É nganán fét alúkgán
22
Véa,
Yesus a ngá bera kɔ́bɔ ya bɔ́ ya menganán,
eé dzó ná,
2 “Édzwée ngɔ́mán ye á dzóp dá fonan ya é kéza a ngá bɔ fét alúkgán mfá é mwán weñ.
3 Éde a ngá lóm áloá dén ná bé ke lwée é bot bé mbé mbánán á fét alúkgán,
ve béé ndzí kómo sɔ́.
4 Ané a ngá bera lóm áloá afé,
eé dzó bɔ́ ná,
‘Dzógán é bot bé mbé mbánán ná me mana yaá koman é fét dam;
me ywíñ yaá beñát bam ya bétsít bé ne ya avɔ́ŋ;
éde ná ásesé á ntɔɔ́ nkomann;
nzaán é fét alúkgán.’
5 Ve,
é bot béte béé ndzí dɔ bís,
ané bé ngá ke,
mbɔ́ɔ́ áfúp deñ,
éñí mbɔ́ɔ́ ñí a ókira weñ,
6 éde,
ébá bevɔ́ɔ́,
bá bé ngá biñ áloá deñ,
bé ŋga yít dɔ,
bé ywíñ fe dɔ.
7 Ané kéza a ngá yéá,
a lóm mísámá benzima myeñ,
ná bé ywíñ beywíñ bot béte,
bé mana fe dzígi é kísoan deba.
8 Véa éñe a ngá dzó áloá deñ ná,
‘Fét alúkgán é ntɔɔ́ nkomann,
ve é bot bé mbé mbánán bĕé ngá yian fét te.
9 Édɔ ná,
keŋán á maagán ménzenn,
éde é bot bése mína koan ya bɔ́ bánagán bɔ́ ó fét alúkgán.’
10 Ané aloá te é ngá ke ménzenn ya ménzenn,
bé mana kóán é bot bése bé ngá koan ya bɔ́,
ané mbéa bé bot ané mbamba bé bot;
véa ndá alúkgán e ngá dzéñ ya beyéŋ.
11 Ve éyɔŋ kéza a ngá ñíi ná a yén beyéŋ béye alúkgán,
éde a ngá yén mot ó véa,
kaa ábwát wun ye alúkgán.
12 Éde a ngá dzó ñí ná,
‘Á mwíi,
o ñíi ó vá á yá,
wa kaa ábwát wun ye alúkgán?’
Ve ñí a ngá sis evóó.
13 Éde kéza a ngá dzó bevwála bíséññ ná,
‘Kágán ñí mó ya mebɔ,
míní wea ñí é dzíbi é ne átán;
ó wéñ,
éñe miyónn ya fe álaran mesoŋŋ byá ye bɔ.’
14 Amú ná abwiññ é ne ntélán,
ve ayomm bot édɔ é ne mitɔ́pbán.”
Mfá mfóŋsí
15 Ané befariseo bé ngá ke bá dzéŋ bébyen ya bébyen ámvála bé ne ñí duk ya efíá enziŋ.
16 Éde bé ngá lóm ñí béyága beba fufúlu ya beerodiano,
béé dzó ná,
“Á nyágale,
bía yem ná o ne bébélá mot,
wa yágale fe bot é nzenn Nzamá ya bébélá,
wăá ke ki ya mot enziŋ ngamm,
amú ná wa ñɔŋ mot áse ntéññ mbɔ́ɔ́;
17 Édɔ ná,
dzóge bía,
wa yén é dzam dí á yá?
Ye dá yian,
ye dăá yian ki ná bé yáán ya Sesar mfóŋsí?”
18 Ve Yesus,
ñí eé yem ekúkwát nlém deba,
éde a ngá dzó ná,
“Nzá a ne ya ású dí ya fe ntsili wí?”
21 Éde bé ngá yalan ya ñí ná,
“Éwí Sesar.”
Ané a ngá dzó bɔ́ ná,
“Váán fá Sesar,
édí Sesar,
Nzamá ñí ya édí Nzamá.”
22 Niané bé ngá wók dzam te,
ané bé ngá ku mevoó;
éde bé ngá lík ñí,
bé kéñ.
Nsílí mfá nwómán miwúán
23 Mos te,
Besaduseo bé ngá nzu koan ya ñí,
ébá bá dzó ná nwómán miwúán ó sés,
éde bé ngá síli ñí ná,
24 “Á nyágale,
Moisés aá dzó ná,
‘Ngé mot enziŋ aa wú kaa bwán,
mwanñaŋ aa ye lúk é miningá weñ,
ná á fwiñ mwanñaŋ mvɔŋ bot.’
25 Éde é ne ná,
bɔbéñaŋ zaŋgbéá bé mbé énzénzaŋ dea;
éde éñí ósúá aá lúk miningá,
aa wú kaa álík mvɔŋ,
aá lík mwanñaŋ miningá te.
26 Amvála te fe éñí beáñ ya éñí léa,
akekwíñ éñí zaŋgbéá.
27 Ó mvús véa,
miningá ñí aa wú fe.
28 Édɔ ná,
é tám nwómán miwúán,
é bɔbéñaŋ zaŋgbéá bá,
miningá aa ye bɔ éñí nzá?
Amú ná bésesé bá mana ñí lúk?”
29 Ve Yesus a ngá yalan ya bɔ́ ná,
“Mína vus!
Mínăá wók Mitsili,
ngé ki é nguu Nzamá!
30 Amú ná á nwómán miwúán,
băá lúk ngé ákee biningá mélúk,
fáve ná bé ne ané é baángel Nzamá á dzóp été.
31 Ve mfá nwómán bewú,
ye mínăá bé láŋ édí Nzamá a ngá kɔ́bɔ,
eé dzó ná,
32 ‘Ma me ne é Nzamá Abraam,
ya é Nzamá Isaak,
ya é Nzamá Jakob?’
Nzamá a sés Nzamá ye bewú,
fáve éñí betétéá!”
33 Niané mikuna mí bot mí ngá wók dzam te,
éde bé ngá kám ákála áyágalé deñ.
Mvéná dá daŋ ya eban
34 Niané befariseo bé ngá wók ná Yesus a lík yaá besaduseo bivóó,
ané bé ngá kóán fufúlu;
35 éde mbɔ́ɔ́ ye été,
nyem metsiŋŋ,
eé bóble ñí,
ané a ngá síli ñí ná,
36 “A nyágale,
Mvéná fé dá daŋ ya eban á nkɔɔ́ métsiŋŋ été?”
37 Éde a ngá yalan ya ñí ná,
“Dziŋŋe Ntí é Nzamá we,
ya nlém we óse,
ya éniŋ dzwe ése,
ya ósímánn we óse.
38 Mvéná te édɔ dá daŋ ya eban,
ya éñí ósúá.
39 Éñí beáñ dá dá fonan fe ya éñí te,
‘Dziŋŋe é mot mbɔ́ɔ́ ané wa dziŋ wámyen.’
40 Atsiŋŋ áse ya bekúlu medzó éñe bé tsini mémvéná mé beáñ má.”
Kristo a ne é mwán nzá?
“Mína síman á yá mfá Kristo?
A ne é mwán nzá?”
Éde bé ngá yalan ñí ná,
“A ne é mwán David.”
43 Ané a ngá dzó bɔ́ ná,
“Éde,
a nsísim été,
amú dzé David aa lwée ñí ná ‘Ntí,’
eé dzó ná,
44 ‘Ntí aá dzó Ntí wɔm ná,
Tɔbɔgé ósí á mfá méyóm wɔm,
akekwíñ ná ma ye bwíi bésíŋ bwe
mebɔ mwe ásí?’
45 Édɔ ná,
ngé David a lwée ñí ná Ntí,
a ne fe ñí bɔ mwán á yá?”
46 Éde mot enziŋ ĕé mbé fe yalan ya ñí atwaa efíá evɔ́ɔ́,
atéé ye mos te mot enziŋ ĕé ngá nzomo fe ná a síli ñí dzam.