2 Ne emun duen ibeǥey niw ziyà te egkeayuayu kinahanglan he kenà iyan id-ul-ulaha niw zutun su wey mezalig kew te menge etew.

Su iyan haazà baal te menge etew he tarù is kedtuu zan.

Ed-ul-ulahan dan haazà diyà te menge simbahan wey ziyà te kersada su wey mezalig sikandan te menge etew.

Kenè niw lipati he tenged te nezawat dan en is kedeliǥa kandan te menge etew,

wazè en egkezawat dan he ebpuun diyà te Megbevayà.

3 Iyan,

sikiyu mulà,

ke zuen idtavang niw ziyà te egkeayuayu kinahanglan he kenà egketuenan te minsan menge zuma niw.

4 Kenè niw petueni te menge etew haazà is kebeǥey niw te tavang dutun te egkeayuayu,

ne is Amey tew ziyà te langit,

iyan dà ebpekeahà dutun ne iyan daan edsuhul keniyu.

5 Ne emun ed-ampù kew kenè niw iringi is menge etew he tarù is kedtuu zan.

Egkesuatan dan he mekehitindeg dan is ed-ampù diyà te menge simbahan wey ziyà te kersada wey maahà sikandan te menge etew.

Egkeǥiyen ku keniyu he nezawat dan en is kedeliǥa kandan te menge etew.

Ne wazè en duma pa he suhul he egkezawat dan he ebpuun te Megbevayà.

6 Iyan,

sikiyu,

ke ed-ampù kew,

med-ulì is kada sevaha ziyà te valey zin,

ne medlelekeb wey kenà maahà,

ne zutun med-ampù te Amey tew he Megbevayà he kenà egkeahà.

Ne is Amey tew he Megbevayà,

iyan dà ebpekeahà kandin ne iyan edsuhul kandin keuzemà.

7 Emun ed-ampù kew kenè niw ǥemita is mezakel he menge lalag he wazà menge pulus su iyan heini ulaula te menge etew he wazà med-azap te tutuu he Megbevayà.

Iyan diyà te ǥehinawa zan is:

ebpemineǥen te Megbevayà is ked-ampù dan emun utew meluǥayad.

8 Kenè niw iringi sikandan su netuenan he zaan te Amey tew is egkinehenglanen te uman sevaha te sikitew te wazè tew pa vuyua.

9 Iringi niw heini ke ed-ampù kew:

14 Su sikiyu is menge etew,

ke ebpeseyluwen niw is nekesalà keniyu,

ebpeseyluwen kew zaan te Amey tew he ziyà te langit.

15 Iyan,

emun kenè kew ebpesaylu te menge zuma niw he etew,

kenè kew zaan ebpeseyluwen te Amey tew he ziyà te langit.

16 Ne emun edsalang kew egkaan su ebpengampù kew ziyà te Megbevayà,

kenè niw ipetuusi pinaaǥi te kebuvuked niw iring te menge etew he egkesuat he mezalig sikandan te menge zuma he etew.

Edriǥuriǥu zan,

ne kenè dan ebpendapug wey kenè dan ebpenuwat su wey metueni te menge etew he edsalang dan egkaan.

Egkeǥiyen ku keniyu he nezawat dan en is kedeliǥa kandan te menge etew.

Ne wazè en duma pa he suhul he egkezawat dan he ebpuun te Megbevayà.

17 Ne sikiyu mulà,

emun edsalang kew egkaan,

pendapug kew wey penuwat kew

18 su wey kenà metueni te zuma he edsalang kew.

Iyan dà egkesayud is Amey tew he Megbevayà he wazà duen ebpekeeles.

Iyan sikandin ebpekeahà te ulaula nu minsan sebsevaha nu,

ne iyan daan sikandin edsuhul kenikew.

19 Kenè niw tipiǥi is ketiǥeyunan dini te kelibutan su zini egkeketket te ipes wey edtengisen.

Ne egketakew su egkeselezan is baley niw te tekawen.

20 Tipiǥi niw ziyà te langit kes ketiǥeyunan he iyan kes idsuhul te Megbevayà keniyu su zutun kenà egkeketket te ipes,

wey kenà edtengisen ne kenà daan egketakew.

21 Ne zutun ke hendei is egketeǥuan te ketiǥeyunan niw,

dutun daan is gehinawa niw.

22 Is mata ta,

ne iring te sulù kayi te lawa ta su emun merayag is ked-ehè ta,

23 Iyan,

emun lakap ki,

24 Is uripen,

kenà egkehimu he zezuwa is teǥiuripen kandin.

Su emun dezuwa is ebayàbayà kandin,

edtehuzen din is sevaha ne egkepeukan din is sevaha.

Ne emun kenà,

ne egkeepesan din is sevaha,

ne ebmahalen din is sevaha.

Ne iring din ded daan emun iyan mahal ziyà te ǥehinawa nu is ketiǥeyunan,

su kenà egkehimu he mahal zaan diyà te ǥehinawa nu is Megbevayà.

25 Ne tenged kayi,

egkeǥiyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw.

Kenè kew zaan meseeng te ugelingen he idsun-ud te lawa niw.

Su mibeǥayan kew te Megbevayà te ǥehinawa niw wey lawa niw he mahal utew;

ne wey pe be kenà mehimu he ebeǥayan kew zin daan te egkeenen wey ugelingen?

26 Isipa niw is menge tagbis he ebpemenlayang.

Kenè dan ebpemula;

kenè dan edraǥun;

kenè dan daan ederengdeng.

Ne minsan pa zutun ebpengelintau is Megbevayà he ziyà te langit te egkekaan dan.

Ne iyan kew pe be is etew he lavew pa he mahal ziyà te kandin kenà is menge tagbis.

27 Ne minsan sengemenu is kegkenuǥuni te etew te untung din,

wazà minsan hengkey he paaǥi he egkesumpatan din te minsan deisey zà.

28 Ne maan is egkeseeng kew te ugelingen?

Ahaa niw is menge kevukazan te sagbet.

Kenè dan edterebahu;

kenè dan daan ebpengavel.

29 Ne venar is egkeǥiyen ku keniyu he minsan pa si Hadì Sulumun dengan is sepian utew wey nevantug,

ne wazà mekesusuluwan is kezagwey te menge bisti zin te kezagwey kayi te menge kevukazan.

30 Is sagbet,

wazè din bali;

egkeehè ta ǥuntaan,

ne kenè en utew egkeuǥet ne egkeǥangu ne ebinsulan.

Iyan,

ke edhimuwen te Megbevayà he mekempet minsan heini is menge sagbet,

iyan kew pe be kenè din daan meveǥayi te igkevisti.

Maan is utew zeisek is kedsarig niw kandin.

31 Ne tenged kayi,

kenè kew meseeng wey megkaǥi te,

‘Hengkey is egkekaan tew,

ne hengkey is ed-inumen tew,

ne hengkey zaan is igkevisti tew?’

32 Iyan heini igkeseeng te menge etew he wazà medtuu te tutuu he Megbevayà.

Iyan,

is Amey tew he Megbevayà he ziyà te langit,

netuenan din he zaan he egkinehenglanen niw is iring kayi.

33 Iyan,

sikiyu mulà,

kinahanglan he iyan mahal ziyà te ǥehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeǥey zin keniyu is langun he egkinehenglanen niw.

34 Kenè kew meseeng ke hengkey is menge mereǥen he egkeulaula niw te huziyan he andew su wey niw en heeyan isipa zutun te andew he egkehitavù en.

Iyan dà isipa niw is guntaan en he egkehitavù keniyu.”