2 Ix yalan vin̈aj Jacob chiꞌ dꞌa ebꞌ ix yetbꞌeyum yedꞌ dꞌa ebꞌ yuninal yedꞌ dꞌa masanil ebꞌ vin̈ ajun yedꞌoc:

—Iqꞌuequel masanil juntzan̈ comon dios dꞌa e cal, tze bꞌicanel e bꞌa, tze qꞌuexanel e pichul e masanil. 3 Coyec elan̈chamel dꞌa Betel. Ataꞌ ol in bꞌoqꞌue jun altar yic svicꞌchaan̈ sbꞌi Dios, aton jun ix colvaj vedꞌoc ayic ay in och dꞌa ilcꞌolal yedꞌ bꞌajtac in eqꞌui, xchi vin̈.

4 Icha chiꞌ ix aj yacꞌan juntzan̈ comon dios yedꞌnac ebꞌ dꞌa vin̈aj Jacob yedꞌ qꞌuen yuchiquin ebꞌ. Axo vin̈ ix bꞌat mucanem dꞌa yich jun teꞌ ji ayecꞌ dꞌa slacꞌanil Siquem. 5 Ayic ix el ebꞌ taꞌ, a Dios ix acꞌan xivcꞌolal dꞌa yibꞌan̈ masanil juntzan̈ chon̈abꞌ ayecꞌ dꞌa slacꞌanil chiꞌ, yuj chiꞌ man̈xalaj mach ix pechan ebꞌ.

6 Ix cꞌoch vin̈aj Jacob chiꞌ yedꞌ masanil ebꞌ anima yedꞌnac dꞌa jun lugar scuch Luz, dꞌa yol yic Canaán. An̈ejtonaꞌ jun chon̈abꞌ chiꞌ scuchan Betel. 7 Ataꞌ ix sbꞌoqꞌue jun altar vin̈, El-Betel^* ix sbꞌiejcan jun lugar chiꞌ yuj vin̈, yujto ataꞌ ix schꞌox sbꞌa Dios dꞌa vin̈ ayic ix el vin̈ dꞌa vin̈ yucꞌtac. 8 An̈ejtonaꞌ ataꞌ ix cham ix Débora, aton ix ilannac qꞌuibꞌ ix Rebeca. Ix smucanem ix ebꞌ dꞌa yich jun teꞌ ji dꞌa slacꞌanil Betel chiꞌ. Axo vin̈aj Jacob chiꞌ ix sayan sbꞌi jun lugar chiꞌ, Teꞌ Ji yic Cuscꞌolal, xchi.

9 Ayic ix jax vin̈ dꞌa Canaán, spetoj vin̈ dꞌa Padán-aram, ix schꞌoxanxi sbꞌa Dios dꞌa vin̈, ix yalan vachꞌ lolonel dꞌa yibꞌan̈ vin̈. 10 Ix yalan icha tic:

11 Ayic ix lajvi sqꞌuexan sbꞌi vin̈ chiꞌ, ix yalan dꞌa vin̈ icha tic:

13 Ix lajvi chiꞌ ix el Dios bꞌaj ix lolon yedꞌ vin̈. 14 Ix sayan jun nivan qꞌuen vin̈aj Jacob chiꞌ, nivan yaj cꞌatan qꞌueen, ix sbꞌoancanqꞌue lin̈an qꞌuen vin̈ bꞌaj ix lolon Dios yedꞌoc. Ix secanqꞌue aceite yedꞌ vino vin̈ dꞌa yibꞌan̈ qꞌueen, yic syacꞌ vin̈ silabꞌoc dꞌa Dios. 15 Betel ix sbꞌiejcan jun lugar chiꞌ yuj vin̈.

16 Ix lajvi chiꞌ ix yactancan jun lugar chiꞌ ebꞌ. Ayto scꞌoch ebꞌ dꞌa Efrata, ix alji jun yuneꞌ ix Raquel. 17 Yic val ayoch ix dꞌa ilcꞌolal yuj yabꞌan syail, axo ix vetzꞌvajum ix alani: Man̈ ach xivoc, toxo ix alji junxo a vinac unin, xchi ix. 18 Palta ayic vanxo scham ix yuj jun unin chiꞌ, ix sayancan sbꞌi ix, Ben-oni ix sbꞌiejcani. Axo vin̈aj Jacob chiꞌ jun, Benjamín^* ix yacꞌ vin̈ sbꞌiej.

19 Ataꞌ ix chamcan ix Raquel chiꞌ. Ix mucchajcan ix dꞌa sbꞌeal Efrata, aton jun lugar chiꞌ scuch Belén ticnaic. 20 Ix sbꞌoanqꞌue lin̈an jun cimiento vin̈aj Jacob dꞌa yibꞌan̈ bꞌaj ix mucchaj snivanil ix chiꞌ, aton jun chiꞌ schꞌoxancan bꞌajtil mucan ix.

21 Ix bꞌatn̈ej vin̈aj Israel chiꞌ, ix sbꞌoan scampamento vin̈ dꞌa yichan̈bꞌat Torre yic Edar. 22 Yacbꞌan cajan ecꞌ ebꞌ dꞌa jun lugar chiꞌ, axo vin̈aj Rubén, yuninal vin̈aj Israel chiꞌ ix vay vin̈ yedꞌ ix Bilha, schabꞌil yetbꞌeyum vin̈ smam chiꞌ. Ix yabꞌ vin̈aj Israel chiꞌ tas ix scꞌulej vin̈ yunin chiꞌ.

Lajchavan̈ ebꞌ vin̈ yuninal vin̈aj Jacob chiꞌ: 23 A ebꞌ vin̈ yuninal vin̈ yedꞌ ix Lea: Aton vin̈aj Rubén, vin̈ bꞌabꞌel unin, vin̈aj Simeón, vin̈aj Leví, vin̈aj Judá, vin̈aj Isacar yedꞌ vin̈aj Zabulón. 24 Axo ebꞌ vin̈ yuninal vin̈ yedꞌ ix Raquel: Aton vin̈aj José yedꞌ vin̈aj Benjamín. 25 Axo ebꞌ yuninal vin̈ yedꞌ ix Bilha, ix scriada ix Raquel: Aton vin̈aj Dan yedꞌ vin̈aj Neftalí. 26 Axo pax ebꞌ yuninal vin̈ yedꞌ ix Zilpa, ix scriada ix Lea: Aton vin̈aj Gad yedꞌ vin̈aj Aser. Aton ebꞌ tic yuninal vin̈aj Jacob ix alji dꞌa Padán-aram.

27 Ix bꞌat vin̈aj Jacob yil vin̈ smam, aton vin̈aj Isaac, cajan dꞌa lum Mamre, dꞌa chon̈abꞌ Arba, Hebrón pax sbꞌi. Ataꞌ ecꞌnac vin̈aj Abraham yedꞌ vin̈aj Isaac chiꞌ. 28 180 abꞌil sqꞌuinal vin̈aj Isaac chiꞌ ayic ix cham vin̈. 29 Te ichamxo vin̈, axo vin̈aj Esaú yedꞌ vin̈aj Jacob, aton ebꞌ vin̈ yuninal vin̈, a ebꞌ vin̈ ix mucancan vin̈.