1 Crónicas 3

Ebꞌ yuninal vin̈aj David

1-4 A vin̈aj rey David nan̈al svajxaquil abꞌil ix yacꞌ reyal vin̈ dꞌa Hebrón. Ayic ayoch vin̈ reyal dꞌa Hebrón chiꞌ, vacvan̈ ebꞌ vin̈ yuninal vin̈ ix alji, aton ebꞌ tic: A vin̈ bꞌabꞌel, a vin̈aj Amnón, yuneꞌ ix Ahinoam aj Jezreel. Axo vin̈ schabꞌil, a vin̈aj Daniel yuneꞌ ix Abigail aj Carmel. Axo vin̈ yoxil, a vin̈aj Absalón, yuneꞌ ix Maaca, ix yisil vin̈aj Talmai sreyal Gesur. Axo vin̈ schan̈il, a vin̈aj Adonías yuneꞌ ix Haguit. Axo vin̈ yoil, a vin̈aj Sefatías yuneꞌ ix Abital. Axo vin̈ svaquil, aton vin̈aj Itream yuneꞌ ix Egla.

Ix lajvi chiꞌ 33 abꞌil pax ix yacꞌ reyal vin̈aj David chiꞌ dꞌa Jerusalén. 5 Ayic ayoch vin̈ reyal dꞌa Jerusalén chiꞌ, 13 to ebꞌ vin̈ yuninal vin̈ ix alji, aton ebꞌ vin̈ tic: Vin̈aj Simea, vin̈aj Sobab, vin̈aj Natán yedꞌ vin̈aj Salomón. A ebꞌ vin̈ tic, yuneꞌ ebꞌ vin̈ ix Betsabé, ix yisil vin̈aj Amiel. 6-8 A juntzan̈xo ebꞌ vin̈ yuninal vin̈aj David chiꞌ: Aton vin̈aj Ibhar, vin̈aj Elisama, vin̈aj Elifelet, vin̈aj Noga, vin̈aj Nefeg, vin̈aj Jafía, vin̈aj Elisama, vin̈aj Eliada yedꞌ vin̈aj Elifelet. 9 Yanabꞌ pax ix Tamar juntzan̈ ebꞌ vin̈ tic. Chꞌoc pax yaj juntzan̈xo ebꞌ vin̈ yuninal vin̈ yedꞌ juntzan̈xo ebꞌ ix schabꞌil yetbꞌeyum max bꞌinajlaj dꞌa scal ebꞌ vin̈ tic.

Ebꞌ yin̈tilal vin̈aj Salomón

10-14 A ebꞌ vin̈ yin̈tilal vin̈aj Salomón dꞌa stzolal: Aton vin̈aj Roboam, vin̈aj Abías, vin̈aj Asa, vin̈aj Josafat, vin̈aj Joram, vin̈aj Ocozías, vin̈aj Joás, vin̈aj Amasías, vin̈aj Azarías, vin̈aj Jotam, vin̈aj Acaz, vin̈aj Ezequías, vin̈aj Manasés, vin̈aj Amón yedꞌ vin̈aj Josías.

15 Axo ebꞌ vin̈ yuninal vin̈aj Josías chiꞌ, vin̈ bꞌabꞌel, a vin̈aj Johanán, vin̈ schabꞌil, a vin̈aj Joacim, vin̈ yoxil, a vin̈aj Sedequías, vin̈ schan̈il a vin̈aj Salum.

16 A ebꞌ vin̈ yuninal vin̈aj Joacim chiꞌ: Aton vin̈aj Jeconías yedꞌ vin̈aj Sedequías.

17-18 Axo ebꞌ vin̈ yuninal vin̈aj Jeconías vin̈ icꞌbꞌilbꞌat preso dꞌa Babilonia, aton vin̈aj Salatiel, vin̈aj Malquiram, vin̈aj Pedaías, vin̈aj Senazar, vin̈aj Jecamías, vin̈aj Hosama yedꞌ vin̈aj Nedabías.

19 Axo ebꞌ vin̈ yuninal vin̈aj Pedaías, aton vin̈aj Zorobabel yedꞌ vin̈aj Simei. Axo ebꞌ vin̈ yuninal vin̈aj Zorobabel chiꞌ: Aton vin̈aj Mesulam, vin̈aj Hananías yedꞌ pax ix Selomit yanabꞌ ebꞌ vin̈. 20 Ay pax ovan̈xo yuninal vin̈aj Zorobabel chiꞌ, aton ebꞌ vin̈ tic: Vin̈aj Hasuba, vin̈aj Ohel, vin̈aj Berequías, vin̈aj Hasadías yedꞌ vin̈aj Jusab-hesed.

21 Axo ebꞌ vin̈ yuninal vin̈aj Hananías chiꞌ: Aton vin̈aj Pelatías yedꞌ vin̈aj Jesaías. Axo ebꞌ vin̈ yin̈tilal vin̈aj Jesaías chiꞌ dꞌa stzolal aton ebꞌ vin̈ tic: Vin̈aj Refaías, vin̈aj Arnán, vin̈aj Abdías yedꞌ vin̈aj Secanías.

22 Axo ebꞌ vin̈ yuninal vin̈aj Secanías chiꞌ, aton vin̈aj Semaías, vin̈aj Hatús, vin̈aj Igal, vin̈aj Barías, vin̈aj Nearías yedꞌ vin̈aj Safat. Vacvan̈ ebꞌ vin̈ dꞌa smasanil.

23 Axo ebꞌ vin̈ yuninal vin̈aj Nearías oxvan̈ sbꞌey ebꞌ vin̈. Aton vin̈aj Elioenai, vin̈aj Ezequías yedꞌ vin̈aj Azricam.

24 Axo ebꞌ vin̈ yuninal vin̈aj Elioenai chiꞌ, ucvan̈ sbꞌey ebꞌ vin̈: Aton vin̈aj Hodabías, vin̈aj Eliasib, vin̈aj Pelaías, vin̈aj Acub, vin̈aj Johanán, vin̈aj Dalaías yedꞌ vin̈aj Anani.