Yesus bá Zakeo
19
Éde Yesus a ngá sian á Jerikó,
á ŋga lot á kísoan été.
2 Éde,
véa,
mot enziŋ a mbé eyola ná Zakeo,
a mbé ntébosú a beñɔŋ mfóŋsí,
a mbé fe nkúkúmm.
3 Mot te a ngá dzéŋ ná á yén nzá a ne Yesus;
ve,
ĕé mbé dɔ bɔ amú nkuna bot,
amú ná a mbé ntéññ etun.
4 Ané a ngá ke mbíí ósú,
aa bét élé sikómoro ó yóp ná á yén Yesus,
amú ná a mbé ná a nkún ke álot ó véa.
5 Éde,
niané Yesus a ngá sian vóm te,
ané a ngá dága ó yóp a yén Zakeo,
éde a ngá dzó ñí ná:
“Á Zakeo,
siggé avóó,
amú ná ma yian tɔbɔ é ndá dzwe émuú.”
6 Ané Zakeo a ngá sigi avóó,
a ñɔŋ fe Yesus ya mesán.
7 Niané bot bé ngá yén dɔ,
éde bésesé bé ngá ke bá kɔ́bɔ biswaáswaá,
béé dzó ná:
“Á ke yaá tɔbɔ nnéŋ é ndá mbɔ misémm.”
8 Éde Zakeo a ngá tébe tételé,
a dzóo Ntí ná:
“Á Ntí,
yénŋe,
ma nzu kap é byém bíse me belé énzénzaŋ,
ma ye vé biŋgóŋgɔ́ɔ́ bí bot ngap;
ngé maá ñɔŋ ki mot enziŋ dzóm ya mvoo,
ma ye ñí dɔ búlu táŋ biyɔŋ bí nii.”
9 Ané Yesus a ngá dzó ñí ná:
“Akoroga é sɔ́ yaá é ndá ñí émuú,
é tɔɔ́ ná ñí a ne fe é mwán Abraam.
10 Édɔ fá é Mwán Mot a ngá sɔ́,
ná aa nzu dzéŋ ya koro ébá bé ngá dzími.”
Jesús y Zaqueo
É nganán awóm bemína
11 Béé wók mam méte,
éde Yesus a ngá vé nganán,
amú ná a mbé bebeñ á Yerusalen,
ya fe ná bot bé ngá tém ná édzwée ngɔ́mán Nzamá e nkún nzu léreban etéññ te ébyen.
12 Éde a ngá dzó ná:
“Mot enziŋ ye á ndá bot bekéza a ngá ke sí enziŋ oyaáp ná ke ñɔŋ édzwée ngɔ́mán,
eyɔŋ te a búlán.
13 Éde a ngá lwée áloá deñ awóm,
a kee dɔ awóm bemína,
a dzóo fe dɔ ná:
‘Bɔgán okira akekwíñ ané ma sɔ́.’
14 Ve,
bot béye é sí deñ bé ngá víni ñí,
éde bé ngá lóm betébe nzaŋŋ é mvús deñ,
béé dzó ná:
‘Bĭá kómo ná é mot ñí a dzwée bía.’
15 “Éde a ngá bɔ ná,
niané a ngá ñɔŋ edzwée ngɔ́mán,
ané a ngá búlán;
éde a ngá mánan ná bé lwée ñí áloá a ngá kee moann,
ná á yem é táŋ kada mot á wún.
16 Éde óloá ósúá ó ngá sɔ́,
ó dzóo ná:
‘Á mása,
é mína dwe eé wún awóm bemína.’
17 Ané ñí a ngá dzó ñí ná:
‘Mvéáñ,
o ne mbamba oloá!
Wa nzu dzwée awóm bekísoan,
amú ná o túga baale é dzóm é ne avítsaŋ.’
18 Éde é mot beáñ ñí a ngá sɔ́,
ñí ná:
‘Á mása,
é mína dwe eé wún bemína bé tán.’
19 Ané ñí a ngá dzó fe ñí ná:
‘Wa wa nzu fe dzwée bekísoan bé tán.’
20 “Éde é mot mbɔ́ɔ́ ñí a ngá sɔ́,
a dzóo ná:
‘Á mása,
é mína dwe édɔ ñí;
maá wɔ́gɔ dɔ éfús etóp été;
21 me ngá kɔ wa wɔŋŋ,
amú ná o ne aleét mot,
wa twáa é dzóm weé ndzí bwíi,
wa yoo fe bídzí weé ndzí beñ.’
22 Ané mása a ngá dzó ñí ná:
‘O ne ekúkwát oloá,
ma nzu wa kík nsaŋ ya bífíá bywe!
O mvá yem ná me ne aleét mot,
ma twáa é dzóm meé ndzí bwíi,
ma yoo fe bídzí meé ndzí beñ,
23 amú dzé weé ndzí ma nii moann á ndá bemoann,
ná niané ma ye sɔ́ mé ñɔŋ ñí ya miséŋŋ áyóp?’
24 “Éde a ngá dzó é bot bé mbé ó véa ná:
‘Dutgán ñí mína te,
míní kee dɔ é mot a belé awóm bemína.’
25 Ané bé ngá dzó ñí ná:
‘Á mása,
mot te á mbelé awóm bemína!’
26 Éde mása a ngá yalan ná:
‘Ma dzó mína ná,
éñí áse a belé,
bá ye ñí bera vé;
ve,
éñí ñí ĕé belé,
atwaa édí a belé,
dá bá ye ñí dut.
27 Ve,
mfá ye mínzínzíŋŋ myám,
é bot bĕé mvá kómo ná me dzwée bɔ́,
nzaán ya bɔ́ ó vá,
kíkgán fe bɔ́ ébe ású dam.’ ”
Yesus aa ñíi á Yerusalen
28 Niané a ngá mana dɔ kɔ́bɔ,
éde a ngá tsíni ósú ná aa ke á Yerusalen.
29 Éde a ngá bɔ ná,
niané a ngá kwíñ bebeñ á Betfagé ya Betania,
á nkoó bá lwée ná Alíba,
ané a ngá lóm beyága bé beáñ béye béyága beñ,
30 a dzóo ná:
“Keŋán é dzeá é ne ósú ó vá dí,
niané mína ye ñíi été,
mína ye koan ya mwann edzakás a tsini,
éñí mot enziŋ ăá bé tára tɔbɔ áyóp;
tsiigán ñí,
míní sɔ́ fe ya ñí.
31 Ngé mot enziŋ a síli mína ná:
‘Amú dzé mína tsii ñí?’
Dzógán ná:
‘Amú ná Ntí aa kómo ñí.’ ”
32 Niané beyága béte bé ngá ke,
éde bé ngá koan ya amvála a ngá dzó bɔ́.
33 Éyɔŋ bé ngá tsii dɔ,
ané é bot bé mbé ya ñí bé ngá síli bɔ́ ná:
“Amú dzé mína tsii mwann edzakás te?”
34 Éde bá bé ngá yalan ná:
“Amú ná Ntí aa kómo ñí.”
35 Ané bé ngá nzu ya ñí ébe Yesus;
éde bé ngá mana teñ mwann edzakás te bitóp á mvús,
ané bé ngá bɔ fe ñí ná a daŋ.
36 Bé ngá ke bá teñ bítóp byeba á nzenn áyóp amvála ané Yesus ñí a ngá ke aa tsíni ósú.
37 Niané a ngá kwíñ bebeñ ásigi nkoó Álíba,
éde nkuna beyága óse ó ngá tára ná wá lugu Nzamá ya mesán,
ya kíŋŋ oyaáp ó yóp,
amú é bora bé mam bé ngá yén,
38 béé dzó ná:
“Abwará ya é Kéza aa nzu ya éyola Ntí!
Mvwaá eé bɔɔ́ge á dzóp été,
dúmá dá oyaáp ó yóp!”
Entrada Triunfal de Jesús
39 Éde befariseo benziŋ béye bé mbé á nkuna bot été,
bé ngá dzó ñí ná:
“Á Nyágale,
bámaŋé béyága bwe.”
40 Ané ñí a ngá yalan ya bɔ́,
a dzóo ná:
“Ma dzó mína ná,
ngé ébá bé sis bivóó,
mekwá má ye yónán.”
41 Niané a ngá kwíñ bebeñ,
a yén kísoan,
éde a ngá yi dɔ,
42 eé dzó ná:
“Ngé á bɔ ná é mos wí,
o yem é mam mé ne wa vé mvwaá!
Ve,
áwola dí,
mam méte mé ntɔɔ́ yaá nswalann é mís mwe.
43 Amú ná melú má nzu ébe wa,
mélú mínzínzíŋŋ mwe myá ye wa téle mfim ya áboman wa méféŋŋ,
bá ye fe wa fít mifá míse.
44 Bá ye wa mana tsam,
bé mana fe ywíñ é bwán bwe,
băá ye ki lík akwá é bóo édí avɔ́ɔ́ áyóp,
amú ná weé ndzí yem é mos Nzamá a mvá nzu wa koro.”
Jesús Llora Sobre Jerusalén
Bot bá kuan byém á templo
45 Éde a ngá ñíi á templo,
ané a ngá tára ná aa tsílán ya é bot bé ngá kuan byém,
46 eé dzó bɔ́ ná:
“É ne ntsilann ná:
‘É ndá dzam da ye bɔ ndá meyaglán!’
Ve,
mína míní bɔ yaá dɔ é ndá ákwá benzeé midzɔ́ŋŋ!”
47 Yesus a ngá yágale fe á templo été melú mése.
Éde betébosú befára,
beyágale métsiŋŋ ya mikúkúmá míye áyɔŋ été mí ngá dzéŋ ná bé ywíñ ñí.
48 Ve,
bĕé ngá koan ya ámvála bé ne dɔ bɔ,
amú ná bot bése bé ngá dziŋ bá wók ñí.
Jesús Expulsa a Los Cambistas