3 A ebꞌ vin̈ yuninal vin̈aj Judá: Aton vin̈aj Er, vin̈aj Onán yedꞌ vin̈aj Sela. A snun ebꞌ vin̈ oxvan̈ tic, aton ix yisil vin̈aj Súa aj Canaán. A vin̈aj Er chiꞌ bꞌabꞌel yuninal vin̈aj Judá, te chuc sbꞌeybꞌal vin̈, yuj chiꞌ ix satjiel vin̈ yuj Jehová. 4 Axo ix Tamar, ix yalibꞌ vin̈aj Judá chiꞌ, ay chavan̈ yuneꞌ ix yedꞌ vin̈: Aton vin̈aj Fares yedꞌ vin̈aj Zera. A ebꞌ vin̈ yuninal vin̈aj Judá chiꞌ ovan̈ ebꞌ vin̈ dꞌa smasanil.

5 A ebꞌ vin̈ yuninal vin̈aj Fares chiꞌ: Aton vin̈aj Hezrón yedꞌ vin̈aj Hamul. 6 Axo ebꞌ vin̈ yuninal vin̈aj Zera chiꞌ: Aton vin̈aj Zimri, vin̈aj Etán, vin̈aj Hemán, vin̈aj Calcol yedꞌ vin̈aj Dara. Ovan̈ ebꞌ dꞌa smasanil.

7 Axo vin̈aj Carmi smam vin̈aj Acán. A vin̈aj Acán chiꞌ ix icꞌancot yaelal dꞌa yibꞌan̈ chon̈abꞌ Israel, yujto ix yicꞌcot juntzan̈ tas vin̈ dꞌa scal tas ix yal Dios to satjiel dꞌa juneln̈ej. 8 Axo yuninal vin̈aj Etán, aton vin̈aj Azarías.

9 A ebꞌ vin̈ yuninal vin̈aj Hezrón: Aton vin̈aj Jerameel, vin̈aj Ram yedꞌ vin̈aj Quelubai.

10 A vin̈aj Ram chiꞌ smam vin̈aj Aminadab. Axo vin̈aj Aminadab chiꞌ smam vin̈aj Naasón. A vin̈aj Naasón yajal ix aj vin̈ dꞌa scal ebꞌ yin̈tilal Judá. 11 A vin̈aj Naasón chiꞌ smam vin̈aj Salmón. A vin̈aj Salmón chiꞌ smam vin̈aj Booz. 12 A vin̈aj Booz chiꞌ smam vin̈aj Obed, aton vin̈ smam vin̈aj Isaí. 13 A ebꞌ vin̈ yuninal vin̈aj Isaí chiꞌ, aton ebꞌ vin̈ tic: Bꞌabꞌel vin̈aj Eliab, schabꞌil vin̈aj Abinadab, yoxil vin̈aj Simea, 14 schan̈il vin̈aj Natanael, yoil vin̈aj Radai, 15 svaquil vin̈aj Ozem, yuquil vin̈aj David. 16 Ebꞌ ix yanabꞌ ebꞌ vin̈ tic: Aton ix Sarvia yedꞌ ix Abigail. Axo ebꞌ vin̈ yuneꞌ ix Sarvia chiꞌ, oxvan̈ ebꞌ vin̈: Aton vin̈aj Abisai, vin̈aj Joab, vin̈aj Asael. 17 Axo vin̈ yuneꞌ ix Abigail chiꞌ, aton vin̈aj Amasa. A vin̈ smam vin̈aj Amasa chiꞌ, aton vin̈aj Jeter ismaelita.

18 Axo vin̈aj Caleb yuninal vin̈aj Hezrón, ay jun yuninal vin̈ scuch Jeriot, yuneꞌ ix Azuba. Axo juntzan̈xo ebꞌ vin̈ yuneꞌ ix: Aton vin̈aj Jeser, vin̈aj Sobab yedꞌ vin̈aj Ardón. 19 Axo ix cham ix Azuba chiꞌ, axo ix Efrata ix yicꞌ vin̈aj Caleb chiꞌ. Ay jun yuneꞌ ix, aton vin̈aj Hur. 20 A vin̈aj Hur chiꞌ smam vin̈aj Uri. Axo vin̈aj Uri chiꞌ smam vin̈aj Bezaleel.

21 Ayic 60 abꞌilxo sqꞌuinal vin̈aj Hezrón, ix yicꞌ ix yisil vin̈aj Maquir vin̈, aton vin̈ smam vin̈aj Galaad. Ix alji jun yuneꞌ ix yedꞌ vin̈aj Hezrón chiꞌ, aton vin̈aj Segub. 22 A vin̈aj Segub chiꞌ smam vin̈aj Jair. A vin̈aj Jair chiꞌ ayoch yajalil dꞌa 23 chon̈abꞌ dꞌa yol smacbꞌen Galaad. 23 Axo pax ebꞌ aj Gesur yedꞌ ebꞌ aj Aram ix icꞌancan juntzan̈ schon̈abꞌ vin̈aj Jair chiꞌ yedꞌ chon̈abꞌ Kenat yedꞌ yaldeail, 60 chon̈abꞌil dꞌa smasanil. Masanil juntzan̈ ebꞌ tic, yin̈tilal ebꞌ vin̈aj Maquir.

24 Ayic toxo ix cham vin̈aj Hezrón chiꞌ, axo vin̈aj Caleb ix icꞌancan ix yetbꞌeyum vin̈, aton ix Efrata. Ix alji jun yuneꞌ ix, aton vin̈aj Asur smam yicham ebꞌ aj Tecoa.

25 Aton sbꞌi ebꞌ vin̈ yuninal vin̈aj Jerameel tic, vin̈ sbꞌabꞌel unin vin̈aj Hezrón: Vin̈aj Ram vin̈ bꞌabꞌel unin, vin̈aj Buna, vin̈aj Orén, vin̈aj Ozem yedꞌ vin̈aj Ahías. 26 A vin̈aj Jerameel chiꞌ, ay junxo ix yetbꞌeyum vin̈, aton ix Atara snun vin̈aj Onam.

27 Aton sbꞌi ebꞌ vin̈ yuninal vin̈aj Ram tic, vin̈ sbꞌabꞌel unin vin̈aj Jerameel: Vin̈aj Maaz, vin̈aj Jamín yedꞌ vin̈aj Equer. 28 Axo ebꞌ vin̈ yuninal vin̈aj Onam chiꞌ: Aton vin̈aj Samai yedꞌ vin̈aj Jada.

Axo ebꞌ vin̈ yuninal vin̈aj Samai chiꞌ: Aton vin̈aj Nadab yedꞌ vin̈aj Abisur. 29 A ix yetbꞌeyum vin̈aj Abisur chiꞌ, aton ix Abihail. A ix chiꞌ snun vin̈aj Ahbán yedꞌ vin̈aj Molid.

30 Axo ebꞌ vin̈ yuninal vin̈aj Nadab chiꞌ: Aton vin̈aj Seled yedꞌ vin̈aj Apaim. A vin̈aj Seled chiꞌ malaj yuninal vin̈. 31 Axo vin̈aj Apaim chiꞌ smam vin̈aj Isi. Axo vin̈aj Isi chiꞌ smam vin̈aj Sesán. Axo vin̈aj Sesán chiꞌ smam vin̈aj Ahlai.

32 Axo vin̈aj Jada yucꞌtac vin̈aj Samai, a vin̈ smam vin̈aj Jeter yedꞌ vin̈aj Jonatán. A vin̈aj Jeter chiꞌ malaj yuninal vin̈. 33 Axo ebꞌ vin̈ yuninal vin̈aj Jonatán chiꞌ: Aton vin̈aj Pelet yedꞌ vin̈aj Zaza.

A ebꞌ vin̈ tic, yin̈tilal ebꞌ vin̈ vin̈aj Jerameel.

34-35 A vin̈aj Sesán, malaj yuninal vin̈, yuj chiꞌ a junoc ebꞌ ix yisil vin̈ ix yicꞌlaj sbꞌa yedꞌ jun vin̈ schecabꞌ vin̈ scuch Jarha aj Egipto. Ix alji jun yuneꞌ ix scuch Atai. 36-41 Aton ebꞌ vin̈ tic yin̈tilal vin̈aj Atai dꞌa stzolal: Vin̈aj Natán, vin̈aj Zabad, vin̈aj Eflal, vin̈aj Obed, vin̈aj Jehú, vin̈aj Azarías, vin̈aj Heles, vin̈aj Elasa, vin̈aj Sismai, vin̈aj Salum, vin̈aj Jecamías yedꞌ vin̈aj Elisama.

42 A vin̈aj Caleb yucꞌtac vin̈aj Jerameel chiꞌ, a vin̈ smam vin̈aj Mesa bꞌabꞌel yuninal, vin̈aj Zif yedꞌ vin̈aj Maresa smam vin̈aj Hebrón. 43 Axo vin̈aj Hebrón chiꞌ smam vin̈aj Coré, vin̈aj Tapúa, vin̈aj Requem yedꞌ vin̈aj Sema. 44-45 Aton ebꞌ vin̈ tic yin̈tilal vin̈aj Sema dꞌa stzolal: Vin̈aj Raham, vin̈aj Jorcoam, vin̈aj Requem, vin̈aj Samai, vin̈aj Maón yedꞌ vin̈aj Bet-sur.

46 A ix Efa schabꞌil yetbꞌeyum vin̈aj Caleb, aton ix ay yuneꞌ vin̈aj Harán, vin̈aj Mosa yedꞌ vin̈aj Gazez. Axo vin̈aj Harán chiꞌ smam junxo vin̈aj Gazez.

47 Axo ebꞌ vin̈ yuninal vin̈aj Jahdai: Aton vin̈aj Regem, vin̈aj Jotam, vin̈aj Gesam, vin̈aj Pelet, vin̈aj Efa yedꞌ vin̈aj Saaf.

48-49 Axo ix Maaca schabꞌil pax yetbꞌeyum vin̈aj Caleb chiꞌ, a ix ay yuneꞌ vin̈aj Seber yedꞌ vin̈aj Tirhana. An̈ejaꞌ ix ay yuneꞌ vin̈aj Saaf smam vin̈aj Madmana. An̈ejaꞌ ix ay yuneꞌ vin̈aj Seva smam vin̈aj Macbena yedꞌ vin̈aj Gibea. Axo ix yisil vin̈aj Caleb chiꞌ, aton ix Acsa. 50 A juntzan̈ ebꞌ vin̈ tic yin̈tilal ebꞌ vin̈aj Caleb chiꞌ.

A ebꞌ vin̈ yuninal vin̈aj Hur, vin̈ sbꞌabꞌel uneꞌ ix Efrata, aton vin̈aj Sobal, vin̈ smam yicham ebꞌ aj Quiriat-jearim, 51 vin̈aj Salma, smam yicham ebꞌ aj Belén yedꞌ vin̈aj Haref smam yicham ebꞌ aj Bet-gader.

52 Axo ebꞌ vin̈ yin̈tilal vin̈aj Sobal smam yicham ebꞌ aj Quiriat-jearim: Aton vin̈aj Haroe, nan̈al ebꞌ manahetita, 53 yedꞌ junjun macan̈ ebꞌ aj Quiriat-jearim: Aton ebꞌ itrita, ebꞌ futita, ebꞌ sumatita yedꞌ ebꞌ misraita. Aton dꞌa ebꞌ chiꞌ ix cot ebꞌ zoratita yedꞌ ebꞌ estaolita.

54 Axo vin̈aj Salma ix cajnajcan dꞌa chon̈abꞌ Belén. A vin̈ smam yicham ebꞌ netofatita, ebꞌ aj Atrot-bet-joab yedꞌ nan̈alxo ebꞌ manahetita, ebꞌ zoraíta, 55 yedꞌ ebꞌ yin̈tilal ebꞌ soferita ix ecꞌ cajan dꞌa Jabes, aton ebꞌ tirateo, ebꞌ simateo yedꞌ ebꞌ sucateo. Yedꞌ ebꞌ ceneo cotnac dꞌa yin̈tilal vin̈aj Hamat smam yicham ebꞌ yin̈tilal Recab.