6 Ix lajvi chiꞌ, ix yicꞌanbꞌat ebꞌ ix yetbꞌeyum vin̈aj Esaú chiꞌ yedꞌ ebꞌ yuninal yedꞌ masanil ebꞌ cajanecꞌ yedꞌoc. Ix bꞌat ebꞌ dꞌa junxo lugar, yic tzꞌel vin̈ dꞌa stzꞌey vin̈aj Jacob, vin̈ yucꞌtac. Ix yicꞌanel masanil nocꞌ smolbꞌetzal nocꞌ vin̈ dꞌa Canaán chiꞌ. 7 Yujto tzijtumxo tas ay dꞌa ebꞌ vin̈ schavan̈il, yuj chiꞌ max yal-laj junn̈ej tzꞌaj ebꞌ vin̈, yujto max yabꞌlaj lum luum bꞌaj sva nocꞌ smolbꞌetzal nocꞌ ebꞌ vin̈. 8 Yuj chiꞌ ix bꞌat vin̈aj Esaú chiꞌ, ix bꞌat cajnaj vin̈ dꞌa tzalquixtac dꞌa yol yic Seir.

9 Aton tic yabꞌixal ebꞌ yin̈tilal vin̈aj Esaú, aton ebꞌ smam yicham ebꞌ vin̈ edomita, ebꞌ vin̈ ix cajnajecꞌ dꞌa tzalquixtac dꞌa Seir. 10 Aton sbꞌi ebꞌ yin̈tilal vin̈aj Esaú: Vin̈aj Elifaz, yuneꞌ ix Ada, vin̈aj Reuel yuneꞌ ix Basemat. 11 Aton ebꞌ tic yuninal vin̈aj Elifaz: Vin̈aj Temán, vin̈aj Omar, vin̈aj Zefo, vin̈aj Gatam yedꞌ vin̈aj Cenaz. 12 Ay jun ix schabꞌil yetbꞌeyum vin̈aj Elifaz chiꞌ, Timna sbꞌi ix. Ix alji jun yuneꞌ ix, Amalec ix yacꞌ ix sbꞌiej. Aton ebꞌ tic yixchiquin ix Ada, ix yetbꞌeyum vin̈aj Esaú. 13 A ebꞌ yuninal vin̈aj Reuel: Vin̈aj Nahat, vin̈aj Zera, vin̈aj Sama yedꞌ vin̈aj Miza, aton ebꞌ tic yixchiquin ix Basemat, junxo ix yetbꞌeyum vin̈aj Esaú. 14 Aholibama sbꞌi junxo ix yetbꞌeyum vin̈aj Esaú chiꞌ, axo ebꞌ yuneꞌ ix aton vin̈aj Jeús, vin̈aj Jaalam yedꞌ vin̈aj Coré. A ix Aholibama chiꞌ yisil ix vin̈aj Aná, yixchiquin vin̈aj Zibeón. 15 A ebꞌ yajalil chon̈abꞌ ix el dꞌa scal yin̈tilal vin̈aj Esaú, aton ebꞌ tic: A ebꞌ ix el dꞌa yin̈tilal vin̈aj Elifaz, bꞌabꞌel yuninal vin̈aj Esaú: Aton vin̈aj Temán, vin̈aj Omar, vin̈aj Zefo, vin̈aj Cenaz, 16 vin̈aj Coré, vin̈aj Gatam yedꞌ vin̈aj Amalec. A juntzan̈ ebꞌ vin̈ yajal tic ix el dꞌa yin̈tilal vin̈aj Elifaz dꞌa yol yic Edom. Masanil juntzan̈ ebꞌ vin̈ tic, yixchiquin ebꞌ vin̈ ix Ada. 17 A dꞌa scal ebꞌ yuninal vin̈aj Reuel yuninal vin̈aj Esaú, a ebꞌ ix och yajaliloc chon̈abꞌ: Aton vin̈aj Nahat, vin̈aj Zera, vin̈aj Sama yedꞌ vin̈aj Miza. A ebꞌ yajal tic ix el dꞌa yin̈tilal vin̈aj Reuel dꞌa yol yic Edom. Masanil juntzan̈ ebꞌ vin̈ tic, yixchiquin ebꞌ vin̈ ix Basemat yetbꞌeyum vin̈aj Esaú. 18 A ebꞌ yuneꞌ ix Aholibama yisil vin̈aj Aná, yetbꞌeyum vin̈aj Esaú, ix och yajaliloc chon̈abꞌ: Aton vin̈aj Jeús, vin̈aj Jaalam yedꞌ vin̈aj Coré. 19 Masanil juntzan̈ ebꞌ vin̈ yajal tic, yin̈tilal ebꞌ vin̈aj Esaú.

20 A ebꞌ yuninal vin̈aj Seir horeo, a ebꞌ cajan dꞌa jun lugar chiꞌ ayic manto cꞌoch vin̈aj Esaú: Aton vin̈aj Lotán, vin̈aj Sobal, vin̈aj Zibeón, vin̈aj Aná, 21 vin̈aj Disón, vin̈aj Ezer yedꞌ vin̈aj Disán. Aton ebꞌ tic yajalil chon̈abꞌ dꞌa scal ebꞌ horeo, ebꞌ yin̈tilal Seir, dꞌa yol yic Edom. 22 Axo ebꞌ yuninal vin̈aj Lotán, aton ebꞌ tic: Vin̈aj Hori yedꞌ vin̈aj Hemam. Timna sbꞌi ix yanabꞌ vin̈aj Lotán chiꞌ. 23 A ebꞌ yuninal vin̈aj Sobal, aton ebꞌ tic: Vin̈aj Alván, vin̈aj Manahat, vin̈aj Ebal, vin̈aj Sefo yedꞌ vin̈aj Onam. 24 Ebꞌ yuninal vin̈aj Zibeón, aton vin̈aj Aja yedꞌ vin̈aj Aná. Ayic ix stan̈van nocꞌ sbꞌuru vin̈ smam vin̈aj Aná chiꞌ dꞌa tzꞌinan luum, ix ilchaj jun sjaj a aꞌ yuj vin̈. 25 Axo vin̈aj Aná chiꞌ, ay jun yuninal vin̈ scuchan Disón, ay pax jun ix yisil vin̈ scuchan Aholibama. 26 A ebꞌ yuninal vin̈aj Disón, aton ebꞌ tic: Vin̈aj Hemdán, vin̈aj Esbán, vin̈aj Itrán yedꞌ vin̈aj Querán. 27 A ebꞌ yuninal vin̈aj Ezer, aton ebꞌ tic: Vin̈aj Bilhán, vin̈aj Zaaván yedꞌ vin̈aj Acán. 28 A ebꞌ yuninal vin̈aj Disán, aton vin̈aj Uz yedꞌ vin̈aj Arán.

29-30 A ebꞌ yajalil chon̈abꞌ dꞌa scal ebꞌ horeo dꞌa yol yic Seir, aton ebꞌ tic: Vin̈aj Lotán, vin̈aj Sobal, vin̈aj Zibeón, vin̈aj Aná, vin̈aj Disón, vin̈aj Ezer yedꞌ vin̈aj Disán.

31 Aton ebꞌ vin̈ tic ix yacꞌ yajalil dꞌa Edom, ayic mantalaj sreyal ebꞌ israel. 32 A vin̈aj Bela, yuninal vin̈aj Beor aj Dinaba, ix yacꞌ reyal vin̈ dꞌa Edom. 33 Ayic ix cham vin̈, ix ochcan vin̈aj Jobab yuninal vin̈aj Zera aj Bosra reyal sqꞌuexuloc vin̈. 34 Ayic ix cham vin̈aj Jobab chiꞌ, axo vin̈aj Husam aj Temán, ix ochcan reyal sqꞌuexuloc vin̈. 35 Ayic ix cham vin̈aj Husam chiꞌ, axo vin̈aj Hadad yuninal vin̈aj Bedad aj chon̈abꞌ Avit ix ochcan reyal sqꞌuexuloc vin̈. Aton vin̈ ix acꞌan ganar ebꞌ aj Madián dꞌa yol yic Moab. 36 Ayic ix cham vin̈aj Hadad chiꞌ, axo vin̈aj Samla aj Masreca ix ochcan reyal sqꞌuexuloc vin̈. 37 Ayic ix cham vin̈aj Samla chiꞌ, axo vin̈aj Saúl aj chon̈abꞌ Rehobot ix ochcan reyal sqꞌuexuloc vin̈. A jun chon̈abꞌ Rehobot chiꞌ, a dꞌa stiꞌ aꞌ nivan Éufrates ay. 38 Ayic ix cham vin̈aj Saúl chiꞌ, axo vin̈aj Baal-hanán yuninal vin̈aj Acbor ix ochcan reyal sqꞌuexuloc vin̈. 39 Ayic ix cham vin̈aj Baal-hanán chiꞌ, axo vin̈aj Hadad aj Pau ix ochcan reyal sqꞌuexuloc vin̈. Axo ix yetbꞌeyum vin̈aj Hadad chiꞌ, Mehetabel sbꞌi ix, yuneꞌ ix ix Matred, yixchiquin vin̈aj Mezaab.

40-43 Aton sbꞌi ebꞌ yajalil chon̈abꞌ ix el dꞌa yin̈tilal vin̈aj Esaú tic: Vin̈aj Timna, vin̈aj Alva, vin̈aj Jetet, vin̈aj Aholibama, vin̈aj Ela, vin̈aj Pinón, vin̈aj Cenaz, vin̈aj Temán, vin̈aj Mibzar, vin̈aj Magdiel yedꞌ vin̈aj Iram. An̈ejtonaꞌ a sbꞌi ebꞌ ix och dꞌa junjun lugar bꞌaj ix ecꞌ ebꞌ. A vin̈aj Esaú chiꞌ Edom pax sbꞌi vin̈, aton smam yicham ebꞌ edomita.