Yechel yinh huneꞌ ix hunix sata huneꞌ naj alkal
18
Yalnipaxo Komam Jesús huneꞌ yechel tiꞌ tet ebꞌyaꞌ iskuywom,
yu istxumni ebꞌyaꞌ ta kaw yilal istxahli yinh sunil yanma tet Komam Dios yinh sunilbꞌal tiempo.
2 Yalni Komam tet ebꞌyaꞌ:
«Yet hunel ay huneꞌ naj alkal yul huneꞌ konhobꞌ.
Kaw mach chixiw naj tet Komam Dios,
yebꞌpaxo machi yelapno ye anma yul sat naj.
3 Yultikꞌa huneꞌ konhobꞌ tuꞌ ay huneꞌ ix hunix.
Hunun tzꞌayik isbꞌeykꞌo ix isqꞌanno tet naj alkal tuꞌ,
chalni ix hakaꞌ tiꞌ:
“Ay huneꞌ mak ay ismul wetan,
yuxin chinqꞌanan tawet ta chawatxꞌehayo yinh kaw istoholal,”
xhi ix tet naj.
4 »Txꞌiꞌal el bꞌeykꞌo ix,
yaj mach chisje naj iswatxꞌe huneꞌ howal tuꞌ.
Lahwi tuꞌ xin yalni naj yul yet ischukil:
“Mach chinxiwan tet Dios,
machipaxo hunu anma ay yelapno yul insatan,
5 yaj wal tinanh xin kaw yilal inwatxꞌenan tzet chal huneꞌ ix tiꞌ yunhe isbꞌejni ix yuli,
ta machoj chitibꞌayo wuhan yulikꞌo ix inkꞌatanhan,”
xhi naj,»
xhi Komam.
6 Yalnipaxo Komam:
«Abꞌewe tzet yute yalni naj alkal mach chixiw tet Komam Dios.
7 Hajxam Komam Dios,
¿tom mach iskol Komam makta sikꞌbꞌililo yu ta aynhetikꞌako isqꞌanni tzꞌayik aqꞌbꞌal tet Komam?
¿Mataxka qꞌahan yechman anma tuꞌ tzet chisqꞌan tet Komam?
¡Machoj!
8 Chiwalan teyet machi nahatli iskol-lax hunteqꞌan anma tuꞌ yu Komam.
Yaj yet chinhulan hunelxa,
Hanin Aqꞌbꞌilintijan texol yu Komam Dios,
¿aytom anma chikawxo iskꞌul yinh Komam Dios?
Matxam kaw maka,»
xhi Komam Jesús.
Yechel yinh huneꞌ naj fariseo yebꞌ naj iqꞌomilo tohlabꞌal
9 Yalnipaxo Komam Jesús huneꞌxa yechel tiꞌ tet anma chal isbꞌa kꞌulal,
yebꞌ chiyahnipaxo yet anmahil.
10 Yalni Komam hakaꞌ tiꞌ:
«Ay kawanh ebꞌnaj bꞌeykꞌo txahlo yul Yatut Komam Dios,
huneꞌ naj fariseo,
huneꞌxa naj iqꞌomilo tohlabꞌal chito bꞌey Roma.
11 Haꞌ naj fariseo,
linhan naj chitxahli naj hakaꞌ tiꞌ:
“Mamin,
chiwaqꞌan yuchꞌandiosal tawet yuto hanintiꞌan manlahanojan yebꞌ anma elqꞌom,
yebꞌ anma txꞌoj isbꞌeybꞌal,
yebꞌ ebꞌnaj ixlom;
yebꞌpaxo manlahanojan yebꞌ huneꞌ naj iqꞌomilo tohlabꞌal tiꞌ.
12 Wal hinan,
kayel mach chinwaꞌan yul semana yu intxahlihan tawet,
kat waqꞌnihan isdiezmohala yinh tzet chiwiqꞌan,”
xhi naj.
13 »Wal naj iqꞌomilo tohlabꞌal tuꞌ,
nahat linhanti naj,
xulanayo naj chitxahli yu yinayo isbꞌa tet Komam.
Chistinhniko naj istxam iskꞌul yu bꞌiskꞌulal yu ismul,
chalni naj tet Komam:
“Mamin,
aqꞌ nimankꞌulal winhan,
kaw mulum hinan,”
xhi naj.
14 Chiwalan teyet,
huneꞌ naj iqꞌomilo tohlabꞌal tuꞌ,
meltzo naj yatut yinh kaw tzalahilal yuto aqꞌlaxkano nimankꞌulal yinh ismul naj yu Komam.
Wal naj fariseo xin,
mach chischah naj iskꞌulal sata Komam,
yuto haꞌ mak chiyikanh isbꞌa,
chiꞌilaxayoj,
haxa mak chiyiyo isbꞌa sata Komam chiꞌilaxkanh,»
xhi Komam.
Parábola del Fariseo y el Recolector de Impuestos
Isqꞌan Komam Jesús iskꞌulal Komam Dios yibꞌanh nixhte unin
15 Yet hunel ay mak initi nixhte yuninal tet Komam Jesús yu yanayo isqꞌabꞌ Komam yibꞌanh.
Yajaꞌ yet yilni ebꞌyaꞌ iskuywom Komam huneꞌ tuꞌ,
iskachni ebꞌyaꞌ anma.
16 Yawten xin Komam ebꞌyaꞌ,
yalni Komam:
—Mach chekach istit nixhte unin inkꞌatanhan,
tijabꞌi,
yuto haꞌ mak chute isnabꞌal hakaꞌ nixhte unin tiꞌ haꞌ chu yok yul isqꞌabꞌ Komam Dios.
17 Yuxin chiwalan yinh isyelal teyet,
haꞌ mak mach chichahni Komam Dios Yahawoj hakaꞌ yeko yanma nichꞌan unin yinh ismam ismiꞌ,
mach chu yok yul isqꞌabꞌ Komam Dios,
xhi Komam.
Huneꞌ naj qꞌalom tzotel yebꞌ Komam Jesús
18 Ay huneꞌ naj iswiꞌehal konhobꞌ qꞌambꞌen tet Komam Jesús:
—Mam Kuywawom,
kaw kꞌulach.
¿Tzet wal wuten hinbꞌahan yu inchahnihan huneꞌ qꞌinale mach istanhbꞌal?
xhi naj.
19 Istaqꞌwi Komam tet naj:
—¿Tzet yinh xin chinhawalan kꞌulal?
Machi hunu mak kꞌul,
kachannhe Komam Dios.
20 Hach tiꞌ hawohta hunteqꞌan kuybꞌanile chalni hakaꞌ tiꞌ:
“Mach chaxhixli,
mach chaxhpotxꞌwahi,
mach chaxhelqꞌawi,
mach chahobꞌkanh leqꞌtiꞌal yinh hunuxa anma,
ayojabꞌ yelapno ye hamam hamiꞌ yul hasat,”
xhi Komam tet naj.
21 Istaqꞌwi naj tet Komam:
—Sunilal hunteqꞌan chawal tiꞌ chinyijehan yichitax inchꞌibꞌtijan,
xhi naj.
22 Hayet yabꞌen Komam Jesús huneꞌ tuꞌ,
yalni Komam tet naj:
—Ayto huneꞌxa kaw yilal hawatxꞌeni.
Txonhto sunil tzet ayach,
kat hawitxqꞌanto istohol yinh anma mebꞌaꞌ,
haxinwal kaw ay haqꞌalomal satkanh iskꞌatanh Komam Dios.
Lahwi tuꞌ,
kat hawok tzujno wintajan,
xhi Komam.
23 Hayet yabꞌen naj huneꞌ tuꞌ,
kaw okkano bꞌiskꞌulal yinh yanma naj yuto kaw qꞌalom naj sikꞌlebꞌil.
24 Hayet yilni Komam ta kaw ok bꞌiskꞌulal yinh iskꞌul naj,
yalni Komam:
—Tzet isyaꞌtajil yok anma qꞌalom yul isqꞌabꞌ Komam Dios.
25 Qꞌinaloj hunu noꞌ camello,
¿tom subꞌuta yekꞌto noꞌ yul isholanil hunu chꞌen akuxha?
Hak tuꞌ ye anma qꞌalom,
kaw yaꞌta yok yul isqꞌabꞌ Komam Dios,
xhi Komam.
26 Haꞌ anma abꞌen tzet yal Komam tuꞌ,
isqꞌambꞌen hakaꞌ tiꞌ:
—Haꞌ tzet kaw yaꞌta yul sat anma,
mach yaꞌtajo yul sat Komam Dios,
xhi Komam.
28 Yalni yaꞌ Pedro tet Komam:
—Mamin,
wal honhtiꞌanh sunil tzet ayonhanh bꞌejbꞌilkano juanh yu jok tzujnojanh tawintaj,
xhi yaꞌ.
29 Yalni Komam Jesús:
—Haꞌ mak chako yanma yinh yet Komam Dios bꞌabꞌel,
tzujan tuꞌ kat yaniko yanma yinh yatut,
yixal,
ismam,
ismiꞌ,
yuxhtaj,
yanabꞌ,
yuninal,
yu choche yaqꞌaꞌ chejaꞌ isbꞌa yinh tzet ye tuꞌ yet Komam Dios yehi
30 haꞌ hunteqꞌan anma tuꞌ,
kaw niman ispaj chischah tet Komam Dios yul sat yibꞌanhqꞌinal tiꞌ,
kat ischahnipaxo isqꞌinal mach istanhbꞌal yinh islahobꞌal tzꞌayik,
xhi Komam.
Yal Komam Jesús iskamikal yinh yoxel
31 Yawtelo Komam Jesús ebꞌyaꞌ 12 (kabꞌlahonhwanh) iskuywom ischukil,
yalni Komam tet ebꞌyaꞌ:
—Wal tinanh jahweto bꞌey Jerusalén.
Haꞌ bꞌey tuꞌ chijaꞌkano isbꞌa sunil tzet tzꞌibꞌnhebꞌilkano yu ebꞌyaꞌ ischejabꞌ Komam Dios yet payat winhan,
Hanin Aqꞌbꞌilintijan texol yu Komam Dios.
32 Chinalaxikojan yul isqꞌabꞌ ebꞌnaj mach Israeloj.
Chitzebꞌo ebꞌnaj winhan,
kat isbꞌahwaho ebꞌnaj winhan,
kat istzubꞌloko ebꞌnaj winhan.
33 »Chinmaqꞌlaxojan yu ebꞌnaj,
chilahwo tuꞌ kat kinyaqꞌnikamojan ebꞌnaj,
yajaꞌ yinh yox tzꞌayik kat witzitzbꞌikanhan xol kamom hunelxa,
xhi Komam tet ebꞌyaꞌ iskuywom.
34 Yaj maxhtikꞌa tzet nachalo yu ebꞌyaꞌ,
yebꞌpaxo maxhtikꞌa yohtanhelo ebꞌyaꞌ bꞌaytet yinh tzotel Komam,
yuto ewanto ye yul sat ebꞌyaꞌ.
Jesús Predice Su Muerte y Resurrección
Yaqꞌ hajlo Komam Jesús sat huneꞌ naj mach chu yilni
35 Yet lanhanxa yapni Komam Jesús bꞌey konhobꞌ Jericó,
ay huneꞌ naj mach chu yilni,
tzꞌonhanayo istiꞌ bꞌeh qꞌano melyu.
36 Hayet yabꞌen naj ta kaw hantanhe anma chꞌekꞌto sata naj,
isqꞌambꞌen naj tzet chu anma tuꞌ.
37 Yal-lax tet naj tato haꞌ Komam Jesús ah Nazaret lanhan yekꞌtoj.
38 Hayet yabꞌen naj huneꞌ tuꞌ,
yah yaw naj yinh kaw ip,
yalni naj:
—Mam Jesús,
hach titnaj hach yinh jichmam David,
tzꞌayojabꞌ hakꞌul winhan,
xhi naj.
39 Yajaꞌ anma bꞌabꞌeliko sata Komam kachwa yinh naj yunhe isbꞌejni naj yel yaw.
Yaj kaw ekꞌbꞌalto islahiko naj yel yaw,
yalni naj:
—Mamin,
hach titnaj hach yinh jichmam David,
kaw tzꞌayojabꞌ hakꞌul winhan,
xhi naj.
40 Hayet yabꞌen Komam Jesús yel yaw naj yok linhno Komam,
yalni Komam ta chiꞌilaxti naj iskꞌatanh.
Hayet yapni naj,
isqꞌambꞌen Komam tet naj:
41 —¿Tzet chawoche chinwatxꞌehan?
xhi Komam.
Istaqꞌwi naj:
—Hajlojabꞌ hasat yuto maxawako hawanma winhan,
xhi Komam.
43 Yalnhena Komam huneꞌ tuꞌ,
ishajlo sat naj.
Yok tzujno naj yinta Komam,
yaqꞌni naj yuchꞌandiosal tet Komam Dios.
Sunil anma ilni huneꞌ tuꞌ yalpaxo kꞌul-la tzotiꞌ yinh Komam Dios.
Sanación de Bartimeo