
10 Éde éyɔŋ a ngá ñíi á Yerusalen,
nzɔgɔ é ngá bɔban á kísoan ngúrá,
béé síli ná,
“Éñí a ne nzá?”
11 Ané nkuna bot ó ngá yalan ná,
“Yesus nkúlu medzó ye á Nasaret Galilea éñe ñí.”
Yesus aa tsílán ya bebɔ okira á templo
12 Éde Yesus a ngá ñíi á templo,
ané a ngá tsílán é bot bése bé ngá kuan byém ya ákus á templo átán,
eé sɔ́gle bétéble betsén moann ósí ya bítɔɔ́ ébá bé ngá kuan abeŋŋ.
13 Éde a ngá dzó bɔ́ ná,
“É ne ntsilann ná,
‘É ndá dzam bá ye dɔ lwée ná ndá meyaglán,’
ve mína,
míní veŋan ya dɔ é ndá ákwá benzeé midzɔ́ŋŋ.”
14 Ané midzíndzímm,
ya mibóbók mí ngá nzu koan ya ñí á templo,
ané a ngá séñ myɔ.
15 Ve,
éyɔŋ betébosú befára ya beyágale métsiŋŋ bá bé ngá yén biyágán bí mam a ngá bɔ,
ya fe é bɔ́ŋŋ bé ngá yón á templo,
ná,
“Osana ya é Mwán David!”
Ané bé ngá wók abé.
16 Éde bé ngá síli ñí ná,
“Ye wa wók é dzam é bɔ́ŋŋ bá bá dzó?”
Ve Yesus ñí a ngá yalan ya bɔ́ ná,
“Ma wók;
ve,
ye ná mínăá bé láŋ?
Ná,
‘Ébe ménu bwán,
ya ébá bé ngén bá ñáŋ,
waá koman olugú.’
17 Éde,
a ngá lík bɔ́,
a kólo á kísoan,
a kéñ á Betania,
ané a ngá bómo ó wéñ.
Yesus aa boŋ elé Igera
18 Éyɔŋ Yesus a ngá búlán á kísoan kíkírí,
á ŋga wók nzeñ.
19 Niané a ngá yén elé Igera é téle ó féñ nzenn,
éde a ngá ke dɔ kwíñ ásí,
éñe kaa ákoan ya dzóm enziŋ été,
fáve mekyéññ.
Ané a ngá dzó dɔ ná,
“Ebumá é táa bera kwíñ ébe wa tám enziŋ!”
Éde elé Igera é ngá mana kót etéññ te ébyen.
20 Niané beyága bé ngá yén dzam te,
ané bé ngá ku mevoó,
béé dzó ná,
“É ne bɔ á yá ná elé Igera dá kót abímm avóó dí?”
21 Éde Yesus a ngá yalan ya bɔ́ ná,
“Bébélá ma dzó mína ná ngé míní belé mbwínánn kaa ki áyep á nlém,
mína ye bɔ se fáve édí é bɔ elé Igera,
fáve ná atwaa ngé mína dzó nkoó wí ná,
‘Kólogé ó vá,
o kéñ ku á máŋ été.’
Éñe dá ye bɔ néa.”
22 Éde édí áse mína dzaa ya meyaglán,
míníí bwíni,
mína ye dɔ ñɔŋ.
É nguu edzwée Yesus
23 Éyɔŋ a ngá ñíi á templo,
éde betébosú befára ya mikúkúmá míye áyɔŋ,
éde bé ngá nzu koan ya ñí éyɔŋ a ngá yágale bot,
ané bé ngá dzó ná,
“Edzwée evé wa bɔ ya dɔ é mam má?
Ngé ki ná nzá aá vé wa édzwée te?
24 Ve Yesus ñí a ngá yalan ya bɔ́ ná,
“Ma ma ye fe mína vé nsílí mbɔ́ɔ́;
dzam te ngé míní yalan ma ya dɔ,
véa,
ma ma ye fe mína kat ya edzwée evé ma bɔ ya dɔ é mam má.
25 É nduann Juan,
ó mbé éwí ye óvé?
Ye éwí ye á dzóp,
ngé ki éwí bot?”
Ané bé ngá ke bá léran benzósoó bébyen ya bébyen,
béé dzó ná,
“Ngé bí dzó ná éwí ye á dzóp;
aa ye bía dzó ná,
‘Amú dzé míníí ndzí ñí bwíni?’
26 Ve,
ngé bí dzó ki ná;
éwí bot’,
bía kɔ nkuna bot wɔŋŋ,
amú ná bot bése bá ñɔŋ ná Juan a ne nkúlu medzó.”
27 Éde bé ngá yalan ya Yesus ná,
“Bĭá yem.”
Ané ñí a ngá dzó fe bɔ́ ná,
“Ma măá ye ki mína kat ya edzwée evé ma bɔ ya dɔ é mam má.”
É nganán bɔ́ŋŋ bé beáñ
28 “Ve,
mína téa é dzam dí á yá?
Mot enziŋ a mbé a belé bwán bé beáñ,
éde a ngá ke kwíñ ébe éñí ósúá,
a dzóo ñí ná,
‘Á mwán,
kéŋ bɔ eséññ áfúp émuú.’
29 Éde a ngá yalan ná,
‘Măá kómo dɔ bɔ!’
Ve,
ñí a ngá súgan tsén osímánn,
a kéñ.
30 Ané a ngá ke kwíñ ébe é mwán mbɔ́ɔ́,
ñí aa dzó fe dzam avɔ́ɔ́ ya avɔ́ɔ́.
Éde a ngá yalan ya ñí ná,
‘Á ntí,
ma ke.’
Ve,
ñí eé ndzí ke.
31 Éde bé beáñ béte nzá aá bɔ nkómánn éséá?”
Ané bé ngá yalan ná,
“Éñí ósúá.”
Éde Yesus a ngá dzó bɔ́ ná,
“Ma dzó mína bébélá ná beñɔŋ mfóŋsí bábe bindendea bí biningá,
ébɔ́ bá ye tára ñíi édzwée ngɔ́mán Nzamá ye mína.
32 Amú ná Juan a ngá sɔ́ ya mína é nzenn é ne nzósoó,
mína mína kaa ñí ábwíni;
ve,
beñɔŋ mfóŋsí bábe bindendea bí biningá ébɔ́ bé ngá bwíni ñí.
Ve,
niané mína ngá yén dzam te,
véa míníí ndzí ki dzoban ná míní bwíni ñí.”
É nganán bembéa bebɔ biséññ
33 “Béágán nganán fé:
Mot enziŋ a mbé a tɔɔ́ myenn ndá,
mot te aá beñ afúp midzík mí vino,
éde a ngá boman dɔ ya ongóo;
á kom ekiliga bibumá bí vino,
ané a ngá lóŋ fe nkum.
Éde a ngá kee dɔ ó lén ya bebeñ mefúp benziŋ,
a kéñ ékena.
34 Niané é tám bá ñɔŋ bibumá e ngá kwíñ,
véa éñe a ngá lóm áloá deñ ébe bebeñ mefúp béte,
á mfá ye ná á ñɔŋ bíbumá byeñ.
35 Éde bebeñ mefúp béte bé ngá biñ áloá deñ,
ovɔ́ɔ́ bé ŋga yít wɔ́,
éwí ovɔ́ɔ́ bé ywíñ wɔ́,
éwí ovɔ́ɔ́ wá bé ŋga lúm mekwá.
36 Ané a ngá bera lóm aloá afé álot é táŋ édí ósúá;
éde bé ngá bɔ dɔ dzam avɔ́ɔ́ ya avɔ́ɔ́.”
37 “Ve,
asúgánn ye été,
éde a ngá lóm é mwán weñ ébe bɔ́,
eé dzó ná,
‘É mwán wɔm éñe bá ye vé ngaŋŋ.’
38 Niané bebeñ mefúp bá bé ngá yén mwán te,
éde bé ngá dzó bébyen ya bébyen ná,
‘É mot aa ye lígi ya afúp éñe ñí.
Nzaán bí ywíñŋán ñí,
véa bí dut é tsígá deñ.’
39 Ané bé ngá biñ ñí,
bé wea ñí áfúp átán,
bé ywíñ ñí.”
40 Édɔ ná,
niané myenn afúp aa ye sɔ́,
aa ye bɔ bebeñ mefúp béte á yá?
41 Ané bé ngá yalan ya ñí ná,
“Aa ye vé mbéa bot béte asúgánn é ne áŋgónó,
véa a kee afúp ó lén ébe bebeñ mefúp befé ná bá yáán ya ñí bíbumá byeñ é tám bá fwát bibumá.”
42 Éde Yesus a ngá síli bɔ́ ná,
“Ye míníí ndzí láŋ eyɔŋ enziŋ Mítsili été?
Ná,
‘Ákwá belóŋ bé ngá tep,
édɔ é veŋan yaá ákwá dá daŋ ya eban.
Ntí éñe a bɔ yaá dzam te,
é ne fe eyágán dzam é mís mea.’ ”
43 “Akála te édɔ ma dzó mína ya dɔ ná bá ye mína vea édzwée ngɔ́mán Nzamá,
bé kee dɔ áyɔŋ dá wúm ébumá deñ.
44 Éde é mot aa ye ku akwá te áyóp aa ye mana búgu;
ve éñí dá dá ku fe áyóp dá ye ñí lík meñuŋ.”