A Vachꞌ Abꞌix Ix Stzꞌibꞌejcan
SAN MATEO
A stzolal sbꞌi ebꞌ smam yicham Jesucristo
1
A jun libro tic syalcot yabꞌixal Jesucristo yin̈tilal vin̈aj rey David,
yin̈tilal pax vin̈aj Abraham.
Aton stzolal sbꞌi ebꞌ smam yicham Jesucristo tic.
2 A vin̈aj Abraham smam vin̈aj Isaac,
a vin̈aj Isaac chiꞌ smam vin̈aj Jacob,
a vin̈aj Jacob chiꞌ smam vin̈aj Judá yedꞌ ebꞌ yucꞌtac.
3 A vin̈aj Judá chiꞌ smam vin̈aj Fares yedꞌ vin̈aj Zara.
Tamar sbꞌi ix snun ebꞌ vin̈ schavan̈il.
A vin̈aj Fares chiꞌ smam vin̈aj Esrom,
a vin̈aj Esrom chiꞌ smam vin̈aj Aram.
4 A vin̈aj Aram chiꞌ smam vin̈aj Aminadab,
a vin̈aj Aminadab chiꞌ smam vin̈aj Naasón,
a vin̈aj Naasón chiꞌ smam vin̈aj Salmón.
5 A vin̈aj Salmón chiꞌ smam vin̈aj Booz,
a ix Rahab snun vin̈aj Booz chiꞌ.
A vin̈aj Booz chiꞌ smam vin̈aj Obed,
a ix snun vin̈,
Rut sbꞌi ix.
A vin̈aj Obed chiꞌ smam vin̈aj Isaí.
6 A vin̈aj Isaí chiꞌ smam vin̈aj David,
aton vin̈ rey.
A vin̈aj David chiꞌ smam vin̈aj Salomón.
A ix snun vin̈aj Salomón chiꞌ aton ix yetbꞌeyumcan vin̈aj Urías.
7 A vin̈aj Salomón chiꞌ smam vin̈aj Roboam,
a vin̈aj Roboam chiꞌ smam vin̈aj Abías,
a vin̈aj Abías chiꞌ smam vin̈aj Asa.
8 A vin̈aj Asa chiꞌ smam vin̈aj Josafat,
a vin̈aj Josafat chiꞌ smam vin̈aj Joram,
a vin̈aj Joram chiꞌ smam vin̈aj Uzías.
9 A vin̈aj Uzías chiꞌ smam vin̈aj Jotam,
a vin̈aj Jotam chiꞌ smam vin̈aj Acaz,
a vin̈aj Acaz chiꞌ smam vin̈aj Ezequías.
10 A vin̈aj Ezequías chiꞌ smam vin̈aj Manasés,
a vin̈aj Manasés chiꞌ smam vin̈aj Amón,
a vin̈aj Amón chiꞌ smam vin̈aj Josías.
11 A vin̈aj Josías chiꞌ smam vin̈aj Jeconías yedꞌ ebꞌ yucꞌtac.
Dꞌa jun tiempoal chiꞌ,
ix icꞌjibꞌat ebꞌ israel dꞌa Babilonia.
12 Ayic ayecꞌ ebꞌ dꞌa Babilonia chiꞌ,
ix alji vin̈aj Salatiel yuninal vin̈aj Jeconías.
A vin̈aj Salatiel chiꞌ smam vin̈aj Zorobabel.
13 A vin̈aj Zorobabel chiꞌ smam vin̈aj Abiud,
a vin̈aj Abiud chiꞌ smam vin̈aj Eliaquim,
a vin̈aj Eliaquim chiꞌ smam vin̈aj Azor.
14 A vin̈aj Azor chiꞌ smam vin̈aj Sadoc,
a vin̈aj Sadoc chiꞌ smam vin̈aj Aquim,
a vin̈aj Aquim chiꞌ smam vin̈aj Eliud.
15 A vin̈aj Eliud chiꞌ smam vin̈aj Eleazar,
a vin̈aj Eleazar chiꞌ smam vin̈aj Matán,
a vin̈aj Matán chiꞌ smam vin̈aj Jacob.
16 A vin̈aj Jacob chiꞌ smam vin̈aj José,
vin̈ yetbꞌeyum ix María,
ix snun Jesús,
aton Cristo.
17 Yuj chiꞌ chequel yaji to ay 14 macan̈ smam yicham chiꞌ,
scot dꞌa vin̈aj Abraham masanto dꞌa vin̈aj David.
Tzꞌelxi yich dꞌa vin̈aj David chiꞌ,
masanto ix icꞌjibꞌat ebꞌ israel dꞌa Babilonia,
ay 14 macan̈ paxi.
Axo yic ix icꞌjibꞌat ebꞌ dꞌa Babilonia chiꞌ masanto ix alji Cristo,
14 macan̈ paxi.
A yaljubꞌal Jesucristo
(Lc 2.1-7)
18 Icha tic ix aj yalji Jesucristo.
A vin̈aj José ayxo strato vin̈ yedꞌ ix María.
Palta ton̈ejanto ay strato ebꞌ,
manto yicꞌlaj sbꞌa ebꞌ.
Palta axo ix María chiꞌ,
ayxo unin yedꞌnac ix,
yujto a Yespíritu Dios ix acꞌan scuchoch jun unin chiꞌ ix.
19 A vin̈aj José chiꞌ,
te tojol spensar vin̈,
malaj sgana vin̈ scheclajelta ix dꞌa scal anima.
Yuj chiꞌ ix sna vin̈ yactejcan ix dꞌa elcꞌaltac,
yic malaj mach tzꞌojtacanel jun chiꞌ.
20 Axo yic vanto snaan jun chiꞌ vin̈,
ay jun yángel Dios Cajal ix chꞌox sbꞌa dꞌa vin̈ dꞌa svayich.
Ix yalan dꞌa vin̈:
—Ach José,
yin̈til vin̈aj David,
man̈ ach xiv icꞌan ix María tic etbꞌeyumoc.
Yujto a Yespíritu Dios ix acꞌan pitzvoc jun unin chiꞌ dꞌa ix.
21 A jun unin ol aljoc chiꞌ,
vinac unin.
JESÚS* ol acꞌ sbꞌiej,
yujto aꞌ ol ex colancanelta a ex schon̈abꞌ ex tic dꞌa yalan̈ e mul,
xchi dꞌa vin̈.
22 Icha chiꞌ ix aj yelcꞌoch tas yalnaccan Dios Cajal,
ayic ix lolon dꞌa stiꞌ jun schecabꞌ icha tic:
23 Ay jun ix cobꞌes,
manta vinac syicꞌaꞌ,
palta ay jun unin ol pitzvoc dꞌa ix.
A jun unin ol aljoc chiꞌ,
vinac unin.
Emanuel ol acꞌjoc sbꞌiej,
xchi dꞌa Slolonel Dios Tzꞌibꞌabꞌilcani.
Emanuel,
syalelcꞌochi,
ayecꞌ Dios quedꞌoc.