Ix yalel slolonel Dios vin̈aj Juan
3
1-2 A vin̈aj Juan yuninal vin̈aj Zacarías,
ayecꞌ vin̈ dꞌa tzꞌinan luum.
Ataꞌ ix yal Dios tas ol yal vin̈ dꞌa ebꞌ anima.
A jun tic ujinac ayic 15 abꞌilxo yoch vin̈aj Tiberio yajalil,
ayic ayoch vin̈aj Poncio Pilato gobernadoral dꞌa Judea,
axo vin̈aj Herodes ayoch gobernadoral dꞌa Galilea.
Axo vin̈aj Felipe yucꞌtac vin̈aj Herodes chiꞌ,
ayoch gobernadoral dꞌa Iturea yedꞌ dꞌa Traconite.
Axo vin̈aj Lisanias ayoch gobernadoral dꞌa Abilinia.
Axo ebꞌ vin̈ sat sacerdote,
aton vin̈aj Anás yedꞌ vin̈aj Caifás.
Lucas 3.1-20
3 A dꞌa jun tiempoal chiꞌ,
ix schael yich vin̈aj Juan chiꞌ yecꞌ dꞌa masanil juntzan̈ lugar ay dꞌa slacꞌanil stiꞌ aꞌ Jordán.
Ix laj yalan vin̈ dꞌa ebꞌ anima to syacꞌ bautizar sbꞌa ebꞌ,
snaan sbꞌa ebꞌ yic tzꞌacꞌji lajvoc smul ebꞌ.
4 Icha chiꞌ ix aj yelcꞌoch tas tzꞌibꞌabꞌilcan yuj vin̈aj Isaías schecabꞌ Dios,
ayic yalannaccan yabꞌixal vin̈aj Juan chiꞌ vin̈ icha tic:
Ay jun dꞌa tzꞌinan luum,
ol yal icha tic:
Icha tzꞌaj sbꞌo bꞌe ayic sjavi junoc yajal,
icha chiꞌ tzeyutej e bꞌoan e bꞌeybꞌal,
yujto ol javoc vin̈ Cajal.
5 Masanil chꞌolquixtac ol laj pan̈anbꞌoc.
Masanil lum vitz yedꞌ lum tzalan ol pan̈lajoc.
Axo juntzan̈ bꞌe cumquiltac ol tojolbꞌoc yedꞌ juntzan̈ amquiltac tojolxon̈ej ol ajoc.
6 A junjun chon̈abꞌ ol ilanoc to ay colnabꞌil syacꞌ Dios,
xchicani.
7 Ayic ix javi ebꞌ anima dꞌa vin̈aj Juan chiꞌ yic tzꞌacꞌji bautizar ebꞌ yuj vin̈,
ix yalan vin̈ dꞌa ebꞌ:
—A ex tic,
te jelan ex dꞌa chucal icha nocꞌ chan.
¿Mach ix alan dꞌayex tato ol yal e colan e bꞌa dꞌa jun nivan yaelal van sjavi yuj yoval scꞌol Dios?
8 Tato tze na e bꞌa dꞌa e mul,
yovalil vachꞌ tzeyutej e bꞌeybꞌal,
yic scheclajeli to yel ix e na e bꞌa.
Man̈ eyal icha tic:
Malaj pena,
yin̈tilon̈can vin̈aj Abraham,
man̈ xe chioc.
Yujto a in tic sval dꞌayex,
tato sgana Dios,
syal yoch juntzan̈ qꞌuen qꞌueen tic yin̈tiloc vin̈aj Abraham chiꞌ e qꞌuexuloc.
9 A jun nivan yaelal ol javoc,
lajan icha junoc vin̈ lista yaj yedꞌ schꞌacabꞌ dꞌa yich juntzan̈ teꞌ avbꞌen teꞌ.
Jantacn̈ej teꞌ chuclaj sat syacꞌaꞌ,
ol laj schꞌaquel teꞌ vin̈.
Ol syumanbꞌat teꞌ vin̈ dꞌa cal cꞌacꞌ,
xchi vin̈aj Juan chiꞌ dꞌa ebꞌ.
10 —¿Tas vachꞌ sco cꞌulej jun?
xchi ebꞌ dꞌa vin̈.
11 —A ebꞌ ay chabꞌoc scamix,
yacꞌocabꞌ junoc ebꞌ dꞌa ebꞌ malaj yicoꞌ.
A ebꞌ ay tas svaꞌa,
spucocabꞌ ecꞌ ebꞌ dꞌa ebꞌ malaj yicoꞌ,
xchi vin̈ dꞌa ebꞌ.
12 Ix cꞌoch pax juntzan̈ ebꞌ tecumel alcabar yic syacꞌan bautizar sbꞌa ebꞌ.
Ix scꞌanbꞌan ebꞌ dꞌa vin̈:
—Ach co cꞌaybꞌumal,
¿tas vachꞌ sco cꞌulej?
xchi ebꞌ.
13 —Ayic tze cꞌananel stumin ebꞌ anima,
man̈ e cꞌan jabꞌocxo dꞌa yibꞌan̈ icha syal ley,
xchi vin̈ dꞌa ebꞌ.
14 Ay pax ebꞌ soldado ix cꞌanbꞌan dꞌa vin̈:
—A on̈xo pax tic,
¿tas sco cꞌulej?
xchi ebꞌ.
—Man̈ e xibꞌtej ebꞌ anima yuj eyesanoch junoc tas dꞌa yibꞌan̈ yic tzeyiqꞌuecꞌ junoc tas dꞌa ebꞌ.
Schaocabꞌ e cꞌool ichataxon e tojol,
xchi vin̈ dꞌa ebꞌ.
15 Ay ebꞌ anima chiꞌ ix naubꞌtan̈ani,
ix scꞌanbꞌan ebꞌ tato a vin̈aj Juan chiꞌ aton Cristo.
16 Palta ix yalan vin̈ dꞌa ebꞌ smasanil:
—Val yel,
a in tic tzex vacꞌ bautizar dꞌa a aꞌ,
palta ay junxo toto ol javoc.
Aꞌ ol acꞌanoch Yespíritu Dios dꞌayex,
icha cꞌacꞌ ol em dꞌa eyibꞌan̈.
Ichato ol ex acꞌjoc bautizar yuuj.
A jun chiꞌ ecꞌto yopisio dꞌa vichan̈.
Man̈ in mojoc svacꞌ servil,
vachꞌchom ton̈ej tzin tij schꞌan̈al xan̈abꞌ.
17 A jun chiꞌ lajan icha junoc vin̈ schayej strigo,
tzꞌel smatzꞌil dꞌa scal.
Slajvi schayan ixim,
syacꞌancanem ixim dꞌa yol yedꞌtal.
Axo smatzꞌil ixim tzꞌelcani,
slan̈canbꞌat vin̈ dꞌa yibꞌan̈ jun cꞌacꞌ malaj bꞌaqꞌuin̈ stupi,
xchi vin̈aj Juan chiꞌ.
18 Tzijtumto juntzan̈xo cꞌaybꞌubꞌal icha juntzan̈ tic ix yalel vin̈ dꞌa ebꞌ anima chiꞌ,
ix yalanpax vachꞌ abꞌix vin̈ dꞌa ebꞌ.
19 A vin̈ ix cachanpax vin̈aj Herodes,
vin̈ ayoch gobernadoral,
yujto ix yicꞌ ix smuꞌ vin̈ scuchan Herodías.
Ix scachanpax vin̈ yuj juntzan̈xo chucal scꞌulej.
20 Palta a vin̈aj Herodes chiꞌ maj scꞌanabꞌajej vin̈ tas ix alji dꞌay.
Ay junxo chucal ix scꞌulej vin̈ yujto ix yacꞌoch vin̈aj Juan chiꞌ vin̈ dꞌa preso.
Ix acꞌji bautizar Jesús
21 Ayic mantzac och vin̈aj Juan chiꞌ dꞌa preso,
van yacꞌan bautizar ebꞌ anima vin̈,
ix yacꞌ pax bautizar Jesús vin̈.
Yacbꞌan van slesalvi Jesús,
ix jacvi satchaan̈.
Lucas 3.21-38
22 Axo Yespíritu Dios ix emul dꞌa yibꞌan̈ icha nocꞌ paramuch.
Ix yabꞌan yoch jun lolonel dꞌa satchaan̈ icha tic:
—A ach tic,
Vuninal ach,
xajanabꞌil ach vuuj.
Tzin tzalaj val edꞌoc,
xchi jun av chiꞌ.
Ebꞌ smam yicham Jesús
23 A Jesús ayxom 30 abꞌiloc sqꞌuinal ayic ix syamanoch smunlaji.
Tzꞌalji dꞌay to yuninal vin̈aj José.
Aton sbꞌi smacan̈il ebꞌ smam yicham tic:
Schabꞌat dꞌa vin̈aj Elí masanto slajvican cꞌoch dꞌa vin̈aj Adán.
Vin̈aj Elí,
24 vin̈aj Matat,
vin̈aj Leví,
vin̈aj Melqui,
vin̈aj Jana,
vin̈aj José,
25 vin̈aj Matatías,
vin̈aj Amós,
vin̈aj Nahum,
vin̈aj Esli,
vin̈aj Nagai,
26 vin̈aj Maat,
vin̈aj Matatías,
vin̈aj Semei,
vin̈aj José,
vin̈aj Judá,
27 vin̈aj Joana,
vin̈aj Resa,
vin̈aj Zorobabel,
vin̈aj Salatiel,
vin̈aj Neri,
28 vin̈aj Melqui,
vin̈aj Adi,
vin̈aj Cosam,
vin̈aj Elmadam,
vin̈aj Er,
29 vin̈aj Josué,
vin̈aj Eliezer,
vin̈aj Jorim,
vin̈aj Matat,
30 vin̈aj Leví,
vin̈aj Simeón,
vin̈aj Judá,
vin̈aj José,
vin̈aj Jonam,
vin̈aj Eliaquim,
31 vin̈aj Melea,
vin̈aj Mainán,
vin̈aj Matata,
vin̈aj Natán,
32 vin̈aj David,
vin̈aj Isaí,
vin̈aj Obed,
vin̈aj Booz,
vin̈aj Salmón,
vin̈aj Naasón,
33 vin̈aj Aminadab,
vin̈aj Admin,
vin̈aj Aram,
vin̈aj Esrom,
vin̈aj Fares,
vin̈aj Judá,
34 vin̈aj Jacob,
vin̈aj Isaac,
vin̈aj Abraham,
vin̈aj Taré,
vin̈aj Nacor,
35 vin̈aj Serug,
vin̈aj Ragau,
vin̈aj Peleg,
vin̈aj Heber,
vin̈aj Sala,
36 vin̈aj Cainán,
vin̈aj Arfaxad,
vin̈aj Sem,
vin̈aj Noé,
vin̈aj Lamec,
37 vin̈aj Matusalén,
vin̈aj Enoc,
vin̈aj Jared,
vin̈aj Mahalaleel,
vin̈aj Cainán,
38 vin̈aj Enós,
vin̈aj Set,
vin̈aj Adán.
A vin̈aj Adán chiꞌ,
a Dios bꞌoannac vin̈.