Tu miyiꞌ nzhak miyizh nzho Gadara
5
Or mizhin bixaꞌ xtu roꞌ lagún kwaꞌn ñaꞌn lazh men Gadara,
San Marcos 5:1-20
2 laore ngula Jesús bark,
tuli nguzubi tu miyiꞌ nzhak miyizh lo Me,
zilitaꞌ nzho xaꞌ reꞌ leꞌn panteón no dox nzho mbi mal laxtoꞌ xaꞌ.
3 Mbaino yent cho leꞌ gan liꞌbdoꞌ xaꞌ,
ni kun kaden,
4 porke nayax wëlt miliꞌb niꞌ xaꞌ kun kaden;
no rë wëlt michoꞌ xaꞌi,
kuzeꞌ yent cho xek lo xaꞌ.
5 Zhëy-yëꞌle nikizë xaꞌ leꞌn panteón no leꞌn mont,
mbaino nibizhyë xaꞌ,
no nikëꞌ xaꞌ ke taꞌ xaꞌ.
6 Per or une miyiꞌ reꞌ Jesús zitraꞌ,
karre nguzubi xaꞌ no nguzuxib xaꞌ lo Me,
7 no naye nguruꞌzhië xaꞌ,
nzhab xaꞌ:
―¡Yent kwan nizaka kun lu,
Jesús Xgaꞌn Dios,
Me nzho lo yibëꞌ!
¡Kinaꞌba lol por Dios,
nazakzital da!
8 Saꞌ midiꞌzh xaꞌ por rë mbi mal kwaꞌn nzho laxtoꞌ xaꞌ,
porke lëꞌ Jesús kiyab lo xaꞌ:
―¡Mbi mal,
guroꞌ laxtoꞌ miyiꞌ reꞌ!
9 Mbaino nu minaꞌbdiꞌzh Jesús lo mbi mal zeꞌ:
―¿Xmod lël?
―nzhab Jesús.
Orzeꞌ mikab mbi mal zeꞌ:
―Na lë legión,
porke dox nayax no.
10 No nu dox kinaꞌb rë mbi mal reꞌ lo Jesús,
par naxëꞌl Me rë mbi reꞌ xtu lazh men.
11 No gax laka zeꞌ,
taꞌ tu lom;
nzhin tu bëd kuch,
kiyao ma,
12 no dox kinaꞌb rë mbi mal zeꞌ lo Jesús par ziyël Jesús biy laxtoꞌ rë kuch kwaꞌn nzhin zeꞌ.
13 Orzeꞌ nguziyël Jesús,
nguroꞌ rë mbi mal zeꞌ par ñai laxtoꞌ rë kuch zeꞌ,
pas como tu chop mil ma;
lëꞌchi nguzublo mikëꞌ rë bima karre yek tu lom par ngob bima haxta leꞌn barrank plo nzho nits;
zeꞌ ngut bima.
14 Or une rë xaꞌ nikina kuch zeꞌi,
karre ña bixaꞌ par ngwayab bixaꞌi lo rë men yezh,
mbaino lo rë men nzho dan.
Orzeꞌ,
rë men ngwatswiꞌ kwan ngok zeꞌ.
15 Or mizhin bixaꞌ lo Jesús,
une bixaꞌ xaꞌ ngok miyizh zeꞌ,
nzob la xaꞌ no nak la xaꞌ lar,
no menaye la niluꞌ xaꞌ;
no xaꞌ reꞌ,
xaꞌ nguio mbi mal laxtoꞌ;
orzeꞌ rë men mizheb.
16 No rë xaꞌ une kwaꞌn ngok kun xaꞌ ngok miyizh reꞌ,
mbaino kwaꞌn ngok kun rë kuch nzhin zeꞌ,
kidiꞌzh bixaꞌi lo más rë men,
17 orzeꞌ nguzublo dox kinaꞌb bixaꞌ lo Jesús,
par yubchi Jesús lo yuo cheꞌn bixaꞌ.
18 Or nzhakë Jesús leꞌn bark par bi Me,
mbaino lëꞌ miyiꞌ kwaꞌn ngok miyizh zeꞌ,
dox kinaꞌb miyiꞌ par ngakë miyiꞌ tich Jesús,
19 per nangaziyëlt Jesús,
sino ke nzhab Jesús:
―Bizë lo rë men lizhal,
no guzh rë kwaꞌn mileꞌ Dios por lu,
no xmod milats laxtoꞌ Diosal.
20 Orzeꞌ ña miyiꞌ zeꞌ,
no nguzublo kiyab miyiꞌy lo rë men kwaꞌn nzho rë yezh kwaꞌn ñaꞌn lazh men Decápolis,
kwaꞌn mileꞌ Jesús por lëꞌ xaꞌ.
No rë men niwiꞌ lo miyiꞌ reꞌ,
xe miaꞌn bixaꞌ tuli.
Xchaꞌp Jairo no tu unaꞌ xaꞌ migal xab Jesús
21 Or nguiubre Jesús kun bark xtu wëlt,
al xtu roꞌ nits,
zeꞌ migan tu bëd men nakaꞌn lo Jesús,
roꞌ nits plo ngula Me bark zeꞌ.
San Marcos 5:21-43
22 Zeꞌ mizhin tu xaꞌ lë Jairo,
xaꞌ nileꞌ mandad leꞌn yoꞌ plo nitseꞌd men widiꞌzh cheꞌn Dios.
Or une xaꞌ Jesús,
tuli nguzuxib xaꞌ lo Me,
23 mbaino dox nalats midiꞌzh xaꞌ or kinaꞌb xaꞌ lo Jesús,
nzhab xaꞌ:
―Lëꞌ xchaꞌpa naxiat la;
chaꞌo par xoꞌb go yaꞌ go yek xchaꞌpa,
par yak xchaꞌpa no par ban unaꞌ.
24 Orzeꞌ nguziyël Jesús nzha bixaꞌ,
no nu tu bëd men nzhakë,
haxta kicheꞌp guchin bixaꞌ.
25 No xid rë men reꞌ,
nzho tu unaꞌ nzhakne,
nizak xaꞌ kwaꞌn,
nzhala tu dusen liꞌn.
26 No dox la nguzakzi xaꞌ por kwaꞌn mileꞌ nayax doctor kun lëꞌ xaꞌ,
no ni kon ter miloꞌx xaꞌ rë kwaꞌn kinu xaꞌ;
per yent kwaꞌn ngazuꞌi,
lëꞌla más mixoꞌ xaꞌ.
27 Or mbin xaꞌ,
rë kwaꞌn nileꞌ Jesús,
orzeꞌ nguzubi xaꞌ al tich Jesús,
xid rë men zeꞌ,
par migal xaꞌ xab Me,
28 porke mileꞌ xaꞌ xigab:
“Namás gala xab xaꞌ reꞌ,
lëꞌda yak ka.”
29 No tuli ngulëz kwaꞌn nizak unaꞌ no mizeꞌn unaꞌ lëꞌ unaꞌ miak la.
30 Per lwegaꞌ,
mizi Jesús,
lëꞌ yalnazhon kwaꞌn kinu Me,
miliyak tu men.
Orzeꞌ miëk Me lo rë men,
nzhab Me:
—¿Cho migal xaba?
31 Orzeꞌ nzhab rë men cheꞌn Me:
―Lëꞌ go nane ka,
dox men kicheꞌp go rë lad,
no kinabdiꞌzh go,
¿cho migal go?
32 Per Jesús xe kiwiꞌ Me nakaꞌn,
par ne Me,
cho men migal taꞌ Me.
33 Orzeꞌ dox nizheb unaꞌ haxta nizhiz unaꞌ,
no por mizi unaꞌ lëꞌ unaꞌ miak,
orzeꞌ nguzubi unaꞌ no nguzuxib unaꞌ lo Jesús,
mbaino mixëꞌlroꞌ unaꞌ rëi.
34 Orzeꞌ nzhab Jesús:
―Xchaꞌp,
por ngwayilal da,
miakal.
Bizë,
naleꞌtraꞌl xigab.
35 Stubi kidiꞌzh Jesús kun lëꞌ unaꞌ reꞌ,
lëꞌchi mizhin pla xaꞌ nguroꞌ lizh Jairo,
nzhab xaꞌ lo Jairo:
―Lëꞌ xchaꞌpal ngut la;
bilaꞌ nalichaꞌbtraꞌl Maestr.
36 Or mbin Jesús widiꞌzh reꞌ,
lwegaꞌ nzhab Me lo Jairo:
―Nazhebtal,
wayila da namás.
37 No nangaziyëltraꞌ Jesús nga más men lizh Jairo;
nab tsa Per,
no Jakob,
mbaino Juan wech Jakob nzha kun lëꞌ Me.
38 Or mizhin bixaꞌ lizh Jairo,
une Jesús dox nazheꞌb kileꞌ men,
kibizhië bixaꞌ,
kiyoꞌn bixaꞌ.
39 Or nguio Jesús,
nzhab Me:
―¿Chon dox nazheꞌb kileꞌ go,
kiyoꞌn go?
Lëꞌ mizhwin reꞌ,
gat lëꞌtaꞌ ngut mizhwin;
ka naxnaa mizhwin.
40 Orzeꞌ mixizhnu men Jesús,
per Jesús mileꞌ nguroꞌ rë men,
orzeꞌ mbiꞌy Me nab tsa rop xaꞌ nak xine reꞌ,
no kun yon men cheꞌn Jesús,
nguio bixaꞌ plo nax mizhwin ngut reꞌ.
41 Orzeꞌ nguzen Jesús yaꞌ mizhwin,
no nzhab Me:
―¡Talita kumi!
(Widiꞌzh rë gab:
Mizhwin,
lëꞌda kini lol:
“¡Waxche!”)