Egkemenumenu emun hadì is sevaha he etew wey suluǥuen daan sikandin? Inseysey ni Mateo he, “Hadì si Jesus” ne si Marcos iyan kandin he inseysey he, “Suluǥuen si Jesus he mid-antus te merasey.” Si Mateo iyan kandin he mibpesuratan is menge Hudiyu, ne pinaaǥi zutun impesavut din kandan he iyan en si Jesus sikan is hadì he ebperetengen dan. Ne si Marcos iyan kandin he mibpesuratan is kenà menge Hudiyu. Ne egkesuatan din he metueni zan he nehimu si Jesus he suluǥuen su wey zin mehimu te edlibri te silut is langun he edtuu kandin.

Kayi te surat ni Marcos impurung din iseysey is nengaantus ni Jesus he merasey wey is menge mereǥen he egkaantus te etew he egkehimu he sumusundan ni Jesus. Dutun te timpu te ked-ubpà ni Jesus kayi te kelibutan mid-isip din he suluǥuen sikandin te Megbevayà wey suluǥuen daan te menge etew. Ne egkesuatan din he med-iring kandin is menge etew he ebpesakup kandin, ne mibpesarig sikandin he edsuhulan din is etew he ebpurung edsunud kandin.