Yesus aa sóman beyágale métsiŋŋ ya befariseo
“Beyágale métsiŋŋ ya befariseo bé mbelé ntúmm édzwée Moisés.
3 Édɔ ná,
bɔgán,
dzálágán fe édí áse bá dzó mína;
ve míní táa bɔ amvála ané míbɔann myeba mí né,
amú ná bá dzó,
ve băá bɔ.
4 Bá ká míbaga mí ne adziít ya ayéñ,
bé bwíi myɔ bot mébán áyóp.
Ve bébyen băá kómo myɔ fógo ya ónuú weba.
5 Ve,
bá bɔ míbɔann myeba míse á mfá ye ná bot bé yén bɔ́;
amú ná bá bɔ míkɔɔ́ bífús mitsili myeba minén,
bá bɔ fe méfaáp métɔ́p meba ayaáp.
6 Ve,
bá dziŋ bá tɔbɔ bítɔɔ́ bí ngaŋŋ méfét bidzí,
ya bítɔɔ́ bíye ósú á besinagoga,
7 ya fe mibóló mí ngaŋŋ á miseŋ mí mákít,
ya fe ná bot bé lwée bɔ́ ná Rabí.
8 Ve mína,
míní táa lík ná bot bé lwée mína ná Rabí;
amú ná mbɔ́ɔ́ éñe a ne Nyágale wenan,
(Kristo);
mína bésesé mína míní ne bɔbéñaŋ.
9 Míní táa ki lwée mot enziŋ ná ésúá wenan á sí ó vá,
amú ná mbɔ́ɔ́ éñe a ne Ésúá wenan,
éñí a ne á dzóp été.
10 Míní táa ki lík ná bé lwée mína ná belére nzenn;
amú ná mbɔ́ɔ́ éñe a ne nlére nzenn wenan,
Kristo.
11 Éde é mot aa daŋ ya eban ébe mína,
aa ye bɔ mvwála bíséññ wenan mína.
12 Ve,
é mot aa bére émyen ó yóp,
aa ye tɔbɔ nsilann ósí,
éñí ñí aa sili émyen ósí,
aa ye tɔbɔ mbélánn ó yóp.
13 Á beyágale métsiŋŋ ya befariseo,
ngwáa ya mína,
bot meduk!
Mína dzip fá é bot bevɔ́ɔ́ édzwée ngɔ́mán ye á dzóp,
mína bébyen kaa áñíi,
kaa ki álík é bot bá ñíi ná bá bé ñíi.
14 [Á beyágale métsiŋŋ ya befariseo,
ngwáa ya mína,
bot meduk!
Mína bɔ méyaglán menan ayaáp mfá ádzí mikús mí biningá byém;
ya akála te,
mína ye bíra ñɔŋ méku.]
15 Á beyágale métsiŋŋ ya befariseo,
ngwáa ya mína,
bot meduk!
Mína boman sí ya máŋ ná míní wún mot mbɔ́ɔ́ nyébé wenan.
Niané ñí a bɔ yaá fe dɔ,
mína bɔ ñí mwán ye ébéññ ndúán táŋ biyɔŋ bí beáñ álot mína bébyen.
16 Á midzíndzímm myá lére nzenn,
ngwáa ya mína!
Mína é bot mína dzó ná,
‘É sés dzam enziŋ ná,
ngé mot aa kan sɔŋ eé túp templo;
ve,
ngé aa kan sɔŋ eé túp koŋ ye á templo,
aa tɔbɔ ntsinann amú nkanann sɔŋ weñ.’
17 Á mékút mé bot ya midzíndzímm!
Amú ná,
dzé dá daŋ ya eban;
ye koŋ,
ye é templo dá tɔɔ koŋ eki?
18 Mína dzó fe ná,
‘É sés dzam enziŋ ná ngé mot aa kan sɔŋ eé túp altar;
ve,
ngé aa kan sɔŋ eé túp bívévé bí ne áltar áyóp,
aa tɔbɔ ntsinann amú nkanann sɔŋ weñ.’
19 Á midzíndzímm!
Amú ná,
dzé dá daŋ ya eban;
ye bivévé,
ye áltar dá tɔɔ bivévé eki?
20 Édɔ ná,
é mot aa kan sɔŋ eé túp altar,
aa kan sɔŋ amú altar ya fe é dzóm áse é ne áltar áyóp.
21 Éde,
é mot aa kan sɔŋ eé túp templo,
aa kan sɔŋ mfá templo ya fe é mot a tɔɔ́ été;
22 éñí ñí aa kan sɔŋ eé túp dzóp,
aa kan sɔŋ mfá étɔɔ́ édzwée Nzamá ya fe éñí a tɔbɔ dɔ.
23 Á beyágale métsiŋŋ ya befariseo,
ngwáa ya mína,
bot meduk!
Amú ná mína vé osaŋ ngap awóm,
ya mesep,
ya okám;
ve míní lík yaá é mam má daŋ ya eban métsiŋŋ été,
ané nzósoó,
nyénánn engóngɔ́ɔ́,
ya mbwínánn.
Émɔ má mína yian bɔ,
ve kaa ki álík é mam mevɔ́ɔ́ méte.
24 Á midzíndzímm myá lére nzenn!
Mína féá eñɔ́ñɔ́ŋ,
ve mína min kamelio!
25 Á beyágale métsiŋŋ ya befariseo,
ngwáa ya mína,
bot meduk!
Amú ná mína sop elas átán ya fe efela;
ve été,
bí tɔɔ́ ndzálánn ya dzíp ya mbɔann mam tugá.
26 Á ndzíndzímm mwann fariseo!
Táragé sop élas été ya fe éfela,
á mfá ye ná átán ñí a tɔbɔ fe mfúbánn.
27 Á beyágale métsiŋŋ ya befariseo,
ngwáa ya mína,
bot meduk!
Amú ná mína fonan ya mésɔŋ mé ne nwáan mfúm,
bébélá má yéne mvéáñ átán,
ve été mé ne ndzálánn ya bíveés mibim ya fe mvin ése.
28 Amvála te fe mína,
bébélá mfá átán mína fonan ya benzósoó bé bot,
á bot été,
ve mfá été,
míní tɔɔ́ ndzálánn ya meduk ya ntsamann metsiŋŋ.
29 Á beyágale métsiŋŋ ya befariseo,
ngwáa ya mína,
bot meduk!
Amú ná mína lóŋ mésɔŋ bekúlu medzó,
mína bwára fe mésɔŋ benzósoó bé bot.
30 Véa,
mína dzó ná,
‘Ngé bí tɔbɔ éniŋ mélú betará bea,
ngé bíí ndzí ke ya bɔ́ ngamm éyɔŋ bé ngá ywíñ bekúlu medzó.’
31 Amvála te édɔ,
mína vé mína bébyen mbéa ngañiá,
ná míní ne é bwán é bot bé ngá ywíñ bekúlu medzó.
32 Mína dzálá fá é mam beésúá benan bé ngá tára mbɔann!
33 Á beñó!
Áyɔŋ beféñ!
Mína ye túp nkíkgán nsaŋ ye ébéññ ndúán á yá?
34 Amú dzam te,
dággán ná ma lóm mína bekúlu medzó,
ya bebelé kén,
ya beyágale métsiŋŋ;
ébe ébɔ́,
mína ye ywíñ bevɔ́ɔ́ benziŋ ya áke ya bɔ́ á krús,
ébá bevɔ́ɔ́ bá mína ye yít bésinagoga benan été,
mína ye fe bɔ́ dzéŋ ásí bekísoan ya bekísoan;
35 néa éñe mékií mése benzósoó bé bot,
má ye nzu ébe mína,
émá mé swiiban yaá ósí,
atéé ye mékií nzósoó mot Abel,
akekwíñ mékií Zakarías,
é mwán Berekías,
éñí míní ngá ywíñ énzénzaŋ templo ya altar.
36 Bébélá ma dzó mína ná,
dzam te áse dá ye nzu ébe myee bot wí.”
Yesus aa yi Yerusalen
37 “Á Yerusalen,
á Yerusalen,
éñí a ywíñ bekúlu medzó a lúm fe é bot bá lóm ébe éñe mekwá!
Biyɔŋ táŋ á yá me kómo yaá kóán é bwán bwe amvála ané kúp dá kóán é bwán béñ méfaáp ásí,
ve míníí ndzí kómo!
38 Dággán ná,
é ndá dzenan da lígi ekuút.
39 Ma dzó fá mína ná,
mínăá ye ma bera yén,
akekwíñ tám dá ye kwíñ,
éyɔŋ mína ye dzó ná,
‘Abwará ya éñí a nzu ya éyola Ntí!’ ”